ဆီးရီးယားဖွံ့ဖြိုးတိုးတက်မှုဆိုင်ရာ ပူးပေါင်းဆောင်ရွက်ရေးအတွက် ကာတာဝန်ကြီးချုပ်နှင့် ဆီးရီးယားနိုင်ငံခြားရေးဝန်ကြီးတို့ တွေ့ဆုံ

saceditor

News Image

  • ဆီးရီးယားဖွံ့ဖြိုးတိုးတက်မှုဆိုင်ရာ ပူးပေါင်းဆောင်ရွက်ရေးအတွက် ကာတာဝန်ကြီးချုပ်နှင့် ဆီးရီးယားနိုင်ငံခြားရေးဝန်ကြီးတို့ တွေ့ဆုံ

နှစ်နိုင်ငံပူးပေါင်းဆောင်ရွက်ရေးဆိုင်ရာကိစ္စရပ်များ၊ ဆီးရီးယား၏ နောက်ဆုံးဖွံ့ဖြိုးတိုးတက်မှုအခြေအနေများနှင့်စပ်လျဉ်း၍ ဆွေးနွေးရန်အတွက် ကာတာဝန်ကြီးချုပ်နှင့် နိုင်ငံခြားရေးဝန်ကြီး Mohammed bin Abdulrahman Al Thani နှင့် ဆီးရီးယား ကြားဖြတ်အစိုးရ၏ နိုင်ငံခြားရေးဝန်ကြီး Assd al-Shibani တို့ ဖေဖော်ဝါရီ ၂၃ ရက်က ဒိုဟာမြို့၌ တွေ့ဆုံခဲ့ကြကြောင်း ကာတာ နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရှိရပါသည်။

ထိုသို့တွေ့ဆုံရာတွင် နှစ်နိုင်ငံပူးပေါင်းဆောင်ရွက်မှု တိုးမြှင့်လုပ်ဆောင်ရန်ကိစ္စရပ်များ၊ ဆီးရီးယားဒေသဖွံ့ဖြိုး တိုးတက်ရေးအတွက် ဖြေရှင်းဆောင်ရွက်ရန်ကိစ္စရပ်များနှင့် နှစ်နိုင်ငံအကျိုးတူ ပူးပေါင်းဆောင်ရွက်ရေးဆိုင်ရာကိစ္စရပ် များကို အလေးထားဆွေးနွေးခဲ့ကြပါသည်။

ဆွေးနွေးပွဲတွင် ကာတာဝန်ကြီးချုပ် Al Thani က ဆီးရီးယား၏ ပြန်လည်ပေါင်းစည်းရေး၊ အချုပ်အခြာ အာဏာပိုင်ဆိုင်မှုနှင့် လွတ်လပ်မှုတို့အပေါ် ခိုင်မြဲစွာ ပံ့ပိုးဆောင်ရွက်သွားမည့်အပေါ် ထပ်လောင်းအတည်ပြုခဲ့ပြီး ဆီးရီးယားပြည်သူများ၏ ပြင်းပြသည့်ဆန္ဒဖြစ်သည့် ဂုဏ်သိက္ခာရှိရှိ ရှင်သန်နေထိုင်နိုင်ရေး၊ အစိုးရသစ် တစ်ရပ် ဖော်ဆောင်ရေးနှင့် တရားဥပဒေစိုးမိုးရေး၊ ဆီးရီးယားဒေသ ပြည်လည်တည်ဆောက်ရေး၊ ဖွံ့ဖြိုးတိုးတက်ရေးနှင့် တည်ငြိမ်အေးချမ်းရေးစသည့် လုပ်ငန်းစဉ်များတွင် ကာတာနိုင်ငံမှ ပံ့ပိုးဆောင်ရွက်ပေးသွားမည့် ကတိကဝတ်များကို အတည်ပြုနိုင်ခဲ့ကြောင်း Xinhua သတင်းဌာနက ရေးသားဖော်ပြထားပါသည်။

ကိုးကား- Xinhua.net            

Source- https://english.news.cn/20250224/31c827eebb694d3cb019753e921b7a54/c.html

ဘာသာပြန်ဆိုသူ-ဦးထက်ထက်အောင် (နစက-၄)

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အစ္စရေး-အီရန် ပဋိပက္ခကြောင့် ရက်သတ္တပတ်နှစ်ပတ်ကြာပိတ်ထားခဲ့သည့် တီဟီရန်မြို့ရှိ ဆွစ်ဇာလန်သံရုံး ပြန်လည်ဖွင့်လှစ်
အစ္စရေး-အီရန် ပဋိပက္ခကြောင့် ရက်သတ္တပတ်နှစ်ပတ်ကြာပိတ်ထားခဲ့သည့် တီဟီရန်မြို့ရှိ ဆွစ်ဇာလန်သံရုံး ပြန်လည်ဖွင့်လှစ်
ဂျီနီဗာ  ဇူလိုင် ၆အစ္စရေး-အီရန် ပဋိပက္ခကြောင့် တီဟီရန်မြို့ရှိ ဆွစ်ဇာလန်သံရုံးကို ရက်သတ္တပတ်နှစ်ပတ်ကြာ ပိတ်ထားခဲ့ပြီးနောက် ပြန်လည်ဖွင့်လှစ်လိုက်ပြီဖြစ်ကြောင်း ဆွစ်ဇာလန်နိုင်ငံခြားရေးဝန်ကြီးဌာနက ယနေ့တွင် သတင်းထုတ်ပြန်ထားသည်။အစ္စရေးနှင့် အီရန်တို့ကြား အပြန်အလှန် လေကြောင်းတိုက်ခိုက်မှုများ ဇွန် ၁၃ ရက်က စတင်ဖြစ်ပွားခဲ့ပြီးနောက် ဆွစ်ဇာလန်နိုင်ငံသည် တီဟီရန်မြို့ရှိ သံရုံးကို စတင်ပိတ်ထားခဲ့သည်။သို့သော် လက်ရှိအချိန်တွင် တီဟီရန်မြို့ရှိ ဆွစ်ဇာလန်သံရုံးကို ပြန်လည်ဖွင့်လှစ်ထားပြီဟု ဆွစ်ဇာလန်နိုင်ငံခြားရေးဝန်ကြီးဌာနကြေညာချက်၌ ဖော်ပြထားသည်။လက်ရှိအချိန်တွင် အီရန်နိုင်ငံဆိုင်ရာ ဆွစ်ဇာလန်သံအမတ်ကြီး နာဒင်းအိုလီဗီရီလိုဇာနိုနှင့် သံတမန်ဝန်ထမ်းအချို့တို့အနေဖြင့် အဇာဘိုင်ဂျန်နိုင်ငံမှတစ်ဆင့် တီဟီရန်မြို့သို့ ရောက်ရှိနေပြီဖြစ်သည်။ဆွစ်ဇာလန်နိုင်ငံသည် အီရန်နိုင်ငံဆိုင်ရာ ဆွစ်ဇာလန်သံရုံးကို ဇွန် ၂၀ ရက်တွင် စတင်ပိတ်ထားခဲ့ခြင်းဖြစ်သည်။အီရန်နိုင်ငံဆိုင်ရာ ဆွစ်ဇာလန်သံရုံးသည် အမေရိကန်နိုင်ငံ၏ အကျိုးစီးပွားများကိုလည်း ကိုယ်စားပြုထားသည့် ကြားနေနိုင်ငံသံရုံးဖြစ်ကြောင်းသိရသည်။ကိုးကား-ရတနာပုံသတင်းစာPhoto: Webangah News Agency
Mon, 7-Jul-2025
တရုတ်အစိုးရက ဆေးပစ္စည်း တင်သွင်းမှုကို ကန့်သတ်ခြင်းဖြင့် ဥရောပသမဂ္ဂကို လက်တုံ့ပြန်
တရုတ်အစိုးရက ဆေးပစ္စည်း တင်သွင်းမှုကို ကန့်သတ်ခြင်းဖြင့် ဥရောပသမဂ္ဂကို လက်တုံ့ပြန်
ပြီးခဲ့သည့်လအတွင်း ဥရောပသမဂ္ဂက တရုတ်နိုင်ငံအပေါ် သွင်းကုန်စည်းကြပ် အခွန်များ တစ်ဖက်သတ် တိုးမြှင့်ချမှတ်ပြီး နောက်တရုတ်အစိုးရကလည်း ဥရောပသမဂ္ဂမှ ဆေးပစ္စည်းများ တင်သွင်းမှုကို ကန့်သတ်ခြင်းအားဖြင့် လက်တုံ့ပြန်လိုက်ကြောင်း တရုတ်ဘဏ္ဍာရေးဝန်ကြီးဌာန က ဇူလိုင်လ ၆ ရက်တွင် ထုတ်ပြန်သည်။ဥရောပသမဂ္ဂက တရုတ်နိုင်ငံ၌ထုတ်လုပ်သည့် လျှပ်စစ်စွမ်းအင်သုံးယာဉ်များအပေါ် သွင်းကုန်အခွန်တိုးမြှင့် ကောက်ခံပြီးနောက် တရုတ်နိုင်ငံနှင့် ဥရောပသမဂ္ဂ တို့ကြား ကုန်သွယ်ရေး တင်းမာမှုများ မြင့်တက်လာခြင်း ဖြစ်သည်။ထို့ပြင် တရုတ်နိုင်ငံမှကုမ္ပဏီများအနေဖြင့် ဥရောပသမဂ္ဂ အဖွဲ့ဝင်နိုင်ငံများ၌ တစ်နှစ်လျှင် ယူရိုဘီလီယံ ၆၀ နှင့်အထက် တန်ဖိုးရှိသော  ဆေးပစ္စည်းများအတွက် တင်ဒါ ယှဉ်ပြိုင်မှုတွင် ပါဝင်ခြင်းကို ထိုသမဂ္ဂက ကန့်သတ်ထားသည်။ ထို့ကြောင့် တရုတ် အစိုးရက ဥရောပသမဂ္ဂမှ ယွမ် ၄၅ သန်း နှင့်အထက်တန်ဖိုးရှိသည့် ဆေးပစ္စည်း များတင်သွင်းမှုကို ကန့်သတ်လိုက်ခြင်း ဖြစ်သည်။တရုတ်နိုင်ငံသည် ချစ်ကြည်ရင်းနှီးမှု နှင့် ရိုးသားမှုတို့ကို ဖော်ထုတ်ပြသသော်လည်း ဥရောပသမဂ္ဂအနေဖြင့် ၎င်းတို့၏ နည်းလမ်းအတိုင်း ကိုယ်ကျိုးစီးပွား ကာကွယ်ရေးအတွက် ကန့်သတ်ချက်များကို ချမှတ်သောကြောင့်  တရုတ်နိုင်ငံကလည်း လက်တုံ့ပြန်ဆောင်ရွက်ချက်များကို လုပ်ဆောင်ခြင်းမှလွဲ၍ အခြားမရှိသောကြောင့် ယခု ကဲ့သို့ ကန့်သတ်ချက် ချမှတ်လိုက်ရခြင်း ဖြစ်ကြောင်း  တရုတ်အစိုးရက ထုတ်ပြန်ထားသည်။MWD Web Portal
Mon, 7-Jul-2025
စပိန်တွင် ရွှေ့ပြောင်းနေထိုင်သူများကို ဆန့်ကျင်သည့် ဆန္ဒပြမှုများ ပေါ်ပေါက်
စပိန်တွင် ရွှေ့ပြောင်းနေထိုင်သူများကို ဆန့်ကျင်သည့် ဆန္ဒပြမှုများ ပေါ်ပေါက်
စပိန်နိုင်ငံတွင် မာလီနိုင်ငံသား တစ်ဦးက ဒေသခံ အမျိုးသမီးတစ်ဦးကို မုဒိမ်းကျင့်သည်ဟူသော စွပ်စွဲချက်ဖြင့် ၎င်းအားဖမ်းဆီးခဲ့ပြီးနောက် ရွှေ့ပြောင်းနေထိုင်သူများကို ဆန့်ကျင်သည့် ဆန္ဒပြသူများနှင့် ရဲတပ်ဖွဲ့ များ အပြန်အလှန်တိုက်ခိုက်မှုဖြစ်ပွားခဲ့သည်။ မက်ဒရစ်မြို့ဆင်ခြေဖုံးရှိ Alcala de Henares ကျေးရွာတွင် ရွှေ့ပြောင်းနေထိုင်သူများ စခန်း အပြင်ဘက်၌ ဇူလိုင် ၆ ညပိုင်းတွင် အဓိကရုဏ်းများ စတင် ဖြစ်ပွား ခဲ့သည်။ရဲတပ်ဖွဲ့မှ အသက် ၂၁ နှစ်အရွယ် လူငယ်တစ်ဦးအား ယင်းစခန်းအနီးတွင် အသက် ၂၁ နှစ်အရွယ် စပိန်အမျိုးသမီးတစ်ဦးအား မုဒိမ်းမှု ကျူးလွန်ခဲ့ သည်ဟု စွပ်စွဲဖမ်းဆီးခဲ့သည်။ စွပ်စွဲဖမ်းဆီးခံရသူသည် ကျူးလွန်ခံ ရသူ အား ရိုက်နှက်ပြီး လိင်ပိုင်းဆိုင်ရာ စော်ကားမှုပြုခဲ့ပြီးနောက် ထွက်ပြေးခဲ့ သည်ဟု ဆိုသည်။ သို့သော် နောက်ပိုင်းတွင် စောင့်ကြည့်ကင်မရာ မှတ်တမ်းများအရ ယင်းရွှေ့ပြောင်းနေထိုင်သူစခန်းတွင် နေထိုင်သည့် ခိုလှုံခွင့်တောင်းခံသူများထဲမှ တစ်ဦးဖြစ်ကြောင်း ဖော်ထုတ်ခဲ့ပြီး ၎င်းအား အာမခံမပေးဘဲ ယာယီထိန်းသိမ်းထားရှိခဲ့သည်။သောကြာနေ့ (ဇူလိုင် ၄) ညနေပိုင်းတွင် လူပေါင်း ၂၀၀၀ ခန့် နေထိုင်သည့် ရွှေ့ပြောင်းနေထိုင်သူစခန်းအပြင်ဘက်၌ ဆန္ဒပြပွဲတွင် လူပေါင်း ၃၀၀ ခန့် ပါဝင်ခဲ့ကြပြီး စခန်းအနီးရှိ ရဲတပ်ဖွဲ့၏ အတားအဆီးများကို ဖယ်ရှားခဲ့ ကြကာ စခန်းပိတ်သိမ်းရန်နှင့် ရွှေ့ပြောင်းနေထိုင်မှုဆိုင်ရာ ဥပဒေများ ပြောင်းလဲရန် တောင်းဆိုနေကြသည်။ထို့အပြင် ဆန္ဒပြသူများသည် ဝန်ကြီးချုပ် Pedro Sanchez အား ရွှေ့ပြောင်း နေထိုင်သူများကို ထောက်ခံသည့် သဘောထားအတွက် ဝေဖန်ရှုတ်ချသည့် ကြွေးကြော်သံများ အော်ဟစ်ခဲ့ကြသည်။နောက်ပိုင်းတွင် လက်ယာယိမ်း အစွန်းရောက် အဖွဲ့များ ပါဝင်လာ ပြီးနောက် ဆန္ဒပြမှုများသည် အကြမ်းဖက်မှုဘက်သို့ ဦးတည်ခဲ့သည်။ရဲတပ်ဖွဲ့ဝင်များက နံပါတ်တုတ်နှင့် ရာဘာကျည်ဆန်များ အသုံးပြုကာ ဆန္ဒပြသူများအား ဖြိုခွင်းခဲ့ကြောင်းသိရှိရသည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sun, 6-Jul-2025
စပိန်တွင် ရွှေ့ပြောင်းနေထိုင်သူများကို ဆန့်ကျင်သည့် ဆန္ဒပြမှုများ ပေါ်ပေါက်
စပိန်နိုင်ငံတွင် မာလီနိုင်ငံသား တစ်ဦးက ဒေသခံ အမျိုးသမီးတစ်ဦးကို မုဒိမ်းကျင့်သည်ဟူသော စွပ်စွဲချက်ဖြင့် ၎င်းအားဖမ်းဆီးခဲ့ပြီးနောက် ရွှေ့ပြောင်းနေထိုင်သူများကို ဆန့်ကျင်သည့် ဆန္ဒပြသူများနှင့် ရဲတပ်ဖွဲ့ များ အပြန်အလှန်တိုက်ခိုက်မှုဖြစ်ပွားခဲ့သည်။ မက်ဒရစ်မြို့ဆင်ခြေဖုံးရှိ Alcala de Henares ကျေးရွာတွင် ရွှေ့ပြောင်းနေထိုင်သူများ စခန်း အပြင်ဘက်၌ ဇူလိုင် ၆ ညပိုင်းတွင် အဓိကရုဏ်းများ စတင် ဖြစ်ပွား ခဲ့သည်။ရဲတပ်ဖွဲ့မှ အသက် ၂၁ နှစ်အရွယ် လူငယ်တစ်ဦးအား ယင်းစခန်းအနီးတွင် အသက် ၂၁ နှစ်အရွယ် စပိန်အမျိုးသမီးတစ်ဦးအား မုဒိမ်းမှု ကျူးလွန်ခဲ့ သည်ဟု စွပ်စွဲဖမ်းဆီးခဲ့သည်။ စွပ်စွဲဖမ်းဆီးခံရသူသည် ကျူးလွန်ခံ ရသူ အား ရိုက်နှက်ပြီး လိင်ပိုင်းဆိုင်ရာ စော်ကားမှုပြုခဲ့ပြီးနောက် ထွက်ပြေးခဲ့သည်ဟု ဆိုသည်။ သို့သော် နောက်ပိုင်းတွင် စောင့်ကြည့်ကင်မရာ မှတ်တမ်းများအရ ယင်းရွှေ့ပြောင်းနေထိုင်သူစခန်းတွင် နေထိုင်သည့် ခိုလှုံခွင့်တောင်းခံသူများထဲမှ တစ်ဦးဖြစ်ကြောင်း ဖော်ထုတ်ခဲ့ပြီး ၎င်းအား အာမခံမပေးဘဲ ယာယီထိန်းသိမ်းထားရှိခဲ့သည်။သောကြာနေ့ (ဇူလိုင် ၄) ညနေပိုင်းတွင် လူပေါင်း ၂၀၀၀ ခန့် နေထိုင်သည့် ရွှေ့ပြောင်းနေထိုင်သူစခန်းအပြင်ဘက်၌ ဆန္ဒပြပွဲတွင် လူပေါင်း ၃၀၀ ခန့် ပါဝင်ခဲ့ကြပြီး စခန်းအနီးရှိ ရဲတပ်ဖွဲ့၏ အတားအဆီးများကို ဖယ်ရှားခဲ့ ကြကာ စခန်းပိတ်သိမ်းရန်နှင့် ရွှေ့ပြောင်းနေထိုင်မှုဆိုင်ရာ ဥပဒေများ ပြောင်းလဲရန် တောင်းဆိုနေကြသည်။ထို့အပြင် ဆန္ဒပြသူများသည် ဝန်ကြီးချုပ် Pedro Sanchez အား ရွှေ့ပြောင်း နေထိုင်သူများကို ထောက်ခံသည့် သဘောထားအတွက် ဝေဖန်ရှုတ်ချသည့် ကြွေးကြော်သံများ အော်ဟစ်ခဲ့ကြသည်။နောက်ပိုင်းတွင် လက်ယာယိမ်း အစွန်းရောက် အဖွဲ့များ ပါဝင်လာ ပြီးနောက် ဆန္ဒပြမှုများသည် အကြမ်းဖက်မှုဘက်သို့ ဦးတည်ခဲ့သည်။ရဲတပ်ဖွဲ့ဝင်များက နံပါတ်တုတ်နှင့် ရာဘာကျည်ဆန်များ အသုံးပြုကာ ဆန္ဒပြသူများအား ဖြိုခွင်းခဲ့ကြောင်းသိရှိရသည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sun, 6-Jul-2025
EU က အစ္စရေးအပေါ် ပိတ်ဆို့အရေးယူမှုများ ပြုလုပ်ရန် အဆိုပြုမည်
EU က အစ္စရေးအပေါ် ပိတ်ဆို့အရေးယူမှုများ ပြုလုပ်ရန် အဆိုပြုမည်
ဥရောပသမဂ္ဂသည် ဂါဇာတိုက်ပွဲအတွင်း လူ့အခွင့်အရေး ချိုးဖောက်မှုများ နှင့်ပတ်သက်၍ စိုးရိမ်မှုများကြောင့် အစ္စရေးအပေါ် ဖြစ်နိုင်ခြေရှိသော ပိတ်ဆို့အရေးယူမှုများစာရင်းကို ပြုစုရန် ပြင်ဆင်နေကြောင်း Euractiv သတင်းဌာနက စနေနေ့ (ဇူလိုင် ၅) တွင် ဖော်ပြခဲ့သည်။ဥရောပသမဂ္ဂ၏ သံတမန်ရေးဝန်ဆောင်မှုအဖွဲ့သည် လာမည့်ဗုဒ္ဓဟူးနေ့ (ဇူလိုင် ၉) တွင် EU သံအမတ်ကြီးများထံ ရွေးချယ်စရာများပါဝင်သော စာရင်းတစ်ခုကို တင်ပြနိုင်ရေး မျှော်လင့်ထားသည်။ အဆိုပါစာရင်းတွင် EU-အစ္စရေး သဘောတူညီချက်ကို တစ်စိတ်တစ်ပိုင်း (သို့) အပြည့်အဝ ရပ်ဆိုင်းခြင်း၊ အစ္စရေးအစိုးရဝန်ကြီးများ၊ စစ်ဘက်အရာရှိများနှင့် အစွန်းရောက် နယ်မြေသိမ်းသူများအပေါ် ပိတ်ဆို့အရေးယူခြင်း၊ ကုန်သွယ်ရေး ကန့်သတ်ချက်များ၊ လက်နက်တင်ပို့မှုတားမြစ်ခြင်းနှင့် သိပ္ပံနှင့် နည်းပညာ ပူးပေါင်းဆောင်ရွက်မှုများ ရပ်ဆိုင်းခြင်းတို့ ပါဝင်နိုင်ကြောင်း သိရှိရသည်။Euractiv ၏ ဖော်ပြချက်အရ ယခင်က အဆိုပါအရေးယူမှုအများစုကို အလေးအနက်မထားဘဲ အပြောသက်သက်သာ ဆွေးနွေးခဲ့သော်လည်း ယခုအခါတွင် တရားဝင်တင်ပြနိုင်ရေးဆောင်ရွက်မှုသည် ပထမဆုံးအကြိမ် ဖြစ်သည်။ ဥရောပသမဂ္ဂ၏ နိုင်ငံခြားရေးဝန်ကြီးများသည် ဇူလိုင် ၁၅ ရက်နေ့တွင် အဆိုပါအဆိုပြုချက်များကို ပြန်လည်သုံးသပ်ရန် စီစဉ် ထားကြောင်း သိရသည်။ အစ္စရေးအပေါ် ပိတ်ဆို့အရေးယူမှုများ ချမှတ်ရန် လုပ်ဆောင်ခြင်းသည် EU အဖွဲ့ဝင် ၂၇ နိုင်ငံအားလုံး၏ သဘောတူညီမှု ကို လိုအပ်ပြီး ယင်းမှာ ဖြစ်နိုင်ခြေမရှိဟု အများက မျှော်မှန်းထားသည်။Euractiv ၏ အဆိုအရ ထိုဆောင်ရွက်မှုသည် ပြီးခဲ့သည့်လက EU ၏ အသင်းအဖွဲ့သဘောတူညီချက် ပြန်လည်သုံးသပ်မှုအပြီးတွင် စတင်လုပ်ဆောင် ခဲ့ခြင်းဖြစ်ပြီး အစ္စရေး၏ လူ့အခွင့်အရေးဆိုင်ရာ ကတိကဝတ်များကို ချိုးဖောက်သည့် လက္ခဏာများ တွေ့ရှိခဲ့သည်။ အစ္စရေးဘက်မှ အဆိုပါ သုံးသပ်ချက်ကို အပြင်းအထန် ငြင်းဆိုခဲ့သည်။ အစ္စရေး နိုင်ငံခြားရေး ဝန်ကြီးဌာနက ယင်းသုံးသပ်ချက်ကို “အလေးအနက်မထားသင့်ပါ” ဟု ပြောကြားခဲ့ပြီး “အနောက်နိုင်ငံများ၏ ရန်သူများကို ခုခံကာကွယ်ရင်း ရပ်တည်နိုင်ရေး ရုန်းကန်နေရသည်” ဟု ငြင်းဆိုခဲ့သည်။ဇွန်လကုန်ပိုင်းတွင် ဥရောပကောင်စီက ဂါဇာတွင် ချက်ချင်း အပစ်အခတ် ရပ်စဲရန် တောင်းဆိုခဲ့ပြီး လက်မခံနိုင်လောက်သော အရပ်သား အသေ အပျောက်အရေအတွက်နှင့် အစာရေစာငတ်မွတ်မှု အခြေအနေများ အပေါ် သတိပေးခဲ့သည်။ အစ္စရေးအား ဂါဇာပေါ်ရှိ ပိတ်ဆို့မှုများကို အပြည့်အဝရုပ်သိမ်းကာ လူသားချင်းစာနာထောက်ထားမှုဆိုင်ရာ အကူ အညီများ စီးဆင်းစေရန် ကောင်စီက တိုက်တွန်းခဲ့သည်။ အစ္စရေးက ဆောင်ရွက်ပြီးကြောင်း ဆိုသော်လည်း လက်တွေ့တွင် အပြောင်းအလဲ မရှိသလောက်ဖြစ်နေကြောင်း မီဒီယာအများအပြားက ဖော်ပြခဲ့သည်။လက်ရှိတွင် အစ္စရေးအပေါ် EU ၏ ပိတ်ဆို့အရေးယူမှုများ မရှိသေး သော်လည်း EU သည် ယခင်က အစ္စရေးနိုင်ငံသားအချို့နှင့် အဖွဲ့အစည်း များကို ပိတ်ဆို့အရေးယူမှုများ ပြုလုပ်ခဲ့ဖူးပြီး အဓိကအားဖြင့် အနောက် ဘက်ကမ်းခြေရှိ အစွန်းရောက် နယ်မြေသိမ်းသူများဟု ဖော်ပြခံထားရသူ များနှင့် ပါလက်စတိုင်းနေထိုင်သူများအပေါ် အကြမ်းဖက်မှုတွင် ပါဝင် သည်ဟု စွပ်စွဲခံထားရသူများဖြစ်သည်။၂၀၂၃ ခုနှစ်တွင် ဟားမက်က အစ္စရေးအပေါ် ရုတ်တရက် တိုက်ခိုက်မှု ပြုလုပ်ပြီးနောက် အစ္စရေးက ဂါဇာတွင် စစ်ဆင်ရေးပြုလုပ်ကာ တုံ့ပြန် ခဲ့ပြီး အပြင်းအထန် တိုက်ခိုက်ဖျက်ဆီးခံရမှုများကို ဖြစ်ပေါ်စေခဲ့သည်။ တရားဝင်စာရင်းများအရ တိုက်ပွဲအတွင်း ပါလက်စတိုင်းလူမျိုး ၆၀,၀၀၀ ခန့်နှင့် အစ္စရေးလူမျိုး ၁,၂၀၀ ခန့် သေဆုံးခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sun, 6-Jul-2025
အီရန်ကို တိုက်ခိုက်ခဲ့သည့် B-2 လေယာဉ်မှူးများကို အိမ်ဖြူတော်က လွတ်လပ်ရေးနေ့ အခမ်းအနားသို့ ဖိတ်ကြား
အီရန်ကို တိုက်ခိုက်ခဲ့သည့် B-2 လေယာဉ်မှူးများကို အိမ်ဖြူတော်က လွတ်လပ်ရေးနေ့ အခမ်းအနားသို့ ဖိတ်ကြား
ဇူလိုင်လ ၄ ရက်နေ့ တွင်ကျင်းပခဲ့သော အမေရိကန်လွတ်လပ်ရေးနေ့ အခမ်းအနားတွင် B-2 ဗုံးကြဲလေယာဉ်မှူးများနှင့် ၎င်းတို့၏ မိသားစုဝင်များကို အိမ်ဖြူတော်၏ တောင်ဘက်မြက်ခင်းပြင်တွင် ကျင်းပသော အထိမ်းအမှတ်အခမ်းအနားသို့ ဖိတ်ကြားခဲ့ပြီး ထရမ့်က ၎င်းတို့၏ ကိုယ်ရေးအချက်အကျဉ်းကို ထုတ်ဖော်ပြောဆိုရန် အားပေးခဲ့သည်။“မိမိတို့အနေဖြင့် B-2 ဗုံးကြဲလေယာဉ်တပ်ဖွဲ့၏ ဌာနချုပ်ဖြစ်သော မစ္စစ္စပီ မှ Whiteman လေတပ်စခန်းမှ လေတပ်သား ၁၅၀ နှင့် ၎င်းတို့၏ မိသားစုဝင်များကို ကြိုဆိုရသည်မှာ ဂုဏ်ယူစရာပါ” ဟု အမေရိကန် သမ္မတ ဒေါ်နယ်ထရမ့်က ဇူလိုင် ၄ ရက်နေ့တွင် အိမ်ဖြူတော်၏ Truman Balcony မှ တောင်ဘက်မြက်ခင်းပြင်တွင် ဂုဏ်ပြုပွဲ တက်ရောက်လာ ကြသည့် ပရိတ်သတ်ကို မိန့်ခွန်းပြောကြားခဲ့သည်။ယခုလဆန်းပိုင်းက အီရန်၏ အဓိကနျူကလီးယားစက်ရုံများကို ဗုံးကြဲ တိုက်ခိုက်ခဲ့သည့် Operation Night Hammer စစ်ဆင်ရေးတွင် ပါဝင် ခဲ့သည့် လေယာဉ်မှူးများကို လွတ်လပ်ရေးနေ့ အထိမ်းအမှတ် အခမ်းအနား သို့ တက်ရောက်ရန် အိမ်ဖြူတော်မှ ဖိတ်ကြားခဲ့ခြင်းဖြစ်သည်။ ၎င်းတို့၏ လုံခြုံရေးအတွက် ကိုယ်ရေးအချက်အလက်များကို လျှို့ဝှက်ထားရ သော်လည်း အခမ်းအနားတွင် ထုတ်ဖော်ပြောဆိုရန် ထရမ့်က အားပေး ခဲ့သည်။ပင်တဂွန် ကာကွယ်ရေးထောက်လှမ်းရေး အေဂျင်စီ (DIA) ၏ လျှို့ဝှက် အစီရင်ခံစာတွင် အမေရိကန်၏ တိုက်ခိုက်မှုသည် အီရန်၏ နျူကလီးယား အစီအစဉ်ကို အပြီးတိုင်ဖျက်ဆီးနိုင်ခြင်းမရှိဘဲ လအနည်းငယ်သာ နောက်ကျ သွားစေနိုင်သည်ဟု အကဲဖြတ်ထားကြောင်း သတင်းရင်းမြစ်များကို ကိုးကား၍ မီဒီယာများက ဖော်ပြခဲ့ပါသည်။ သို့သော် ဇူလိုင် ၄ ရက်နေ့တွင် Air Force One လေယာဉ်ပေါ်၌ သတင်းထောက်များအား ပြောကြားရာတွင် သမ္မတ Trump က အီရန်၏နျူကလီးယား အစီအစဉ်ကို အပြီးတိုင် ပျက်စီးသွားစေခဲ့သည်ဟု ယုံကြည်ကြောင်း ဖော်ပြခဲ့သော်လည်း တီဟီရန်သည် အခြားနေရာတွင် ထိုအစီအစဉ်ကို ပြန်လည်စတင်နိုင်သည်ဟု ဆိုသည်။အီရန်နိုင်ငံခြားရေးဝန်ကြီး Abbas Araghchi က ၁၂ ရက်ကြာ ပဋိပက္ခ၏ နောက်ပိုင်းတွင် နိုင်ငံ၏နျူကလီးယားစက်ရုံများ ပြင်းထန်စွာ ပျက်စီး ခဲ့ကြောင်း၊ တီဟီရန်သည် အခြေအနေကို စစ်ဆေးသုံးသပ်နေကြောင်း ပြောကြားခဲ့သည်။ နောက်ပိုင်းတွင် အီရန်သည် အပြည်ပြည်ဆိုင်ရာ အဏုမြူ စွမ်းအင်အေဂျင်စီ (IAEA) နှင့် ပူးပေါင်းဆောင်ရွက်မှုကို ယာယီရပ်စဲကြောင်း ကြေညာခဲ့ပြီး ယူရေနီယံထပ်တိုးသန့်စင်မှုကို မရပ်တန့်ဟု ပြောကြား ခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Sun, 6-Jul-2025
© Copyright 2024 SAC All Rights Reserved.