အိန္ဒိယဝန်ကြီးချုပ် မိုဒီ မော်စကို အောင်ပွဲခံအခမ်းအနားသို့ တက်ရောက်ဖွယ်ရှိ

saceditor

News Image

  • အိန္ဒိယဝန်ကြီးချုပ် မိုဒီ မော်စကို အောင်ပွဲခံအခမ်းအနားသို့ တက်ရောက်ဖွယ်ရှိ

အိန္ဒိယဝန်ကြီးချုပ် နာရိန်ဒရာမိုဒီသည် မော်စကိုမြို့တွင် မေလ ၉ ရက်နေ့၌ ကျင်းပမည့် ဒုတိယကမ္ဘာစစ် အောင်ပွဲခံနေ့အခမ်းအနားသို့ တက်ရောက် နိုင်ကြောင်း အိန္ဒိယစစ်ဘက်ဆိုင်ရာ အရင်းအမြစ်တစ်ခုကို ကိုးကား၍ TASS က ဖော်ပြခဲ့ပြီး ယခုနှစ်သည် ဆိုဗီယက်ယူနီယံ၏ ဒုတိယကမ္ဘာစစ် အောင်ပွဲခံခြင်း နှစ် ၈၀ ပြည့်နှစ်အထိမ်းအမှတ် ဖြစ်သည်။

မိုဒီ၏ အဆိုပါခရီးစဉ်ကို စီစဉ်နေပြီဖြစ်ကြောင်းနှင့် အခမ်းအနားတွင် အိန္ဒိယ မှတပ်ဖွဲ့တစ်ခု ပါဝင်နိုင်ရေးနှင့်ပတ်သက်၍ ဆွေးနွေးမှုများလုပ်ဆောင်နေကြောင်း အစီရင်ခံစာက ဖော်ပြခဲ့သည်။ လွန်ခဲ့သည့်သီတင်းပတ်က အိန္ဒိယနှင့် ရုရှားတို့သည် စစ်ဘက်ဆိုင်ရာ ပူးပေါင်းဆောင်ရွက်မှုများအတွက် သဘောတူညီချက်တစ်ရပ်ကို လက်မှတ်ရေးထိုးခဲ့ကြသည်။ ယင်းသဘောတူညီချက်သည် ပူးပေါင်းစစ်ရေး လေ့ကျင့်မှုများ၊ သဘာဝဘေးအန္တရာယ် ကယ်ဆယ်ရေးနှင့် အခြားပူးပေါင်းဆောင်ရွက်မှုများတွင် ညှိနှိုင်းမှုကို မြှင့်တင်ရန်ရည်ရွယ်သည်ဟုဆိုသည်။

ရုရှားနိုင်ငံခြားရေးဝန်ကြီး ဆာဂေးလာဗရော့ဗ်က ယခုလအစောပိုင်းတွင် မေလ ၉ ရက်နေ့ အခမ်းအနားသို့ နိုင်ငံများစွာကို ဖိတ်ကြားသွားမည်ဟု အတည်ပြုပြောကြားခဲ့ပြီး ဓနသဟာယနိုင်ငံများ (CIS) နှင့် အခြားနိုင်ငံ များ၏ ခေါင်းဆောင်များ ပါဝင်ကြောင်း ပြောကြားခဲ့သည်။ “ရုရှားနိုင်ငံ၏ အောင်ပွဲခံနေ့အပေါ် အရေးပါမှုကိုသိရှိပြီး တက်ရောက်ဂုဏ်ပြုမည့် ဧည့်သည်တော်များအားလုံးကို ကြိုဆိုပါသည်” ဟု ကရင်မလင် ပြောရေး ဆိုခွင့်ရှိသူ ဒမီထရီပက်စ်ကော့ဗ်က ပြောကြားခဲ့ပါသည်။

ကိုးကား-RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂) ပြည်ထောင်စုဝန်ကြီး ဦးကိုကိုလှိုင်နှင့် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့ တွေ့ဆုံ
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂) ပြည်ထောင်စုဝန်ကြီး ဦးကိုကိုလှိုင်နှင့် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့ တွေ့ဆုံ
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂) ပြည်ထောင်စုဝန်ကြီး ဦးကိုကိုလှိုင်သည် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့မှ ဝါရင့်အကြံပေး အဖွဲ့ဝင်များ၊ အမှုဆောင်အဖွဲ့ဝင်များနှင့် ရန်ကုန်မြို့ရှိ မြန်မာနိုင်ငံမဟာဗျူဟာနှင့် နိုင်ငံတကာ လေ့လာရေးအဖွဲ့ရုံး အစည်းအဝေးခန်းမ၌ ၂၆-၃-၂၀၂၅ ရက် (ဗုဒ္ဓဟူးနေ့) ၀၉း၃၀ နာရီအချိန်တွင် တွေ့ဆုံခဲ့သည်။ အစည်းအဝေးတွင် ဒေသတွင်းနှင့် နိုင်ငံတကာတွင် ဖြစ်ပေါ်ပြောင်းလဲလျက်ရှိသော မျက်မှောက်ခေတ် ကမ္ဘာ့ရေးရာကိစ္စရပ်များနှင့်စပ်လျဉ်း၍ ဆွေးနွေးပြောကြားခဲ့ကြပြီး ပြည်ထောင်စုဝန်ကြီးက နိုင်ငံတော်၏ အမျိုးသားအကျိုးစီးပွားအတွက် မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့အနေဖြင့် ပညာရှင်များရှုထောင့်မှ အကြံဉာဏ်များ၊ သုံးသပ်ချက်များကိုစဉ်ဆက်မပြတ် အကြံပြုတင်ပြသွားနိုင်ရေးနှင့် သုတေသနလုပ်ငန်းများ တိုးချဲ့ ဆောင်ရွက်နိုင်ရေး မှာကြားခဲ့ကြောင်း သိရှိရပါသည်။
“တွေ့ဆုံဆွေးနွေးမှုများမှ ငြိမ်းချမ်းသောနိုင်ငံတော်သစ်ဆီသို့”ဆောင်ပုဒ်ဖြင့် ငြိမ်းချမ်းရေးစကားဝိုင်း - Peace Talk 2025 ကျင်းပ
“တွေ့ဆုံဆွေးနွေးမှုများမှ ငြိမ်းချမ်းသောနိုင်ငံတော်သစ်ဆီသို့”ဆောင်ပုဒ်ဖြင့် ငြိမ်းချမ်းရေးစကားဝိုင်း - Peace Talk 2025 ကျင်းပ
နေပြည်တော် မတ် ၂၄“တွေ့ဆုံဆွေးနွေးမှုများမှ ငြိမ်းချမ်းသော နိုင်ငံတော်သစ်ဆီသို့”ဆောင်ပုဒ်ဖြင့် ငြိမ်းချမ်းရေးစကားဝိုင်း - Peace Talk 2025 ကို ယနေ့နံနက်ပိုင်းတွင် နေပြည်တော်ရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန၌ ကျင်းပသည်။ငြိမ်းချမ်းရေး လုပ်ငန်းစဉ်အပေါ်တွင် ကဏ္ဍအသီးသီးမှ ထင်ပေါ်ကျော်ကြားသူများ၊ အသိပညာရှင် အတတ်ပညာရှင်များမှ ပိုမိုအာရုံစိုက်ပါဝင် လုပ်ဆောင်လာနိုင်စေရန်၊ ငြိမ်းချမ်းရေးအတွက် အကြမ်းမဖက်သောနည်းလမ်းဖြင့် ဆောင်ရွက်ခြင်းသည်သာလျှင် ရေရှည်တည်တံ့မည်ဖြစ်ကြောင်းကို လူထုအကြား အသိအမြင်တိုးမြှင့်လာစေရန်နှင့် နိုင်ငံအတွင်း ပဋိပက္ခများ အမြန်ဆုံးလျှော့ချပြီး နိုင်ငံရေး၊ စီးပွားရေးများ ပိုမိုကောင်းမွန်တိုးတက်လာနိုင်စေမည့် ရေတိုရေရှည်လုပ်ငန်းစဉ်များ ဖော်ထုတ်နိုင်ရန် ရည်ရွယ်ပြီး ငြိမ်းချမ်းရေးစကားဝိုင်းကို ကျင်းပပြုလုပ်ခြင်းဖြစ်သည်။ငြိမ်းချမ်းရေးစကားဝိုင်းသို့ အလွှာစုံအစုအဖွဲ့အသီးသီးဖြစ်ကြသည့် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီဝင်များ၊ တပ်မတော်အငြိမ်းစားအရာရှိကြီးများ၊ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) ကိုယ်စားလှယ်များ၊ နိုင်ငံရေးပါတီများမှ ကိုယ်စားလှယ်များ၊ NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ကိုယ်စားလှယ်များ၊ ငြိမ်းချမ်းရေးလုပ်ငန်းစဉ်တွင် ထဲထဲဝင်ဝင် ပါဝင်ဆောင်ရွက်ခဲ့ကြသူများ၊ ပါဝင်သင့်ပါဝင်ထိုက်သူ အသိပညာရှင်၊ အတတ်ပညာရှင်များ၊ မီဒီယာများ၊ ပြည်ထောင်စုဝန်ကြီးဌာန၊ အဖွဲ့အစည်းများမှ ညွှန်ကြားရေးမှူးချုပ်များနှင့် တာဝန်ရှိသူများ၊ တက္ကသိုလ်များမှ ပါမောက္ခများ၊ အသင်းအဖွဲ့ကိုယ်စားလှယ်များနှင့် လေ့လာသူများ စုစုပေါင်းကိုယ်စားလှယ် ၁၁၈ ဦး တက်ရောက်ကြသည်။ငြိမ်းချမ်းရေးစကားဝိုင်း ဖွင့်ပွဲအခမ်းအနားတွင် ဦးစွာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် နယ်စပ်ရေးရာဝန်ကြီးဌာန ပြည်ထောင်စုဝန်ကြီး အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့်က အဖွင့်အမှာစကားပြောကြားရာတွင် နိုင်ငံရေး၊ လုံခြုံရေး၊ ငြိမ်းချမ်းရေးနှင့် စီးပွားရေးကဏ္ဍကြီးများတွင် ရင်ဆိုင်နေရသည့် စိန်ခေါ်မှုများကို စုပေါင်းအဖြေရှာ ဖော်ထုတ်ရန်လိုကြောင်း၊ ပဋိပက္ခလျှော့ချပြီး စီးပွားရေး၊ လူမှုရေးတို့အား ရေတိုရေရှည်စီမံကိန်းများ ဆောင်ရွက်ပြီး ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုတည်ဆောက်နိုင်ရန် လိုအပ်ကြောင်း၊ ယနေ့စကားဝိုင်းမှ နိုင်ငံရေး၊ လုံခြုံရေးကဏ္ဍနှင့် စီးပွားရေး၊ နိုင်ငံတော်ဖွံ့ဖြိုးတိုးတက်ရေးကဏ္ဍတို့မှ အပြုသဘောဆောင်သည့် ဆွေးနွေးအကြုံပြုချက်များကို ရလဒ်ဖော်ထုတ်၍ ငြိမ်းချမ်းရေးလုပ်ငန်းစဉ် ပိုမိုတိုးတက်အောင်မြင်စေရေး ဆက်လက်အကောင်အထည်ဖော် ဆောင်ရွက်သွားမည်ဖြစ်ကြောင်း ပြောကြားသည်။ထို့နောက် UPWC ဒုတိယဥက္ကဋ္ဌနှင့် ပြည်ထောင်စုဝန်ကြီး (ငြိမ်း)ဦးသိန်းဇော်က နှုတ်ခွန်းဆက်စကားပြောကြားပြီး အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်က ငြိမ်းချမ်းရေးစကားဝိုင်းကျင်းပသည့် ရည်ရွယ်ချက်နှင့် ဆွေးနွေးပွဲအစီအစဉ်များ၊ ငြိမ်းချမ်းရေးလုပ်ငန်းစဉ်အပေါ်တွင် ကဏ္ဍအသီးသီးမှ ထင်ပေါ်ကျော်ကြားသူများ၊ အသိပညာရှင်၊ အတတ်ပညာရှင်များမှ ပိုမိုအာရုံစိုက် ပါဝင်လုပ်ဆောင်လာနိုင်စေရေး ကိစ္စရပ်များနှင့် ငြိမ်းချမ်းရေးအတွက် အကြမ်းမဖက်သော နည်းလမ်းဖြင့် ဆောင်ရွက်ခြင်းသည်သာလျှင် ရေရှည်တည်တံ့မည်ဖြစ်ကြောင်းကို လူထုအကြား အသိအမြင် တိုးမြင့်လာစေရန် ဆောင်ရွက်ပေးရန်နှင့် မီဒီယာများ၏ ငြိမ်းချမ်းရေးတွင် သတင်းမှန်များ ရောက်ရှိစေရေးအတွက် အရေးပါမှုများကို ရှင်းလင်းဆွေးနွေးသည်။ ယင်းနောက် စကားဝိုင်းဆွေးနွေးပွဲ Speaker များက နှုတ်ခွန်းဆက်စကားများပြောကြားကြပြီး မှတ်တမ်းတင်ဓာတ်ပုံရိုက်ကြသည်။ယင်းနောက် စကားဝိုင်းဆွေးနွေးပွဲကို တက်ရောက်သူများအနေဖြင့် ခေါင်းစဉ်အလိုက် နက်ရှိုင်းစွာပါဝင်ဆွေးနွေးနိုင်စေရန် “နိုင်ငံရေးနှင့်လုံခြုံရေးကဏ္ဍ”၊ “စီးပွားရေးနှင့် နိုင်ငံတော်ဖွံ့ဖြိုးတိုးတက်ရေးကဏ္ဍ”ဟူ၍ ကဏ္ဍနှစ်ခုခွဲခြားပြီး စကားဝိုင်း ပထမနေ့အနေဖြင့် “နိုင်ငံရေးနှင့် လုံခြုံရေးကဏ္ဍ”တွင် သဘာပတိအဖြစ် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ အတွင်းရေးမှူး ဒုတိယဗိုလ်ချုပ်ကြီး မင်းနိုင်က ဆောင်ရွက်ကာ “ပဋိပက္ခလျှော့ချရေးနှင့် ပစ်ခတ်တိုက်ခိုက်မှုရပ်စဲရေး လုပ်ငန်းစဉ်တစ်ရပ်ဖြစ်ပေါ်ရေး” ခေါင်းစဉ်ဖြင့် ဒုတိယဗိုလ်ချုပ်ကြီး ခင်ဇော်ဦး(အငြိမ်းစား)က ဦးဆောင်ဆွေးနွေးသည်။ ဆက်လက်၍ “စီးပွားရေးနှင့် နိုင်ငံတော်ဖွံ့ဖြိုးတိုးတက်ရေးကဏ္ဍ” တွင် သဘာပတိအဖြစ် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီအဖွဲ့ဝင် ဒုတိယဗိုလ်ချုပ်ကြီး ဝင်းဗိုလ်ရှိန် (ငြိမ်း)ကဆောင်ရွက်ပြီး“ငြိမ်းချမ်းရေးနှင့် ဖွံ့ဖြိုးတိုးတက်ရေးကြိုးပမ်းရာတွင် စီးပွားရေးဖွံ့ဖြိုးတိုးတက်မှု၏ အရေးပါသည့် ကဏ္ဍ” ခေါင်းစဉ်ဖြင့် ဒုတိယဝန်ကြီး (ငြိမ်း) ဒေါ်လဲ့လဲ့သိန်းက ဦးဆောင်ဆွေးနွေးကာ တက်ရောက်လာကြသူများက အမြင်သဘောထားများ ဆွေးနွေးခြင်း၊ မေးခွန်းမေးမြန်းခြင်းများ ဆောင်ရွက်ကြသည်။ထို့နောက် စကားဝိုင်းဆွေးနွေးခြင်း၊ စကားဝိုင်းအလိုက် ရရှိလာသည့် သဘောထားများကို တက်ရောက်လာသူ ကိုယ်စားလှယ်အသီးသီးက အကြံပြုခြင်း၊ ဆွေးနွေးမေးမြန်းခြင်းနှင့် မေးမြန်းချက်များအပေါ် Speaker က ပြန်လည်ရှင်းလင်းဆွေးနွေးခြင်းများ ဆောင်ရွက်ကြသည်။ငြိမ်းချမ်းရေး စကားဝိုင်းမှရရှိလာမည့် အလွှာအသီးသီး၏ အမြင်သဘောထားများ၊ အကြံပြုချက်များကို သိရှိနားလည်ပြီး ငြိမ်းချမ်းရေးတွင် ပါဝင်ဆောင်ရွက်သူများအကြား ယုံကြည်မှုနှင့် ပူးပေါင်းဆောင်ရွက်မှု ပိုမိုတိုးမြင့်လာစေကာ ၂၀၂၅ ခုနှစ်အလွန် ဖြစ်ပေါ်လာမည့် နိုင်ငံရေးအခြေအနေများနှင့် လိုက်လျောညီထွေသည့် ငြိမ်းချမ်းရေးနှင့် နိုင်ငံဖွံ့ဖြိုးတိုးတက်ရေး လုပ်ငန်းစဉ်များကို ဖော်ထုတ်နိုင်ရေး ဆောင်ရွက်သွားမည်ဖြစ်သည်။ငြိမ်းချမ်းရေးစကားဝိုင်းကို မတ်၂၄ ရက်မှ ၂၆ ရက်အထိ သုံးရက်တာ ကျင်းပမည်ဖြစ်ကြောင်း သတင်းရရှိသည်။Source: Myanmar National Portal
အမေရိကန်နှင့် တိုက်ရိုက်မဟုတ်သည့် စေ့စပ်ဆွေးနွေးမှုများ လုပ်ဆောင်ရန် အသင့်ရှိဟု အီရန်ပြော
အမေရိကန်နှင့် တိုက်ရိုက်မဟုတ်သည့် စေ့စပ်ဆွေးနွေးမှုများ လုပ်ဆောင်ရန် အသင့်ရှိဟု အီရန်ပြော
အီရန်နိုင်ငံအနေဖြင့် အမေရိကန်နှင့် တိုက်ရိုက်မဟုတ်သည့် စေ့စပ်ဆွေးနွေးမှုများ လုပ်ဆောင်ရန်အသင့်ရှိသည်ဟု အီရန်နိုင်ငံခြားရေး ဝန်ကြီး အဘတ် အာရက်ချီက မတ်လ ၂၄ ရက်တွင်  ပြောကြားလိုက်သည်။အီရန်နိုင်ငံ၏မူဝါဒသည်  နိုင်ငံအပေါ်ပိတ်ဆို့မှုများနှင့်  ဖိအားပေးမှုများ လုပ်ဆောင်နေစဉ်အတွင်း အမေရိကန်နှင့် တိုက်ရိုက်စေ့စပ် ဆွေးနွေးမည် မဟုတ်ကြောင်း၊ အမေရိကန်အစိုးရက  အီရန် အပေါ်ထားရှိသည့် ချဉ်းကပ် လုပ်ဆောင်မှု မပြောင်းလဲသရွေ့   နိုင်ငံ၏မူဝါဒမှာ ပြောင်းလဲမည်မဟုတ်ကြောင်း   အီရန်နိုင်ငံခြားရေးဝန်ကြီး  အဘတ် အာရက်ချီ က   SNN   ရုပ်သံဌာနနှင့် ပြုလုပ်သည့်တွေ့ဆုံမေးမြန်းခန်းတစ်ခု၌  ပြောကြားသည်။ထို့ပြင် အီရန်အစိုးရ၏ အဓိကတာဝန်မှာ နိုင်ငံ၏အကျိုးစီးပွားနှင့် ပြည်သူများကို ကာကွယ်ပေးရန်အတွက်ဖြစ်ပြီး နိုင်ငံ၏အကျိုးစီးပွားကို ဖော်ဆောင်နိုင်မည့် အခွင့်အလမ်းများကိုလည်း အီရန်က လက်လွတ်ခံမည်မဟုတ်ကြောင်း     အာရက်ချီက ဆက်လက်ပြောကြားခဲ့ကြောင်း   သိရသည်။အီရန်နိုင်ငံ၏ နျူကလီးယား အစီအစဉ်နှင့်စပ်လျဉ်း၍ အမေရိကန်က တွေ့ဆုံဆွေးနွေးမည်ဟူသော သတင်းစကားတစ်ရပ်ကို အမေရိကန်သမ္မတ ဒေါ်နယ်ထရမ့်က ယခုနှစ် မတ်လအစောပိုင်းတွင် ဆိုရှယ်မီဒီယာတစ်ခုပေါ်၌ ရေးသားဖော်ပြခဲ့ကြောင်း သတင်းဌာနတစ်ခု၏ ထုတ်ပြန်ချက်အရ သိရသည်။Source: https://myawady.net.mm/ 
ရုရှားနှင့် အမေရိကန်အရာရှိများကြား တွေ့ဆုံဆွေးနွေးပွဲ တစ်ရပ်ကို ဆော်ဒီအာရေဗျ နိုင်ငံတွင် ထပ်မံကျင်းပ
ရုရှားနှင့် အမေရိကန်အရာရှိများကြား တွေ့ဆုံဆွေးနွေးပွဲ တစ်ရပ်ကို ဆော်ဒီအာရေဗျ နိုင်ငံတွင် ထပ်မံကျင်းပ
ယူကရိန်းပဋိပက္ခဖြေရှင်းရေးနှင့် စပ်လျဉ်း၍  ရုရှားနှင့်အမေရိကန် အရာရှိများကြား တွေ့ဆုံဆွေးနွေးပွဲ တစ်ရပ်ကို   ဆော်ဒီအာရေဗျနိုင်ငံ ရီယက်မြို့၌ မတ်လ ၂၄ ရက်တွင် ထပ်မံကျင်းပခဲ့ကြောင်း မီဒီယာများတွင်ဖော်ပြသည်။နှစ်နိုင်ငံအရာရှိကြီးများ၏  တွေ့ဆုံဆွေးနွေးပွဲကို ရီယက်မြို့ရှိ ရစ်ဇ်ကာတန်ဟိုတယ်၌ မတ်လ ၂၄ ရက် နံနက်ပိုင်းတွင် ကျင်းပခဲ့ခြင်းဖြစ်ပြီး   ဆော်ဒီလုံခြုံရေး တပ်ဖွဲ့ဝင်များက လုံခြုံရေးတာဝန် ယူပေးခဲ့ကြောင်း သိရသည်။အဆိုပါတွေ့ဆုံဆွေးနွေးပွဲသို့ တက်ရောက်လာသည့် ရုရှားကိုယ်စားလှယ်အဖွဲ့တွင် ရုရှားပြည်ထောင်စုကောင်စီမှ နိုင်ငံခြားရေးရာ ကော်မတီဥက္ကဋ္ဌ ဂရီဂေါ်ရီ ကာရာဆင်၊ ပြည်ထောင်စုလုံခြုံရေးအဖွဲ့ ညွှန်ကြားရေးမှူး၏ အကြံပေး  ဆာဂျီဘီဆီဒါတို့ဦးဆောင်ပြီး အမေရိကန်ကိုယ်စားလှယ်များတွင်မူ အိမ်ဖြူတော် အမျိုးသားလုံခြုံရေးကောင်စီ ညွှန်ကြားရေးမှူး အင်ဒရူး ပိခ်နှင့် နိုင်ငံခြားရေး ဝန်ကြီးဌာနမှ အဆင့်မြင့် အရာရှိတစ်ဦးဖြစ်သူ မိုက်ကယ်အန်တန်တို့ ပါဝင်ကြောင်း သိရသည်။နှစ်နိုင်ငံကိုယ်စားလှယ်များသည် အဆိုပါတွေ့ဆုံ ဆွေးနွေးပွဲ၌   ယူကရိန်း ဆိပ်ကမ်းများမှ ဂျုံများပြန်လည် တင်ပို့နိုင်ရေးအတွက်      အန္တရာယ်ကင်းရှင်းသည့် ရေလမ်းကြောင်းပြန်လည် ဖွင့်လှစ်ပေးရေး၊ ယူကရိန်းနှင့်  ရုရှားနိုင်ငံတို့အနေဖြင့် ၎င်းတို့၏ လောင်စာဆီနှင့် ကုန်စည်များ တင်ပို့နိုင်ရေးအတွက် ပင်လယ်နက်အတွင်း ရေကြောင်းဆိုင်ရာ အပစ်အခတ်ရပ်စဲရေးနှင့် ထိန်းချုပ်နယ်မြေ သတ်မှတ်ရေးစသည့် ကိစ္စရပ်များကို အဓိကဆွေးနွေးခဲ့ကြောင်း သိရသည်။ယခုကျင်းပခဲ့သည့် ရုရှား-အမေရိကန် တွေ့ဆုံဆွေးနွေးမှုသည်   စစ်မှန်သည့် တိုးတက်မှုများ၊ အထူးသဖြင့် ပင်လယ်နက်အတွင်း ရုရှားနှင့် ယူကရိန်းနှစ်နိုင်ငံစလုံးမှ သင်္ဘောများကြား အပစ်အခတ်ရပ်စဲရေးအပေါ် အကျိုးသက်ရောက်စေနိုင်သည်ဟု အမေရိကန်သမ္မတ ဒေါ်နယ်ထရမ့်၏ အထူးသံတမန် စတိဝှစ်ကော့က ပြောကြားထားသည်။အမေရိကန်နှင့် ရုရှားနိုင်ငံတို့မှ နိုင်ငံခြားရေးဝန်ကြီးများ ပါဝင်သည့်  အဆင့်မြင့် အရာရှိကြီးများ၏   တွေ့ဆုံဆွေးနွေးပွဲ တစ်ရပ်ကို ဆော်ဒီအာရေဗျနိုင်ငံ ရီယက်မြို့၌ ယခုနှစ် ဖေဖော်ဝါရီလ ၁၈ ရက်တွင်လည်း ကျင်းပခဲ့ကြောင်း သိရသည်။Source: https://myawady.net.mm/ 
ဘရာဇီးသမ္မတသည် မေလတွင် ရုရှားနိုင်ငံသို့ လာရောက်လည်ပတ်မည်
ဘရာဇီးသမ္မတသည် မေလတွင် ရုရှားနိုင်ငံသို့ လာရောက်လည်ပတ်မည်
ဘရာဇီးသမ္မတ လူးဝစ် အီနာဆီယူ လူလာ ဒါဆီလ်ဗာသည် မေလတွင် ရုရှားနိုင်ငံသို့ လာရောက်လည်ပတ်ရန် ရည်ရွယ်ထားပါသည်။ဘရာဇီး သမ္မတ လူလာ ဒါဆေးဗာသည် ရုရှားဖက်ဒရေးရှင်း၏ သမ္မတ ဗလာဒီမာ ပူတင်နှင့်လည်း တွေ့ဆုံမည်ဖြစ်ကြောင်း ဘရာဇီးသမ္မတ၏ နိုင်ငံတကာရေးရာဆိုင်ရာ အထူးလက်ထောက် ဆယ်လ်ဆူ အမိုရင်းက ပြောကြားခဲ့ပါသည်။“ဘရာဇီး သမ္မတ လူလာ ဒါဆေးဗာ သည် မေလတွင် ရုရှားနိုင်ငံသို့ လာရောက်မည်ဖြစ်ပြီး ထိုနေရာတွင် ရုရှားဖက်ဒရေးရှင်း၏ သမ္မတ ဗလာဒီမာ ပူတင်နှင့် နှစ်ဦးနှစ်ဖက် တွေ့ဆုံဆွေးနွေးပွဲတစ်ခု ပြုလုပ်မည်ဖြစ်သည်” ဟု အမိုရင်းက ဘရာဇီးသတင်းစာ ဖိုလ်ဟာဒီ ဆန်ပေါ်လိုနှင့် အင်တာဗျူးတွင် ပြောကြားခဲ့ပါသည်။ဘရာဇီးသမ္မတ၏ လက်ထောက်က ရုရှားနိုင်ငံသို့ လာရောက်လည်ပတ်မှုအပြီးတွင် သမ္မတ လူလာ ဒါဆေးဗာသည် တရုတ်ပြည်သူ့သမ္မတနိုင်ငံ၏ သမ္မတ ရှီကျင့်ဖျင်နှင့် ဆွေးနွေးရန် တရုတ်နိုင်ငံသို့ သွားရောက်ရန် ရည်ရွယ်ထားကြောင်း ထပ်လောင်းပြောကြားခဲ့ပါသည်။ဇန်နဝါရီလတွင် သမ္မတ လူလာ ဒါဆေးဗာသည် သမ္မတဗလာဒီမာ ပူတင် အား မဟာမျိုးချစ်စစ်ပွဲအောင်ပွဲရရှိမှု နှစ် (၈၀) ပြည့် အထိမ်းအမှတ်ပွဲတွင် ရုရှားနိုင်ငံသို့ လာရောက်လည်ပတ်ရန် ရည်ရွယ်ထားကြောင်း ကြေညာခဲ့ပြီးဖြစ်ပါသည်။ကိုးကား - Tassဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
ရုရှားဖက်ဒရေးရှင်းနှင့် အမေရိကန်တို့သည် ယူကရိန်းဆိုင်ရာ ဆွေးနွေးမှုများတွင် နယ်မြေပိုင်ဆိုင်မှုကိစ္စကို ဆွေးနွေးကြမည်
ရုရှားဖက်ဒရေးရှင်းနှင့် အမေရိကန်တို့သည် ယူကရိန်းဆိုင်ရာ ဆွေးနွေးမှုများတွင် နယ်မြေပိုင်ဆိုင်မှုကိစ္စကို ဆွေးနွေးကြမည်
ရုရှားဖက်ဒရေးရှင်းနှင့် အမေရိကန်တို့သည် ယူကရိန်းဆိုင်ရာ ဆွေးနွေးမှုများတွင် နယ်မြေပိုင်ဆိုင်မှုကိစ္စကို ဆွေးနွေးကြမည်ဖြစ်ကြောင်း သိရှိရ ပါသည်။ ရုရှားနှင့် အမေရိကန်တို့သည် ယူကရိန်းဆိုင်ရာဆွေးနွေးပွဲများတွင် အပစ် အခတ်ရပ်စဲရေးအတည်ပြုခြင်း၊ ငြိမ်းချမ်းရေးတပ်ဖွဲ့များနှင့် နယ်မြေဆိုင်ရာ အချုပ်အခြာအာဏာကဲ့သို့သောကိစ္စရပ်များကို ဆွေးနွေးမည်ဟု အမေရိကန် အမျိုးသားလုံခြုံရေးအကြံပေး မိုက်ခ်ဝေါ့လ်ဇ် က CBS ရုပ်သံလိုင်းတွင် ပြောကြားခဲ့ပါသည်။ မတ်လ ၂၄ ရက်တွင် အီရိယာ့ဒ်မြို့၌ ရုရှား-အမေရိကန် ပူးပေါင်း ဆွေးနွေးပွဲကျင်းပမည်ဖြစ်ပြီး၊ ပင်လယ်နက်အတွင်း ပူးပေါင်းဆောင်ရွက်ရေးကို အဓိကထားမည်ဟု ၎င်းက ဖော်ပြခဲ့သည်။ "ထို့နောက် စစ်မျဉ်းထိန်းချုပ်ရေး လိုင်း (လက်ရှိစစ်မြေပြင်အခြေအနေ)၊ အပစ်အခတ်ရပ်စဲရေး အတည်ပြုရေး နည်းလမ်းများ၊ ငြိမ်းချမ်းရေးတပ်ဖွဲ့များ စခန်းချရေးနှင့် ရေရှည်ငြိမ်းချမ်းရေး ဆီသို့ ဦးတည်သည့် နယ်မြေလဲလှယ်မှုများကို ဆွေးနွေးမည်" ဟု မိုက်ခ် ဝေါ့လ်ဇ်က ရှင်းပြခဲ့သည်။ အသေးစိတ်အချက်များကို မဖော်ပြသော်လည်း၊ “ယူကရိန်းဘက်က အဆိုပါအချက်ကို လုံခြုံရေးအာမခံချက်အဖြစ် ရှုမြင်သည်” ဟု ၎င်းက ဖြည့်စွက်ပြောကြားခဲ့သည်။ မတ်လ ၂၄ ရက်တွင် ရုရှားကိုယ်စားလှယ်အဖွဲ့ကို ဖက်ဒရယ်လွှတ်တော် နိုင်ငံခြားရေးကော်မတီဥက္ကဋ္ဌ ဂရီဂေါ်ရီ ကာရာဆင် နှင့် FSB ညွှန်ကြား ရေးမှူး၏ အကြံပေး ဆာဂျီ ဘီဆီဒါတို့ ဦးဆောင်မည်ဖြစ်ပါသည်။ မတ်လ ၁၈ ရက်နေ့က ရုရှားသမ္မတဗလာဒီမာပူတင်နှင့် အမေရိကန် သမ္မတ ဒေါ်နယ်ထရမ့်တို့သည် ယူကရိန်းအခြေအနေ၊ စစ်ရေး အရှိန်မြင့် တက်မှုကို တားဆီးရန် အခြေအနေများနှင့် နိုင်ငံတကာကိစ္စများကို ဆွေးနွေးခဲ့ကြသည်။ ကရင်မလင်၏ သတင်းထုတ်ပြန်ချက်အရ၊ သမ္မတ ဗလာဒီမာပူတင်က ယူကရိန်းပဋိပက္ခဘက်မှ စွမ်းအင် အခြေခံ အဆောက် အအုံများကို ၃၀ ရက်ကြာ ပစ်ခတ်မှုရပ်စဲရန် အမေရိကန်သမ္မတ၏အဆိုကို သဘောတူခဲ့ကြသည်။ အိမ်ဖြူတော်၏ ထုတ်ပြန်ချက်အရ နှစ်ဖက်စလုံးသည် “ပင်လယ်နက်၌ အပစ်အခတ်ရပ်စဲရေး၊ အပစ်အခတ် အလုံးစုံရပ်စဲရေးနှင့် ရေရှည်ငြိမ်းချမ်းရေး” စနစ်ကို စတင်ရန် နည်းပညာ ဆိုင်ရာ ဆွေးနွေးမှုများ စတင်ရန် သဘောတူညီခဲ့ကြပါသည်။ ပဋိပက္ခကို ဖြေရှင်းရန်လုပ်ဆောင်ရာတွင် အဓိကအခြေအနေမှာ “နိုင်ငံခြားမှ စစ်ရေး အကူအညီနှင့် ယူကရိန်းသို့ ထောက်လှမ်းရေးဆိုင်ရာ အချက်အလက်များ ပေးအပ်ခြင်းကို အလုံးစုံရပ်တန့်ရန်” ဖြစ်သည်ဟု အလေးပေး ပြောကြားခဲ့ပါသည်။ ကိုးကား - TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
© Copyright 2024 SAC All Rights Reserved.