မြန်မာနိုင်ငံ ငလျင်ဘေးတွင် အိန္ဒိယတပ်မတော်က စက်ရုပ်မြင်းများနှင့် နာနိုဒရုန်းများအသုံးပြုဆောင်ရွက်နေ

အိန္ဒိယတပ်မတော်သည် မြန်မာနိုင်ငံ ငလျင်ဘေးနှင့်ပတ်သက်၍ ရှာဖွေ ကယ်ဆယ်ရေးလုပ်ငန်းများလုပ်ကိုင်နိုင်ရန် စက်ရုပ်မြင်းများ၊နာနိုဒရုန်းများ ကိုပထမဆုံးအကြိမ်အသုံးပြုလာခဲ့ကြောင်း သိရပါသည်။အိန္ဒိယတပ်မတော်မှ ထုတ်ပြန်သည့် ရုပ်သံဖိုင်တွင် robot mule များကို ငလျင်ကြောင့် ထိခိုက် ပျက်စီးခဲ့သည့်အပျက်စီးများအကြား၌ စက်ရုပ်မြင်းများ၊နာနိုဒရုန်းများ အသုံးပြုနေသော မှတ်တမ်းများအရ သိရပါသည်။အဆိုပါ စက်ရုပ်များသည် မြန်မာငလျင်ဘေးနှင့်ပတ်သက်ပြီး အိန္ဒိယရှာဖွေကယ်ဆယ်ရေးလုပ်ငန်း များတွင် အဓိကအရေးပါသည့် အစိတ်အပိုင်းအဖြစ်ပါဝင်နေကြောင်းသိရပါသည်။မြန်မာနိုင်ငံ၌ လူပေါင်းထောင်ချီသေဆုံးစေခဲ့သည့် အင်အားပြင်း ငလျင် လှုပ်ခတ်ခဲ့ပြီးနောက် အိန္ဒိယဝန်ကြီးချုပ်မိုဒီသည် နိုင်ငံတော်စီမံ အုပ်ချုပ်ရေးကောင်စီ ဥက္ကဌ ဗိုလ်ချုပ်မှူးကြီးမင်းအောင်လှိုင်နှင့် ဆက်သွယ် ဆွေးနွေးခဲ့ပြီးလူသားချင်းဆိုင်ရာစာနာမှုအကူညီများနှင့် ရှာဖွေကယ်ဆယ် ရေးအဖွဲ့များကိုစေလွှတ်ခဲ့ပါသည်။အိန္ဒိယ နိုင်ငံခြားရေးဝန်ကြီးက အိန္ဒိယ သည် အိမ်နီးချင်းနိုင်ငံများ၌ အရေးပေါ်အခြေအနေ ဖြစ်နေချိန်အတွင်း ကူညီပေးမှုများလုပ်ဆောင်မည်ဟု ကတိပြုကြောင်း ပြောကြားခဲ့သည်။ အိန္ဒိယအစိုးရသည် အဖွဲ့ဝင် ၈၀ ဦးပါသည့် ကယ်ဆယ်ရေးအဖွဲ့များ ကိုစေလွှတ်ခဲ့ပြီး အဖွဲ့ဝင် ၁၁၈ ဦးပါဝင်သည့် ကျန်းမာရေးအဖွဲ့များကိုလည်း စေလွှတ်ခဲ့ပါသည်။ထို့အပြင် လူသားချင်းဆိုင်ရာစာနာမှုအကူညီများအားသင်္ဘောများ၊ လေယာဉ်များဖြင့် ပေးပို့ခြင်းများရှိခဲ့ကြောင်းလည်းသိရပါသည်။ မြန်မာနိုင်ငံ၌အင်အားပြင်းငလျင်လှုပ်ခတ်ခဲ့ပြီးနောက် ရုရှား၊တရုတ်နှင့် အိန္ဒိယနိုင်ငံအပါအဝင် နိုင်ငံတကာအဖွဲ့စည်းများက လူသားချင်းဆိုင်ရာ စာနာမှုအကူညီများပေးပို့ကူညီခဲ့သကဲ့သို့ ရှာဖွေကယ်ဆယ်ရေးသမားများ စေလွှတ်ခဲ့ကြောင်းသိရှိရပါသည်။

ကိုးကား-NP News