(မြန်မာစံတော်ချိန် ၁၀:၀၀ နာရီ အချိန်ထုတ်ပြန်ချက်)

၂၀၂၅ ခုနှစ်၊ ဇွန်လ ၉ ရက်နေ့၊ မြန်မာစံတော်ချိန် (၉) နာရီ၊ (၄၄)မိနစ်၊ (၄၉)စက္ကန့် အချိန်တွင် ဂွမြေငလျင်စခန်းမှ အရှေ့မြောက်ဘက် မိုင် (၉၀) မိုင်ခန့်ကွာဝေးသော မြန်မာနိုင်ငံပြည်တွင်း (ပြည်မြို့ ၏ အနောက်ဘက် (၁၁) မိုင်ခန့်အကွာ) မြောက်လတ္တီတွဒ် (၁၈.၈၃) ဒီဂရီ၊ အရှေ့လောင်ဂျီတွဒ် (၉၅.၀၅) ဒီဂရီ၊ အနက် (၇၇) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

မိုးဇလ 

(မြန်မာစံတော်ချိန် ၂၂:၀၀ နာရီ အချိန်ထုတ်ပြန်ချက်)

၂၀၂၅ ခုနှစ်၊ ဇွန်လ ၆ ရက်နေ့၊ မြန်မာစံတော်ချိန် (၂၁) နာရီ၊ (၄၃)မိနစ်၊ (၃၂)စက္ကန့် အချိန်တွင် မြစ်ကြီးနားမြေငလျင်စခန်းမှ အနောက်မြောက်ဘက် (၁၀၃) မိုင်ခန့်ကွာဝေးသော မြန်မာနိုင်ငံပြည်တွင်း (တနိုင်းမြို့၏ အနောက်-အနောက်မြောက်ဘက် (၃၃) မိုင်ခန့်အကွာ) မြောက်လတ္တီတွဒ် (၂၆.၄၅) ဒီဂရီ၊ အရှေ့လောင်ဂျီတွဒ် (၉၆.၁၉) ဒီဂရီ၊ အနက် (၈၇) ကီလိုမီတာကို ဗဟိုပြု၍ အင်အားရစ်(ခ်)တာ စကေး (၃.၉) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာ ရရှိပါသည်။

မိုးဇလ 

အိန္ဒိယနိုင်ငံအရှေ့မြောက်ပိုင်းရှိ အာသံပြည်နယ်၌ လက်ရှိဖြစ်ပွားနေသော ရေကြီးမှုအတွင်း လူဦးရေငါးသိန်းကျော် ရေဘေးဒုက္ခသင့်လျက်ရှိကြောင်း တာဝန်ရှိသူများ က ဇွန်လ ၃ ရက်တွင် ထုတ်ပြန်ထားသည်။

ပြည်နယ်အတွင်းရှိ ခရိုင် ၂၂ ခု၌ဖြစ်ပွား နေသော ရေကြီးမှုသည် ဆက်လက်မြင့်တက်နေဆဲဖြစ်ကြောင်း၊ ပြီးခဲ့သည့် ၂၄  နာရီအတွင်း လူတစ်ဦးသေဆုံးပြီး နှစ်ဦး ပျောက်ဆုံးနေကြောင်း တာဝန်ရှိသူများ၏ ထုတ်ပြန်ချက်တွင် ဖော်ပြထားသည်။

မေလ ၃၁ ရက်တွင် ရေကြီးမှုကြောင့် လူသုံးဦးသေဆုံးပြီး မိုးများသည်းထန်စွာ ရွာသွန်းရာမှ မြေပြိုမှုဖြစ်ပွားခြင်းကြောင့် လူငါးဦးသေဆုံးကြောင်း၊ ဇွန်လ ၁ ရက် တွင် လူ ၁၀ ဦးသေဆုံးကြောင်း၊ ထို့ကြောင့် ရေကြီးမှု ဖြစ်ပွားသည့် ကာလအတွင်း သေဆုံးသူ စုစုပေါင်း အယောက် ၄၀ ကျော် ရှိလာပြီဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။

အလားတူ ရေကြီးမှုကြောင့် ကျေးရွာ ပေါင်း ၁၂၅၄ ရွာမှာ ရေလွှမ်းမိုးမှုကိုခံစားရကာ လယ်မြေဟက်တာပေါင်း ၁၃၀၀၀ နီးပါးမှာပျက်စီးသွားကြောင်း တာဝန်ရှိသူ များကပြောသည်။

ထို့ကြောင့် ပြည်နယ်အစိုးရအနေဖြင့် ကယ်ဆယ်ရေးစခန်း ၁၆၅ ခု၊ ကယ်ဆယ် ထောက်ပံ့ရေးစခန်း ၁၅၇ ခုတို့ကိုဖွင့်လှစ်ကာ ကူညီကယ်ဆယ်ရေး လုပ်ငန်းများကို ဆောင်ရွက်နေကြောင်း အာသံပြည်နယ် သဘာဝဘေး စီမံခန့်ခွဲရေး အဖွဲ့က ထုတ်ပြန်သည်။

တစ်ချိန်တည်းမှာပင် ဗြဟ္မပုတ္တရမြစ်၊ ဘာရက်မြစ်နှင့် ၎င်းတို့၏ မြစ်လက်တက်များရှိ မြစ်ရေမှာ စိုးရိမ်ရေမှတ်အထက်ကို ကျော်လွန်နေကြောင်း မိုးလေဝသဌာနက ထုတ်ပြန်ထားသည်။

Source: MWD Web Portal

၂၀၂၅ ခုနှစ်၊ ဇွန်လ ၃ ရက်နေ့၊ မြန်မာစံတော်ချိန် (၁၉) နာရီ၊ (၅၈)မိနစ်၊ (၅၆)စက္ကန့် အချိန်တွင် ကျိုင်းတုံမြေငလျင်စခန်းမှ အရှေ့-အရှေ့တောင်ဘက် (၈) မိုင်ခန့်ကွာဝေးသော မြန်မာနိုင်ငံပြည်တွင်း (ကျိုင်းတုံမြို့၏ အရှေ့-အရှေ့တောင်ဘက် (၇) မိုင်ခန့်အကွာ) မြောက် လတ္တီတွဒ် (၂၁.၂၅) ဒီဂရီ၊ အရှေ့လောင်ဂျီတွဒ် (၉၉.၇၁) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၆) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှား သွားကြောင်း တိုင်းထွာရရှိပါသည်။

 မိုးဇလ

ကချင်ပြည်နယ် အထက်ပိုင်းဒေသများ၌ မိုးသည်းထန်စွာရွာသွန်း‌နေသောကြောင့် မြစ်ကြီးနားမြို့အနိမ့်ပိုင်းရပ်ကွက်များအတွင်းသို့ ဧရာဝတီမြစ် ရေစတင်ဝင်ရောက်ကာ ရေကြီးရေလျှံမှုများ ဖြစ်ပေါ်နေကြောင်း သိရသည်။

ယမန်နေ့ မေလ (၃၁)ရက် ညက စတင်ရေဝင်လာခြင်းဖြစ်ကာ ယမန်နှစ် ရေတက်သည်ထက် ပိုမိုမြန်ဆန်ကြောင်း ဒေသခံများက လူမှုကွန်ရက်တွင် မှတ်ချက်ပြုကြသည်။

လက်ရှိတွင် မြစ်ကြီးနားမြို့၊ ရမ်ပူရပ်ကွက်၊ ကြက်ပေါင်ခြံ ရပ်ကွက်၊ လယ်ကုန်းရပ်ကွက်၊ မြင့်ငြိမ်းအေး၊ အောင်တံ တား စသည့် မြေနိမ့်ပိုင်း ရပ်ကွက်အချို့ကို ဧရာဝတီမြစ် ရေဝင်ရောက်မှုကြောင့် ပြည်သူများကို ဘေးလွတ်ရာသို့ ပြောင်းရွှေ့နေရသည်။

မြစ်ကြီးနားမြို့တွင် ဧရာ၀တီမြစ်ရေသည် စိုးရိမ်ရေအမှတ် (၁၂၀၀) စင်တီမီတာအောက်တွင်သာ ရှိနေသေးသော်လည်း ဆက်လက်မြင့်တက်နေကာ ယခုလက်ရှိတွင် ရေအမှတ် (၁၀ ၈၃)စင်တီမီတာသို့ ရောက်ရှိနေပြီး လာမည့် (၁) ရက်အတွ င်း စိုးရိမ်ရေအမှတ်သို့ ရောက်ရှိနိုင်ကြောင်း မိုးလေဝသနှင့်ဇလဗေဒညွှန်ကြားမှု ဦးစီးဌာနကလည်း ယနေ့ ဇွန် (၁) ရက် နံနက်ပိုင်းက သတင်းထုတ်ပြန်ထားသည်။

ထို့အတူ ချီဖွေမြို့၌လည်း မေခမြစ်ရေမြင့်တက်နေဆဲဖြစ်ကာ ချီဖွေ စစ်ရှောင်စခန်းနှင့် အနိမ့်ပိုင်း နေရာများ၌လည်း ရေစတင်မြုပ်သွားပြီ 

ယခုရက်ပိုင်းအတွင်း မိုးသည်းထန်စွာ ရွာသွန်းခြင်းနဲ့ အတူ လေပြင်းတိုက်၊ မိုးထစ်ချုန်း၊ မိုးကြိုးပစ်၊ လျှပ်စီးလက်၊ မိုး သီးကြွေ၊ လျှပ်တပြက်ရေကြီး၊ မြေပြိုခြင်းများဖြစ်ပေါ်နိုင်၍ ကုန်းမြင့်ဒေသအနီး၌ နေထိုင်သူများသည် မြေပြိုမှုအန္တ ရာယ်၊ မြစ်၊ ချောင်းအနီး၌ နေထိုင်သူများသည် ရေကြီး၊ ရေလျှံမှု အန္တရာယ်ကြုံလာနိုင်သောကြောင့် ကြိုတင် ရှောင်ရှားနိုင်ရန်လည်း မိုး/ဇလက အကြံပြုထားသည်။

Source: Popular Myanmar

နိုင်ဂျီးရီးယားနိုင်ငံ မြောက်ပိုင်း Niger ပြည်နယ်အာဏာပိုင်များက နိုင်ငံ၏ စိုက်ပျိုးရေးကဏ္ဍတွင် အဓိကထွန်းကားသော ပြည်နယ်အတွင်းရှိ စျေးကွက်ဖွံ့ဖြိုးသည့် Mokwa မြို့တွင် မိုးသည်းထန်စွာရွာသွန်းမှုကြောင့် ရေကြီးမှုများဖြစ်ပွားပြီး လူအနည်းဆုံး ၁၅၀ သေဆုံးကြောင်း ထုတ်ပြန် ခဲ့သည်။

ပြည်နယ်အရေးပေါ်စီမံခန့်ခွဲမှုအေဂျင်စီ၏ ပြောရေးဆိုခွင့်ရှိသူ Ibrahim Hussaini က CNN သို့ စနေနေ့ (မေ ၃၁) နံနက် ၉ နာရီ (အမေရိကန် အရှေ့ပိုင်းစံတော်ချိန် မနက် ၄ နာရီ) အထိ “ကလေးငယ်များအပါအဝင်” ရုပ်အလောင်း ၁၅၁ ဦး ရှာဖွေတွေ့ရှိခဲ့ကြောင်း ပြောကြားခဲ့သည်။

Hussaini က အခြားလူ ၃,၀၀၀ ကျော် အိုးမဲ့အိမ်မဲ့ဖြစ်ခဲ့ရပြီး ကယ်ဆယ်ရေးအဖွဲ့များ ဆက်လက်ရှာဖွေမှုများလုပ်ဆောင်လျက်ရှိပြီး သေဆုံးသူအရေအတွက် ပိုမိုများပြားလာနိုင်ကြောင်း ဖြည့်စွက် ပြောဆိုခဲ့သည်။

ကိုးကား- CNN

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

(မြန်မာစံတော်ချိန် ၁၄း၃၀ နာရီ အချိန်ထုတ်ပြန်ချက်)

၂၀၂၅ ခုနှစ်၊ မေလ ၃၀ ရက်နေ့၊ မြန်မာစံတော်ချိန် (၁၄) နာရီ၊ (၁၃)မိနစ်၊ (၂၈)စက္ကန့် အချိန်တွင် တောင်ကြီးမြေငလျင်စခန်းမှ အနောက်မြောက်ဘက် (၄) မိုင်ခန့်ကွာဝေးသော မြန်မာနိုင်ငံပြည်တွင်း (တောင်ကြီးမြို့၏ အနောက်မြောက်ဘက် (၃) မိုင်ခန့်အကွာ) မြောက် လတ္တီတွဒ် (၂၀.၈၁) ဒီဂရီ၊ အရှေ့လောင်ဂျီတွဒ် (၉၆.၉၉) ဒီဂရီ၊ အနက် (၁၂) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၂) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

(မြန်မာစံတော်ချိန် ၀၆:၄၅ နာရီ အချိန်ထုတ်ပြန်ချက်)

၂၀၂၅ ခုနှစ်၊ မေလ ၂၉ ရက်နေ့၊ မြန်မာစံတော်ချိန် (၀၆)နာရီ၊ (၃၂)မိနစ်၊ (၀၂)စက္ကန့် အချိန်တွင် ကန့်ဘလူမြေငလျင်စခန်းမှ အနောက်-အနောက်မြောက်ဘက် (၄၇) မိုင် ခန့်ကွာဝေးသော မြန်မာနိုင်ငံ ပြည်တွင်း (မော်လိုက်မြို့၏ အရှေ့တောင်ဘက် မိုင် (၃၀) မိုင်ခန့်အကွာ)၊ မြောက်လတ္တီတွဒ် (၂၃.၅၂) ဒီဂရီ၊ အရှေ့လောင်ဂျီတွဒ် (၉၄.၈၇) ဒီဂရီ၊ အနက်(၈၅)ကီလိုမီတာကို ဗဟိုပြု၍ အင်အားရစ်(ခ်) တာစကေး (၄.၂) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

မိုးဇလ