Global South တွင် ဝင်ရောက်စွက်ဖက်သည့် “လွှမ်းမိုး ခြယ်လှယ်မှု ပုံစံအသစ်” ဖြစ်သည်ဟု အိန္ဒိယ ပြည်ပရေးရာ ဝန်ကြီး Jaishankar ပြောကြား

အိန္ဒိယပြည်ပရေးရာဝန်ကြီး S. Jaishankar သည် Global South နိုင်ငံ များ၏ နိုင်ငံရေးတွင် ဝင်ရောက်စွက်ဖက်ရန် ကြိုးပမ်းနေသည့် “လွှမ်းမိုး ချုပ်ကိုင်မှု ပုံစံသစ်များ” ကို သောကြာနေ့ (မေ ၃၀) တွင် ပြင်းထန်စွာ ပြစ်တင်ခဲ့ပြီး၊ ယင်းအစီအစဉ်များကို လူ့အဖွဲ့အစည်း အချို့ကပင် အားပေးလျက်ရှိနေသည်ဟု အခိုင်အမာပြောဆိုသည်။

ကိုလိုနီခေတ်နောက်ပိုင်းတွင် Globalization က ပေးထားသော အခွင့် အလမ်းများကို အလွဲသုံးစား ပြုလုပ်ထားသည့် လွှမ်းမိုးချုပ်ကိုင်မှု ပုံစံ သစ်များ ထွက်ပေါ်လာနေသည်ဟု ဂူဂျာရပ်ပြည်နယ်၊ ဗဒိဒါရာရှိ Parul University ဘွဲ့နှင်းသဘင် အခမ်းအနား၌ အိန္ဒိယ ပြည်ပရေးရာဝန်ကြီး Jaishankar က ပြောကြားလိုက်ခြင်းဖြစ်ပါသည်။

ယင်းသို့ ပြောကြားရာတွင် “၎င်းတို့က မိမိတို့ကို တရားမျှတမှု ရှိအောင် ဆောင်ရွက်ပေးသယောင်ဖြင့် မိမိတို့၏ အတွင်းရေးတွေကို ထုတ်ပြော ယောင်ဆောင်ကြသည်။ ဥပမာတစ်ခုကတော့ ဒီမိုကရေစီမြှင့်တင်ရေး ဆိုသည့် နာမည်နှင့် Global South နိုင်ငံများ၏ နိုင်ငံရေးမှာ ဖုံးကွယ် မထားသည့် စွက်ဖက်မှုပါပဲ။ ဝမ်းနည်းစရာကောင်းသည်က ထိုအစီအစဉ် တွေကို မိမိတို့ ကိုယ်ပိုင်လူ့အဖွဲ့အစည်းအတွင်းက တစ်ချို့အပိုင်းများ ကပင် အားပေးကြပါသည်” ဟု ၎င်း၏မိန့်ခွန်းတွင် ပြောကြားခဲ့သည်။

ယနေ့ကမ္ဘာကြီးသည် သဘာဝအရ မတူကွဲပြားမှုနှင့် ဗဟုဝါဒသို့ ပြန်လည် ရောက်ရှိနေပြီဖြစ်ပြီး၊ ကိုလိုနီနယ်ချဲ့အင်ပါယာများ ကုန်ဆုံးသွားပြီးနောက် လူ့အဖွဲ့အစည်းများစွာသည် ၎င်းတို့၏လွတ်လပ်မှုနှင့်အတူ ၎င်းတို့၏ အသံကို ပြန်လည်ရရှိလာကြောင်း ၎င်းက ပြောကြား ခဲ့သည်။

“ကုလသမဂ္ဂအဖွဲ့ဝင်အနေဖြင့် စတင်တည်ထောင်စဉ်ကထက် လေးဆ တိုးလာပြီဖြစ်ပါသည်၊ ပိုမိုမျှတပြီး ခေတ်ပြိုင်ကမ္ဘာ့ဖြစ်စဉ်ဆီသို့ အရောက် လှမ်းရန် မိမိတို့၏ကြိုးပမ်းမှုမှာ ယဉ်ကျေးမှု၊ ဓလေ့ထုံးတမ်းများနှင့် အမွေအနှစ်များကို အပြန်အလှန်လေးစားမှုရန် လိုပါသည်၊ ဒါဟာ အဓိက အရေးကြီးပါသည်” ဟု ထည့်သွင်း ပြောကြားခဲ့ပါသည်။

ကမ္ဘာလုံးဆိုင်ရာ လွှမ်းခြုံမှုအစဉ်တွင် အပြန်အလှန် အမှီသဟဲ ရှိနေကြမည်ဖြစ်ကြောင်း၊ အရွယ်အစား ဩဇာအာဏာ ကြီးသည် ငယ်သည် မဟူဘဲ မည်သည့်နိုင်ငံမျှ တစ်နိုင်ငံတည်း စီမံခန့်ခွဲနိုင်မည် မဟုတ်ပါကြောင်း စွမ်းအားကန့်သတ်ချက်ကို ထုတ်ဖော် ပြောကြားခဲ့ပါသည်။

“နည်းပညာများနှင့်ပတ်သက်သည့် အလားအလာများအကြောင်း မိမိတို့ အတော်အတန် ပြောနိုင်ပါသည်။ သို့ပေမယ့်  ဉာဏ်ရည် ဉာဏ်သွေးသည် လည်းကောင်း၊ ကိန်းဂဏန်း အချက်အလက်သည် လည်းကောင်း၊ အရင်း အမြစ်သည် လည်းကောင်း အရာအားလုံးကို နိုင်ငံတစ်နိုင်ငံအဆင့်ဖြင့် လုပ်ဆောင်ထိန်းချုပ်ထားလို့ မရပါ။ တကယ်တော့ ကမ္ဘာလုံးဆိုင်ရာ ဖြစ်စဉ်၏ အယူအဆ သို့မဟုတ် နိုင်ငံတကာ ဆက်ဆံရေးမှာ အမှန်တကယ်အားဖြင့် နိုင်ငံများအကြား အပြန်အလှန် ဘုံအကျိုးစီးပွားအတွက် အချင်းချင်း လက်တွဲ လုပ်ဆောင်ရမည် ဟူသော ယူဆချက်ဖြစ်သည်။ အခြားအချက်ကတော့ ဖြစ်နိုင်သမျှ အကောင်းဆုံး စည်းမျဉ်းသတ်မှတ်ချက်တွေ သတ်မှတ်ပေးဖို့ပါပဲ” ဟု ၎င်းက ဆိုသည်။

၎င်းက နိုင်ငံ၏ ကာလရှည်ကြာရှိနှင့် ပြီးသော ဓလေ့ထုံးစံကို သဘာဝနှင့် ဝေးကွာနေမည့်အစား အတူထိန်းသိမ်းကြရန်၊   အိန္ဒိယနိုင်ငံ၏ ပွင့်လင်းမှု၊ ဗဟုဝါဒနှင့် မတူကွဲပြားမှုတို့ အပေါ်ထပ်လောင်း၍ အလေးထား ပြောကြားခဲ့ပါသည်။

“နည်းလမ်းများစွာဖြင့် တူညီမှု သဘောတရားကို ရှာဖွေခြင်းထက် သာတူညီမျှမှု မြှင့်တင်ရန် လိုအပ်ပါသည်၊ မိမိတို့၏ ဘာသာစကားများ၊ သက်ဝင်ယုံကြည်မှုများ၊ ဓလေ့ထုံးစံများ၊ အလေ့အထများ၊ အစားအသောက်နေထိုင် ကျင့်ကြံမှုများမှာ တွေ့နိုင်ပါသည်၊ အိန္ဒိယရှိ မိမိတို့၏ ပွင့်လင်း မြင်သာမှုသည် မိမိတို့ကို ကမ္ဘာနှင့်အမျှ ပွင့်လင်းစေပါသည်။ ထို့ကြောင့် မိမိတို့သည် အစစ်အမှန် သို့မဟုတ် အတုယူဖွယ် အရံအတားများကို မတည်ဆောက်သလို အခြားသူများအပေါ်မှာလည်း မိမိတို့၏ နည်းလမ်း များကို ပြဋ္ဌာန်းထားခြင်းလည်း မရှိပါ။” ဟု ပြောကြားခဲ့ပါသည်။

ပြည်ပရေးရာဝန်ကြီး Jaishankar က “ကြီးမားသောမူဝါဒ တစ်ရပ် အနေဖြင့် နိုင်ငံပေါင်း ၂၀၀ နီးပါးရှိသော နိုင်ငံတကာ အသိုက်အဝန်းတွင် အိန္ဒိယနိုင်ငံသည် တိုးတက်ရန် ကြိုးပမ်းသည့် အမျိုးသား အကျိုးစီးပွား ရှိသည်။ ဒါပေမယ့် ဒါက အပြန်အလှန် နားလည်မှုနှင့် အပြန်အလှန် အကျိုး ရှိအောင် ဦးတည်ရည်မှန်းချက် မူဝါဒလမ်းစဉ်များနှင့်အညီ ကြိုးစား လုပ်ဆောင်ရန် တောင်းဆိုပါသည်။ မိမိအနေဖြင့် အိန္ဒိယ၏ အဆိုပါ နားလည်မှုလို့ အပြည့်အဝ ယုံကြည်ပါသည်” ဟု ၎င်းက ဆိုသည်။ 

ကိုးကား- IANS (Social News)

ဘာသာပြန်ဆိုသူ- ဦးခိုင်ထွဋ်လှ