ယူကရိန်းတပ်မတော်မှ ကြည်းတပ် ဦးစီးချုပ် ရာထူးမှ နုတ်ထွက်

saceditor

News Image

  • ယူကရိန်းတပ်မတော်မှ ကြည်းတပ် ဦးစီးချုပ် ရာထူးမှ နုတ်ထွက်

ယူကရိန်းနိုင်ငံ၏ ကြည်းတပ် ဦးစီးချုပ် Mikhail Drapaty သည် ယူကရိန်းတပ်မတော် လေ့ကျင့်ရေးစခန်းတစ်ခုတွင် ပစ်ခတ်တိုက်ခိုက်ခံရမှုများကြောင့် ယူကရိန်းစစ်သည်များ သေဆုံးမှုအတွက် တာဝန်ယူကာ ရာထူးမှနုတ်ထွက်သွားကြောင်း သိရှိရပါသည်။

ယူကရိန်းရုပ်သံ Suspilne ၏ ဖော်ပြချက်အရ တနင်္ဂနွေနေ့ (ဇွန် ၁) က ရုရှား၏ ပစ်ခတ်တိုက်ခိုက်မှုကြောင့် ယူကရိန်းစစ်သည် အနည်းဆုံး ၁၂ ဦး သေဆုံးပြီး ၆၀ ခန့် ဒဏ်ရာရရှိခဲ့သည်။ ယူကရိန်းအစိုးရက တည်နေရာ အသေးစိတ်ကို ထုတ်ဖော်မပြောသော်လည်း Suspilne ၏ အရင်းအမြစ်များအရ ၎င်းသည် Dnepropetrovsk ဒေသရှိ Novomoskovsky စစ်လေ့ကျင့်ရေးစခန်းနှင့် နီးစပ်သည့်နေရာဖြစ်နိုင်ကြောင်း သိရသည်။

ရုရှားကာကွယ်ရေးဝန်ကြီးဌာနက တနင်္ဂနွေနေ့ (ဇွန် ၁) တွင် Novomoskovsky လေ့ကျင့်ရေးစခန်း အနီးရှိ အဆောက်အဦတစ်ခုကို ပစ်မှတ်ထား တိုက်ခိုက် ခဲ့ကြောင်း အတည်ပြုခဲ့ပြီး ယူကရိန်းတပ်မတော်၏ 158th နှင့် 33rd Separate Mechanized Brigade (SMB) တို့ကို ပစ်မှတ်ထားတိုက်ခိုက် ခဲ့ခြင်းဖြစ်သည်။

ဦးစီးချုပ် Drapaty က စနေနေ့ (မေ ၃၁) က လူမှုကွန်ရက်တွင် ထုတ်ပြန်သည့် ကြေညာချက်တွင် “မိမိသည် ယူကရိန်းတပ်မတော် (AFU) ၏ ကြည်းတပ် ဦးစီးချုပ် ရာထူးမှ နုတ်ထွက်ရန်အတွက် အစီရင်ခံစာ တင်သွင်းရန် ဆုံးဖြတ်ခဲ့ပါသည်။ ၂၃၉ လေ့ကျင့်ရေးစခန်းတွင် ဖြစ်ပွားခဲ့သည့် အဖြစ်အပျက်ကြောင့် မိမိတို့၏ စစ်သည်များ အသက်ဆုံးရှုံးမှုအတွက် တာဝန်ယူမှု၊ တာဝန်ခံမှုအဖြစ် မိမိ၏ သဘောဆန္ဒအရ ဤဆုံးဖြတ်ချက်ကို ချမှတ်ခြင်းဖြစ်သည်” ဟု ရေးသားခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားနိုင်ငံအား အကြွင်းမဲ့ဆက်လက် ထောက်ခံသွားမည်ဟု မြောက်ကိုရီးယား ခေါင်းဆောင်ပြော
ရုရှားနိုင်ငံအား အကြွင်းမဲ့ဆက်လက် ထောက်ခံသွားမည်ဟု မြောက်ကိုရီးယား ခေါင်းဆောင်ပြော
မြောက်ကိုရီးယားအစိုးရအနေဖြင့် ယူကရိန်းပဋိပက္ခတွင် ရုရှားနိုင်ငံအား  အကြွင်းမဲ့ ဆက်လက်ထောက်ခံသွားမည်ဟု မြောက်ကိုရီးယား ခေါင်းဆောင်ကင်ဂျုံအွန်က ပြောကြားလိုက်သည်။မြောက်ကိုရီးယားနိုင်ငံသည် ရုရှားနိုင်ငံ၏ အပြည်ပြည်ဆိုင်ရာ နိုင်ငံရေးကိစ္စရပ်များတွင် ရုရှားအစိုးရ၏ ရပ်တည်ချက်နှင့် နိုင်ငံခြားရေးမူဝါဒ၊ အထူးသဖြင့် ယူကရိန်းအရေးတွင် အကြွင်းမဲ့ဆက်လက် ထောက်ခံမည်ဟု ခေါင်းဆောင်ကင်က ရုရှားလုံခြုံရေးကောင်စီ တွင်းရေးမှူး ဆာဂျီရှိုင်းဂူနှင့် တွေ့ဆုံစဉ်ပြောကြားခဲ့ခြင်း ဖြစ်ကြောင်း မြောက်ကိုရီးယား နိုင်ငံပိုင် KCNA သတင်းအေဂျင်စီက ဇွန်လ ၅ ရက်တွင် ထုတ်ပြန်သည်။အဆိုပါတွေ့ဆုံမှုတွင် မြောက်ကိုရီးယားနှင့် ရုရှားနိုင်ငံတို့သည် ၎င်းတို့ကြား မဟာဗျူဟာမြောက် မိတ်ဖက်ပူးပေါင်း ဆောင်ရွက်မှုကို တိုးမြှင့်ရေးအတွက်လည်း ဆွေးနွေးခဲ့ကြကြောင်း သိရသည်။ထို့ပြင် ရုရှားနိုင်ငံအနေဖြင့် နိုင်ငံ၏ အချုပ်အခြာအာဏာပိုင်ဆိုင်မှုနှင့် လုံခြုံရေးဆိုင်ရာ အကျိုးစီးပွားများကို ကာကွယ်ရာတွင် အောင်မြင်မှုရရှိမည်ဟု မျှော်လင့်ကြောင်း ခေါင်းဆောင်ကင်က   ဆက်လက်ပြောကြားသည်။အလားတူပင် မြောက်ကိုရီးယားနှင့် ရုရှားနိုင်ငံတို့သည် ကိုရီးယားကျွန်းဆွယ်တွင် ဖြစ်ပွားနေသည့် ဖြစ်ပေါ်တိုးတက်မှုများနှင့် စပ်လျဉ်း၍လည်း ဆွေးနွေးခဲ့ကြကြောင်း သိရသည်။MWD Web Portal
Fri, 6-Jun-2025
ပူတင်နှင့်ထရမ့်တို့ကြား လုပ်ဆောင်သည့် တယ်လီဖုန်းမှ တစ်ဆင့် ဆက်သွယ်ပြောဆိုမှုက အပြုသဘောဆောင်ဟု ရုရှား အစိုးရပြော
ပူတင်နှင့်ထရမ့်တို့ကြား လုပ်ဆောင်သည့် တယ်လီဖုန်းမှ တစ်ဆင့် ဆက်သွယ်ပြောဆိုမှုက အပြုသဘောဆောင်ဟု ရုရှား အစိုးရပြော
ရုရှားသမ္မတ  ဗလာဒီမာပူတင်နှင့် အမေရိကန်သမ္မတ   ဒေါ်နယ်ထရမ့်တို့ကြား လုပ်ဆောင်ခဲ့သည့် တယ်လီဖုန်းမှတစ်ဆင့်   ဆက်သွယ်ပြောဆိုမှုသည်   အပြုသဘောဆောင်ကြောင်း ရုရှားအစိုးရအဖွဲ့မှ ပြောရေးဆိုခွင့်ရှိသူ ဒီမီထရီပက်စကော့က   ဇွန်လ ၅ ရက်တွင် ပြောသည်။နှစ်နိုင်ငံခေါင်းဆောင်များကြား လုပ်ဆောင်ခဲ့သည့် တယ်လီဖုန်းမှ တစ်ဆင့်ပြောဆိုမှုသည် အပြုသဘောဆောင်သည့်အပြင် နှစ်နိုင်ငံစလုံးအတွက် လိုအပ်ကြောင်း၊ နှစ်နိုင်ငံခေါင်းဆောင်များသည် အဆိုပါပြောဆိုမှုအတွင်း အရေးပါသည့်ကိစ္စရပ် အများအပြားကို ဆွေးနွေးခဲ့ကြကြောင်း ပက်စကော့က ဆက်ပြောသည်။နှစ်နိုင်ငံခေါင်းဆောင်များကြား လုပ်ဆောင်ခဲ့သည့် အဆိုပါပြောဆိုမှုအတွင်း သဘောတူညီချက် ချမှတ်မှုမရှိသော်လည်း ထိုသို့ ဆက်သွယ်ပြောဆိုခြင်း၏ အရေးပါမှုကို ခေါင်းဆောင်နှစ်ဦးစလုံးက နားလည် သဘောပေါက်ထားကြောင်း ပက်စကော့က ဆက်လက်ပြောကြားခဲ့ကြောင်း သိရသည်။ပူတင်နှင့် ထရမ့်တို့ကြား   အဆိုပါဆက်သွယ် ပြောဆိုမှုသည် ယူကရိန်းနိုင်ငံက  ရုရှားနိုင်ငံအပေါ် တိုက်ခိုက်မှုများ လုပ်ဆောင်ခဲ့ပြီးနောက်ထွက်ပေါ်လာခြင်း ဖြစ်သည်။MWD Web Portal
Fri, 6-Jun-2025
ရုရှား-ယူကရိန်း အပစ်အခတ်ရပ်စဲရေး စာချွန်လွှာကို ရုရှား ထုတ်ပြန်
ရုရှား-ယူကရိန်း အပစ်အခတ်ရပ်စဲရေး စာချွန်လွှာကို ရုရှား ထုတ်ပြန်
ရုရှား-ယူကရိန်း ဒုတိယအကြိမ် တိုက်ရိုက်တွေ့ဆုံဆွေးနွေးမှုအတွင်း ရုရှားက ယူကရိန်းထံ လွှဲပြောင်းပေးခဲ့သည့် ပဋိပက္ခ ညှိနှိုင်းဖြေရှင်းရေးစာချွန်လွှာ အကြောင်းအရာ အပြည့်အစုံကို ရုရှား TASS သတင်းဌာနက ဇွန် ၂ ရက်တွင် ထုတ်ပြန်ဖော်ပြခဲ့သည်။ စာချွန်လွှာ အကြောင်းအရာ အပြည့် အစုံတွင် ယူကရိန်းအကျပ်အတည်း အဆုံးသတ်အဖြေရှာမှု အခြေအနေများ၊ ရက် ၃၀ အတွင်း ဘက်စုံအပစ်အခတ်ရပ်စဲမှုဖော်ဆောင်ခြင်းနည်းလမ်း၊ ငြိမ်းချမ်းရေးစာချုပ် လက်မှတ်ရေးထိုးရန် အဆင့်နှင့် အချိန်ကန့်သတ်ချက် စသည်တို့ ပါဝင်သည်။ရုရှားဘက်က စာချွန်လွှာထဲတွင် ငြိမ်းချမ်းရေးစာချုပ် လက်မှတ်ရေးထိုးရန် အစီအစဉ်ကိုဖော်ပြ ထားသည်။ ၎င်းတို့မှာ ငြိမ်းချမ်းရေးစာချုပ် စာသားမူကြမ်းရေးဆွဲခြင်း၊ စစ်ပွဲတွင် ကျဆုံးသွားသူများ ၏ ရုပ်အလောင်းအား ကောက်ယူသင်္ဂြိုဟ်ရန်အတွက် ၂ ရက်မှ ၃ ရက်အထိ အပစ်အခတ်ရပ်စဲခြင်း၊ ရုရှားဘက်က ကျဆုံးသွားသည့် ယူကရိန်းစစ်သား ရုပ်အလောင်း ၆,၀၀၀ ကို တစ်ဖက်သတ် လွှဲပြောင်းပေးခြင်း၊ အပစ်အခတ်ရပ်စဲရေးစာချွန်လွှာ လက်မှတ်ရေးထိုး၍ ငြိမ်းချမ်းရေးစာချုပ် လက်မှတ်ရေးထိုးမည့်နေ့ အတည်ပြုခြင်း၊ ယူကရိန်းဘက်က စစ်တပ်များမဆုတ်ခွာမီ ရက် ၃၀ အပစ်အခတ်ရပ်စဲရေးကာလ သတ်မှတ်ကာ ယူကရိန်းစစ်တပ်က ရက် ၃၀ အတွင်း လုံးဝဆုတ်ခွာပြီး သဘောတူညီချက်များစွာကို အကောင်အထည်ဖော်ခြင်း၊ ယူကရိန်းက ရွေးကောက်ပွဲကျင်းပ၍ အစိုးရအဖွဲ့ ဖွဲ့စည်းခြင်း၊ ငြိမ်းချမ်းရေးစာချုပ် လက်မှတ်ရေးထိုးခြင်း၊ စာချုပ်သည် တရားဥပဒေအရ ထိန်းချုပ်မှုအင်အားရှိသည့် ကုလသမဂ္ဂလုံခြုံရေးကောင်စီ၏ ဆုံးဖြတ်အတည်ပြုမှုရရှိရမည်ဖြစ်ခြင်း၊ စာချုပ်အား စိစစ်အတည်ပြုမှု၊ အသက်ဝင်မှုနှင့် အကောင်အထည်ဖော်မှုတို့ပါဝင်ကြောင်း သိရသည်။ရုရှားသမ္မတ လက်ထောက်၊ ရုရှားဆွေးနွေးညှိနှိုင်းရေးအဖွဲ့ခေါင်းဆောင် Vladimir Medinsky က ရုရှား၏စာချွန်လွှာသည် အသေးစိတ်ဖြစ်သော၊ ဘက်စုံသော အဆိုပြုချက်တစ်ခုဖြစ်ကြောင်း၊ ရေရှည် ငြိမ်းချမ်းမှု အနည်းဆုံးအပစ်အခတ်ရပ်စဲမှုကို ဖော်ဆောင်နိုင်ရေးကို တွန်းအားပေးနိုင်ကြောင်း ပြောကြားခဲ့သည်။ယူကရိန်း-ရုရှားကိုယ်စားလှယ်အဖွဲ့က ဇွန် ၂ ရက်တွင် တူကီယဲနိုင်ငံ အစ္စတန်ဘူလ်မြို့၌ ရုရှား-ယူကရိန်းပဋိပက္ခအား ငြိမ်းချမ်းစွာဖြေရှင်းရန်အတွက် ဒုတိယအကြိမ် တိုက်ရိုက်တွေ့ဆုံဆွေးနွေးမှု လုပ်ဆောင်ခဲ့သည်။ အဆိုပါဆွေးနွေးပွဲတွင် နှစ်နိုင်ငံက နှစ်ဖက်စာချွန်လွှာများကို လဲလှယ်ခဲ့သည်။ ယူကရိန်း ကိုယ်စားလှယ်အဖွဲ့ ခေါင်းဆောင်၊ ကာကွယ်ရေးဝန်ကြီး Rustem Umerov က ယူကရိန်း အနေဖြင့် သီတင်းပတ်တစ်ပတ်ကြာ အချိန်ယူကာ ရုရှား၏စာချွန်လွှာကို လေ့လာသုံးသပ် သွားမည် ဖြစ်ပြီး တစ်ဆင့်တိုးအစီအမံများအား ညှိနှိုင်းသွားမည်ဟု ပြောကြားခဲ့သည်။ရုရှားဘက်က စစ်ပွဲတွင် ကျဆုံးသွားသူများ၏ ရုပ်အလောင်းအား ကောက်ယူသင်္ဂြိုဟ်ရန်အတွက် အချိန် ၂ ရက်မှ ၃ ရက်အထိ အပစ်အခတ်ရပ်စဲခြင်း အဆိုပြုမှုနှင့်စပ်လျဉ်း၍ ယူကရိန်းသမ္မတ ဇီလန်စကီးက “ကျွန်တော်ကတော့ သူတို့အရမ်းတုံးအတယ်လို့ထင်တယ်။ ဘာလို့လဲဆိုတော့ အပစ်အခတ်ရပ်စဲမှုရဲ့ အနက်အဓိပ္ပာယ်က အစကတည်းကိုက လူတွေသေဆုံးတာကို တားဆီးခြင်း ဖြစ်တယ်” ဟု ဇွန် ၂ ရက်တွင် လူမှုမီဒီယာ၌ ရေးသားဖော်ပြခဲ့သည်။ ရုရှားကစစ်ပွဲမှ “ယာယီ ရပ်နားမှု” ကိုသာ ရရှိလိုခြင်းဖြစ်သည်ဟုလည်း ဇီလန်စကီးက ပြောကြားခဲ့သည်။ဇီလန်းစကီးက ထိုနေ့တွင် ယူကရိန်းဘက်က ဇွန် ၁ ရက်တွင် ဖော်ဆောင်ခဲ့သည့် အထူးစစ်ဆင်ရေး လှုပ်ရှားမှုအကြောင်းလည်း ပြောကြားခဲ့ပြီး ယင်းသည် ယူကရိန်းဘက်က တစ်ကိုယ်တည်းစီစဉ်ရေးဆွဲ ဖော်ဆောင်ခြင်းဖြစ်ကာ ဘက်အသီးသီးသို့ ယူကရိန်း၏စွမ်းရည်ကို ဖော်ပြရန်ဖြစ်ကြောင်း၊ “ရုရှား က ဒေါသူပုန်ထ၊ မထ ဆိုတာကို ဘယ်သူမှဂရုမစိုက်ပါဘူး” ဟု ဆိုခဲ့သည်။ အမေရိကန်ဘက်က အားကောင်းသော အစီအမံများဖော်ဆောင်ရန် တိုက်တွန်းကြောင်း၊ ရုရှားအား ဒဏ်ခတ် အရေးယူမှု ကို ထောက်ခံအားပေးကြောင်းလည်း ဇီလန်စကီးက ပြောကြားခဲ့သည်။ ကိုးကား- ဆင်ဟွာ
Thu, 5-Jun-2025
အီရန်က စေ့စပ်ညှိနှိုင်းရန် ကြိုဆိုသော်လည်း ဗိုလ်ကျအနိုင်ကျင့်မှုကို ငြင်းဆိုကြောင်း အီရန်သမ္မတ ပြောကြား
အီရန်က စေ့စပ်ညှိနှိုင်းရန် ကြိုဆိုသော်လည်း ဗိုလ်ကျအနိုင်ကျင့်မှုကို ငြင်းဆိုကြောင်း အီရန်သမ္မတ ပြောကြား
အီရန်က စေ့စပ်ညှိနှိုင်းရန် ကြိုဆိုသော်လည်း စေ့စပ်ညှိနှိုင်းမှုက ဗိုလ်ကျအနိုင်ကျင့်မှု သို့မဟုတ် တစ်ဖက်သတ် တောင်းဆိုမှုများကို အခြေခံ၍ မရကြောင်း အီရန်သမ္မတ မာဆော့ ပါဇက်ရှ်ကီရမ်က အီရန်နှင့်အမေရိကန်ကြား ကြားခံဆွေးနွေးမှုနှင့်စပ်လျဉ်း၍ ဇွန် ၃ ရက်တွင် ပြောကြားခဲ့သည်။ကျင်းပလျက်ရှိသော အီရန်-အမေရိကန် ကြားခံဆွေးနွေးမှုနှင့်စပ်လျဉ်းပြီး မည်သည့်နယ်ပယ်တွင် မဆို ဗိုလ်ကျအနိုင်ကျင့်မှုမူဝါဒကို မကျင့်သုံးသင့်ကြောင်း ပါဇက်ရှ်ကီရမ်က အဆိုပါနေ့တွင် အီရန် နိုင်ငံဆိုင်ရာ နယူးဇီလန်သံအမတ်ထံမှ သံအမတ်ခန့်အပ်လွှာကို လက်ခံစဉ်တွင် ပြောကြားခဲ့သည်။အီရန်အနေဖြင့် နျူကလီးယားလက်နက်ဆိုင်ရာကြိုးပမ်းမှု ပြုလုပ်မည်မဟုတ်ကြောင်း အစဉ်တစိုက် အတိအလင်း ပြောကြားခဲ့ပြီး ထိုရပ်တည်ချက်ကို ပူးပေါင်းဆောင်ရွက်မှုမှတစ်ဆင့် အစဉ်အမြဲလိုပင် သက်သေပြခဲ့ကြောင်း ၎င်းက ထပ်လောင်းပြောကြားခဲ့သည်။“ဒေသတွင်း အာဏာပိုင်တစ်ခုက အင်အားကြီးနိုင်ငံ၏ ထောက်ခံအားပေးမှုအောက်မှ ရာဇဝတ်မှုတွေ ကျူးလွန်ခဲ့ပြီးတော့ ၎င်းတို့ကိုယ်တိုင်၏ လိုအပ်ချက်တွေကို အကောင်အထည်ဖော်ဖို့ သူများကို ဒေသတွင်း လုံခြုံရေးနှင့်ငြိမ်းချမ်းရေး၏ ခြိမ်းခြောက်မှုအနေဖြင့် ပုံဖော်ဖို့ ကြိုးပမ်းကြပြန်တယ်။ ထိုလုပ်ရပ်က လုံးဝလက်ခံ၍ မရပါ” ဟု ပါဇက်ရှ်ကီရမ်က ပြောကြားခဲ့သည်။တချို့သော နိုင်ငံများသည် အခြားနိုင်ငံ၏ ဖွံ့ဖြိုးတိုးတက်ရေးလမ်းကြောင်းကို တားဆီးပိတ်ပင်ရန် ကြိုးစားနေသည့်အပြင် ၎င်းပင်ကိုယ်ဖွံ့ဖြိုးတိုးတက်မှုကို အသုံးပြုပြီး အခြားနိုင်ငံအပေါ် ဖိနှိပ်ကြရာ “ဒါဟာ တရားမျှတမှုမရှိသလို ယုတ္တိလည်းမရှိပါ။ လက်ခံနိုင်ဖွယ်လည်းမရှိပါ” ဟု ၎င်းက ဖြည့်စွက် ပြောကြားခဲ့သည်။အိုမန်၏ ရင်ကြားစေ့ပေးမှုတွင် အမေရိကန်နှင့်အီရန်တို့သည် ယခုနှစ် ဧပြီလမှစ၍ ကြားခံဆွေးနွေးမှု ၅ ကြိမ်တိုင် ကျင်းပခဲ့ပြီးဖြစ်ရာ အတိုင်းအတာတစ်ခုအထိ တိုးတက်မှုရရှိခဲ့သော်လည်း နှစ်ဖက်သည် ပင်မပြဿနာအများအပြား၌ သဘောထားကွဲလွဲနေမှုမှာ သိသာထင်ရှားလျက်ရှိပေသည်။ အီရန် အနေဖြင့် ယူရေနီယံ သန့်စင်မှုအဆင့်အားလုံးကို ဘက်စုံရပ်တန့်သင့်သည်ဟု အမေရိကန်ဘက်က အခိုင်အမာဖြစ်နေပြီး အီရန်ဘက်ကမူ အတန်အသင့် ယူရေနီယံသန့်စင်မှုပြုလုပ်ခြင်းသည် ၎င်း ငြိမ်းချမ်းစွာ နျူကလီးယားစွမ်းအင်အသုံးပြုခွင့်၏ တစ်စိတ်တစ်ပိုင်းဖြစ်ကြောင်း၊ “လုံးဝ သန့်စင်မှု မပြုရ” တောင်းဆိုမှုကို ငြင်းဆိုကြောင်း အလေးထားပြောကြားခဲ့သည်။ကိုးကား- ဆင်ဟွာ
Thu, 5-Jun-2025
အမေရိကန်အစိုးရက အနီးကပ်စောင့်ကြည့်နေသည့်အကြားမှ ရှေ့လတွင် ဘရာဇီးနိုင်ငံ၌ ကျင်းပပြုလုပ်မည့် BRICS ထိပ်သီး အစည်းအဝေး သို့ မိုဒီတက်ရောက်ဖွယ်ရှိ
အမေရိကန်အစိုးရက အနီးကပ်စောင့်ကြည့်နေသည့်အကြားမှ ရှေ့လတွင် ဘရာဇီးနိုင်ငံ၌ ကျင်းပပြုလုပ်မည့် BRICS ထိပ်သီး အစည်းအဝေး သို့ မိုဒီတက်ရောက်ဖွယ်ရှိ
အိန္ဒိယဝန်ကြီးချုပ် နာရင်ဒရာမိုဒီသည် ရှေ့လတွင် ကျင်းပရန်ရှိသည့်  BRICS ထိပ်သီးအစည်းအဝေး တက်ရောက်ရန်အတွက် ရေရိုဒီဂျနေရိုးမြို့သို့ သွားရောက်ဖွယ်ရှိကြောင်း ဒေသတွင်းသတင်းရင်းမြစ်ကဆိုပါသည်။ အဆိုပါ အစည်းအဝေးသည် G7 အဖွဲ့နှင့် အားပြိုင်ဖြစ်လာမည့် ဖွံ့ဖြိုးဆဲနိုင်ငံများ၏ အဖွဲ့ဖြစ်သဖြင့် အမေရိကန်ပြည်ထောင်စု ထရမ့် အစိုးရအဖွဲ့က အနီးကပ်စောင့်ကြည့်လေ့လာခြင်းခံနေရပါသည်။ ယင်းအစည်းအဝေးသို့ ရုရှားသမ္မတ ဗလာဒီမာ ပူတင်၊ တရုတ်သမ္မတ ရှီကျင့်ဖျင်တို့ တက်ရောက်မည်ဖြစ်ပြီး၊ ဆော်ဒီအာရေဗျ၊ အာရပ်စော်ဘွားများပြည်ထောင်စု၊ အီရန်၊ အီဂျစ်နှင့် အင်ဒိုနီးရှားနိုင်ငံတို့မှ ခေါင်းဆောင်များလည်း အတူတကွတက်ရောက်ကြဖွယ်ရှိပါသည်။မစ္စတာမိုဒီ၏ အဆိုပါအစည်းအဝေးတက်ရောက်မှုသည် ပါကစ္စတန်နှင့် လေးရက်ကြာပဋိပက္ခ၊ အကြမ်းဖက် တိုက်ဖျက်ရေး ဆင်နွှဲပြီးနောက် တက်ရောက်ခြင်းဖြစ်ပါသည်။ ယင်းစီးပွားရေးအုပ်စုကြီး၏ နယ်စပ်ဖြတ်ကျော် အကြမ်းဖက်မှု တိုက်ဖျက်ရေးနှင့်ပတ်သက်သည့် ပူးတွဲကြေညာချက်တစ်ရပ်သည် အိန္ဒိယအတွက်အရေးပါသည့် ကြေညာချက် ဖြစ်လာလိမ့်မည်ဖြစ်ကြောင်း တာဝန်ရှိသူများက ဆိုပါသည်။  တရုတ်သမ္မတရှီကျင့်ဖျင်နှင့် အိန္ဒိယဝန်ကြီးချုပ် မိုဒီ တို့သည် ၂၀၂၄ ခုနှစ်၊ အောက်တိုဘာလအတွင်းက ရုရှားနိုင်ငံ၊ Kazanတွင် ကျင်းပခဲ့သည့် BRICS ထိပ်သီး အစည်း အဝေးကာလ ဘေးဘန်းတွေ့ဆုံပွဲ ပြုလုပ်ခဲ့ပြီးသည့်နောက် ထပ်မံတွေ့ဆုံမှုမရှိခြင်း၊ Operation Sindoor ကာလ အတွင်း ပါကစ္စတန်နိုင်ငံကို တရုတ်မှ ကူညီပေးခဲ့ခြင်းတို့နှင့်စပ်လျဉ်း၍ နှစ်နိုင်ငံဆက်ဆံရေးကို စိတ်ဝင်တစား စောင့်ကြည့် လေ့လာလျက်ရှိကြရာ၊ ဇွန်လအတွင်း တိဘက်ဒေသ Kailash Mansarovar Yatra သို့ အိန္ဒိယ ဘုရားဖူး ခရီးသွားများ သွားရောက်ခြင်းဖြင့် နှစ်နိုင်ငံဆက်ဆံရေး အသစ်တဖန် ပြန်လည်စတင်ရန် ပြင်ဆင်လျက်ရှိပါသည်။ Operation Sindoor နောက်ပိုင်းအကြမ်းဖက်မှုတိုက်ဖျက်ရေးသည် အိန္ဒိယနိုင်ငံ၏ အဓိကသော့ချက်ဖြစ်ပြီး၊ အိန္ဒိယ ဝန်ကြီးချုပ်၏ BRICS ထိပ်သီးအစည်းအဝေးသို့ တက်ရောက်ခြင်းနှင့် အစည်းအဝေးကာလအတွင်း အခြား ကုန်သွယ်မှု ငွေကြေးအမျိုးအစားများ ရှာဖွေသတ်မှတ်လာနိုင်ဖွယ်ရှိခြင်းတို့သည် အမေရိကန်နိုင်ငံအတွက် စိုးရိမ်ပူပန်လျက် ရှိပါသည်။ဘာသာပြန်ဆိုသူ- ဦးခိုင်ထွဋ်လှ
Thu, 5-Jun-2025
မြောက်ကိုရီးယားက ရုရှားအတွက် ခြွင်းချက်မရှိ ထောက်ခံမှုကို ထပ်လောင်းပြောကြား
မြောက်ကိုရီးယားက ရုရှားအတွက် ခြွင်းချက်မရှိ ထောက်ခံမှုကို ထပ်လောင်းပြောကြား
မြောက်ကိုရီးယားခေါင်းဆောင် Kim Jong-un က ဗုဒ္ဓဟူးနေ့ (ဇွန် ၄) တွင် ပြုံယမ်း၌ ရုရှား လုံခြုံရေးကောင်စီ အတွင်းရေးမှူး Sergey Shoigu နှင့် တွေ့ဆုံစဉ် ယူကရိန်းပဋိပက္ခတွင် ရုရှားအား ခိုင်မြဲစွာ ထောက်ခံမည် ဟု ကတိပြုခဲ့သည်။Korean Central News Agency (KCNA) ၏ ဖော်ပြချက်အရ နှစ်ဖက်သည် နှစ်နိုင်ငံအကြား နည်းဗျူဟာမြှင့်တင်ရေး မိတ်ဖက်ဆက်ဆံရေးကို အားဖြည့်ရန် ဆွေးနွေးခဲ့ပြီး ပဋိပက္ခတွင် မြောက်ကိုရီးယားတပ်များ၏ ပါဝင်မှုကို ဂုဏ်ပြုခဲ့ကြသည်။Shoigu ၏ အဆိုပါခရီးစဉ်သည် မတ်လက Kim Jong-un နှင့် တွေ့ဆုံပြီးနောက် လအနည်းငယ်အတွင်း မြောက်ကိုရီးယားသို့ ဒုတိယအကြိမ် ခရီးစဉ်ဖြစ်သည်။ ထိုအချိန်က နှစ်ဖက်စလုံးသည် ဆက်ဆံရေး နက်ရှိုင်းစွာ တည်ဆောက်ရန် ကတိကဝတ်ကို ပြန်လည်အတည်ပြုခဲ့ပြီး ကမ္ဘာ့ ပထဝီ နိုင်ငံရေးကိစ္စရပ်များတွင် ညှိနှိုင်းဆောင်ရွက်မှုကို ဆွေးနွေးခဲ့ကြသည်။KCNA ၏ ဖော်ပြချက်အရ ဗုဒ္ဓဟူးနေ့ (ဇွန် ၄) တွင် Kim Jong-un က “ယူကရိန်းပြဿနာအပါအဝင် နိုင်ငံတကာ နိုင်ငံရေးကိစ္စရပ်များ အားလုံး တွင် ရုရှား၏ ရပ်တည်ချက်နှင့် နိုင်ငံခြားရေးမူဝါဒများကို မည်သည့် အခြေအနေတွင်မဆို ထောက်ခံမည်” ဟု ပြောကြားခဲ့သည်။ ထို့အပြင် ၂၀၂၄ ခုနှစ်၊ ဇွန်လတွင် ရုရှားနှင့် လက်မှတ်ရေးထိုးခဲ့သည့် ဘက်စုံမဟာဗျူဟာပူးပေါင်းဆောင်ရွက်မှု သဘောတူညီချက် (Comprehensive Strategic Partnership Agreement) ကို မြောက်ကိုရီးယားက ဆက်လက် အကောင်အထည်ဖော်မည်ဟု အတည်ပြုခဲ့သည်။ ထိုစာချုပ်တွင် လက်နက်ကိုင်တိုက်ခိုက်မှု ဖြစ်ပွားပါက တစ်ဖက်နှင့်တစ်ဖက် စစ်ရေး အရ အကူအညီပေးရန် ပါဝင်သည့် သဘောတူညီချက်များ ပါရှိသည်။အဆိုပါအစည်းအဝေးသည် ယခုနှစ်အစောပိုင်းက မြောက်ကိုရီးယား တပ်များအား ယူကရိန်းတို့၏ ချင်းနင်းဝင်ရောက်မှုကို တွန်းလှန်ရန် ရုရှား၏ Kursk ဒေသတွင် တပ်စွဲထားကြောင်း နှစ်နိုင်ငံက အတည်ပြုပြီးနောက် ကျင်းပခြင်းဖြစ်သည်။ ရုရှားသမ္မတ Vladimir Putin က မြောက်ကိုရီးယား၏ ထောက်ခံမှုအတွက် ကျေးဇူးတင်ကြောင်း ထုတ်ဖော်ပြောဆိုခဲ့ပြီး၊ စစ်မြေပြင်ပေါ်တွင် မြောက်ကိုရီးယား စစ်သားများ၏ “သူရသတ္တိ” နှင့် စည်းကမ်းပြည့်ဝမှုကို ချီးကျူးခဲ့သည်။၂၀၂၄ ခုနှစ်၊ ဒီဇင်ဘာမှစတင် အာဏာသက်ရောက်သည့် အဆိုပါ နည်းဗျူဟာ မဟာမိတ်စာချုပ်သည် နှစ်နိုင်ငံအကြား စစ်ရေးပူးပေါင်း ဆောင်ရွက်မှုကို ပိုမိုမြှင့်တင်နိုင်ခဲ့သည်။ Kim Jong-un က ယခင်က မြောက်ကိုရီးယား-ရုရှား ဆက်ဆံရေး၏ အရေးပါမှုကို အလေးထားပြောကြားခဲ့ပြီး မော်စကိုအနေဖြင့် ၎င်း၏ “တရားမျှတပြီး မြင့်မြတ်သော ရည်မှန်းချက်” (အထူးသဖြင့် အချုပ်အခြာအာဏာနှင့် လုံခြုံရေးအကျိုးစီးပွားကာကွယ်ရေး) တွင် အောင်မြင်မှုရရှိရန် ယုံကြည်ကြောင်း ထည့်သွင်း ပြောဆိုခဲ့သည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 5-Jun-2025
© Copyright 2024 SAC All Rights Reserved.