စစ်ကိုင်းတိုင်းဒေသကြီး၊ ကန့်ဘလူမြို့နယ်၌ PDF အမည်ခံအကြမ်းဖက်သမားများ ထောင်ထားသည့် တိုက်မိုင်း တစ်လုံး ပေါက်ကွဲမှုကြောင့် ပြည်သူ့စစ် နှစ်ဦး ထိခိုက်ဒဏ်ရာရရှိ

sacadmin

News Image

  • စစ်ကိုင်းတိုင်းဒေသကြီး၊ ကန့်ဘလူမြို့နယ်၌ PDF အမည်ခံအကြမ်းဖက်သမားများ ထောင်ထားသည့် တိုက်မိုင်း တစ်လုံး ပေါက်ကွဲမှုကြောင့် ပြည်သူ့စစ် နှစ်ဦး ထိခိုက်ဒဏ်ရာရရှိ

အစွန်းရောက်အကြမ်းဖက်သမားများသည် အေးချမ်းစွာနေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူ သွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၅ ရက် ညနေ ၄ နာရီ ၁၀ မိနစ်တွင် စစ်ကိုင်းတိုင်းဒေသကြီး၊ ကန့်ဘလူမြို့နယ်၊ သင်တောကျေးရွာမှ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် သင်တောကျေးရွာ၏ တောင်ဘက်ရှိ တောအုပ်အတွင်း မျောခုတ်နေစဉ် PDF အမည်ခံ အကြမ်းဖက်သမားများ ထောင်ထားသည့် လက်လုပ်တိုက်မိုင်း တစ်လုံးအား တိုက်မိပေါက်ကွဲခဲ့သဖြင့် လုံခြုံရေးအဖွဲ့မှ ပြည်သူ့စစ်အဖွဲ့ဝင် ဦးအောင်ဆန်းဦး(၂၅)နှစ်နှင့် ဦးပိုင်ဦး(၂၈)နှစ်တို့ နှစ်ဦးတွင် မိုင်းစထိမှန်ဒဏ်ရာများ ရရှိခဲ့ကြောင်း သိရသည်။
အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။

MOHA

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ဆိုမာလီယာနိုင်ငံတွင် အယ်လ်ရှာဘတ် စစ်သွေးကြွတပ်မှူး သုံးဦးကို ချေမှုန်းနိုင်ခဲ့
ဆိုမာလီယာနိုင်ငံတွင် အယ်လ်ရှာဘတ် စစ်သွေးကြွတပ်မှူး သုံးဦးကို ချေမှုန်းနိုင်ခဲ့
ဆိုမာလီယာနိုင်ငံတွင် လုပ်ဆောင်သည့် ပူးတွဲစစ်ဆင်ရေးတစ်ခုတွင် အယ်လ်ရှာဘတ် စစ်သွေးကြွတပ်မှူး သုံးဦးကို ချေမှုန်းနိုင်ခဲ့ကြောင်း အစိုးရကအတည်ပြုထုတ်ပြန် သည်။ချေမှုန်းခံလိုက်ရသည့် စစ်သွေးကြွခေါင်းဆောင်များသည် နိုင်ငံအတွင်း လူသေဆုံးမှု အများအပြားကို ဖြစ်ပေါ်စေသည့် တိုက်ခိုက်မှုများအား ကြိုးကိုင်စီမံခဲ့သူများဖြစ်ကြောင်း သိရသည်။ယခုအခါ ဆိုမာလီယာတပ်မတော်သည် အယ်လ်ရှာဘတ်စစ်သွေးကြွအဖွဲ့မှ ခေါင်းဆောင် ငါးဦးကို ချေမှုန်းနိုင်ခဲ့ပြီဖြစ်သည်။အယ်လ်ရှာဘတ်စစ်သွေးကြွအဖွဲ့သည် ဆိုမာလီယာနိုင်ငံအတွင်း၌ အကြမ်းဖက် တိုက်ခိုက်မှုများကို လုပ်ဆောင်နေသည့် အကြမ်းဖက်အဖွဲ့တစ်ဖွဲ့ဖြစ်ကြောင်းသိရသည်။Ref: Xinhua(Photo: Somali National Armed Forces)
Mon, 9-Jun-2025
နယ်စပ်တင်းမာမှုလျှော့ချရေးနှင့် စပ်လျဉ်း၍ ထိုင်းနှင့် ကမ္ဘောဒီးယားတို့ကြား သဘောတူညီမှုရရှိ
နယ်စပ်တင်းမာမှုလျှော့ချရေးနှင့် စပ်လျဉ်း၍ ထိုင်းနှင့် ကမ္ဘောဒီးယားတို့ကြား သဘောတူညီမှုရရှိ
ထိုင်းနှင့် ကမ္ဘောဒီးယားနိုင်ငံတို့ကြား ဖြစ်ပွားနေသည့် နယ်စပ်တင်းမာမှု လျှော့ချရေး နှင့် စပ်လျဉ်း၍ နှစ်နိုင်ငံကြား သဘောတူညီမှုရရှိသွားပြီဖြစ်ကြောင်းသိရသည်။ကမ္ဘောဒီးယားအစိုးရနှင့် ကျင်းပခဲ့သည့် ဆွေးနွေးမှုအတွင်း အပြုသဘောဆောင်သည့် ရလဒ်များထွက်ပေါ်လာခဲ့ပြီး သဘောတူညီချက်တစ်ရပ်ကို ချမှတ်နိုင်ခဲ့ကြောင်း၊ ယင်းသဘောတူညီချက်အရ နှစ်နိုင်ငံစလုံးအနေဖြင့် နယ်စပ်တွင် ဖြန့်ကြက်ထားသည့် တပ်ဖွဲ့များကို ပြန်လည်ရွှေ့ပြောင်းမည်ဖြစ်ကြောင်း ထိုင်းဝန်ကြီးချုပ် ပေထုံတန်က ဇွန်လ ၈ ရက်တွင်ပြောသည်။ထို့ပြင် ထိုင်းနှင့် ကမ္ဘောဒီးယားနိုင်ငံတို့အနေဖြင့် နှစ်နိုင်ငံဆက်ဆံရေးပုံမှန်ပြန်လည် ဖြစ်စေရန်အတွက် စေ့စပ်ဆွေးနွေးမှုများကို ဆက်လက်ကျင်းပမည်ဖြစ်ကြောင်း ၎င်းက ဆက်လက်ပြောကြားသည်။လက်ရှိတွင် ထိုင်းနှင့် ကမ္ဘောဒီးယားတပ်မတော်များအနေဖြင့် ၎င်းတို့ကြား ၂ဝ၂၄ ခုနှစ်က သဘောတူညီထားသည့် ဒေသများသို့ ပြန်လည်ရွှေ့ပြောင်းသွားပြီဖြစ်ကြောင်း သီးခြားထုတ်ပြန်ချက်တစ်စောင်တွင် ဖော်ပြထားသည်။Ref: Xinhua Photo -Khmer Times
Mon, 9-Jun-2025
၂၄ နာရီအတွင်း ယူကရိန်း ဒရုန်းအစင်းပေါင်း ၁၃၁ စင်းကို ရုရှားပစ်ချ
၂၄ နာရီအတွင်း ယူကရိန်း ဒရုန်းအစင်းပေါင်း ၁၃၁ စင်းကို ရုရှားပစ်ချ
ရုရှားနိုင်ငံသည် ၂၄ နာရီအတွင်း ယူကရိန်း ဒရုန်းအစင်းပေါင်း ၁၃၁ စင်းကို ပစ်ချ နိုင်ခဲ့ကြောင်း သိရသည်။ပစ်ချခံလိုက်ရသည့် ယူကရိန်းဒရုန်းများအနက် ၇၃ စင်းမှာ နိုင်ငံ၏လေကြောင်း ကာကွယ်ရေးဇုန်ပြင်ပတွင် ပစ်ချခံရခြင်းဖြစ်ကြောင်း ရုရှားကာကွယ်ရေးဝန်ကြီးဌာန က ဇွန်လ ၈ ရက်တွင် ထုတ်ပြန်သည်။ရုရှားတပ်ဖွဲ့ဝင်များသည် ယူကရိန်းနိုင်ငံမှ ပျံသန်းလာသည့် ဒရုန်းများကို တူလာ၊ ဘရိုင်ယန့်စ်၊ ကာလူဂါ၊ အော်ယို၊ ဘယ်ဂိုရော့၊ ကာ့စ်နှင့် မော်စကိုဒေသများတွင် ပစ်ချ နိုင်ခြင်းဖြစ်ကြောင်း သိရသည်။Ref: XinhuaPhoto - China Daily
Mon, 9-Jun-2025
စေတုတ္တရာမြို့နယ်၊ ပွင့်တောက်ကျေးရွာ စက်လှေဆိပ်၌ PDF အမည်ခံ အကြမ်းဖက်သမားများ ဖမ်းဆီးခေါ်ဆောင်သွားခဲ့သည့် ရေသောင်ကျေးရွာ အထက်တန်းပြဆရာမနှင့် ပညာရေးကောလိပ် တက်ရောက်မည့် ကျောင်းသူများအား ပြန်လည်ကယ်ထုတ်နိုင်ခဲ့
စေတုတ္တရာမြို့နယ်၊ ပွင့်တောက်ကျေးရွာ စက်လှေဆိပ်၌ PDF အမည်ခံ အကြမ်းဖက်သမားများ ဖမ်းဆီးခေါ်ဆောင်သွားခဲ့သည့် ရေသောင်ကျေးရွာ အထက်တန်းပြဆရာမနှင့် ပညာရေးကောလိပ် တက်ရောက်မည့် ကျောင်းသူများအား ပြန်လည်ကယ်ထုတ်နိုင်ခဲ့
NUG၊ CRPH နှင့် PDF အမည်ခံ အကြမ်းဖက်သမားများနေဖြင့် နိုင်ငံတော်အတွင်း ပညာတတ်လူငယ်များ ပေါ်ထွန်းလာမှုကို နှောင့်ယှက်ရန်ရည်ရွယ်၍ ပညာသင်ကြားပေးနေသည့် ဆရာ/ ဆရာမများအား DCS ပြုလုပ်ရန်နှင့် ၎င်းတို့၏အလိုကျ လိုက်ပါဆောင်ရွက်ခြင်းမရှိသော ပညာရေးဝန်ထမ်းများကို ဖမ်းဆီးခြင်း၊ သတ်ဖြတ်ခြင်း၊ ခြိမ်းခြောက်ခြင်းများအား နည်းမျိုးစုံဖြင့် လုပ်ဆောင်လျက်ရှိသည်။ထို့သို့လုပ်ဆောင်လျက်ရှိရာ စေတုတ္တရာမြို့နယ်၊ လက်ပံကျင်းကျေးရွာနေ ဆရာမ ဒေါ်ဖြိုးဝေဝေမြင့် အပါအဝင် ကျောင်းဆရာမ ၂ ဦး၊ ပညာရေးကောလိပ် ကျောင်းသား/ သူ ၄ ဦး၊ ကျောင်းသားမိဘ ၂ ဦးနှင့် အရပ်သူ ၁ ဦး၊ စုစုပေါင်း ၉ ဦးတို့သည် ကျောင်းတက်ရန်အတွက် လိုက်ပါပို့ဆောင်သူများနှင့်အတူ မေလ ၂၄ ရက်နေ့တွင် မကွေးမြို့သို့သွားရောက်ရန် ပွင့်တောက်ကျေးရွာ စက်လှေဆိပ်သို့ ရောက်ရှိစဉ် PDF အမည်ခံ အကြမ်းဖက်သမားများသည် လက်နက်ငယ်ကိုယ်စီ ကိုင်ဆောင်၍ စက်လှေဆိပ်သို့ ရောက်ရှိလာပြီး ဆရာမအား DCS ပြုလုပ်ရန်နှင့် ကျောင်းသား/ ကျောင်းသူများအား ကျောင်းမတက်ရန် ခြိမ်းခြောက်ပြောဆိုပြီး မကြီးကျေးရွာဘက်သို့ အတင်းအဓမ္မဖမ်းဆီးခေါ်ဆောင်သွားကြောင်းသိရသည်။အထက်ပါဖြစ်စဉ်အရ လုံခြုံရေးတပ်ဖွဲ့ဝင်များက ပြန်လည်ကယ်တင်နိုင်ရေးအတွက် လိုအပ်သည့် နယ်မြေလုံခြုံရေးလုပ်ငန်းများ ဆောင်ရွက်ခဲ့ရာ ယနေ့တွင် စေတုတ္တရာမြို့၏မြောက်ဘက် မီတာ ၂၄၀၀၀ ခန့်အကွာရှိ ပန်းအိကျေးရွာအတွင်း နေရာ ၂ နေရာမှ အကြမ်းဖက်သမားများ ဖမ်းဆီးခေါ်ဆောင်ခြင်းခံခဲ့ရသူများအနက် ဆရာမ ဒေါ်ဖြိုးဝေဝေမြင့် အထက်တန်းပြ (အထကခွဲ၊ ရေသောင်) ၊ ဒေါ်ချိုသဇင်ဦး လ/ထမူပြ (မူလွန်၊တောင်ဟန်ဒေါက်)၊ မခင်မိုးဝေ တတိယနှစ် ပညာရေးကောလိပ် (မကွေး)၊ မနွေးနွေးလှိုင် တတိယနှစ် ပညာရေးကောလိပ် (မကွေး)၊ မခင်စုစုလှိုင် ဒုတိယနှစ် ပညာရေးကောလိပ် (ပခုက္ကူ) စုစုပေါင်း ၅ ဦးတို့အား လုံခြုံရေး တပ်ဖွဲ့ဝင်များက ပြန်လည်ရှာဖွေကယ်ထုတ်နိုင်ခဲ့ပြီး ကျန်ရှိသည့် ပညာရေးကောလိပ် ကျောင်းသား ၁ ဦး၊ ကျောင်းသား မိဘ ၂ ဦး၊ အရပ်သူ ၁ ဦး၊ စုစုပေါင်း ၄ ဦး တို့ကို အမြန်ဆုံးရှာဖွေကယ်ဆယ်နိုင်ရေးအတွက် ဆက်လက်ရှာဖွေလျက်ရှိကြောင်းနှင့် ပြန်လည်ကယ်တင်ခေါ်ယူနိုင်ခဲ့သူများအား လုံခြုံရေးတပ်ဖွဲ့ဝင်များက လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးလျက်ရှိကြောင်း သိရှိရသည်။ယခုကဲ့သို့ စစ်ရေးနှင့် မသက်ဆိုင်သော ပညာရေးဝန်ထမ်းများနှင့် ကျောင်းသား၊ ကျောင်းသူများကို အတင်းအဓမ္မ ဖမ်းဆီးချုပ်နှောင်ခြင်း၊ အတင်းအဓမ္မ DCS လုပ်ဆောင်စေခြင်းနှင့် လူသားမဆန်စွာ ပစ်ခတ်သတ်ဖြတ်ခြင်းများကို ပြည်သူလူထုအနေဖြင့် လွန်စွာရွံရှာမုန်းတီးလျက်ရှိပြီး PDFအကြမ်းဖက်သမားများ၏ လူမဆန်သော လုပ်ရပ်များအား သတင်းရရှိပါက တာဝန်သိပြည်သူများအနေဖြင့် လုံခြုံရေးတပ်ဖွဲ့ဝင်များထံသို့ လျှို့ဝှက်စွာ အချိန်မီသတင်းပေးပို့နိုင်ပါရန် အသိပေးသတင်းထုတ်ပြန်အပ်ပါသည်။MOI
Mon, 9-Jun-2025
အမေရိကန်တွင် လူအစုလိုက် ဆန္ဒပြမှုများဖြစ်ပွားပြီးနောက် ဒေါ်နယ်ထရမ့်က အမျိုးသား အစောင့်တပ်ဖွဲ့ကို စေလွှတ်ခဲ့ရ
အမေရိကန်တွင် လူအစုလိုက် ဆန္ဒပြမှုများဖြစ်ပွားပြီးနောက် ဒေါ်နယ်ထရမ့်က အမျိုးသား အစောင့်တပ်ဖွဲ့ကို စေလွှတ်ခဲ့ရ
အမေရိကန်ပြည်ထောင်စု၊ လော့စ်အိန်ဂျလိစ်မြို့တွင်  လူအစုလိုက် ဆန္ဒပြမှုများဖြစ်ပွားပြီးနောက် သမ္မတဒေါ်နယ်ထရမ့်က အမျိုးသားအစောင့်တပ်ဖွဲ့ကို စေလွှတ်ခဲ့ရကြောင်း အိမ်ဖြူတော်က ဇွန်လ ၈  ရက်တွင် ထုတ်ပြန်ထားသည်။အစုလိုက်ဆန္ဒပြမှုများသည် ရဲတပ်ဖွဲ့က ကယ်လီဖိုးနီးယား ပြည်နယ်အတွင်းရှိ တရားမဝင် နေထိုင်သူများ၏ နေအိမ်များအတွင်းသို့ စီးနင်းရှာဖွေခဲ့ပြီးနောက် ဖြစ်ပွားခြင်းဖြစ်သည်။ ရဲတပ်ဖွဲ့၏ စီးနင်းမှုအတွင်း လူ ၄၅ ဦး ဖမ်းဆီးခံခဲ့ရကြောင်း  သိရသည်။ စီးနင်းမှုများဖြစ်ပွားပြီးနောက်ပိုင်းတွင် အဓိကရုဏ်းများ ဖြစ်ပွားခဲ့ခြင်းကြောင့် ထရမ့်က ထောင်ပေါင်းများစွာသော အမျိုးသားအစောင့် တပ်ဖွဲ့ဝင်များအား   လော့စ်အိန်ဂျလိစ်မြို့သို့ စေလွှတ်ခဲ့ခြင်းဖြစ်ကြောင်း Fox သတင်း ဌာနက ဖော်ပြသည်။အဆိုပါဖြစ်စဉ်နှင့်စပ်လျဉ်း၍ ဒေသတွင်းအစိုးရအဖွဲ့မှ တာဝန်ရှိသူများအား ထရမ့်က ပြစ်တင်ဝေဖန်ခဲ့ကြောင်း သိရသည်။ကယ်လီဖိုးနီးယားပြည်နယ် အုပ်ချုပ်ရေးမှူးနှင့် လော့စ်အိန်ဂျလိစ် မြို့တော်ဝန်တို့မှာ ၎င်းတို့၏ လုပ်ငန်းတာဝန်ကို ကျေပွန်စွာ ထမ်းဆောင်နိုင်ခြင်း မရှိသောကြောင့် အစိုးရအဖွဲ့က ဝင်ရောက်ဖြေရှင်းရခြင်းဖြစ်ကြောင်း  ထရမ့်က ၎င်း၏ ဆိုရှယ်မီဒီယာပေါ်တွင်   ရေးသားဖော်ပြသည်။လက်ရှိတွင် အခြေအနေများ ပိုမိုဆိုးရွားလာပါက ကမ်းတပ်ဖွဲ့အား စေလွှတ်ရန် ကာကွယ်ရေးဝန်ကြီးက အသင့်ပြင်ဆင်ထားကြောင်း သိရသည်။MWD Web Portal
Mon, 9-Jun-2025
ပါကစ္စတန်သို့ တရုတ်က ပဉ္စမမြောက် မျိုးဆက်သစ် J-35A အမျိုးအစား တိုက်လေယာဉ်များ ပေးပို့
ပါကစ္စတန်သို့ တရုတ်က ပဉ္စမမြောက် မျိုးဆက်သစ် J-35A အမျိုးအစား တိုက်လေယာဉ်များ ပေးပို့
အိန္ဒိယနှင့်ပါကစ္စတန် နယ်စပ်အငြင်းပွားမှု လက်ရှိဆက်လက် ဖြစ်ပွားနေစဉ်အတွင်း တရုတ်နိုင်ငံက ၎င်းတို့၏ ပဉ္စမမြောက်မျိုးဆက်သစ် J-35A အမျိုးအစား ကိုယ်ပျောက်တိုက်လေယာဉ်များကို ပါကစ္စတန် နိုင်ငံသို့ လွှဲပြောင်းပေးခဲ့သည်။အဆိုပါ ကိုယ်ပျောက်တိုက်လေယာဉ်များကို ပါကစ္စတန်နိုင်ငံသို့ ပေးပို့လိုက်ခြင်းသည် အိန္ဒိယလေတပ်မတော်အတွက် ခြိမ်းခြောက်မှု တစ်ရပ်အဖြစ် ထွက်ပေါ်လာခဲ့ကြောင်း Army Recognition Group. က ဇွန်လ ၈ ရက်တွင် ထုတ်ပြန်ထားသည်။ပါကစ္စတန်လေတပ်မတော် အနေဖြင့် အဆိုပါကိုယ်ပျောက် တိုက်လေယာဉ်များအား အကန့်အသတ်ဖြင့်သာ လက်ခံရရှိခဲ့သော်လည်း ယင်းနိုင်ငံ၏ လေကြောင်းစစ်ပွဲ ဆင်နွှဲမှုတွင် အိန္ဒိယနိုင်ငံအား သာလွန်သွားဖွယ်ရှိကြောင်း Army Recognition Group. ကဖော်ပြထားသည်။ပါကစ္စတန်လေတပ်မတော်သည် အဆိုပါ J-35A တိုက်လေယာဉ်များကို အသုံးပြု၍ နက်ရှိုင်းသည့် လေကြောင်း တိုက်ခိုက်မှုများကို လုပ်ဆောင်နိုင်သည့်အပြင် ၎င်းတိုက်လေယာဉ်သည် တရုတ်နိုင်ငံလုပ် နောက်ဆုံး မျိုးဆက်ဖြစ်သည့် ဝေဟင်မှ ဝေဟင်ပစ်ဒုံးကျည်များကိုပါ  ပေါင်းစပ် အသုံးပြုနိုင်သည်။အိန္ဒိယနိုင်ငံသည် လက်ရှိတွင် အဓိကအားဖြင့် Su-30MKနှင့် MiG-29UPG လေယာဉ်များကိုသာ အသုံးပြုလျက်ရှိပြီး ပါကစ္စတန် လေတပ်မတော်၏ လေကြောင်းစွမ်းရည်ကို အမီလိုက်ရန်အတွက် ပြင်သစ် နိုင်ငံလုပ် အဆင့်မြင့်နည်းပညာသုံး နောက်ဆုံးမျိုးဆက်  Rafale  F3R  ဘက်စုံသုံး တိုက်လေယာဉ် လိုအပ်လျက်ရှိသည်။MWD Web Portal
Mon, 9-Jun-2025
© Copyright 2024 SAC All Rights Reserved.