ပေထုန်တန် ရှင်နာဝပ်ထရာကို ဝန်ကြီးချုပ်ရာထူးမှ ယာယီရပ်ဆိုင်းရန် ဆုံးဖြတ်

saceditor

News Image

  • ပေထုန်တန် ရှင်နာဝပ်ထရာကို ဝန်ကြီးချုပ်ရာထူးမှ ယာယီရပ်ဆိုင်းရန် ဆုံးဖြတ်

ထိုင်းနိုင်ငံ ဖွဲ့စည်းပုံအခြေခံဥပဒေဆိုင်ရာခုံရုံးက ပေထုန်တန် ရှင်နာဝပ်ထရာ ကို ဝန်ကြီးချုပ်ရာထူးမှ ယာယီရပ်ဆိုင်းရန် ဆန္ဒမဲ ၇ မဲ ၂ မဲ ဖြင့် ဆုံးဖြတ်ခဲ့သည်။ အငြင်းပွားဖွယ်အသံဖိုင်နှင့်ပတ်သက်၍ သူမအား တာဝန်မှ ယာယီရပ်စဲရေး စဉ်းစားရန် ခုံရုံးက သဘောတူညီခဲ့သည်။

ဥပဒေအရ ဖွဲ့စည်းပုံအခြေခံဥပဒေဆိုင်ရာခုံရုံးက အမှုကို ကြိုတင်စစ်ဆေးပြီး လက်ခံလိုက်သည်နှင့် တရားသူကြီးများ ဆွေးနွေးညှိနှိုင်းနေစဉ် ဝန်ကြီးချုပ်တာဝန်အား ယာယီရပ်ဆိုင်းထားရပြီး အစိုးရ အဖွဲ့ဝင်များနှင့် ဆက်သွယ်ခွင့် ပိတ်ပင်ထားသည်။ ၎င်းမှာ သက်ဆိုင်ရာ အမှုထမ်းများအပေါ် ဖိအားများ မကျရောက်စေရန် ရည်ရွယ်ချက်ဖြင့် ဖြစ်သည်။

ဖွဲ့စည်းပုံအခြေခံဥပဒေဆိုင်ရာခုံရုံးမှ တရားသူကြီး (၉) ဦးအနက် (၇) ဦးက ဆီးနိတ်လွှတ်တော်မှ တင်ပြလိုက်သည့် အမှုကို တရားဝင် စဉ်းစားစရာအဖြစ် လက်ခံရန် ဆုံးဖြတ်ခဲ့ကြသည်။ တရားသူကြီးများအကြား ဆွေးနွေးစဉ်းစားမှုအတွက် အဆိုပါအမှုကို လက်ခံခြင်းဖြစ်သည်။ သူမ (ပေထုန်တန်) အနေဖြင့် ထိုအခြေအနေမှ ရုန်းထွက်နိုင်ရန် အလွန် ခက်ခဲမည်ဟု ယူဆရပါသည်။ သူမ၏ ဖူထိုင်းပါတီ Pheu Thai Party (PTP) ကလည်း သူမ၏နေရာကို အစားထိုးမည့်သူတစ်ဦးကို ရွေးချယ်ပြီး ဖြစ်နေပြီ ဖြစ်သည်။

ကိုးကား- Thai News

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အိမ်ဖြူတော်တွေ့ဆုံမှုတွင် ဝတ်စားဆင်ယင်မှုနှင့်ပတ်သက်၍ ဇီလန်စကီး က ဟာသလုပ်
အိမ်ဖြူတော်တွေ့ဆုံမှုတွင် ဝတ်စားဆင်ယင်မှုနှင့်ပတ်သက်၍ ဇီလန်စကီး က ဟာသလုပ်
ဇီလန်စကီးသည် သတင်းထောက်တစ်ဦးက ၎င်း၏ဝတ်စားဆင်ယင်မှုကို ချီးကျူးပြောဆိုခဲ့ရာတွင် ယူကရိန်းသမ္မတက ၎င်းကအဝတ်အစား လဲထားပြီး သတင်းထောက်ကမူ ယခင်အတိုင်းသာ ဝတ်ဆင်ထားကြောင်း ဟာသ သဘောဖြင့် ပြန်လည်မှတ်ချက်ပေးခဲ့သည်။ အဆိုပါ သတင်းထောက် သည် ဖေဖော်ဝါရီလက ဇီလန်စကီး အိမ်ဖြူတော်သို့လာရောက်စဉ် ၎င်း၏ ဝတ်စားဆင်ယင်မှုကို ဝေဖန်ခဲ့သူဖြစ်သည်။သမ္မတ ဒေါ်နယ်ထရမ့်ကလည်း Glenn ၏ ချီးကျူးစကားကို ထောက်ခံ ပြောဆိုကာ ၎င်းကိုယ်တိုင်လည်း ဇီလန်စကီးအား အလားတူ ချီးမွမ်းခဲ့ ဖူးကြောင်း ပြောကြားခဲ့သည်။ အမေရိကန်သမ္မတက ယူကရိန်း သမ္မတ အား " ယခင်တွေ့ဆုံစဉ်က သင့်ကိုဝေဖန်ခဲ့သည့်သူပါ" ဟု သတိပေးခဲ့ သည်။ "မိမိမှတ်မိပါသည်။ ၎င်းက အရင်အတိုင်း အဝတ်အစား ဝတ်ထား တုန်းပဲ၊ မိမိကတော့ အဝတ်အစားလဲပြီးသွားပြီ၊ သို့သော် သင်ကတော့ မလဲသေးဘူး" ဟု ယူကရိန်းသမ္မတက အမေရိကန်သတင်းထောက်အား ဟာသသဘောဖြင့် ပြန်လည်ပြောဆိုခဲ့သည်။ယခုအကြိမ် အိမ်ဖြူတော်သို့ လာရောက်ချိန်တွင် ဇီလန်စကီးသည် ယခင် ကဲ့သို့ စစ်ဘက်ဆန်ဆန် ဝတ်စုံများအစား ပိုမိုတရားဝင်သော ဝတ်စုံ တစ်စုံကို ရွေးချယ်ဝတ်ဆင်လာခဲ့သော်လည်း လည်စီးမပါဘဲ ရိုးရိုး ဝတ်စုံ ဖြင့်သာ တက်ရောက်ခဲ့သည်။ဥရောပအရာရှိတစ်ဦးက ယခင်က ဇီလန်စကီး၏ ဝတ်စား ဆင်ယင်မှု သည် ခေါင်းဆောင်နှစ်ဦး တွေ့ဆုံမှုမတိုင်မီက အမေရိကန်နှင့် ယူကရိန်း အရာရှိများကြား ဆွေးနွေးခဲ့သည့် အကြောင်းအရာတစ်ခုဖြစ်ခဲ့သည်ဟု ဆိုခဲ့သည်။ ထရမ့်အစိုးရအဖွဲ့က ဇီလန်စကီးအား ၎င်း၏ ပုံမှန် စစ်ဘက် ဆန်သော ဝတ်စုံများကို ဝတ်ဆင်မလာသင့်ကြောင်း အကြံပြုခဲ့သည်ဟု သိရသည်။ဇီလန်စကီး၏ ဝတ်စားဆင်ယင်မှုသည် ဖေဖော်ဝါရီလက ထရမ့်နှင့် တွေ့ဆုံစဉ်က အဓိကဝေဖန်မှုခံခဲ့ရသည့် အချက်တစ်ခုဖြစ်ခဲ့သည်။ ယူကရိန်း ခေါင်းဆောင်အား အိမ်ဖြူတော်တွင် ကြိုဆိုစဉ် ထရမ့်က "၎င်းက ဝတ်စုံအပြည့်အစုံနှင့် လာခဲ့သည်" ဟု သရော်သကဲ့သို့ ပြောဆို ခဲ့ဖူးသည်။ ထို့နောက် Oval Office အတွင်း ခေါင်းဆောင်နှစ်ဦးအကြား အငြင်းပွားမှုများ ဖြစ်ပွားခဲ့ပြီး တွေ့ဆုံမှုသည် တင်းမာမှုများဖြင့် ပြီးဆုံး သွားခဲ့ရသည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္လာနေ့, 18-သြဂုတ်လ-2025
ဩဂုတ်လကုန်တွင် ရုရှားသမ္မတ ဗလာဒီမာပူတင်နှင့် ယူကရိန်းသမ္မတ ဗလာဒီမာ ဇီလန်စကီးတို့ တွေ့ဆုံရန် သမ္မတ ဒေါ်နယ်ထရမ့် က မျှော်လင့်ထား
ဩဂုတ်လကုန်တွင် ရုရှားသမ္မတ ဗလာဒီမာပူတင်နှင့် ယူကရိန်းသမ္မတ ဗလာဒီမာ ဇီလန်စကီးတို့ တွေ့ဆုံရန် သမ္မတ ဒေါ်နယ်ထရမ့် က မျှော်လင့်ထား
အမေရိကန်သမ္မတ ဒေါ်နယ်ထရမ့်သည် ရုရှားသမ္မတ ဗလာဒီမာပူတင် နှင့် ယူကရိန်းသမ္မတ ဗလာဒီမာ ဇီလန်စကီးတို့အကြား တွေ့ဆုံ ဆွေးနွေးမှု ကို ဩဂုတ်လကုန်မတိုင်မီ ကျင်းပနိုင်ရန် မျှော်လင့်နေကြောင်း Axios သတင်းထောက် ဘာရက်ရာဗစ်က ၎င်း၏သတင်းရင်းမြစ်ကို ကိုးကား၍ ဖော်ပြခဲ့ပါသည်။အဆိုပါတွေ့ဆုံပွဲသည် ယူကရိန်းပဋိပက္ခကို ဖြေရှင်းရန်အတွက် အရေးပါသော နောက်ထပ်ခြေလှမ်းတစ်ခု ဖြစ်လာနိုင်ပါသည်။ကိုးကား - AxiosPhoto Crd to ABC News
တနင်္လာနေ့, 18-သြဂုတ်လ-2025
ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့် တို့သည် တယ်လီဖုန်းဖြင့် ဆက်သွယ် စကားပြောဆို
ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့် တို့သည် တယ်လီဖုန်းဖြင့် ဆက်သွယ် စကားပြောဆို
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့် တို့သည် ၄၀ မိနစ်ခန့်ကြာ တယ်လီဖုန်းဖြင့် ဆက်သွယ် စကားပြောဆို ခဲ့ကြောင်း ရုရှားသမ္မတ၏ လက်ထောက်ဖြစ်သူ ယူရီ အူရှာကော့ဗ်က ပြောကြားခဲ့ပါသည်။အမေရိကန်သမ္မတထရမ့်သည် ဇီလန်စကီးနှင့် ဥရောပနိုင်ငံများမှ ခေါင်းဆောင် များနှင့် တွေ့ဆုံဆွေးနွေးမှုများနှင့် ပတ်သက်၍ ရုရှားသမ္မတ ဗလာဒီမာ ပူတင်ကို အသိပေးခဲ့ကြောင်း ယူရီ အူရှာကော့ဗ်က ပြောသည်။ထို့အပြင် ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ် ထရမ့်တို့သည် ရုရှားနှင့် ယူကရိန်းကိုယ်စားလှယ်အဖွဲ့များအကြား တိုက်ရိုက် ဆွေးနွေးမှုများကို ထောက်ခံကြောင်း ပြောကြားခဲ့ကြပါသည်။ရုရှားသမ္မတ၏ လက်ထောက်ဖြစ်သူ ယူရီအူရှာကော့ဗ်၏ ပြောကြားချက် အရ ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့် တို့သည် ရုရှားနှင့် ယူကရိန်း တိုက်ရိုက်ဆွေးနွေးပွဲများတွင် ကိုယ်စားလှယ် အဖွဲ့များ၏ အဆင့်ကို မြှင့်တင်ရန် အကြံပြုချက်ကိုလည်း ဆွေးနွေးခဲ့ ကြပါသည်။အလက်စကာ ထိပ်သီးအစည်းအဝေးအတွင်း ယူကရိန်းအရေး ငြိမ်းချမ်းစွာ ဖြေရှင်းရေးအတွက် ရရှိခဲ့သော တိုးတက်မှုများအတွက် ရုရှား​သမ္မတ ဗလာဒီမာပူတင်က အမေရိကန်သမ္မတ ဒေါ်နယ်ထရမ့်ကို ကျေးဇူးတင် ကြောင်း ပြောကြားခဲ့ပါသည်။ကိုးကား - tass
တနင်္လာနေ့, 18-သြဂုတ်လ-2025
ယူကရိန်းသမ္မတ ဗလာဒီမာ ဇီလန်စကီး၊ ရုရှားသမ္မတ ဗလာဒီမာ ပူတင် တို့နှင့် သုံးပွင့်ဆိုင်အစည်းအဝေးအတွက် ပြင်ဆင်မှုများ စတင် နေပြီဟု အမေရိကန်သမ္မတ ဒေါ်နယ်ထရမ့်က သမ္မတ ပူတင်ထံ ဖုန်းခေါ်ဆို၍ ပြောဆို
ယူကရိန်းသမ္မတ ဗလာဒီမာ ဇီလန်စကီး၊ ရုရှားသမ္မတ ဗလာဒီမာ ပူတင် တို့နှင့် သုံးပွင့်ဆိုင်အစည်းအဝေးအတွက် ပြင်ဆင်မှုများ စတင် နေပြီဟု အမေရိကန်သမ္မတ ဒေါ်နယ်ထရမ့်က သမ္မတ ပူတင်ထံ ဖုန်းခေါ်ဆို၍ ပြောဆို
​အမေရိကန်သမ္မတ ဒေါ်နယ်ထရမ့်သည် ယူကရိန်းသမ္မတ ဗလာဒီမာ ဇီလန်စကီးနှင့် ရုရှားသမ္မတ ဗလာဒီမာပူတင်တို့အကြား တွေ့ဆုံပွဲ တစ်ခု အတွက် “စီစဉ်မှုများ စတင်ရန်” သမ္မတ ပူတင်ထံ ဖုန်းခေါ်ဆိုခဲ့ကြောင်း ထုတ်ဖော်ပြောကြားခဲ့ပါသည်။​ဇီလန်စကီးအပါအဝင် ဥရောပခေါင်းဆောင်များနှင့် ယနေ့ပြုလုပ်ခဲ့သော တွေ့ဆုံမှုသည် “အလွန်ကောင်းမွန်သည်” ဟု အမေရိကန်သမ္မတဒေါ်နယ်ထရမ့်က ပြောကြားခဲ့ပြီးနောက် ၎င်းတို့သည် “သုံးပွင့်ဆိုင် တွေ့ဆုံပွဲတစ်ခုကို ပြုလုပ်သွားမည်” ဟု ထပ်လောင်း ပြောကြားခဲ့ ပါသည်။အမေရိကန်သမ္မတ ဒေါ်နယ်ထရမ့်က ယူကရိန်း၏ လုံခြုံရေး အာမခံချက် များကို အမေရိကန်နှင့် ညှိနှိုင်း၍ ဥရောပနိုင်ငံများက ပေးအပ်သွားမည် ဖြစ်ကြောင်း ပြောကြားခဲ့ပါသည်။အစည်းအဝေးအသေးစိတ်အချက်အလက်များကို ထုတ်ဖော်ပြောဆိုခြင်း မရှိသော်လည်း အမေရိကန်သမ္မတ ဒေါ်နယ်ထရမ့်က ယူကရိန်းအတွက် လုံခြုံရေးအာမခံချက်များပေးအပ်ရန်အတွက် ဥရောပနိုင်ငံများနှင့် အမေရိကန်တို့ ပူးပေါင်းဆောင်ရွက်သွားမည်ဖြစ်ကြောင်း အလေးထား ပြောကြားခဲ့ပါသည်။ အဆိုပါထုတ်ပြန်ချက်သည် ယူကရိန်း၏ လုံခြုံရေး ကို မည်သူက အာမခံမည်နည်းဟူသော အစောပိုင်းက မေးခွန်းအပေါ် ရှင်းလင်းမှုပေးခဲ့ပါသည်။ကိုးကား- ဒေသတွင်းမီဒီယာPhoto Crd to RNZ
တနင်္လာနေ့, 18-သြဂုတ်လ-2025
အမေရိကန်သမ္မတ ဒေါ်နယ်ထရမ့်သည် ရုရှားသမ္မတ ဗလာဒီမာ ပူတင် နှင့် စကားပြောဆိုရန်အတွက် ဥရောပခေါင်းဆောင်များနှင့် ဆွေးနွေးမှု ကို ခေတ္တရပ်ဆိုင်း
အမေရိကန်သမ္မတ ဒေါ်နယ်ထရမ့်သည် ရုရှားသမ္မတ ဗလာဒီမာ ပူတင် နှင့် စကားပြောဆိုရန်အတွက် ဥရောပခေါင်းဆောင်များနှင့် ဆွေးနွေးမှု ကို ခေတ္တရပ်ဆိုင်း
အမေရိကန်သမ္မတသည် ဗလာဒီမာဇီလန်စကီးနှင့် အနောက်ဥရောပကို ထောက်ခံသူများနှင့် ဖြစ်နိုင်ခြေရှိသော နယ်မြေအလဲအလှယ်များနှင့် လုံခြုံရေးဆိုင်ရာ ကိစ္စရပ်များကို ဆွေးနွေးနေခဲ့ပါသည်။အမေရိကန်သမ္မတ ဒေါ်နယ်ထရမ့်သည် ယူကရိန်းသမ္မတ ဗလာဒီမာ ဇီလန်စကီးနှင့် ၎င်းကို ထောက်ခံသော အနောက်ဥရောပ ခေါင်းဆောင် များနှင့် တွေ့ဆုံဆွေးနွေးမှုကို ခေတ္တရပ်ဆိုင်းပြီး ရုရှားသမ္မတ ဗလာဒီမာ ပူတင်ထံ ဖုန်းခေါ်ဆိုခဲ့ကြောင်း မီဒီယာများစွာက သတင်းရင်းမြစ်များကို ကိုးကား၍ ဖော်ပြခဲ့ပါသည်။အမေရိကန်သမ္မတ ဒေါ်နယ်ထရမ့်သည် ပြီးခဲ့သည့်သောကြာနေ့ (ဩဂုတ် ၁၅) က အလက်စကာတွင် ရုရှားသမ္မတ ဗလာဒီမာပူတင်နှင့် သမိုင်းဝင်ထိပ်သီးအစည်းအဝေးအပြီးတွင် ဇီလန်စကီး၊ ပြင်သစ်၊ ယူကေ၊ အီတလီ၊ ပိုလန်၊ ဖင်လန်ခေါင်းဆောင်များ၊ NATO နှင့် ဥရောပ ကော်မရှင် တို့နှင့် တွေ့ဆုံဆွေးနွေးပွဲတစ်ခုကို လက်ခံကျင်းပနေခဲ့ပါသည်။ ထို ဆွေးနွေးပွဲများသည် ရုရှားနှင့် ယူကရိန်းတို့အတွက် နယ်မြေ အလဲအလှယ် များနှင့် လုံခြုံရေးအာမခံချက်များအပေါ် အဓိကထား ဆွေးနွေးမည်ဟု မျှော်လင့်ရပါသည်။Bild သတင်းဌာန၏ အယ်ဒီတာချုပ်က အမေရိကန်သမ္မတ ဒေါ်နယ်ထရမ့် သည် တနင်္လာနေ့(ဩဂုတ်) က အိမ်ဖြူတော်တွင် ပြုလုပ်သော ဆွေးနွေးမှု များကို ရုရှားသမ္မတနှင့် ဆက်သွယ်ရန်အတွက် ရပ်ဆိုင်းခဲ့ကြောင်း ဖော်ပြ ခဲ့ပါသည်။ယနေ့အစည်းအဝေးများ မစတင်မီ ရုရှားသမ္မတနှင့် ဆက်သွယ်မည့် အလားအလာနှင့် ပတ်သက်၍ အမေရိကန်သမ္မတ ဒေါ်နယ်ထရမ့်က မီဒီယာများကို “မိမိတို့ ဒီအစည်းအဝေး ပြီးသည်နှင့် ဗလာဒီမာ ပူတင်က မိမိ၏ဖုန်းကို မျှော်လင့်နေကြောင်း” ပြောကြားခဲ့ပါသည်။ဆွေးနွေးပွဲများ ခေတ္တရပ်ဆိုင်းခြင်းနှင့် ရုရှားသို့ ဖုန်းခေါ်ဆိုခြင်းဆိုင်ရာ သတင်းများမှာ ရုရှားနိုင်ငံ၏ မြို့တော်စံတော်ချိန် သန်းခေါင်ယံ သို့မဟုတ် ဝါရှင်တန်စံတော်ချိန် ညနေ ၅ နာရီဝန်းကျင်တွင် ထွက်ပေါ်ခဲ့ပါသည်။ကိုးကား - RT
တနင်္လာနေ့, 18-သြဂုတ်လ-2025
အမေရိကန်သမ္မတ ဒေါ်နယ်ထရမ့်သည် ယူကရိန်းပဋိပက္ခကို ရေရှည် ဖြေရှင်းရေး၏ ပထမအဆင့်အနေဖြင့် အပစ်အခတ်ရပ်စဲရေးကို ပြဋ္ဌာန်း ပေးရန် ပြင်သစ်သမ္မတ အီမန်နျူယယ် မာခရွန်နှင့် ဂျာမနီဝန်ကြီးချုပ် ဖရီးဒရစ်ခ်ျ မာ့ဇ်တို့၏ တောင်းဆိုမှုများကို ပယ်ချ
အမေရိကန်သမ္မတ ဒေါ်နယ်ထရမ့်သည် ယူကရိန်းပဋိပက္ခကို ရေရှည် ဖြေရှင်းရေး၏ ပထမအဆင့်အနေဖြင့် အပစ်အခတ်ရပ်စဲရေးကို ပြဋ္ဌာန်း ပေးရန် ပြင်သစ်သမ္မတ အီမန်နျူယယ် မာခရွန်နှင့် ဂျာမနီဝန်ကြီးချုပ် ဖရီးဒရစ်ခ်ျ မာ့ဇ်တို့၏ တောင်းဆိုမှုများကို ပယ်ချ
အမေရိကန်သမ္မတ ဒေါ်နယ်ထရမ့်သည် ယူကရိန်းပဋိပက္ခကို ရေရှည် ဖြေရှင်းရေး၏ ပထမအဆင့်အနေဖြင့် အပစ်အခတ်ရပ်စဲရေးကို ပြဋ္ဌာန်း ပေးရန် ပြင်သစ်သမ္မတ အီမန်နျူယယ် မာခရွန်နှင့် ဂျာမနီဝန်ကြီးချုပ် ဖရီးဒရစ်ခ်ျ မာ့ဇ်တို့၏ တောင်းဆိုမှုများကို ပယ်ချခဲ့ပါသည်။အိမ်ဖြူတော်တွင် ပြုလုပ်သော ဆွေးနွေးပွဲ၌ ဂျာမနီဝန်ကြီးချုပ် မာ့ဇ်က နောင်လာမည့်အစည်းအဝေးများတွင် အပစ်အခတ်ရပ်စဲရေးကို အတည် ပြုရမည်ဟု အခိုင်အမာ ပြောကြားခဲ့ပါသည်။"ရိုးရိုးသားသားပြောရပါက နောက်ကျင်းပမည့် အစည်းအဝေးမှာဖြစ်ဖြစ် အပစ်အခတ်ရပ်စဲရေးကို မိမိတို့အားလုံး မြင်ချင်ပါသည်" ဟု တနင်္လာနေ့ (ဩဂုတ် ၁၈) က အိမ်ဖြူတော်တွင် ပြုလုပ်သော ဆွေးနွေးပွဲ၌ ဂျာမနီ ဝန်ကြီးချုပ် မာ့ဇ်က ပြင်သစ်၊ အီတလီ၊ ယူကေ၊ ဖင်လန်၊ အမေရိကန်နှင့် ယူကရိန်းခေါင်းဆောင်များအပြင် NATO နှင့် ဥရောပသမဂ္ဂဥက္ကဋ္ဌ အင်ဆူလာ ဗွန်ဒါ လိုင်ယန်တို့ကို ပြောကြားခဲ့ပါသည်။ထို့ပြင် ၎င်းက အပစ်အခတ်ရပ်စဲရေးမပါဘဲ သုံးနိုင်ငံအစည်းအဝေးတစ်ခု ဖြစ်မြောက်လာလိမ့်မည်ဟု "မထင်ကြောင်း" လည်း ထပ်လောင်း ပြောကြား ခဲ့ပါသည်။ပြင်သစ် သမ္မတ မာခရွန်ကလည်း မာ့ဇ်၏ မှတ်ချက်များကို ထောက်ခံ ခဲ့ပြီး အပစ်အခတ်ရပ်စဲရေးသည် "လိုအပ်ချက်" ဖြစ်ကြောင်းနှင့် ခေါင်းဆောင် အားလုံးက "ထိုအကြံကို ထောက်ခံသည်" ဟု ပြောကြားခဲ့ပါသည်။သို့သော် အမေရိကန် သမ္မတ ဒေါ်နယ်ထရမ့် က ထိုအကြံပြုချက်များကို ပယ်ချခဲ့ပါသည်။ ဆွေးနွေးပွဲများအတွင်း ၎င်း၏ သမ္မတသက်တမ်း ရှစ်လ အတွင်း ပဋိပက္ခများစွာကို ဖြေရှင်းခဲ့ပြီး ထိုအပစ်အခတ်ရပ်စဲရေးများသည်မည်သည့်ပဋိပက္ခကိုမှ အပစ်အခတ်ရပ်စဲခြင်းမျိုးဖြင့် စတင်ခဲ့ခြင်းမရှိကြောင်း အကြိမ်ကြိမ် အလေးထားပြောကြားခဲ့ပါသည်။"မိမိတို့အားလုံးသည် ရေရှည်ငြိမ်းချမ်းရေးအတွက် လုပ်ဆောင်နေစဉ်မှာ ချက်ချင်းအပစ်အခတ်ရပ်စဲရေးကို ပိုလိုလားသည်မှာ အမှန်ဖြစ်ကြောင်း၊ ထိုသို့ ဖြစ်လာနိုင်ပါကြောင်း၊ ယခုအချိန်အထိတော့ မဖြစ်သေးကြောင်း" သမ္မတထရမ့်က ပြောကြားခဲ့ပါသည်။"မိမိ ဖြေရှင်းခဲ့သည့် စစ်ပွဲခြောက်ခုတွင် အပစ်အခတ်ရပ်စဲရေး မလုပ်ခဲ့ ရကြောင်း၊ မိမိတို့ ဆွေးနွေးမှုတွေပဲ လုပ်ခဲ့ရခြင်းဖြစ်ကြောင်း၊ ကွန်ဂိုမှာ ဖြစ်သည့် စစ်ပွဲများအနက် တစ်ခုက ၃၁ နှစ်ကြာခဲ့ပါကြောင်း၊ ပြီးခဲ့သည့် အပတ်က ပြီးသွားသည့် ကြီးကျယ်သည့် နိုင်ငံနှစ်ခုကြားက စစ်ပွဲတစ်ခု ကတော့ ၃၅ နှစ်ကြာခဲ့ပါကြောင်း" ၎င်းက ပြောကြားခဲ့ပါသည်။"အပစ်အခတ်ရပ်စဲရေး လုပ်နိုင်ပါက ပိုမိုကောင်းမွန်သော်လည်း မလုပ် နိုင်လျှင် မိမိတို့ဆီမှာ ပေးထားသည့် တခြားအချက်များ နှင့် ကောင်းသည့် အချက်တွေ အများကြီးရှိပါသည်" ဟု ထရမ့်က ထပ်လောင်း ပြောကြား ခဲ့ပါသည်။ပြီးခဲ့သည့်အပတ်က အလက်စကာထိပ်သီးအစည်းအဝေး အပြီးတွင် သမ္မတ ထရမ့်က အပစ်အခတ်ရပ်စဲရေးထက် ရေရှည်ငြိမ်းချမ်းရေး သဘော တူညီချက်ကို ပိုနှစ်သက်ကြောင်း ပြောကြားခဲ့ပါသည်။ ရုရှားကလည်း ယူကရိန်းဘက်မှ စစ်ရေးပြန်လည်စုစည်းပြီး လက်နက်ဖြည့်တင်းရန် အခွင့်ကောင်းယူနိုင်ကြောင်း ပြောကြားကာ ရေတိုအပစ်အခတ်ရပ်စဲရေး များကို အမြဲတစေ ဆန့်ကျင်ခဲ့ပါသည်။ကိုးကား - RT
တနင်္လာနေ့, 18-သြဂုတ်လ-2025
© Copyright 2024 SAC All Rights Reserved.