၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး

saceditor

News Image

  • ၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး
  • ၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး

ကျောက်ဆည်၊ ဇူလိုင် ၂၀

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် ၂၀၂၅-၂၀၂၆ခုနှစ် မိုးစပါးများကို ရေသောက်နည်းလမ်းများဖြင့် စပါးမျိုးကွဲများအလိုက်(၅၂၈၁၇)ဧက လျာထားစိုက်ပျိုးလျက်ရှိကြောင်း မြို့နယ် မြေစာရင်း ဦးစီးဌာနမှ သိရသည်။

ထိုသို့ စိုက်ပျိုးရာ၌ ဧရာမင်း (၄၈၂၉၃) ဧက၊ မနောသုခ (၂၅၂၄) ဧက၊ ရွှေမနော် (၁၅၀၀) ဧက၊ အောင်နိုင်တိုး (၂၀၀) ဧက၊ GW-11 (၃၀၀) ဧက စုစုပေါင်း (၅၂၈၁၇) ဧကဖြစ်ကြောင်းနှင့် မိုးစပါးများကို ဇော်ဂျီဆည်ရေသောက် စနစ်ဖြင့် (၃၅၉၉၄) ဧက၊ကင်းတားရေသောက်စနစ်ဖြင့် (၁၆၀၂၇) ဧက၊ သစ်တက္ကုန်းဆည်ရေသောက်စနစ်ဖြင့် (၄၃၆) ဧက၊ မိုးရေဖြင့် (၂၅၀) ဧက၊ မြေအောက်ရေ (စက်ရေတွင်း) ဖြင့် (၁၁၀) ဧက လျာထားစိုက်ပျိုးသွားမည် ဖြစ်ကြောင်း သိရသည်။

ကျောက်ဆည်မြို့နယ် စိုက်ပျိုးရေးညှိနှိုင်းမှုအဖွဲ့အနေဖြင့် လျာထားမိုးစပါးသီးနှံများ ပြည့်မီကျော်လွန်စွာ စိုက်ပျိုးနိုင်ရေး တောင်သူများနှင့်ပူးပေါင်း၍ စိုက်လျက်ရှိကြောင်းနှင့် စိုက်ပျိုးသီးနှံများအောင်မြင်စေရေး သက်ဆိုင်ရာ ဦးစီးဌာနများမှ ဒေသနှင့်ကိုက်ညီသည့်မျိုးများဖြန့်ဝေခြင်း၊ စိုက်နည်းစနစ်များအား အသိပညာပေး ဆောင်ရွက်ခြင်း၊ စိုက်ပျိုးရေများ လုံလောက်စွာ ပေးဝေခြင်းများ ဆောင်ရွက်လျက်ရှိကြောင်း သိရသည်။

သက်မောင် (ကျောက်ဆည်)

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

လပွတ္တာမြို့နယ်မှ ရန်ကုန်ဈေးကွက်သို့ ဇွန်လအတွင်း ရေဘဝဲပိဿာချိန် အများအပြား တင်ပို့ရောင်းချနိုင်ခဲ့
လပွတ္တာမြို့နယ်မှ ရန်ကုန်ဈေးကွက်သို့ ဇွန်လအတွင်း ရေဘဝဲပိဿာချိန် အများအပြား တင်ပို့ရောင်းချနိုင်ခဲ့
လပွတ္တာ   ဇူလိုင် ၂၁ဧရာဝတီတိုင်းဒေသကြီး လပွတ္တာမြို့နယ်မှ ရန်ကုန်ဈေးကွက်သို့ ဇွန်လအတွင်း ရေဘဝဲပိဿာချိန် အများအပြား တင်ပို့ရောင်းချနိုင်ခဲ့ကြောင်း လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်သန်းသန်းဌေး က ပြောပြ၍ သိရသည်။လပွတ္တာမြို့နယ်မှ ရန်ကုန်ဈေးကွက်သို့ မေလအတွင်း ရေဘဝဲပိဿာချိန် ၄၅၀၀၀ သာ တင်ပို့ရောင်းချနိုင်ခဲ့ပြီး ဇွန်လအတွင်း ရေဘဝဲပိဿာချိန် ၆၅၀၀၀ ထိတင်ပို့ရောင်းချနိုင်ခဲ့ကြောင်း၊ အဆိုပါဒေသမှ ရေဘဝဲများကို ရန်ကုန်ဈေးကွက်က အဝယ်လိုက်နေကြောင်း သိရသည်။“ဒေသထွက်ရေထွက်ကုန်တွေ ရန်ကုန်ဈေးကွက်ကို အဓိကတင်ပို့ရောင်းချနေပါတယ်။ ဇွန်လအတွင်း ရေဘဝဲပိဿာချိန် ၆၅၀၀၀ ထိ တင်ပို့ရောင်းချခဲ့ရပါတယ်။ တင်ပို့ရောင်းချခဲ့တဲ့ ရေဘဝဲတွေရဲ့ လတ်ဆတ်မှုနဲ့ အရွယ်အစား၊ အလေးချိန်ပေါ်မူတည်ပြီး ဈေးနှုန်းအပြောင်းအလဲ ရှိပါတယ်။ လက်ရှိမှာလဲ ရေဘဝဲတွေ အဝယ်လိုက်နေပါတယ်။ ဒီဘက်ကနေထွက်တဲ့ ရေဘဝဲတွေကို ဒေသဈေးကွက်အပြင် အခြားဒေသတွေကိုလဲ တင်ပို့ရောင်းချနေပါတယ်” ဟု လပွတ္တာမြို့နယ် ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်သန်းသန်းဌေး က ပြောပြသည်။လပွတ္တာမြို့နယ်မှ တင်ပို့ရောင်းချခဲ့သည့် ရေဘဝဲလက်ရှည် တစ်ကီလိုလျှင် ငွေကျပ် ၂၇၀၀၀၊ ရေဘဝဲ လက်တို တစ်ကီလိုလျှင် ငွေကျပ် ၂၄၅၀၀ ထိပေါက်ဈေးရှိကြောင်း၊ အဆိုပါဒေသမှ ရေဘဝဲများ တင်ပို့မှုအားကောင်းလာသည့်အတွက် ရေလုပ်သားများ၊ ပွဲရုံပိုင်ရှင်များ၊ ကုန်သည်များ၊ ကုန်တင်ယာဉ်အငှားလိုက်သူများ အလုပ်အကိုင်အခွင့်အလမ်းကောင်းနေကြောင်း သိရသည်။ကျော်ကျော်လင်းရတနာပုံသတင်းစာ 
Tue, 22-Jul-2025
ပွင့်ဖြူမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ဆီထွက်သီးနှံ ၂၈၀၂၁ ဧကထိ စိုက်ပျိုးပြီးစီးပြီဖြစ်
ပွင့်ဖြူမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ဆီထွက်သီးနှံ ၂၈၀၂၁ ဧကထိ စိုက်ပျိုးပြီးစီးပြီဖြစ်
ပွင့်ဖြူ   ဇူလိုင် ၂၁မကွေးတိုင်းဒေသကြီး မင်းဘူးခရိုင် ပွင့်ဖြူမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ဆီထွက်သီးနှံစုံ ၂၈၀၂၁ ဧကထိ စိုက်ပျိုးပြီးစီးပြီဖြစ်ကြောင်း ပွင့်ဖြူမြိုု့နယ် စိုက်ပျိုးရေးဦးစီးဌာနမှ သိရသည်။ပွင့်ဖြူမြို့နယ်၌ ယခုနှစ် မိုးသီးနှံစိုက်ပျိုးရာသီတွင် ဆီထွက်သီးနှံစုံ ၂၉၃၈၅ ဧက စိုက်ပျိုးရန် လျာထားပြီး ဇွန်လပထမပတ်မှ စတင်စိုက်ပျိုးခဲ့ရာ ယနေ့တွင် ၂၈၀၂၁ ဧကထိ စိုက်ပျိုးပြီးစီးပြီဖြစ်ကြောင်း သိရသည်။“ဒီနှစ် မိုးသီးနှံစိုက်ပျိုးရာသီ ပွင့်ဖြူမြို့နယ်မှာ ဆီထွက်သီးနှံစုံ ၂၉၃၈၅ ဧက စိုက်ပျိုးဖို့ လျာထားပါတယ်။ ဒီနေ့ထိ မြေပဲ၊ နှမ်း၊ နေကြာစတဲ့ ဆီထွက်သီးနှံစုံ၂၈၀၂၁ ဧကထိ စိုက်ပျိုးပြီးစီးပြီဖြစ်ပါတယ်။ ဆီထွက်သီးနှံအလိုက် လျာထားဧကပြည့်မီအောင် စိုက်ပျိုးနိုင်ဖို့၊ အထွက်နှုန်းကောင်းမွန်ဖို့ကွင်းဆင်းဆောင်ရွက်ပေးနေပါတယ်” ဟု ပွင့်ဖြူမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူး ဒေါ်မိုးမိုးဝေ က ပြောပြသည်။ပွင့်ဖြူမြို့နယ်တွင် ဆီထွက်သီးနှံစိုက် တောင်သူများကို တစ်ဧက ပန်းတိုင်အထွက်နှုန်းရရှိစေရေးအတွက် စိုက်ပျိုးရေးဦးစီးဌာနက ဒေသနှင့် ကိုက်ညီသောမျိုးကောင်းမျိုးသန့်များ ရွေးချယ်စိုက်ပျိုးနိုင်ရေး၊ အထွက်နှုန်းကောင်းမွန်ရေး၊ GAP နည်းစနစ်ဖြင့် စိုက်ပျိုးနိုင်ရေး၊ ပိုးမွှားရောဂါကင်းရှင်းရေး စသည့် စိုက်ပျိုးရေးဆိုင်ရာ အသိပညာပေးလုပ်ငန်းများကို တောင်သူများနှင့် ပူးပေါင်းဆောင်ရွက်လျက်ရှိကြောင်း သိရသည်။ဆီထွက်သီးနှံများကို အထွက်နှုန်းနှင့် အရည်အသွေးတိုးတက်ကောင်းမွန်အောင် စိုက်ပျိုးနိုင်ပါက ဒေသတွင်း ဆီစားသုံးမှုဖူလုံစေမည့်အပြင် ပိုလျှံမှုကိုပြည်ပပို့ကုန်အဖြစ် တင်ပို့ရောင်းချနိုင်မည်ဖြစ်၍ ဝင်ငွေရရှိကာ လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် ဆီးထွက်သီးနှံများကို ဒေသမရွေးတိုးချဲ့စိုက်ပျိုးနိုင်ရေး ကြိုးပမ်းဆောင်ရွက်သင့်ကြောင်း ပွင့်ဖြူမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူး ဒေါ်မိုးမိုး‌ဝေ က ပြောပြသည်။ရဲဝင်းနိုင် (ညောင်ဦး)ရတနာပုံသတင်းစာ 
Tue, 22-Jul-2025
ထောပတ်သီးအခြေခံအလှကုန်ပစ္စည်းများ တရုတ်နိုင်ငံသို့ တင်ပို့နိုင်ပြီဖြစ်
ထောပတ်သီးအခြေခံအလှကုန်ပစ္စည်းများ တရုတ်နိုင်ငံသို့ တင်ပို့နိုင်ပြီဖြစ်
ပြည်တွင်း၌ စိုက်ပျိုးထွက်ရှိသည့် ထောပတ်သီးမှ ထုတ်လုပ်သည့် အခြေခံအလှကုန်ပစ္စည်းများကို တရုတ်နိုင်ငံသို့ တင်ပို့နိုင်ပြီဖြစ်ကြောင်း မြန်မာကုန်သွယ်မှုမြှင့်တင်ရေးအဖွဲ့မှ သိရသည်။ထောပတ်သီးမှ အခြေခံထုတ်လုပ်သည့် အလှကုန်ပစ္စည်းများ တင်ပို့လိုပါက တရုတ်နိုင်ငံ အလှကုန်ကြီးကြပ်ရေးနှင့် စီမံခန့်ခွဲရေးဆိုင်ရာစည်းမျဉ်း (Cosmetic Supervision and Administration Regulation-CSAR)မှ ထုတ်ပြန်ထားသည့် Special Cosmetics နှင့် General Cosmetics လျှောက်ထားခြင်းဆိုင်ရာ လုပ်ထုံးလုပ်နည်းများနှင့်အညီ လိုက်နာဆောင်ရွက်နိုင်ကြောင်း သိရသည်။မြန်မာနိုင်ငံမှ တရုတ်နိုင်ငံသို့ ထောပတ်သီးနှင့် ထောပတ်သီးနှင့်ဆက်စပ်သည့် တန်ဖိုးမြင့် စားသောက်ကုန်၊ လူသုံးကုန်ပစ္စည်းများ တင်ပို့နိုင်ရေးနှင့်စပ်လျဉ်း၍ လက်ရှိတွင် ထောပတ်သီးစိမ်းကို လတ်ဆတ်သော သစ်သီးဝလံအဖြစ် တင်ပို့နိုင်ရေးအတွက် အန္တရာယ်ရှိ ဖျက်ပိုးများအတွက် လေ့လာအကဲဖြတ်ခြင်း (Pest Risk Analysis (PRA))ကို အဝေးရောက် စနစ်ဖြင့် လေ့လာအကဲဖြတ်ခြင်း (Remote Video Inspection) ကျင့်သုံးဆောင်ရွက်ရန် နှစ်နိုင်ငံအကြား သဘောတူပြီးဖြစ်ကြောင်း သိရသည်။ထို့ပြင် ထောပတ်သီးနှင့် ဆက်စပ်သောတန်ဖိုးမြှင့် စားသောက်ကုန်များဖြစ်သည့် ထောပတ်သီးဆီ၊ ဖျော်ရည်များ၊ အေးခဲသစ်သီးများကို GACC ၏ CIFER system မှတဆင့်လျှောက်ထားနိုင်ကြောင်း သိရသည်။Popular Myanmar
Tue, 22-Jul-2025
ကျိုုက်လတ်မြို့နယ်မှ ရန်ကုန်ဈေးကွက်သို့ ဇွန်လအတွင်း လယ်ဂဏန်း ပိဿာချိန် ၇၃၀၀၀ ထိ တင်ပို့ရောင်းချနိုင်ခဲ့
ကျိုုက်လတ်မြို့နယ်မှ ရန်ကုန်ဈေးကွက်သို့ ဇွန်လအတွင်း လယ်ဂဏန်း ပိဿာချိန် ၇၃၀၀၀ ထိ တင်ပို့ရောင်းချနိုင်ခဲ့
ကျိုက်လတ်  ဇူလိုင် ၂၀ဧရာဝတီတိုင်းဒေသကြီး ကျိုက်လတ်မြို့နယ်မှ ရန်ကုန်ဈေးကွက်သို့ ဇွန်လအတွင်း လယ်ဂဏန်း ပိဿာချိန် ၇၃၀၀၀ ထိ တင်ပို့ရောင်းချနိုင်ခဲ့ကြောင်းကျိုက်လတ်မြို့နယ် ရေထွက်ကုန်ရောင်းဝယ်ရေး ပွဲရုံပိုင်ရှင် ဒေါ်စုစုထွေး က ပြောပြသည်။ကျိုက်လတ်မြို့နယ်မှ ရန်ကုန်ဈေးကွက်သို့ မေလအတွင်းက လယ်ဂဏန်းပိဿာချိန် ၅၅၀၀၀ ထိသာ တင်ပို့ရောင်းချနိုင်ခဲ့ပြီး ဇွန်လအတွင်း လယ်ဂဏန်း ပိဿာချိန် ၇၃၀၀၀ ထိ တင်ပို့ရောင်းချနိုင်ခဲ့ကြောင်း၊ အဆိုပါ လယ်ဂဏန်းများကို ရန်ကုန် ဈေးကွက်က အဝယ်လိုက်နေကြောင်း သိရသည်။“ရန်ကုန်ဈေးကွက်ထဲကို တင်ပို့ရောင်းချနေတဲ့ ဂဏန်းတွေက လယ်ကွင်းထဲက ဖမ်းယူရရှိတာဖြစ်ပါတယ်။ လယ်ဂဏန်းတွေအပါအဝင် ရေထွက်ကုန်တွေကို ရန်ကုန်ဈေးကွက်ထဲ အဓိကတင်ပို့ရောင်းချနေတာဖြစ်ပါတယ်။ ပြီးခဲ့တဲ့ ဇွန်လအတွင်း လယ်ဂဏန်း ပိဿာချိန် ၇၃၀၀၀ ထိ တင်ပို့ရောင်းချခဲ့ရပါတယ်။ လက်ရှိမှာလဲ ဒီဘက်ကနေ တင်ပို့ရောင်းချတဲ့ရေထွက်ကုန်တွေကို ရန်ကုန်ဈေးကွက်က အဝယ်လိုက်နေပါတယ်” ဟု ကျိုက်လတ်မြို့နယ်ရေထွက်ကုန်ပစ္စည်းများရောင်းဝယ်ရေး ပွဲရုံပိုင်ရှင် ဒေါ်စုစုထွေး က ပြောပြသည်။ကျိုက်လတ်မြို့နယ်မှဂဏန်းများအပါအဝင် ရေထွက်ကုန်များကို ရန်ကုန်ဈေးကွက်သို့ တင်ပို့ရောင်းချလျက်ရှိပြီးတင်ပို့ရောင်းချနေသည့် လယ်ဂဏန်း ၁၀ ပိဿာလျှင် ငွေကျပ် ၈၈၀၀၀ ထိ ပေါက်ဈေးရှိကြောင်း သိရသည်။ကျော်ကျော်လင်းရတနာပုံသတင်းစာ
Mon, 21-Jul-2025
၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး , ၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး
၂၀၂၅-၂၀၂၆ ခုနှစ် မိုးစပါးမျိုးကွဲများအလိုက် (၅၂၈၁၇) ဧက လျာထား စိုက်ပျိုး
ကျောက်ဆည်၊ ဇူလိုင် ၂၀မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် ၂၀၂၅-၂၀၂၆ခုနှစ် မိုးစပါးများကို ရေသောက်နည်းလမ်းများဖြင့် စပါးမျိုးကွဲများအလိုက်(၅၂၈၁၇)ဧက လျာထားစိုက်ပျိုးလျက်ရှိကြောင်း မြို့နယ် မြေစာရင်း ဦးစီးဌာနမှ သိရသည်။ထိုသို့ စိုက်ပျိုးရာ၌ ဧရာမင်း (၄၈၂၉၃) ဧက၊ မနောသုခ (၂၅၂၄) ဧက၊ ရွှေမနော် (၁၅၀၀) ဧက၊ အောင်နိုင်တိုး (၂၀၀) ဧက၊ GW-11 (၃၀၀) ဧက စုစုပေါင်း (၅၂၈၁၇) ဧကဖြစ်ကြောင်းနှင့် မိုးစပါးများကို ဇော်ဂျီဆည်ရေသောက် စနစ်ဖြင့် (၃၅၉၉၄) ဧက၊ကင်းတားရေသောက်စနစ်ဖြင့် (၁၆၀၂၇) ဧက၊ သစ်တက္ကုန်းဆည်ရေသောက်စနစ်ဖြင့် (၄၃၆) ဧက၊ မိုးရေဖြင့် (၂၅၀) ဧက၊ မြေအောက်ရေ (စက်ရေတွင်း) ဖြင့် (၁၁၀) ဧက လျာထားစိုက်ပျိုးသွားမည် ဖြစ်ကြောင်း သိရသည်။ကျောက်ဆည်မြို့နယ် စိုက်ပျိုးရေးညှိနှိုင်းမှုအဖွဲ့အနေဖြင့် လျာထားမိုးစပါးသီးနှံများ ပြည့်မီကျော်လွန်စွာ စိုက်ပျိုးနိုင်ရေး တောင်သူများနှင့်ပူးပေါင်း၍ စိုက်လျက်ရှိကြောင်းနှင့် စိုက်ပျိုးသီးနှံများအောင်မြင်စေရေး သက်ဆိုင်ရာ ဦးစီးဌာနများမှ ဒေသနှင့်ကိုက်ညီသည့်မျိုးများဖြန့်ဝေခြင်း၊ စိုက်နည်းစနစ်များအား အသိပညာပေး ဆောင်ရွက်ခြင်း၊ စိုက်ပျိုးရေများ လုံလောက်စွာ ပေးဝေခြင်းများ ဆောင်ရွက်လျက်ရှိကြောင်း သိရသည်။သက်မောင် (ကျောက်ဆည်)
Sun, 20-Jul-2025
ဘရာဇီးလ်သမ္မတ လူလာက ထရမ့်သည် ကမ္ဘာ့ဧကရာဇ်မဟုတ်ဟု ပြောကြား
ဘရာဇီးလ်သမ္မတ လူလာက ထရမ့်သည် ကမ္ဘာ့ဧကရာဇ်မဟုတ်ဟု ပြောကြား
ဘရာဇီးလ်သမ္မတ Luiz Inacio Lula da Silva က အမေရိကန်သမ္မတ ဒေါ်နယ်ထရမ့်၏ ဘရာဇီးလ်ထုတ်ကုန်များကို ၅၀% အကောက်ခွန်အပြည့်အဝ စည်းကြပ်မည့် ကြေညာချက်ကို ပြင်းပြင်းထန်ထန် ပြန်လည် တုံ့ပြန်ခဲ့ပြီး ဘရာဇီးလ်နိုင်ငံသားများ၏ အကျိုးစီးပွားကာကွယ်ရန် သင့်လျော်သော အဖြေပေးမည်ဟု ကတိပြုခဲ့သည်။ CNN နှင့် ဗုဒ္ဓဟူးနေ့ (ဇူလိုင် ၁၆) က ပြုလုပ်သော တွေ့ဆုံ မေးမြန်းခန်း တွင် လူလာက ထရမ့်၏ ခြိမ်းခြောက်မှုနှင့် ၎င်း၏ နည်းလမ်းနှစ်ခုလုံးကို အံ့အားသင့်ခဲ့ကြောင်း ပြောကြားခဲ့သည်။ ထရမ့်က ယခုသီတင်းပတ် အတွင်း ၎င်း၏ Truth Social လူမှုကွန်ယက်တွင် ဩဂုတ်လ ၁ ရက်မှစ၍ ဘရာဇီးလ်ထုတ်ကုန်အားလုံးကို ၅၀% အခွန်ကောက်ခံမှု စတင်မည်ဟု ကြေညာခဲ့သည်။ ထို့အပြင် ၂၀၂၂ ရွေးကောက်ပွဲတွင် ရှုံးနိမ့်ပြီးနောက် စစ်အာဏာသိမ်းရန် ကြံစည်မှုဖြင့် အမှုစွဲတင်ခံထားရသော ၎င်းလေးစား ရသည့် သမ္မတဟောင်း Jair Bolsonaro အပေါ် အခြေအမြစ်မရှိသော စွပ်စွဲချက်များကို ရပ်တန့်ရန် တောင်းဆိုခဲ့သည်။"ထိုစာကိုဖတ်လိုက်ရသည့်အခါ သတင်းမှား ဟု ထင်မိပါသည်" ဟု လူလာ က ပြောကြားခဲ့ပြီး ထရမ့်၏ လုပ်ရပ်ကို "နိုင်ငံနှစ်ခုကြား သမ္မတနှစ်ဦး၏ ဆက်ဆံရေးတွင် ရှိသင့်သည့် နည်းဥပဒေနှင့် ဓလေ့ထုံးစံများမှ လုံးဝ ခွဲထွက်သွားသည်" ဟု ဝေဖန်ခဲ့သည်။"သမ္မတ ထရမ့်ကို အမေရိကန်နိုင်ငံကိုသာ အုပ်ချုပ်ရန် ရွေးချယ် တင်မြှောက် ခံရသဖြင့် ၎င်းကိုယ်တိုင် ကမ္ဘာ့ဧကရာဇ်ဟု မထင်မိရန် လိုပါသည်" ဟု လူလာက ပြောကြားခဲ့သည်။ "ဘရာဇီးလ်နိုင်ငံအနေဖြင့် မိမိတို့အပေါ် အတင်းအကျပ်ချမှတ်သည်များကို လက်မခံနိုင်ပါ၊ ညှိနှိုင်းဆွေးနွေးမှုကိုတော့လက်ခံနိုင်သော်လည်း အတင်းအဓမ္မဖြစ်သည့် ညှိနှိုင်းဆွေးနွေးမှုကို လက်မခံပါ"ဟု ဆိုသည်။ဆွေးနွေးညှိနှိုင်းရန် အဆင်သင့်ရှိကြောင်း ပြောကြားခဲ့သော်လည်း လူလာ က ဘရာဇီးလ်နိုင်ငံအနေဖြင့် "သင့်တော်သည့်အဖြေပေးရန်လည်း အဆင်သင့် ပြင်ဆင်ထားပါသည်" ဟု ပြောကြားခဲ့သည်။ ထရမ့်က အကယ်၍ ဘရာဇီးလ်နိုင်ငံက ပြန်လည်တုံ့ပြန်မည်ဆိုပါက အကောက်ခွန်နှုန်းများ ပိုမိုမြင့်တက်လာနိုင်ကြောင်း သတိပေးခဲ့သော်လည်း လူလာက "သမ္မတ ထရမ့်က ဘရာဇီးနှင့်အမေရိကန်ကြား လက်ရှိလုပ်ဆောင်နေသည့် ညှိနှိုင်းမှုများကို အလေးအနက်ထားမည်ဆိုပါက မိမိအနေဖြင့်လည်း လိုအပ်သမျှကို ဆွေးနွေးညှိနှိုင်းရန် အဆင်သင့်ဖြစ်နေပါသည်" ဟု ၎င်းက ဖြည့်စွက်ပြောကြားခဲ့သည်။လူလာက ထရမ့်၏ ကုန်သွယ်ရေး မညီမျှမှုများ၌ ဘရာဇီးတွင် တာဝန် ရှိသည်ဆိုသည့် စွပ်စွဲချက်ကို ပယ်ချခဲ့ပြီး အမေရိကန်အစိုးရ၏ ကိန်းဂဏန်းများကို ညွှန်းဆိုကာ လွန်ခဲ့သော ၁၅ နှစ်အတွင်း ဘရာဇီးနှင့် အမေရိကန်ကြား ကုန်စည်နှင့် ဝန်ဆောင်မှုကုန်သွယ်ရေးတွင် အမေရိကန် က ပိုငွေ ၄၁၀ ဘီလီယံ ရရှိထားကြောင်း ထောက်ပြခဲ့ပါသည်။ယခုသီတင်းပတ်အစောပိုင်း၌ အမေရိကန်က ဘရာဇီး၏ ကုန်သွယ်မှု လုပ်ငန်းစဉ်များတွင် မည့်သည့်အရာများက မမျှတမှုဖြစ်စေခဲ့သည်ဆိုသည့် အချက်အလက်များကို စုံစမ်းစစ်ဆေးရန် တရားဝင် စုံစမ်း စစ်ဆေးမှု တစ်ရပ်ကို စတင်ခဲ့ပါသည်။ဘရာဇီးနိုင်ငံအနေဖြင့် ၅၀% အကောက်ခွန် စည်းကြပ်ခံရမည်ဆိုသည့် ကြေညာချက်သည် လက်ရှိအချိန်အထိ အမေရိကန်က ကြေညာခဲ့သည့် နိုင်ငံအလိုက် နှုန်းထားများတွင် အမြင့်ဆုံး အကောက်ခွန်နှုန်းထား ဖြစ်နေပါသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Fri, 18-Jul-2025
© Copyright 2024 SAC All Rights Reserved.