လာမည့်ဖေဖော်ဝါရီ ၁ ရက်တွင် စတင်၍ တရုတ်ကုန်ပစ္စည်းများကို အခွန် ၁၀ ရာခိုင်နှုန်း တိုးမြှင့်ကောက်ခံမည်ဟု အမေရိကန်သမ္မတဒေါ်နယ်ထရမ့်က ဇန်နဝါရီ ၂၂ ရက်(ဗုဒ္ဓဟူးနေ့)တွင် ပြောကြားလိုက်မှုအပေါ် အကောက်ခွန်နှင့်ကုန်သွယ်ရေးစစ်ပွဲတွင် အောင်နိုင်သူမရှိကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မစ္စမောနင်းက ထပ်လောင်း ပြောကြားလိုက်ပါသည်။
ကမ္ဘာ့အကြီးဆုံး လူမှုမီဒီယာပလက်ဖောင်းတစ်ခု ဖြစ်သော Linkedin သည် ၂၀၂၄ ခုနှစ်၊ ဩဂုတ်လမှစ၍ သုံးစွဲသူများ၏ ကိုယ်ရေးကိုယ်တာ မက်ဆေ့ချ်များကို တတိယအဖွဲ့အစည်းဖြစ်သည့် အခြားနည်းပညာကုမ္ပဏီများထံပေးပို့၍ AI နည်းပညာဖွံ့ဖြိုးတိုးတက်ရေးအတွက် အသုံးပြုနေကြောင်း စစ်ဆေးတွေ့ရှိသဖြင့် Linkedin အထူးသုံးစွဲသူများ ( Premium users ) ကိုယ်စား အမေရိကန်ပြည်ထောင်စု၊ ကယ်လီဖိုးနီးယားပြည်နယ် တရားရုံးက တရားစွဲဆိုထားပါသည်။
အမေရိကန် အမျိုးသားလုံခြုံရေးကောင်စီ ဝန်ထမ်းများကို ခန့်အပ်တာဝန်ပေးအပ်နိုင်ရေး ဒေါ်နယ်ထရမ့်၏ အစီအစဉ်များနှင့် ကိုက်ညီမှုရှိ၊ မရှိ ချိန်ညှိနိုင်ရန် ထရမ့်အစိုးရ အဖွဲ့က ပြန်လည်သုံးသပ်နေစဉ် ဇန်နဝါရီ ၂၂ ရက် (ဗုဒ္ဓဟူးနေ့)တွင် အမျိုးသားလုံခြုံရေးဆိုင်ရာအကြံပေး Mike Waltz က အိမ်ဖြူတော်ရှိ အမျိုးသားလုံခြုံရေး ကောင်စီဝန်ထမ်း ၁၆၀ ကို နေအိမ်များသို့ ပြန်ပို့လိုက်ပါသည်။
ယူကရိန်းသမ္မတ ဇီလန်းစကီးက ငြိမ်းချမ်းရေးဆွေးနွေးရန်အတွက် ပူတင်နှင့်တိုက်ရိုက်ဆွေးနွေးရန်အသင့်ရှိကြောင်း ပြောဆိုခဲ့သည်ဟု သိရှိရပါသည်။
သို့သော် ဆွေးနွေးမှု၏ ရလဒ်များ၌ ယူကရိန်း၏ အနာဂတ်လုံခြုံရေးအာမခံချက်များအတွက် အမေရိကန် က ကြားဝင်ညှိနှိုင်းပေးရန် အရေးကြီးကြောင်း ပြောဆိုခဲ့သည်ဟု Bloomberg သတင်းဌာနက ဖော်ပြထားပါသည်။