မြန်မာနိုင်ငံနှင့် ဘယ်လာရုစ်နိုင်ငံအကြား ကုန်သွယ်ရေးနှင့် စီးပွားရေးဆက်ဆံမှု တိုးမြှင့်ဆောင်ရွက်ရန် စိတ်ဝင်စားနေပါကြောင်း ဘယ်လာရုစ်နိုင်ငံ၊ ဒုတိယဝန်ကြီးချုပ် Yuri Shuleiko က မြို့တော်မင့်စ်သို့အလည်အပတ် ရောက်ရှိနေသော ပြည်ထောင်စုသမ္မတမြန်မာနိုင်ငံတော် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံစဉ် ပြောကြားလိုက်ကြောင်း ဘယ်လာရုစ် သတင်းဌာန BelTA တွင် ဖော်ပြ ထားပါသည်။ 

တရုတ်ထုတ်ကုန်များအပေါ် ထပ်ဆောင်းအခွန်စည်းကြပ်မှုကို လျှော့ပေးရန် အမေရိကန်အား တရုတ်နိုင်ငံခြားရေး၀န်ကြီး Wang Yi က တောင်းဆို လိုက်ပါသည်။

ဝမ်ယိသည် ပေကျင်း၌ကျင်းပခဲ့သည့် နိုင်ငံလုံးဆိုင်ရာပြည်သူ့ကွန်ဂရက် အစည်းအဝေးနှင့်အတူ မတ်လ ၇ ရက်တွင် သတင်းစာရှင်းလင်းပွဲတစ်ခု ပြုလုပ်ခဲ့ပြီး အမေရိကန်အနေဖြင့် ထိခိုက်နစ်နာစေလိုမှုနှင့် မတုံ့ပြန်သင့်ဘဲ အခြေအမြစ်မရှိသော အခွန်များ ကောက်ခံခြင်းကို ရပ်သင့်သည်ဟု ၎င်းက ပြောကြားခဲ့ပါသည်။

အစ္စရေးနှင့် ဟားမက်တို့အကြား အပစ်အခတ်ရပ်စဲရေး သဘောတူညီချက် ပျက်ပြယ်မည်ကို စိုးရိမ်နေသည့်အကြား ဆော်ဒီအာရေဗျ တော်ဝင် မိသားစုဝင်တစ်ဦးက ပါလက်စတိုင်းနိုင်ငံ ထူထောင်ရန်လိုအပ်ကြောင်း အလေးပေးပြောကြားလိုက်ပါသည်။

ဆော်ဒီထောက်လှမ်းရေးအေဂျင်စီအား နှစ် ၂၀ ကျော်ကြာ ဦးဆောင်ခဲ့သည့် မင်းသား Turki Al-Faisal သည် NHK နှင့် မတ်လ ၆ ရက် (ကြာသပတေး)နေ့ တွေ့ဆုံမေးမြန်းမှု၌ ယခုကဲ့သို့ မှတ်ချက်ပေးခဲ့ခြင်း ဖြစ်သည်။ အသက် ၈၀ အရွယ် မင်းသားသည် ၂၀၀၅ ခုနှစ်မှ ၂၀၀၇ ခုနှစ်အတွင်း အမေရိကန်ပြည်ထောင်စုဆိုင်ရာ သံအမတ်အဖြစ် တာဝန် ထမ်းဆောင်ခဲ့သည်။

တောင်ကိုရီးယားနိုင်ငံ ဆိုးလ်မြို့တရားရုံးသည် စွပ်စွဲပြစ်တင်ခံရကာ ရာထူးမှဆိုင်းငံ့ခံထားရသည့် တောင်ကိုရီးယားသမ္မတကို အကျဉ်းထောင်မှ ပြန်လွှတ်ပေးရန် အမိန့်ချမှတ်လိုက်ကြောင်း သိရသည်။ တောင်ကိုရီးယား သမ္မတ ယွန်းဆက်ယိုးလ်သည် လွန်ခဲ့သောနှစ် ဒီဇင်ဘာလအတွင်းတွင် စစ်အုပ်ချုပ်ရေး ဥပဒေထုတ်ပြန်ခဲ့ပြီးနောက် လွှတ်တော်အတွင်း စွပ်စွဲ ပြစ်တင်ခံရကာ ရာထူးမှ ဆိုင်းငံ့ခံထားရသူဖြစ်သည်။