အမေရိကန်နိုင်ငံသားအများစုသည် ဗလာဒီမာဇီလန်စကီးအား အမေရိကန် သမ္မတ ဒေါ်နယ်ထရမ့်နှင့် စကားများပြီးနောက် ယူကရိန်း ခေါင်းဆောင် ဇီလန်စကီး အား ၎င်းတို့၏စီးပွားရေး လုပ်ဖော်ကိုင်ဖက် အဖြစ် မရှုမြင်လိုကြောင်း ဆီးနိတ်လွှတ်တော်အမတ် လင်ဒ်ဆီဂရမ်က ပြောကြားခဲ့သည်။ “ယနေ့ဖြစ်ပျက်နေသည်ကို ကြည့်ရှုနေသော အမေရိကန် နိုင်ငံသားအများစုသည် ဇီလန်စကီးအား ၎င်းတို့၏စီးပွားရေး လုပ်ဖော်ကိုင်ဖက်အဖြစ် မြင်လိုကြမည်မဟုတ်ကြောင်း၊ မိမိလည်း ထိုသူများထဲတွင် ပါဝင်ပါကြောင်း” ၎င်းက Fox News ရုပ်သံလိုင်းတွင် ပြောကြားခဲ့သည်။ 

ကိုးကား - Tass

အမေရိကန်ပြည်ထောင်စုနှင့် ယူကရိန်းတို့၏ မြေရှားသတ္တုတူးဖော် ထုတ်လုပ်ရေး သဘောတူစာချုပ်လက်မှတ်ရေးထိုးရန်ကိစ္စကို  ပယ်ဖျက် လိုက်ကြောင်း အိမ်ဖြူတော် သတင်းထုတ်ပြန်ရေးခေါင်းဆောင်   Karoline Leavitt က ဖေဖော်ဝါရီ ၂၈ ရက်တွင် အတည်ပြု သတင်းထုတ်ပြန်လိုက် ပါသည်။

စီးပွားရေးလုပ်ငန်းရှင် ဘီလီယံနာ သူဌေးကြီး အီလွန်မက်က အမေရိကန် ဒုတိယသမ္မတ JD Vance သည် နောင်တချိန်တွင် အမေရိကန်သမ္မတ ဖြစ်လာနိုင်ကြောင်း ၎င်း၏ ထင်မြင်ယူဆချက်ကို ပြောကြားလိုက် ပါသည်။

အမေရိကန် ဒုတိယသမ္မတများအနက် JD Vance သည် အတော်ဆုံး ဒုတိယသမ္မတဖြစ်ပြီး အနာဂတ်အမေရိကန်၏ သမ္မတ ဖြစ်လာနိုင်သည် ဟု အီလွန်မက်က ၎င်း၏ X စာမျက်နှာတွင် မှတ်ချက်ပေးထားပါသည်။