ရုရှားတပ်မတော်က ယူကရိန်းနိုင်ငံရှိ စစ်ဘက်စက်မှုလုပ်ငန်းနေရာများကို ပစ်မှတ်ထားသည့် တိုက်ခိုက်မှုကြီးများ ပြုလုပ်ကြောင်း ရုရှားကာကွယ်ရေးဝန်ကြီးဌာနက ပုံမှန်သတင်းထုတ်ပြန်ချက်တွင် ဖော်ပြထားသည်။

ဒရုန်းများ၊ တိကျပဲ့ထိန်းဒုံးကျည်များကို အသုံးပြုသည့် အဆိုပါ တိုက်ခိုက်မှုကို ဧပြီ လ ၁၈ ရက်နံနက် အစောပိုင်းတွင် ဆောင်ရွက်ခြင်းဖြစ်ကြောင်း၊ အထူးသဖြင့် ယူကရိန်းတပ်မတော်၏ ဒရုန်းထုတ်လုပ်ရေး စက်ရုံနေရာကို တိုက်ခိုက်ခြင်းဖြစ်ကြောင်းနှင့် ထိုတိုက်ခိုက်မှုသည် အောင်မြင်မှုရရှိကြောင်း ကာကွယ်ရေးဝန်ကြီးဌာန၏ ထုတ်ပြန်ချက်တွင် ဆက်လက်ဖော်ပြထားသည်။

အင်ဒိုနီးရှားအစိုးရအနေဖြင့် အမေရိကန် အစိုးရကချမှတ်သော ထပ်ဆောင်း စည်းကြပ်အခွန်များကို ရှောင်ရှားနိုင်ရေးအတွက် အမေရိကန်မှ ဒေါ်လာ ၁၉ ဘီလီယံဖိုးအထိ သွင်းကုန်များကိုတင်သွင်းသွားမည်ဖြစ်ကြောင်း ကတိပြုလိုက်သည်။

အင်ဒိုနီးရှားစီးပွားရေးဝန်ကြီးနှင့်တာဝန်ရှိသူများက အမေရိကန်အစိုးရ တာဝန်ရှိသူများနှင့် သွားရောက် ညှိနှိုင်းဆွေးနွေးပြီးနောက် စွမ်းအင်ကဏ္ဍမှ အမေရိကန် ဒေါ်လာ ၁၀ ဘီလီယံဖိုးအထိအပါအဝင် သွင်းကုန်ပမာဏ စုစုပေါင်း ဒေါ်လာ ၁၉ ဘီလီယံဖိုးအထိ တင်သွင်းမည်ဟု ဧပြီလ ၁၈ ရက်တွင် စီးပွားရေးဝန်ကြီးကပြောခြင်း ဖြစ်သည်။

တရုတ်သမ္မတရှီကျင့်ဖျင်က လာမယ့်သီတင်းပတ်ကစပြီး အရှေ့တောင်အာရှသုံးနိုင်ငံ ချစ်ကြည်ရေးခရီးစဉ် စတင်တော့မယ်လို့ တရုတ်နိုင်ငံခြားရေးဝန်ကြီးဌာနက ဧပြီလ ၁၁ ရက်မှာထုတ်ပြန်လိုက်ပါတယ်။ တရုတ်သမ္မတအနေနဲ့ အခုလိုမျိုး အရှေ့တောင်အာရှနိုင်ငံတွေဆီကို ခြေဦးလှည့်လာတာက သူ့ဆီမှာခိုင်လုံတဲ့ အကြောင်းပြချက်ကောင်းတစ်ခု ရှိနေမှာပါ။

လက်ရှိဖြစ်ပွားနေသော ရုရှား-ယူကရိန်း ပဋိပက္ခတွင် တရုတ်နိုင်ငံကိုဆွဲခေါ်ခဲ့ခြင်း မရှိကြောင်း၊ တရုတ်နိုင်ငံသည် မည်သည့်ဘက်ကိုမျှမလိုက်သည့် နိုင်ငံအဖြစ် ရပ်တည်နေကြောင်း ရုရှားသမ္မတရုံးက ဧပြီ လ ၁၀ ရက်တွင်ထုတ်ပြန်သည်။

တရုတ်နိုင်ငံသည် ယူကရိန်းပဋိပက္ခ အတွင်းသို့ ဆွဲခေါ်ခံနေရသည်ဟု ယူကရိန်း သမ္မတဇီလန်စကီ၏ ပြောဆိုမှုကို ရုရှား အစိုးရက ယခုကဲ့သို့တုံ့ပြန်လိုက်ခြင်း ဖြစ်သည်။