မြန်မာနိုင်ငံတွင် ငလျင်လှုပ်ခတ်မှုကြောင့် သေဆုံးသူ ၃,၆၀၀ ဦးအထိ ရှိလာပြီဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်း ထုတ် ပြန်ရေး အဖွဲ့က ဧပြီ ၇ ရက် ညပိုင်းက ထုတ်ပြန်သော သတင်းအရ သိရသည်။ ငလျင်ကြောင့် လူပေါင်း ၅,၀၁၇ ဦး ဒဏ်ရာရရှိခဲ့ပြီး လူ ၁၆၀ ဦး ပျောက်ဆုံးနေဆဲဖြစ်ကြောင်း သိရသည်။
ကိုးကား-Xinhua
မြန်မာနိုင်ငံတွင် မတ်လ ၂၈ ရက် ငလျင်လှုပ်ခတ်ပြီးနောက် ကပ်ဘေး ကယ်ဆယ်ရေး ရွက်ဖျင်တဲများသည် တရုတ်နိုင်ငံ၊ မန်စီမြို့ အပြည်ပြည် ဆိုင်ရာလေဆိပ်သို့ ဧပြီ ၆ ရက် ညနေပိုင်းတွင် ရောက်ရှိခဲ့သည်။ ယင်း ရွက်ဖျင်တဲများမှာ မြန်မာနိုင်ငံ၊ ရန်ကုန်မြို့သို့ ရောက်ရှိပြီးနောက် မြန်မာ နိုင်ငံ၏ ဆိုးရွားစွာ ငလျင်ဒဏ်သင့်သောဒေသများသို့ အသုတ်ခွဲပို့ဆောင် မည် ဖြစ်သည်။
အမေရိကန်နှင့် အီရန် ကိုယ်စားလှယ်အဖွဲ့တို့သည် လာမည့် ဧပြီလ ၁၂ ရက်တွင် အိုမန်နိုင်ငံတွင် တွေ့ဆုံဆွေးနွေးမှုများ ပြုလုပ်မည်ဖြစ်ကြောင်း အီရန်နိုင်ငံခြားရေးဝန်ကြီး Abbas Araghchi က ၎င်း၏ X လူမှုကွန်ရက် တွင် ကြေညာချက်ထုတ်ပြန်ထားပါသည်။
အမေရိကန်နှင့် အီရန်တို့သည် လာမည့်စနေနေ့ (ဧပြီ ၁၂) တွင် အဆင့်မြင့် ဆုံးနီးပါးဖြစ်သော တိုက်ရိုက်ဆွေးနွေးမှုများ ပြုလုပ်သွားကြမည်ဟု အမေရိကန်သမ္မတ ဒေါ်နယ်ထရမ့်က ဧပြီ ၇ ရက်က ပြောကြားထားပြီး အသေးစိတ်ကို ရှင်းပြခဲ့ခြင်း မရှိချေ။
ကိုးကား- TASS
အီရန်နျူကလီးယားပြဿနာကို ဖြေရှင်းရန် ရုရှား-တရုတ်-အီရန် ကျွမ်းကျင်သူအဆင့် အစည်းအဝေးတစ်ရပ် ကျင်းပရန် တရုတ်နှင့် ရုရှား တို့ သဘောတူခဲ့ကြောင်း တရုတ်နိုင်ငံခြားရေးဌာနပြောရေးဆိုခွင့်ရှိသူ Lin Jian က ပြောကြားလိုက်ပါသည်။
“သုံးနိုင်ငံ ကျွမ်းကျင်သူဆွေးနွေးပွဲကို ရုရှားတွင် ကျင်းပရန် တရုတ်က ထောက်ခံထားပါကြောင်း၊ အီရန်နျူကလီးယားပြဿနာကို သံတမန် နည်းလမ်းအရ ပြေလည်စေရေးအတွက် နောက်ထပ်ကြိုးစား လုပ်ဆောင် သွားမည်ဖြစ်ပါကြောင်း” Lin Jian က ထပ်လောင်းပြောကြားထားပါသည်။