ပင်လယ်ပြင်ဆိုတာ ကမ္ဘာပေါ်မှာ ကာဗွန်ဒိုင်အောက်ဆိုက်ဓာတ်ငွေ့ကို အများဆုံး စုပ်ယူပေးနေတာဖြစ်ပါတယ်။ အခု ဗြိတိန်အစိုးရရဲ့ ငွေကြေးထောက်ပံ့မှုနဲ့ SeaCURE လို့ခေါ်တဲ့ အစီအစဉ်တစ်ခုကို စတင်လိုက်ပါတယ်။ ဒီအစီအစဉ်ရဲ့အဓိက ရည်ရွယ်ချက်က ရာသီဥတုပြောင်းလဲမှု ကိုတိုက်ဖျက်ဖို့အတွက် နည်းပညာကို ရှာဖွေဖော်ထုတ်ခြင်း ဖြစ်ပါတယ်။ ဒီအစီအစဉ်ကနေ လုပ်ဆောင်သွားမယ့်အရာက ပင်လယ်ပြင်ထဲကနေ ကာဗွန်တွေကိုစုပ်ယူခြင်းပါပဲ။
သုတေသနပညာရှင်များက ဆေးတစ်မျိုးကို ရှာဖွေတွေ့ရှိလိုက်ပါတယ်။ အဲဒီ ဆေးရဲ့ဒြပ်ပေါင်းက နာတာရှည်ကိုဗစ် ရောဂါလက္ခဏာတွေကို ကာကွယ်နိုင်စွမ်း ရှိတယ်လို့ဆိုပါတယ်။ ကြွက်တွေကိုအသုံးပြုထားတဲ့ ဒီစမ်းသပ်မှုရဲ့ရလဒ်က ကိုဗစ် ရောဂါကုသမှုအတွက် နည်းလမ်းကောင်းတစ်ခု ဖြစ်လာနိုင်တယ်လို့ သုတေသီများ ကပြောထားပါတယ်။
ဂျပန်နိုင်ငံမှာ မိုးကြိုးပစ်ခြင်းကြောင့် နှစ်စဉ်ဆုံးရှုံးမှု တန်ဖိုးက ဒေါ်လာ ၁ ဒသမ ၄ ဘီလီယံ အထိရှိပါတယ်။ ဒါကြောင့် ဂျပန် NTT ကုမ္ပဏီက ဒရုန်းစနစ်တစ်မျိုး ကိုဖန်တီးလိုက်ပါတယ်။
အဲဒီဒရုန်းစနစ်က မိုးကြိုးပစ်ခြင်းကို ခံနိုင်ရည်ရှိတဲ့အတွက် မိုးကြိုးလွှဲပေးမယ့် အပြင် အဲဒီမိုးကြိုးပစ်ခြင်းကနေ လျှပ်စစ်ဓာတ်အားရယူပြီး စွမ်းအင်ပြန်ပေးသွားနိုင်မယ်လို့ဆိုပါတယ်။
ကမ္ဘာ့နိုင်ငံအများအပြားက အင်တာနက်ကွန်ရက်ကို အသုံးပြုရာမှာ 5G ကွန် ရက်နည်းပညာကိုသာ အသုံးပြုနိုင်နေချိန်မှာ တရုတ်နိုင်ငံက ကမ္ဘာ့ပထမဆုံး အဖြစ် 10G ကွန်ရက်နည်းပညာကို နည်းပညာမြို့တော်ဖြစ်တဲ့ ရှောင်အန်းမြို့မှာ စတင်အသုံးပြုလိုက်ပြီ ဖြစ်ပါတယ်။
အခုလိုကွန်ရက်နည်းပညာကို အသုံး ပြုနိုင်စေဖို့အတွက် ဟွားဝေကုမ္ပဏီနဲ့ ချိုင်းနားယူနီကွန်း ကုမ္ပဏီတို့က ပူးပေါင်းပြီး 50G-PON နည်းပညာကို အသုံးပြုကာဝန်ဆောင်မှုပေးထားတာပါ။