နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ဇနီးဒေါ်ကြူကြူလှ၊ ကောင်စီ တွဲဖက်အတွင်းရေးမှူးနှင့်ဇနီး၊ ကောင်စီဝင်များ၊ ပြည်ထောင်စုဝန်ကြီးများ၊ မန္တလေးတိုင်းဒေသကြီးဝန်ကြီးချုပ်၊ ကာကွယ်ရေးဦးစီးချုပ်ရုံးမှ အဆင့်မြင့် တပ်မတော်အရာရှိကြီးများနှင့် အဖွဲ့ဝင်များလိုက်ပါ၍ ဧပြီ ၇ ရက်နေ့၊ မွန်းလွဲပိုင်းတွင် မန္တလေးမြို့၌ ကူညီကယ်ဆယ်ရေးလုပ်ငန်းများ ဆောင်ရွက် ပေးနေသည့် အိန္ဒိယနိုင်ငံ၊ တရုတ်နိုင်ငံ၊ ရုရှားနိုင်ငံနှင့် ဘယ်လာရုစ် နိုင်ငံတို့မှ ကူညီကယ်ဆယ်ရေးအဖွဲ့များအား သွားရောက်တွေ့ဆုံပြီး ရင်းရင်းနှီးနှီးအားပေးစကား ပြောကြားခဲ့သည်။

အမေရိကန်သမ္မတဒေါ်နယ်ထရမ့်က ပေးပို့လာသည့် စာတစ်စောင်ကို တုံ့ပြန်သည့်အနေဖြင့် အီရန်နိုင်ငံ့ခေါင်းဆောင် ခါမေနီသည် တရားဝင် ပြန်ကြားစာကို အိုမန်နိုင်ငံမှတစ်ဆင့် ဒေါ်နယ်ထရမ့်ထံသို့ ပေးပို့ခဲ့ကြောင်း အီရန်နိုင်ငံခြားရေးဝန်ကြီး Abbas Araghchi က ပြောကြားလိုက် ပါသည်။

ထိုစာတွင် စာရွက်နှစ်စောင်ပါရှိပြီး ပထမတစ်စောင်မှာ လတ်တလော ကမ္ဘာ့ပထဝီနိုင်ငံရေးအခြေအနေအပေါ် တီဟီရန်၏ အမြင်ကို ဖော်ပြ ထားပြီး ဒုတိယတစ်စောင်မှာ ထရမ့်ပြောကြားချက်များကို ခွဲခြမ်းစိတ်ဖြာ သုံးသပ်ဖော်ပြထားပါသည်။ 

ငလျင်ဒဏ်ကြောင့် ပျက်စီးခဲ့သည့် ရန်ကုန်-မန္တလေး အမြန်လမ်း ၁၆၅ မိုင်၁ ဖာလုံနှင့် ၁၆၅ မိုင် ၃ ဖာလုံကြားရှိ ဆွာချောင်းတံတားပေါ်မှ လက်ရှိတွင် ၅ တန်အောက် ယာဉ်များသာ သွားလာနိုင်သေးသော်လည်း ဧပြီ ၉ ရက်နေ့မှ စတင်၍ တန် ၂၀ မော်တော်ယာဉ်ကြီးများ ဖြတ်သန်းသွားလာနိုင်တော့မည်ဖြစ်ကြောင်း နိုင်ငံတော်စီမံအုပ်ချုပ်ရေး ကောင်စီ က ထုတ်ပြန်သောသတင်းအရ သိရသည်။

ထိုင်းတွင် ငလျင်ကြောင့် အထပ် ၃၀ ရှိ အဆောက်အဦပြိုကျမှု့အတွက် ဆောက်လုပ်ရေးပစ္စည်းများကွာလတီမှီ၊ မမှီကို ဝန်ကြီးချုပ် ပေထုံတန်က အဖွဲ့ဖွဲ့ပြီး စစ်ဆေးနေသည်။ ထိုအဆောက်အဦကို တရုပ် CREC ကုမ္ပဏီ က ဆောက်လုပ်ခဲ့ခြင်းဖြစ်ပြီး ကနဦး စစ်ဆေးတွေ့ရှိချက်၌ အဆင့်မမှီသော သံချောင်းများသုံးထားသည်ဟုဆိုသည်။ ထိုကုမ္ပဏီသည် မနှစ်က ဆားဗီးယားနိုင်ငံ ဘူတာရုံပြိုကျမှု၌ လူ ၁၄ ဦးသေဆုံးခဲ့ရမှုတွင်လည်း တာဝန်ရှိကြောင်း စစ်ဆေးတွေ့ရှိထားသည် ဟု ဆိုသည်။