ဂါဇာကမ်းမြောင်ဒေသရှိ အကူအညီပေးရေးစင်တာအနီး၌ ဇွန်လ ၁၁ ရက်တွင် အစ္စရေး၏တိုက်ခိုက်မှုကြောင့် ပါလက်စတိုင်းပြည်သူအနည်းဆုံး ၂၈ ဦး သေဆုံးကြောင်းနှင့် လူအများအပြားဒဏ်ရာရရှိသွားကြောင်း ပါလက်စတိုင်းသတင်းဌာနတစ်ခုကဖော်ပြထားသည်။
အလားတူ ဂါဇာကမ်းမြောင်အလယ်ပိုင်း နျူဆိုင်းရတ်မြို့မြောက်ပိုင်းရှိ ဒုက္ခသည်စခန်းတစ်ခုကို အစ္စရေးကဒရုန်းဖြင့် တိုက်ခိုက်မှု လုပ်ဆောင်သောကြောင့် လူနှစ်ဦးသေဆုံးကြောင်း AL Awda ဆေးရုံ မှတာဝန်ရှိသူများကပြောသည်။
မော်စကို၊ ပညာရေး
ရုရှားနိုင်ငံသည် ဝင်ရိုးစုံကမ္ဘာကိုတည်ဆောက်ရေးအတွက် ပညာရေးပုံစံတစ်ခုကို မိတ်ဆက်ကာ မိတ်ဖက်နိုင်ငံများနှင့် မျှဝေသွားမည်ဖြစ်ကြောင်း ရုရှားပညာရေး ဝန်ကြီး အလက်ဆီခရက်ဆော့က အပြည် ပြည်ဆိုင်ရာညီလာခံတစ်ခုမတိုင်မီပြော သည်။
လန်ဒန်၊ ကုန်သွယ်ရေး
တရုတ်နိုင်ငံနှင့် အမေရိကန်နိုင်ငံတို့အနေဖြင့် ကုန်သွယ်ရေးဆွေးနွေးမှုတွင် သဘောတူညီချက်တစ်ခုရရှိခဲ့ပြီဖြစ်ပြီး ယခုအခါ နှစ်နိုင်ငံခေါင်းဆောင်များ၏ အတည်ပြုချက်ရရှိရေးသာကျန်ရှိတော့ကြောင်း သိရသည်။
အဆိုပါနှစ်နိုင်ငံမှကိုယ်စားလှယ်အဖွဲ့များက လန်ဒန်မြို့၌နှစ်ရက်ကြာတွေ့ဆုံ ဆွေးနွေးမှုများလုပ်ဆောင်ပြီးနောက် ဂျီနီ ဗာဘုံသဘောတူညီချက်ကို အကောင် အထည်ဖော်ရေးအတွက် သဘောတူညီ ချက်ရရှိခဲ့ခြင်းဖြစ်ကြောင်း အမေရိကန် ကုန်သွယ်ရေးဝန်ကြီးဟောင်းဝပ်လတ်နစ်က ပြောသည်။
မြန်မာနိုင်ငံတွင် ပြည်တွင်းစားသုံးမှုနှင့် ပြည်ပပို့ကုန်အဖြစ် ရာသီမပြတ် မွေးမြူထုတ်လုပ်လျက်ရှိသည့် ရေချိုထွက်ကုန်များမှ ပြီးခဲ့သည့် ဘဏ္ဍာနှစ်တွင် ပြည်ပသို့ ရေချိုထွက်ကုန် တန်ချိန်(၅)သိန်းကျော်တင်ပို့မှုမှ အမေ ရိကန်ဒေါ်လာ ၇၂၂ သန်းကျော် ရရှိခဲ့ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်၏ ပြောကြားချက်အရ သိရသည်။