ဖိလစ်ပိုင် ဒုသမ္မတကို လုံခြုံရေးကောင်စီဝင်အဖြစ်မှ ဖယ်ရှား

ဖိလစ်ပိုင်သမ္မတ ဖာဒီနန်မားကို့စ် ဂျူနီယာသည် ပြီးခဲ့သည့်လက ၎င်းအားသတ်ဖြတ်မည်ဟု ကြုံးဝါးခဲ့သူ ဒုသမ္မတ ဆာရာဒူတာတေးကို အမျိုးသား လုံခြုံရေး ကောင်စီမှ တာဝန်ဖယ်ရှားရန် အုပ်ချုပ်ရေး အမိန့်ကို လက်မှတ်ရေးထိုး၍ ဒီဇင်ဘာ ၃ ရက်နေ့က ထုတ်ပြန် ကြေညာလိုက်ပါသည်။ မနှစ်ကတည်းက ဖိလစ်ပိုင်နိုင်ငံရေးမဟာမိတ်ဟောင်း ၂ ဦးအကြား ခါးသီးသည့် ပဋိပက္ခများ ဖြစ်ပွားခဲ့ရာက စတင်၍ ကြီးထွားလာခဲ့ကြောင်း ဖော်ပြထားပါသည်။

အမျိုးသားလုံခြုံရေးကောင်စီ (NSC) ကို ပြန်လည်ဖွဲ့စည်းရာတွင် ကောင်စီအဖွဲ့ဝင်များအနေဖြင့် အမျိုးသားလုံခြုံရေးနှင့် အချုပ်အခြာအာဏာကို ထိန်းသိမ်းကာကွယ်စောင့်ရှောက်ရန် တာဝန်ရှိကြောင်း သမ္မတ မားကို့စ်က ပြောကြားခဲ့ပါသည်။

ကိုးကား - The Guardian