အီရန်ထိပ်တန်းသံတမန် အိန္ဒိယနှင့် ပါကစ္စတန်သို့ သွားရောက်မည်

saceditor

News Image

  • အီရန်ထိပ်တန်းသံတမန် အိန္ဒိယနှင့် ပါကစ္စတန်သို့ သွားရောက်မည်

အီရန်နိုင်ငံခြားရေးဝန်ကြီး Abbas Araghchi သည် နှစ်နိုင်ငံကြား တင်းမာမှုများ ကြီးထွားလာသည့် ပါကစ္စတန်နှင့် အိန္ဒိယသို့ ယခုလာမည့် သီတင်းပတ်တွင် တရားဝင် အလည်အပတ်သွားရောက်မည်ဖြစ်ကြောင်း အီရန်နိုင်ငံခြားရေးဌာန ပြောရေးဆိုခွင့်ရှိသူ Esmail Baghaei က ပြောကြား ထားပါသည်။

မေလ ၅ ရက် (တနင်္လာနေ့)တွင် Araghchi သည် နှစ်နိုင်ငံ ဆက်ဆံရေး အပြင် လတ်တလော ဒေသတွင်းနှင့် နိုင်ငံတကာတိုးတက်မှုများကို ဆွေးနွေးရန်အတွက် ယင်းခရီးစဉ်အတွင်း ပါကစ္စတန် အဆင့်မြင့်အရာရှိများနှင့် တွေ့ဆုံမည်ဖြစ်ပါသည်။ 

ထို့နောက် အီရန်ထိပ်တန်းသံတမန် Araghchi သည် လာမည့် သီတင်းပတ် နှောင်းပိုင်းတွင် အိန္ဒိယနိုင်ငံသို့လည်း တရားဝင် လာရောက်လည်ပတ်မည် ဖြစ်ကြောင်း Baghaei က ထပ်လောင်းပြောကြားထားပါသည်။

ကိုးကား- TASS

Photo: The Straits Times

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဘင်္ဂလားဒေ့ရှ် တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး Waker-Uz-Zaman သည် ကာတာနိုင်ငံသို့ တရားဝင် ခရီးစဉ်ပြီးဆုံးပြီးနောက် မေလ ၅ နေ့တွင် ဘင်္ဂလားဒေ့ရှ်နိုင်ငံသို့ ပြန်လည်ရောက်ရှိ
ဘင်္ဂလားဒေ့ရှ် တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး Waker-Uz-Zaman သည် ကာတာနိုင်ငံသို့ တရားဝင် ခရီးစဉ်ပြီးဆုံးပြီးနောက် မေလ ၅ နေ့တွင် ဘင်္ဂလားဒေ့ရှ်နိုင်ငံသို့ ပြန်လည်ရောက်ရှိ
ခရီးစဉ်အတွင်း ဘင်္ဂလားဒေ့ရှ် တပ်မတော်ကာကွယ်ရေးဦးစီးချုပ်သည် ကာတာနိုင်ငံ၊ ဒုတိယဝန်ကြီးချုပ်နှင့် ကာကွယ်ရေးဝန်ကြီး၊ ပြည်ထဲရေးဝန်ကြီး၊ ကာတာတပ်မတော် ကာကွယ်ရေးဦးစီးချုပ်၊ ပြည်တွင်းလုံခြုံရေး တပ်ဖွဲ့ (လက်ထောက်တပ်မှူး) အပါအဝင် အရပ်ဘက်/စစ်ဘက် အရာရှိကြီး များနှင့် ဂါရဝပြုတွေ့ဆုံဆွေးနွေးခဲ့ပါသည်။မေလ ၃ ရက် (စနေနေ့)တွင် ဘင်္ဂလားဒေ့ရှ်တပ်မတော်အကြီးအကဲသည် ကာတာအိုလံပစ်ကော်မတီဥက္ကဋ္ဌ Sheikh Joaan bin Hamad bin Khalifa Al Thani အား ဂါရဝပြုတွေ့ဆုံခဲ့ပါသည်။ ထို့သို့တွေ့ဆုံစဉ် နှစ်နိုင်ငံ အိုလံပစ်ကော်မတီများအကြား ပူးပေါင်းဆောင်ရွက်ရေး၊ အားကစားဆိုင်ရာ လေ့ကျင့်ရေး ပံ့ပိုးမှု၊ နှစ်နိုင်ငံဆက်ဆံရေးဖွံ့ဖြိုးတိုးတက်ရေး၊ ဘင်္ဂလားဒေ့ရှ်နိုင်ငံ၌ အိုလံပစ်ကျေးရွာ ထူထောင်ရေးအလားအလာအပါအဝင် အပြန်အလှန် အကျိုးစီးပွားဆိုင်ရာကိစ္စရပ်များကို ဆွေးနွေးခဲ့ ကြကြောင်း သိရှိရပါသည်။မေလ ၄ ရက် (တနင်္ဂနွေနေ့) တွင် ဘင်္ဂလားဒေ့ရှ် တပ်မတော် ကာကွယ်ရေး ဦးစီးချုပ်သည် ကာတာနိုင်ငံ ဒုတိယ၀န်ကြီးချုပ်နှင့် ကာကွယ်ရေးဝန်ကြီး HEikh Saoud bin Abdulrahman bin Hassan bin Ali Al Thani၊ ၊ ပြည်ထဲရေးဝန်ကြီး Sheikh Abdulaziz bin Faisal bin Mohammed Al Thani တို့နှင့် သီးခြားတွေ့ဆုံခဲ့ပြီး ကာကွယ်ရေးဆိုင်ရာ ပူးပေါင်းဆောင်ရွက်မှုတိုးမြှင့်ရေး၊ ကာကွယ်ရေးကဏ္ဍ ဖွံ့ဖြိုးတိုးတက်ရေးနှင့် ကျွမ်းကျင်လုပ်သားဖလှယ်ရေး လမ်းကြောင်းများကို အဓိကထား ဆွေးနွေးခဲ့ကြပါသည်။ယင်းနေ့တွင်ပင် ကာတာတပ်မတော်၏ စစ်ဦးစီးချုပ် ဒုတိယ ဗိုလ်ချုပ်ကြီး Jassim bin Mohammed bin Ahmed Al Mannai နှင့်လည်း တွေ့ဆုံ ခဲ့ပါသည်။ အဆိုပါ ဆွေးနွေးပွဲတွင် နှစ်နိုင်ငံ စစ်ဘက်ဆက်ဆံရေး တိုးမြှင့်ရေး၊လေ့ကျင့်ရေး ပံ့ပိုးမှု၊ ပူးတွဲ လေ့ကျင့်ရေး လုပ်ငန်းစဉ်များ၊ စစ်ဘက်ဆိုင်ရာ အဖွဲ့အစည်းများအကြား သင်တန်းသား ဖလှယ်ရေး၊ ဘင်္ဂလားဒေ့ရှ် တပ်မတော် အငြိမ်းစား အဖွဲ့ဝင်များအတွက် ကာတာနိုင်ငံ၌ အလုပ်အကိုင် အခွင့်အလမ်းများကို မီးမောင်းထိုးပြခဲ့ပါသည်။မေလ ၃ ရက် အစောပိုင်းတွင် ဘင်္ဂလားဒေ့ရှ် တပ်မတော်အကြီးအကဲသည် ဒါကာမှ တရားဝင်ခရီးစဉ်အတွက် ကာတာနိုင်ငံသို့ ထွက်ခွာခဲ့ပါသည်။ကိုးကား - bss
Mon, 5-မေလ-2025
ရုရှား-တရုတ် ဆက်ဆံရေးက ကမ္ဘာ့တည်ငြိမ်ရေး ထိန်းသိမ်းမှုအပေါ် မဟာဗျူဟာ အနက်အဓိပ္ပာယ်ရှိသည်ဟု ရုရှားသမ္မတ ဗလာဒီမာပူတင် က ပြောကြား
ရုရှား-တရုတ် ဆက်ဆံရေးက ကမ္ဘာ့တည်ငြိမ်ရေး ထိန်းသိမ်းမှုအပေါ် မဟာဗျူဟာ အနက်အဓိပ္ပာယ်ရှိသည်ဟု ရုရှားသမ္မတ ဗလာဒီမာပူတင် က ပြောကြား
ကမ္ဘာ့စီးပွားရေးတိုးတက်မှုဗဟိုချက်သည် အာရှ-ပစိဖိတ် ဒေသသို့ ရွေ့လျားနေသည်ကို လွန်ခဲ့သည့် ၂၅ နှစ်တွင် မိမိ ပထမဆုံးအကြိမ် သမ္မတ တာဝန်ထမ်းဆောင်စဉ်ကပင် သတိပြုမိကြောင်း၊ ရုရှားနိုင်ငံအနေဖြင့် တရုတ်နိုင်ငံနှင့်ဆက်ဆံရေးကို တက်ကြွစွာ တိုးတက်အောင် ဆောင်ရွက်ပြီး ကမ္ဘာ့တည်ငြိမ်ရေးအတွက် ခိုင်မာသော အခြေခံအုတ်မြစ်ကို တည်ဆောက်ခဲ့ကြောင်း ရုရှားသမ္မတ ပူတင်က “Russia-1” ရုပ်သံချန်နယ်၏ မေ ၄ ရက်တွင် ထုတ်လွှင့်သည့် မှတ်တမ်းရုပ်ရှင်တစ်ခု၌ ပြောကြားခဲ့သည်။ လက်ရှိအခြေအနေတွင် ရုရှား-တရုတ် ဆက်ဆံရေးသည် နက်ရှိုင်းသည့် မဟာဗျူဟာ အနက်အဓိပ္ပာယ်ရှိကြောင်း ပူတင်က အလေးအနက်ထား ပြောကြားခဲ့သည်။“ကမ္ဘာတစ်ဝန်း မတည်မငြိမ်ဖြစ်နေမှုက ပြေလျော့လာခြင်းမရှိဘဲ အခြေအနေက ပို၍ ကျယ်ပြန့်သည့်အနေအထား ပေါ်လွင်လာပါသည်။ ရုရှား-တရုတ် နှစ်နိုင်ငံ၏ ယုံကြည်စိတ်ချသော၊ တည်ငြိမ်သောဆက်ဆံရေးက ကမ္ဘာ့တည်ငြိမ်ရေးကို အားဖြည့်ပေးပါသည်” ဟု ၎င်းက ပြောကြားခဲ့သည်။ ကိုးကား - ဆင်ဟွာPhoto: NBC News
Mon, 5-မေလ-2025
ရုရှားနိုင်ငံနှင့် တရုတ်နိုင်ငံတို့သည် ဒုတိယကမ္ဘာစစ်ပွဲ (မဟာမျိုးချစ်စစ်ပွဲ) သမိုင်း၏မှန်ကန်သောအမြင်ကို မြှင့်တင်သွားကြမည်ဖြစ်ကြောင်း တရုတ် နိုင်ငံခြားရေးဝန်ကြီးဌာန၏ ထုတ်ပြန်ချက်တွင်ဖော်ပြ
ရုရှားနိုင်ငံနှင့် တရုတ်နိုင်ငံတို့သည် ဒုတိယကမ္ဘာစစ်ပွဲ (မဟာမျိုးချစ်စစ်ပွဲ) သမိုင်း၏မှန်ကန်သောအမြင်ကို မြှင့်တင်သွားကြမည်ဖြစ်ကြောင်း တရုတ် နိုင်ငံခြားရေးဝန်ကြီးဌာန၏ ထုတ်ပြန်ချက်တွင်ဖော်ပြ
တရုတ်သမ္မတ ရှီကျင့်ဖျင်နှင့် ရုရှားသမ္မတ ဗလာဒီမာပူတင်တို့သည် ဒုတိယကမ္ဘာစစ်အတွင်း အောင်ပွဲရလဒ်များနှင့် စစ်ပြီးခေတ် နိုင်ငံတကာစနစ်ကို ကာကွယ်သွားမည်ဟုလည်း တရုတ်နိုင်ငံခြားရေးဝန်ကြီးဌာနက ပြောကြားခဲ့ပါသည်။ ရုရှားနှင့်တရုတ်နိုင်ငံတို့သည် ဒုတိယကမ္ဘာစစ်သမိုင်း၏ မှန်ကန်သော အမြင်ကို ကာကွယ်ရန် ခိုင်မာသောဆုံးဖြတ်ချက်များ ချမှတ်ထားကြကြောင်း တရုတ်နိုင်ငံခြားရေးဝန်ကြီးဌာနက တရုတ်သမ္မတ ရှီကျင့်ဖျင်၏ ရုရှား နိုင်ငံသို့ လာရောက်မည့် ခရီးစဉ်နှင့်ပတ်သက်၍ မှတ်ချက်ပြု ပြောကြားခဲ့ ပါသည်။ “တရုတ်သမ္မတ ရှီကျင့်ဖျင်နှင့် ရုရှားသမ္မတ ဗလာဒီမာပူတင်တို့သည် သမိုင်းကိုအတူတကွ ထိန်းသိမ်းရန်၊ ကျဆုံးသူရဲကောင်းများကို အောက်မေ့ သတိရရန်၊ ဒုတိယကမ္ဘာစစ်သမိုင်းအပေါ် မှန်ကန်သောအမြင်ကို မြှင့်တင်ရန်၊ ဒုတိယကမ္ဘာစစ်အောင်ပွဲရလဒ်များနှင့် စစ်ပြီးခေတ် နိုင်ငံတကာစနစ်ကို ကာကွယ်ရန်နှင့် နိုင်ငံတကာ တရားမျှတမှုကို ကာကွယ်ရန် သဘောတူညီမှု ရရှိထားပြီးဖြစ်သည်” ဟု တရုတ်နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။ကိုးကား - TassPhoto: Global Times
Mon, 5-မေလ-2025
အမေရိကန်သမ္မတ ဒေါ်နယ်ထရမ့်သည် တူရကီ သမ္မတ အာဒိုဂန်ကို အမေရိကန်ပြည်ထောင်စုသို့ လာရောက်ရန် ဖိတ်ကြား
အမေရိကန်သမ္မတ ဒေါ်နယ်ထရမ့်သည် တူရကီ သမ္မတ အာဒိုဂန်ကို အမေရိကန်ပြည်ထောင်စုသို့ လာရောက်ရန် ဖိတ်ကြား
တူရကီသမ္မတ အာဒိုဂန်သည် အမေရိကန်သမ္မတ ဒေါ်နယ်ထရမ့်နှင့် တယ်လီဖုန်းဖြင့် စကားပြောဆိုပြီးနောက် ၎င်းအား အမေရိကန်သမ္မတ က အမေရိကန်ပြည်ထောင်စုသို့ အလည်အပတ်လာရန် ဖိတ်ကြားခဲ့ကြောင်း ထုတ်ဖော်ပြောကြားခဲ့ပါသည်။ အဆိုပါ အကြောင်းကို တူရကီ သမ္မတက ၎င်း၏ လူမှုကွန်ယက် X (Twitter) တွင် ရေးသားဖော်ပြခဲ့ပါသည်။“ယနေ့ (မေ ၅ ရက်) အမေရိကန်သမ္မတ၊ မိမိ၏အလေးစားရဆုံးမိတ်ဆွေ ဒေါ်နယ်ထရမ့်နှင့် တယ်လီဖုန်းဖြင့် စကားပြောဆိုခဲ့ခြင်းသည် အလွန် ထိရောက်မှုရှိပြီး အကြောင်းအရာပြည့်ဝမှုနှင့် စိတ်ရင်းမှန်ရှိမှုတို့ဖြင့် ပြည့်နှက်နေခဲ့ပါသည်။ မိမိသည် အမေရိကန်သမ္မတ၏ အလည်အပတ်ခရီးကို တူရကီနိုင်ငံတွင် မကြာမီအချိန်အတွင်းကြိုဆိုရန်အတွက် အလွန် ဝမ်းမြောက်လျက်ရှိကြောင်း ပြောကြားခဲ့ပြီး ၎င်းကလည်း မိမိအားအမေရိကန်ပြည်ထောင်စုသို့ လာရောက်ရန်ဖိတ်ကြားခဲ့ပါသည်” ဟု တူရကီ သမ္မတ အာဒိုဂန်က ဖော်ပြခဲ့ပါသည်။တူရကီသမ္မတက အမေရိကန်သမ္မတနှင့် ဖုန်းဆက်ပြီး “ဂါဇာကမ်းမြှောင် ဒေသတွင် ပိုမိုဆိုးရွားလာသော လူသားချင်းစာနာထောက်ထားမှု အခြေအနေ၊ ဆီးရီးယားအခြေအနေ၊ ရုရှားနှင့်ယူကရိန်းအကြား စစ်ပွဲအခြေအနေ၊ ကမ္ဘာ့ကုန်သွယ်ရေး၊ အီရန်နှင့်အမေရိကန်အကြား ဆက်လက်လုပ်ဆောင်နေသောဆွေးနွေးမှုများနှင့် အခြားဒေသနှင့်ကမ္ဘာ့ပြဿနာများ” ကို ဆွေးနွေးခဲ့ကြောင်း ဖော်ပြခဲ့ပါသည်။“ကမ္ဘာပေါ်မှာ လက်ရှိဖြစ်ပေါ်နေသည့် ပဋိပက္ခများနှင့် စစ်ပွဲများကို ရပ်တန့်ရန် သမ္မတဒေါ်နယ်ထရမ့်၏ ကြိုးပမ်းမှုများကို မိမိတန်ဖိုးထား ကြောင်းနှင့် မိမိတို့၏ဒေသတွင် ငြိမ်းချမ်းရေး၊ တည်ငြိမ်မှုနှင့် အေးချမ်းသာယာမှုကို ဖန်တီးရန် တူရကီသည် လိုအပ်သော ပံ့ပိုးကူညီမှုများကို ပြုလုပ်ရန် အဆင်သင့်ရှိကြောင်း” ကိုလည်း ၎င်းက ဖြည့်စွက်ပြောကြားခဲ့ ပါသည်။အမေရိကန်သမ္မတဒေါ်နယ်ထရမ့်က တူရကီသမ္မတ အာဒိုဂန်နှင့် စကား ပြောဆိုပြီးနောက် ၎င်း၏ လူမှုကွန်ယက် Truth Social တွင် “တူရကီ သမ္မတက ၎င်းအား အနာဂတ်တွင် တူရကီသို့လာရောက်ရန် ဖိတ်ကြားခဲ့ပြီး ၎င်းကိုယ်တိုင်လည်း ဝါရှင်တန်သို့ လာရောက်ရန် စီစဉ်ထားကြောင်း” အစောပိုင်းတွင် ဖော်ပြခဲ့ပါသည်။ကိုးကား - Tass
Mon, 5-မေလ-2025
အီရန်ထိပ်တန်းသံတမန် အိန္ဒိယနှင့် ပါကစ္စတန်သို့ သွားရောက်မည်
အီရန်ထိပ်တန်းသံတမန် အိန္ဒိယနှင့် ပါကစ္စတန်သို့ သွားရောက်မည်
အီရန်နိုင်ငံခြားရေးဝန်ကြီး Abbas Araghchi သည် နှစ်နိုင်ငံကြား တင်းမာမှုများ ကြီးထွားလာသည့် ပါကစ္စတန်နှင့် အိန္ဒိယသို့ ယခုလာမည့် သီတင်းပတ်တွင် တရားဝင် အလည်အပတ်သွားရောက်မည်ဖြစ်ကြောင်း အီရန်နိုင်ငံခြားရေးဌာန ပြောရေးဆိုခွင့်ရှိသူ Esmail Baghaei က ပြောကြား ထားပါသည်။မေလ ၅ ရက် (တနင်္လာနေ့)တွင် Araghchi သည် နှစ်နိုင်ငံ ဆက်ဆံရေး အပြင် လတ်တလော ဒေသတွင်းနှင့် နိုင်ငံတကာတိုးတက်မှုများကို ဆွေးနွေးရန်အတွက် ယင်းခရီးစဉ်အတွင်း ပါကစ္စတန် အဆင့်မြင့်အရာရှိများနှင့် တွေ့ဆုံမည်ဖြစ်ပါသည်။ ထို့နောက် အီရန်ထိပ်တန်းသံတမန် Araghchi သည် လာမည့် သီတင်းပတ် နှောင်းပိုင်းတွင် အိန္ဒိယနိုင်ငံသို့လည်း တရားဝင် လာရောက်လည်ပတ်မည် ဖြစ်ကြောင်း Baghaei က ထပ်လောင်းပြောကြားထားပါသည်။ကိုးကား- TASSPhoto: The Straits Timesဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 4-မေလ-2025
အစည်းအဝေးပြုလုပ်ပေးရန် UNSC ကို ပါကစ္စတန် တောင်းဆိုမှုအပေါ် အိန္ဒိယနှင့် ပါကစ္စတန်အရေး မေ ၅ တွင် UNSC အရေးပေါ် အစည်းအဝေး ပြုလုပ်မည်
အစည်းအဝေးပြုလုပ်ပေးရန် UNSC ကို ပါကစ္စတန် တောင်းဆိုမှုအပေါ် အိန္ဒိယနှင့် ပါကစ္စတန်အရေး မေ ၅ တွင် UNSC အရေးပေါ် အစည်းအဝေး ပြုလုပ်မည်
အိန္ဒိယနှင့် တင်းမာမှုများ မြင့်တက်နေခြင်းကြောင့် ပါကစ္စတန်သည် ကုလသမဂ္ဂ လုံခြုံရေးကောင်စီသို့ လတ်တလောကိစ္စနှင့်ပတ်သက်သည့် အစည်းအဝေး ပြုလုပ်ပေးရန် တောင်းဆိုထားကြောင်း လုံခြုံရေးကောင်စီ သတင်းရင်းမြစ်တစ်ခုက TASS သို့ ပြောကြားခဲ့သည်။ပါကစ္စတန်၏ တောင်းဆိုထားမှုအပေါ် ကုလသမဂ္ဂလုံခြုံရေးကောင်စီက ၂၀၂၅ ခုနှစ် မေလ ၅ ရက်တွင် ပြုလုပ်သွားမည်ဖြစ်ကြောင်း၊ အစည်းအဝေးပြီးနောက် ကြေညာချက် ထုတ်ပြန်သွားမှာဖြစ်ကြောင်း ကုလသမဂ္ဂဆိုင်ရာ ပါကစ္စတန် အမြဲတမ်းကိုယ်စားလှယ် Asim Iftikhar Ahmad က ပြောကြား ထားပါသည်။ ပြီးခဲ့သည့် ဧပြီ ၂၂ ရက်က ကက်ရှ်မီးယားဒေသတွင် အကြမ်းဖက် တိုက်ခိုက်မှုတစ်ခု ဖြစ်ပွားခဲ့ရာ အနည်းဆုံး လူ ၂၆ ဦး သေဆုံးခဲ့ရာမှ နှစ်နိုင်ငံအကြား တင်းမာမှုများ နေ့စဉ်နှင့်အမျှ မြင့်တက်လျက်ရှိပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 4-မေလ-2025
© Copyright 2024 SAC All Rights Reserved.