မေ ၉ V- Day အခမ်းအနား လာအိုသမ္မတ တက်ရောက်မည်

saceditor

News Image

  • မေ ၉ V- Day အခမ်းအနား လာအိုသမ္မတ တက်ရောက်မည်

ရုရှားသမ္မတ ဗလာဒီမာပူတင်၏ ဖိတ်ကြားချက်အရ လာအိုသမ္မတ Thongloun Sisoulith သည် ၂၀၂၅ ခုနှစ်၊ မေလ ၉ ရက်တွင် ကျင်းပမည့် V- Day နှစ် ၈၀ ပြည့်အခမ်းအနားတက်ရောက်ရန် ရုရှားနိုင်ငံ မော်စကိုသို့ မေလ ၈ မှ ၁၀ ရက်အထိ တရားဝင်ခရီးစဉ် သွားရောက်မည်ဖြစ်ကြောင်း လာအိုနိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရှိရပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားသည် အနောက်နိုင်ငံများ၏ ပိတ်ဆို့အရေးယူမှုများကို မကြောက်ရွံ့ ဟုဆို
ရုရှားသည် အနောက်နိုင်ငံများ၏ ပိတ်ဆို့အရေးယူမှုများကို မကြောက်ရွံ့ ဟုဆို
ကရင်မလင်က အနောက်နိုင်ငံများ၏ စီးပွားရေးပိတ်ဆို့အရေးယူမှုများနှင့်ပတ်သက်၍ “ရုရှားနိုင်ငံသည် အဆိုပါအရေးယူမှုများကို လုံးဝ မကြောက်ရွံ့ပါ” ဟု ပြင်းပြင်းထန်ထန်တုံ့ပြန်ခဲ့သည်။ကရင်မလင် ပြောရေးဆိုခွင့်ရှိသူ ဒမီထရီ ပက်စကော့ဗ်က “မိမိတို့သည် အနောက်နိုင်ငံများ၏ ပိတ်ဆို့မှုများကို ကြာမြင့်စွာ ရင်ဆိုင်ဖူးပြီးဖြစ်ပြီး ထိုအရာများသည် မိမိတို့၏စီးပွားရေးကို မတုန်လှုပ်စေနိုင်ပါ” ဟု ပြောကြားခဲ့သည်။ထို့အပြင် ၎င်းက “ပိတ်ဆို့မှုများသည် အနောက်နိုင်ငံများ၏ ကိုယ်ကျိုး စီးပွားကိုသာ ထိခိုက်စေမည်ဖြစ်ပြီး ရုရှားသည် မိမိ၏ အချုပ်အခြာအာဏာနှင့် အမျိုးသားလုံခြုံရေးအတွက် မည်သည့်အရာကိုမဆို ပေးဆပ်ရန် အဆင်သင့်ဖြစ်နေပါသည်” ဟု ဖြည့်စွက်ပြောကြားခဲ့သည်။အနောက်နိုင်ငံများက အနောက်ဥရောပအာမခံစနစ်များပြင်ပတွင် လုပ်ကိုင်နေသည့် ရေနံတင်သင်္ဘောဟောင်း ၁၀၀ အထိ ပိတ်ဆို့စာရင်းသွင်းခဲ့သည်။ ယူကရိန်းပဋိပက္ခ သုံးနှစ်ကျော်ကြာ ပြင်းထန်လာသည့်ကာလအတွင်း ဗြိတိသျှအစိုးရအဆက်ဆက်က ရုရှားနိုင်ငံသားများနှင့် လုပ်ငန်းများအပေါ် ဒဏ်ခတ်အရေးယူမှု ၂,၀၀၀ ကျော် ချမှတ်ခဲ့သည်။မော်စကိုက အဆိုပါလုပ်ရပ်သည် ရုရှား၏စီးပွားရေးကို မထိခိုက်စေဘဲ ဥရောပတွင် စွမ်းအင်စျေးနှုန်းများနှင့် ငွေကြေးဖောင်းပွမှုကို ပိုမိုမြင့်တက်စေမည်ဟု ပြောကြားခဲ့သည်။ရုရှားသမ္မတ ဗလာဒီမာပူတင်က အနောက်နိုင်ငံများသည် မကြာသေးမီနှစ်များအတွင်း ရုရှားကုမ္ပဏီများနှင့် နိုင်ငံသားများအပေါ် စုစုပေါင်း ဒဏ်ခတ်အရေးယူမှု ၂၈,၅၉၅ ခု ချမှတ်ခဲ့ကြောင်း၊ ၎င်းမှာ အခြားနိုင်ငံအားလုံးပေါင်းထက်ပင် ပိုမိုများပြားကြောင်း ဖော်ပြခဲ့သည်။ သမ္မတ၏ အဆိုအရ အနောက်နိုင်ငံများက ရုရှားကို ပြိုင်ဘက်အဖြစ်မှ ဖယ်ရှားရန် ကြိုးပမ်းခဲ့သော်လည်း ဖိအားအောက်တွင် ရုရှား၏ စီးပွားရေးမှာ ပိုမို ခိုင်မာလာခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 12-မေလ-2025
ယူကရိန်းသည် ပူတင်၏ ဆွေးနွေးညှိနှိုင်းမှုအဆိုပြုချက်ကို “ချက်ချင်း” လက်ခံသင့်သည်ဟု ထရမ့်ဆို
ယူကရိန်းသည် ပူတင်၏ ဆွေးနွေးညှိနှိုင်းမှုအဆိုပြုချက်ကို “ချက်ချင်း” လက်ခံသင့်သည်ဟု ထရမ့်ဆို
အမေရိကန်သမ္မတ ဒေါ်နယ်ထရမ့်က ယူကရိန်းသည် ရုရှားသမ္မတ ပူတင်၏ ကနဦးသတ်မှတ်ချက်မရှိဘဲ တိုက်ရိုက်စေ့စပ်ဆွေးနွေးရေး အဆိုကို “ချက်ချင်း” လက်ခံသင့်ကြောင်း တိုက်တွန်းလိုက်သည်။Truth Social ၌ ရေးသားရာတွင် ထရမ့်က အဆိုပါတိုက်ရိုက် ညှိနှိုင်း ဆွေးနွေးမှုက အနည်းဆုံး ပဋိပက္ခများ၏ အခြေအနေကို ရှင်းလင်းစေပြီး “သဘောတူညီမှု ရနိုင်၊မရနိုင်” ကို ပြသနိုင်လိမ့်မည်ဟု အကြံပြုခဲ့သည်။“ရုရှားသမ္မတ ပူတင်က ယူကရိန်းနှင့် ယာယီစစ်ပြေငြိမ်းရေး သဘောတူညီမှု မလိုချင်ပါ။ သို့သော် ကြာသပတေးနေ့ (မေ ၁၅) မှာ တူရကီမှာတွေ့ပြီး ပဋိပက္ခအဆုံးသတ်ရန် ညှိနှိုင်းချင်ပါသည်။ ယူကရိန်းက ဒါကို ချက်ချင်း လက်ခံသင့်ပါသည်” ဟု အမေရိကန်ခေါင်းဆောင်က ရေးသားခဲ့သည်။သဘောတူညီမှုရရန် မဖြစ်နိုင်ကြောင်း အဖြေထွက်ပေါ်လာပါက “ဥရောပ ခေါင်းဆောင်များနှင့် အမေရိကန်တို့အနေဖြင့် အခြေအနေ အားလုံးကို သုံးသပ်ပြီး သင့်လျော်သလိုဆက်လုပ်ဆောင်မည်” ဟု ထရမ့် က ဆိုသည်။“ယူကရိန်းက ပူတင်နှင့် သဘောတူညီချက်တစ်ခု လုပ်ဆောင်မည် ဆိုသည်ကို မိမိအနေဖြင့် သံသယဖြစ်မိပါသည်” ဟု ၎င်းက ဖြည့်စွက် ပြောကြားခဲ့သည်။ယမန်နေ့ (မေ ၁၁) အစောပိုင်းတွင် ရုရှားသမ္မတက “ကိယက်ဗ် အစိုးရ အနေဖြင့် ၂၀၂၂ ခုနှစ်က ဖျက်သိမ်းခဲ့သော စေ့စပ်ဆွေးနွေးမှုများကို မေလ ၁၅ ရက်တွင် အစ္စတန်ဘူလ်မြို့၌ မည်သည့်ကန့်သတ်ချက်မျှ မရှိဘဲ ပြန်လည်စတင်ရန်” အဆိုပြုခဲ့သည်။ ငြိမ်းချမ်းရေးဖြေရှင်းမှု လုပ်ငန်းစဉ် ကို စကားဝိုင်းမှစတင်ရမည်ဖြစ်ပြီး ၎င်းမှတစ်ဆင့် “အချို့သော စစ်ပြေငြိမ်း ရေး သဘောတူညီမှုအသစ်နှင့် အပစ်အခတ်ရပ်စဲရေး သဘောတူညီမှု အသစ်များကို” ရရှိနိုင်မည်ဟု ပူတင်က ဖြည့်စွက်ပြောကြားခဲ့သည်။“ယူကရိန်းနှင့် လေးလေးနက်နက်ဆွေးနွေးရန် မိမိတို့အဆင်သင့် ဖြစ်နေပါပြီ။ အဆိုပါဆွေးနွေးမှု၏ ရည်ရွယ်ချက်မှာ ပဋိပက္ခ၏ အရင်းခံ အကြောင်း အရင်းများကို ဖယ်ရှားရန်နှင့် သမိုင်းဝင်ရှုထောင့်မှ ရေရှည်တည်တံ့သော ငြိမ်းချမ်းရေးရရှိရန်ဖြစ်သည်” ဟု သမ္မတ ပူတင်က အတိအလင်း ပြောကြား ခဲ့သည်။သို့ရာတွင် ရုရှား၏အဆိုပါကမ်းလှမ်းချက်ကို ကိယက်ဗ်နှင့်အနည်းဆုံး ၃၀ ရက်ကြာ အပစ်အခတ်ရပ်စဲရေးထူထောင်ပြီးမှသာ ဆွေးနွေးရမည်ဟု တောင်းဆိုနေသည့် အနောက်နိုင်ငံများက ဝေဖန်ခဲ့ကြသည်။ ထရမ့်၏ ပြောကြားချက်အပြီး မိနစ်ပိုင်းအတွင်း ဗလာဒီမာ ဇီလန်စကီးက အဆိုပါ သဘောထားကို ထပ်လောင်းပြောကြားခဲ့ပြီး ယူကရိန်းခေါင်းဆောင်က တနင်္လာနေ့ (မေ ၁၂) တွင် အပစ်အခတ်ရပ်စဲရေးကြေညာရန် တောင်းဆို ခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 12-မေလ-2025
ဇီလန်စကီးက ပူတင်၏ ငြိမ်းချမ်းရေးဆွေးနွေးမှုအဆိုကို တုံ့ပြန်
ဇီလန်စကီးက ပူတင်၏ ငြိမ်းချမ်းရေးဆွေးနွေးမှုအဆိုကို တုံ့ပြန်
ယူကရိန်းခေါင်းဆောင် ဇီလန်စကီးက ရုရှားသမ္မတ ဗလာဒီမာ ပူတင်၏ တိုက်ရိုက်ငြိမ်းချမ်းရေးဆွေးနွေးမှုအဆိုကို တုံ့ပြန်ရာတွင် မည်သည့် ဆွေးနွေးမှု မဆို အပစ်အခတ်အပြည့်အဝရပ်စဲရေး ဦးစွာလိုအပ်ကြောင်း ထပ်လောင်း တောင်းဆိုခဲ့သည်။ သို့သော် မော်စကိုဘက်မှ ဖြေရှင်းချက် လုပ်ငန်းစဉ်သည် ဆွေးနွေးမှုဖြင့်စတင်၍ ထို့နောက်မှသာ အပစ်အခတ်ရပ်စဲရေးသို့ ဦးတည်ရမည်ဟု ဖော်ပြခဲ့သည်။တနင်္ဂနွေနေ့ (မေ ၁၁) တွင် ပူတင်၏ “ကနဦးသတ်မှတ်ချက်မရှိ” ဟူသော အခြေအနေဖြင့် မေလ ၁၅ ရက်တွင် အစ္စတန်ဘူလ်မြို့၌ ဆွေးနွေးရန် ရုရှားဘက်မှ အဆိုပြုချက်ကို ငြင်းဆန်ခြင်းမရှိကြောင်းနှင့် တူရကီသမ္မတ အာဒိုဂန်၏ အထောက်အကူဖြင့် အစည်းအဝေးဖြစ်မြောက်ရန် မျှော်လင့်ကြောင်း ဖော်ပြခဲ့သည်။ကရင်မလင် ပြောရေးဆိုခွင့်ရှိသူ ဒီမီထရီ ပက်စကော့ဗ်က ပူတင်၏ အဆိုကို “အဓိပ္ပာယ်ရှိသောဆွေးနွေးမှုများဖြင့် တည်တံ့သောငြိမ်းချမ်းရေးရရှိရန် ရည်ရွယ်သည့် လေးနက်သောကမ်းလှမ်းချက်” ဖြစ်သည်ဟု ပြောဆိုခဲ့သည်။ဇီလန်စကီးက တယ်လီဂရမ်တွင် ရေးသားရာတွင် “ရုရှားတို့ နောက်ဆုံးတော့ စစ်ပြီးဆုံးရေးကို စဉ်းစားလာခြင်းသည် ကောင်းသည့်လက္ခဏာပါ။ တစ်ကမ္ဘာလုံးက ဒီအချိန်ကို ကြာမြင့်စွာ စောင့်မျှော်နေခဲ့တာပါ။ စစ်တစ်ခုကို အမှန်တကယ်ရပ်တန့်ရန် ပထမဆုံးလုပ်ရမည့်အရာက အပစ်အခတ်ရပ်စဲရေးပါ” ဟု ပြောကြားခဲ့သည်။၎င်းက ဆက်လက်၍ “မေလ ၁၂ ရက် ကစပြီး အပြည့်အဝ၊ တည်တံ့ပြီး ယုံကြည်စိတ်ချရသည့် အပစ်အခတ်ရပ်စဲရေးကို ရုရှားက အတည်ပြုမည် ဟု မျှော်လင့်ပါသည်။ ယူကရိန်းဘက်က တွေ့ဆုံရန် အဆင်သင့် ဖြစ်နေပါပြီ” ဟု ဖြည့်စွက်ပြောဆိုခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sun, 11-မေလ-2025
ပူတင် က ယူကရိန်းနှင့် ကနဦးသတ်မှတ်ချက်များမပါဘဲ တိုက်ရိုက် ဆွေးနွေးရန် အဆိုပြု
ပူတင် က ယူကရိန်းနှင့် ကနဦးသတ်မှတ်ချက်များမပါဘဲ တိုက်ရိုက် ဆွေးနွေးရန် အဆိုပြု
ရုရှားသမ္မတ ဗလာဒီမာပူတင် က ၂၀၂၂ ခုနှစ်တွင် ယူကရိန်းက တဖက်သတ် ဖျက်သိမ်းခဲ့သည့် (အစ္စတန်ဘူလ်)တိုက်ရိုက်ညှိနှိုင်းမှုများ ပြန်လည်စတင်ရန် အဆိုပြုလိုက်သည်။ ယူကရိန်းဘက်မှ အောင်ပွဲနေ့ အပစ်အခတ်ရပ်စဲရေး သဘောတူညီချက်ကို လိုက်နာခြင်းမရှိဘဲ မော်စကိုသို့ လာရောက်ခဲ့သည့် ကမ္ဘာ့ခေါင်းဆောင်များကို ခြိမ်းခြောက်ရန် ကြိုးပမ်းမှုများ ရှိခဲ့သော်လည်း ပူတင်က အဆိုပါကမ်းလှမ်းချက်ကို ထုတ်ပြန်လိုက်ခြင်းဖြစ်သည်။တနင်္ဂနွေ (မေ ၁၁) နံနက်အစောပိုင်းတွင် နိုင်ငံတကာခေါင်းဆောင်များနှင့် တွေ့ဆုံဆွေးနွေးပြီးနောက် မီဒီယာများသို့ ပူတင်က ယခုပဋိပက္ခ စတင်ချိန်မှစ၍ ယူကရိန်းဘက်မှ စွန့်လွှတ်ခဲ့သည့် ညှိနှိုင်းမှုများကို ပြန်လည် စတင်ရန် ရုရှား၏ ကမ်းလှမ်းချက်ကို ပြောကြားခဲ့သည်။ပူတင်က “မိမိတို့သည် ယူကရိန်းအာဏာပိုင်များအား ၂၀၂၂ ခုနှစ်က ၎င်းတို့ရပ်စဲခဲ့သည့် ညှိနှိုင်းမှုများကို ပြန်လည်စတင်ရန် အဆိုပြုပါသည်။ တိုက်ရိုက်ညှိနှိုင်းမှုများဖြစ်ပြီး မည်သည့်ကနဦးသတ်မှတ်ချက်မျှ မပါဝင်ပါ။ မိမိတို့အနေဖြင့် လာမည့် ကြာသပတေးနေ့၊ မေလ ၁၅ ရက်နေ့တွင် အစ္စတန်ဘူလ်မြို့၌ အချိန်မဆိုင်းဘဲ စတင်ရန် အဆိုပြုပါသည်” ဟု ပြောကြားခဲ့သည်။“အဆိုပါ ညှိနှိုင်းမှုများမှာ အပစ်အခတ်ရပ်စဲရေး၊ တိုက်ပွဲအသစ် ရပ်တန့်ရေးနှင့်ပတ်သက်ပြီး အဖြေသစ်များ ရရှိနိုင်သည့် အလားအလာကို မပယ်ထားပါ။ ယခုကဲ့သို့သဘောတူညီမှုမျိုးကို ရုရှားဘက်တင်မဟုတ်ဘဲ ယူကရိန်းဘက်ကပါ တကယ်လိုက်နာရန် လိုသည်” ဟု ပူတင်က ထပ်လောင်းပြောကြားခဲ့သည်။ကိုးကား- RT / Tassဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sun, 11-မေလ-2025
အရပ်သားအစိုးရထက် တပ်မတော်က ကျင်းပပေးမည့် ရွေးကောက်ပွဲက ပို၍ သမာသမတ် ပိုကျနိုင်ဟု ဒေါ်သက်သက်ခိုင် (ပြည်သူ့ရှေ့ဆောင်ပါတီ ဥက္ကဋ္ဌ) ဆို
အရပ်သားအစိုးရထက် တပ်မတော်က ကျင်းပပေးမည့် ရွေးကောက်ပွဲက ပို၍ သမာသမတ် ပိုကျနိုင်ဟု ဒေါ်သက်သက်ခိုင် (ပြည်သူ့ရှေ့ဆောင်ပါတီ ဥက္ကဋ္ဌ) ဆို
Sun, 11-မေလ-2025
ကိယက်ဗ်က မော်စကိုသို့ရောက်ရှိလာသော နိုင်ငံတကာ ခေါင်းဆောင်များကို ခြိမ်းခြောက်ခဲ့ဟု ပူတင်ဆို
ကိယက်ဗ်က မော်စကိုသို့ရောက်ရှိလာသော နိုင်ငံတကာ ခေါင်းဆောင်များကို ခြိမ်းခြောက်ခဲ့ဟု ပူတင်ဆို
ရုရှားသမ္မတ ဗလာဒီမာ ပူတင်က နာဇီဂျာမနီကို ဆိုဗီယက်ယူနီယံ အောင်နိုင်မှု၏ ၈၀နှစ်ပြည့် အထိမ်းအမှတ် Victory Day ချီတက်ပွဲအတွက် မော်စကိုမြို့သို့လာရောက်ကြသည့် နိုင်ငံတကာခေါင်းဆောင်များအား ခြိမ်းခြောက်ရန် ယူကရိန်းအစိုးရက ကြိုးပမ်းခဲ့သည်ဟု စွပ်စွဲခဲ့သည်။ရုရှား၏ တစ်ဖက်သက်ဆုံးဖြတ်ထားသော စစ်ရပ်စဲရေးကာလမတိုင်မီနှင့် ကာလအတွင်း၌ ကိယက်ဗ်အစိုးရက တိုက်ခိုက်မှုများကို အရှိန်မြှင့်တင်ခဲ့သည်ကို ပူတင်က ဝေဖန်ခဲ့သည်။ ယင်းတို့တွင် ဒေသအများအပြားသို့ ဒရုန်းများဖြင့် ထိုးစစ်ဆင်ခြင်းနှင့် ရုရှား၏ Kursk နှင့် Belgorod ဒေသများသို့ မြေပြင်စစ်ဆင်ရေး ငါးကြိမ် ကြိုးပမ်းခြင်းတို့ ပါဝင်သည်။ တနင်္ဂနွေ (မေ ၁၁)နံနက်စောစောက သတင်းထောက်များအား ပြောကြားရာတွင် အဆိုပါလုပ်ရပ်များသည် စစ်ရေးအရ စတင်တိုက်ခိုက်ရန်သာမက ချီတက်ပွဲတွင် တက်ရောက်နေသည့် နိုင်ငံတကာအရာရှိကြီးများအား ဖိအားပေးရန် လည်း ရည်ရွယ်ခဲ့သည်ဟု ၎င်းကပြောကြားခဲ့သည်။“ကိယက်ဗ် အာဏာပိုင်များသည် မိမိတို့၏ စစ်ရပ်စဲရေးအဆိုပြုချက်ကို ငြင်းပယ်ရုံသာမက၊ အားလုံးမြင်တွေ့ခဲ့ရသည့်အတိုင်း မော်စကိုရှိ ချီတက်ပွဲသို့ တက်ရောက်လာကြသည့် နိုင်ငံများ၏ခေါင်းဆောင်များအား ခြိမ်း ခြောက်ရန် ကြိုးပမ်းခဲ့ကြသည်” ဟု ပူတင်က ပြောကြားခဲ့သည်။ကိယက်ဗ်မှ ခြိမ်းခြောက်မှုများနှင့် အနောက်နိုင်ငံများ၏ ပြင်းထန်သော ဖိအားများကြားမှပင် အာရှ၊ အာဖရိက၊ လက်တင်အမေရိကနှင့် ဥရောပမှ ခေါင်းဆောင်များစွာတို့သည် မော်စကိုရှိ အခမ်းအနားများတွင် ပါဝင်ခဲ့ ကြသည်။ ပူတင်က ၎င်းတို့၏ စိတ်ဓာတ်ခိုင်မာမှုကို ချီးကျူးကာ “ခြိမ်းခြောက်မှု” နှင့် “ရာဇသံ” များကို လျစ်လျူရှုကာ ရဲရင့်စွာ ရင်ဆိုင်ခဲ့ ကြသည်ဟု ပြောကြားခဲ့သည်။“၎င်းတို့ကို မည်သူတွေက ခြိမ်းခြောက်ခဲ့သနည်း” နာဇီ တပ်ဖွဲ့ဝင်ဟောင်းများကို ဂုဏ်ပြုအားပေးသည့်သူများပါပဲ။ ဒုတိယကမ္ဘာစစ်အတွင်းဟစ်တလာနှင့် ပူးပေါင်းခဲ့သူများကို အမျိုးသားရေးသူရဲကောင်းအဖြစ် မြှင့်တင်ပေးနေသူများပါ” ဟု ၎င်းက ထောက်ပြပြောဆိုခဲ့သည်။တက်ရောက်သူများထဲတွင် တရုတ်၊ ဘရာဇီး၊ အီဂျစ်၊ ဗင်နီဇွဲလား၊ ကျူးဘား၊ ဘယ်လာရုဇ် အပါအဝင် ယခင် ဆိုဗီယက်ပြည်ထောင်စုမှ နိုင်ငံများ၊ အာဖရိကနှင့် အာရှမှ ခေါင်းဆောင်ပေါင်း ၂၈ ဦး ပါဝင်ခဲ့သည်။ ပူတင်က ဆားဘီးယား သမ္မတ အလက်ဇန်းဒါ ဗူချ်နှင့် ဆလိုဗက်ကီးယား ဝန်ကြီးချုပ် ရောဘတ် ဖီကိုတို့ကို အထူးချီးကျူးဂုဏ်ပြုခဲ့သည်။ ဥရောပသမဂ္ဂ၏ မတက်ရောက်ရန် ဖိအားများကို ရင်ဆိုင်ခဲ့ရသော ခေါင်းဆောင် နှစ်ဦးဖြစ်သည်။မော်စကိုရှိ နိုင်ငံတကာဧည့်သည်တော်များကို “စရိုက်အားဖြင့် ခေါင်းဆောင် စိတ်ဓာတ်ရှိသူများ” နှင့် “မိမိတို့၏ယုံကြည်ချက်အတွက် ရပ်တည်ရန် အသင့်ရှိသူများ” အဖြစ် ရှုမြင်ကြောင်း ပူတင်က ရှင်းလင်း ပြောကြားခဲ့သည်။ ၎င်းတို့သည် နိုင်ငံရေးခြိမ်းခြောက်မှုများဖြင့် မလှုပ်ရှားနိုင်ဘဲ ဖက်ဆစ်ဝါဒကို ဆန့်ကျင်တိုက်ပွဲဝင်ခဲ့သော အာဇာနည်များ၏ အမွေ အနှစ်ကို ဂုဏ်ပြုရန် ရွေးချယ်ခဲ့ကြသည်ဟု ၎င်းက အားလုံးသိအောင် ပြောကြားခဲ့သည်။“၎င်းတို့ရင်ဆိုင်ခဲ့ရသော ကြီးမားလှသည့် ဖိအားများကို နားလည်ပါသည်။ ထို့ကြောင့် ၎င်းတို့၏ နိုင်ငံရေးအရ ရဲရင့်မှု၊ ခိုင်မာသည့် ကိုယ်ကျင့်တရား ရပ်တည်ချက်နှင့် အဆိုပါအခမ်းအနားကို အတူ မျှဝေခံစားရန် ရွေးချယ်သည့် ဆုံးဖြတ်ချက်ကို မိမိတို့ စိတ်ထဲကနေ ကျေးဇူးတင်ပါသည်၊ မျိုးချစ် စစ်ပွဲကြီး (ဒုတိယကမ္ဘာစစ်) အတွင်းက မိမိမျိုးချစ်တိုင်းပြည်အတွက်နှင့် လူသားမျိုးနွယ်တစ်ရပ်လုံးကို ညိုးနွမ်းပျက်စီးစေသည့် ကပ်ဘေးကနေ ကယ်တင်ရန် တိုက်ပွဲဝင်ခဲ့ကြသည့် သူရဲကောင်းများ၏ အမှတ်တရကို ဂုဏ်ပြုရန်အတွက်ပါ” ဟု ပူတင်က ပြောကြားခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sun, 11-မေလ-2025
© Copyright 2024 SAC All Rights Reserved.