တရုတ်နှင့်အမေရိကန်တို့ကြား တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေး ဆွေးနွေးပွဲကို လန်ဒန်မြို့၌ပြုလုပ်

sacadmin

News Image

  • တရုတ်နှင့်အမေရိကန်တို့ကြား တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေး ဆွေးနွေးပွဲကို လန်ဒန်မြို့၌ပြုလုပ်

တရုတ်နိုင်ငံနှင့် အမေရိကန်နိုင်ငံတို့ကြား၌ တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေးဆွေးနွေးပွဲကို ဗြိတိန်နိုင်ငံရှိ လန်ဒန်မြို့၌ ဇွန်လ ၉ ရက်မွန်းလွဲပိုင်းတွင် ပြုလုပ်ကြောင်း သိရသည်။

အဆိုပါဆွေးနွေးပွဲသို့ တရုတ်နိုင်ငံဘက်မှ ဒုတိယဝန်ကြီးချုပ် ဟီလိုင်ဖန်း ဦးဆောင်သော ကိုယ်စားလှယ်အဖွဲ့နှင့် အမေရိကန် နိုင်ငံဘက်မှ ဘဏ္ဍာရေးဝန်ကြီး စကော့ဘတ်ဆန့်၊ ကုန်သွယ်ရေးဝန်ကြီးဟောင်း ဝပ်လတ်နစ်တို့ ဦးဆောင်သော ကိုယ်စားလှယ်အဖွဲ့တို့ တက်ရောက်ခြင်း ဖြစ်သည်။

ထိုဆွေးနွေးပွဲ ပြီးသည်နှင့်ချက်ချင်း အမေရိကန်ဘက်မှ ချမှတ်ထားသော ပို့ကုန်ထိန်းချုပ်မှုများ ဖြေလျှော့ပေးလာနိုင်ဖွယ် ရှိကြောင်း၊ ထပ်မံ၍အသေးစိတ် ဆွေးနွေးမှုများ လုပ်ဆောင်ရမည်ကို   မျှော်လင့်ထားကြောင်း      အိမ်ဖြူတော် မှ  အမျိုးသားစီးပွားရေးကောင်စီ   ညွှန်ကြားရေးမှူး ကီဗင်ဟတ်ဆတ်က  အင်တာဗျူးတစ်ခုတွင် ပြောသည်။

ကမ္ဘာ့အင်အားကြီး နှစ်နိုင်ငံကြားတွင် စီးပွားရေးနှင့် နည်းပညာ ယှဉ်ပြိုင်မှုသည် ပြင်းထန်လျက်ရှိရာ အရေးပါသော သတ္တုတွင်းထွက်ပစ္စည်းများနှင့် အဆင့်မြင့်နည်းပညာများအပေါ် ထိန်းချုပ်ကန့်သတ်ချက်များကို  ဖြေလျှော့ပေးနိုင်မည်ဆိုပါကကြီးမားသော  အလှည့်အပြောင်းတစ်ခု ဖြစ်လာစေမည်ဖြစ်သည်။

ယခုလုပ်ဆောင်သည့် ဆွေးနွေးမှုက ပြီးခဲ့သည့်သီတင်းပတ်တွင် နှစ်နိုင်ငံခေါင်းဆောင်များဖြစ်သည့် ရှီကျင့်ဖျင်နှင့်ထရမ့်တို့ကြား ဖုန်းဆက်ဆွေးနွေးပြီးနောက် ဆောင်ရွက်ခြင်းဖြစ်ကာ ယင်းသို့ဆွေးနွေးစဉ် နှစ်နိုင်ငံကြား တင်းမာမှုများကို ဖြေရှင်းနိုင်ရေးအတွက် ဆွေးနွေးမှုများလုပ်ရန် သဘောတူထားကြောင်း သိရသည်။

MWD Web Portal

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ထိုင်းနှင့်ကမ္ဘောဒီးယားက ဗီဇာသက်တမ်းများကိုအပြန်အလှန်လျှော့ချ
ထိုင်းနှင့်ကမ္ဘောဒီးယားက ဗီဇာသက်တမ်းများကိုအပြန်အလှန်လျှော့ချ
ဘန်ကောက်၊ ဆက်ဆံရေးထိုင်းနိုင်ငံနှင့် ကမ္ဘောဒီးယားနိုင်ငံတို့သည် နိုင်ငံအတွင်း အခြားတစ်နိုင်ငံမှ နိုင်ငံသားများ၏ ပြည်တွင်းနေထိုင်နိုင်သော ဗီဇာသက်တမ်းများကို အပြန်အလှန် လျှော့ချလိုက်ကြောင်းသိရသည်။ကမ္ဘောဒီးယားအစိုးရသည် ၎င်းတို့၏နိုင်ငံအတွင်း ထိုင်းနိုင်ငံသားများနေထိုင် ခွင့်ကာလကို ခုနစ်ရက်အထိ လျှော့ချ သတ်မှတ်လိုက်သောကြောင့် ထိုင်းနိုင်ငံ ဘက်ကလည်း ကမ္ဘောဒီးယားကဲ့သို့ပင် မူဝါဒကိုပြင်ဆင်လိုက်ကြောင်း ထိုင်းနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူက ဇွန်လ ၉ ရက်တွင်ပြောသည်။အဆိုပါနှစ်နိုင်ငံကြား နယ်စပ်ဒေသ၌  ပစ်ခတ်မှုများဖြစ်သည်အထိ တင်းမာမှုများမြင့်တက်လာပြီးနောက် ယခင်ကဗီဇာ သက်တမ်းရက်ပေါင်း ၆၀ သတ်မှတ်ထားမှုကို ခုနစ်ရက်အထိလျှော့ချလိုက်ခြင်းဖြစ်ကြောင်းသိရသည်။Ref: Xinhua
Tue, 10-Jun-2025
ပူတင်နှင့်ထရမ့်တို့ကြား အလုပ်သဘောဆက်ဆံရေးကို ဆက်လက်ထိန်းသိမ်းထားနိုင်ဟုဆို
ပူတင်နှင့်ထရမ့်တို့ကြား အလုပ်သဘောဆက်ဆံရေးကို ဆက်လက်ထိန်းသိမ်းထားနိုင်ဟုဆို
ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား၌ အလုပ်သဘောဆက်ဆံရေးကို ဆက်လက် ထိန်းသိမ်းထားနိုင်ကြောင်းနှင့် လိုရင်းကို ထိထိမိမိဆွေးနွေးနိုင်ကြောင်း နှစ်နိုင်ငံ ခေါင်းဆောင်များကြား ဖုန်းဆက်ဆွေးနွေး ပြီးနောက် ရုရှားနိုင်ငံခြားရေးဝန်ကြီး ဆာဂျီလက်ရော့က ဇွန်လ ၉ ရက်တွင် ပြောသည်။ထရမ့်၏ ပထမအကြိမ် သမ္မတ သက်တမ်းအတွင်း ပူတင်နှင့်ဆက်ဆံရေးက အလုပ်သဘောဆက်ဆံရေးဖြစ်ကြောင်း၊ ထို့ကြောင့် ယခုတစ်ခေါက် ၎င်းတို့နှစ်ဦး ကြားဖုန်းဆက်ဆွေးနွေးမှုတွင် အထူး တလည်ပြောဆိုမထိရေားမလိုအပ်ဘဲ လိုရင်းကို ထိရောက်စွာဆွေးနွေးနိုင်ကြောင်း၊ ယင်းကြောင့် အလွယ်တကူအလုပ်ဖြစ် ကြောင်း လက်ရော့က Future 2050 ဖိုရမ်၌ပြောသည်။အဆိုပါခေါင်းဆောင်နှစ်ဦးကြား ဖုန်း ဆက်ဆွေးနွေးမှုကို ဇွန်လ ၄ ရက်တွင် လုပ်ဆောင်ခြင်းဖြစ်ပြီး နှစ်နိုင်ငံဆက်ဆံ ရေးနှင့် ယူကရိန်းကိစ္စကိုဆွေးနွေးသည် ဟုသိရသည်။ Ref: SputnikPhoto - Lowy Institute
Tue, 10-Jun-2025
တရုတ်နှင့်အမေရိကန်တို့ကြား တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေး ဆွေးနွေးပွဲကို လန်ဒန်မြို့၌ပြုလုပ်
တရုတ်နှင့်အမေရိကန်တို့ကြား တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေး ဆွေးနွေးပွဲကို လန်ဒန်မြို့၌ပြုလုပ်
တရုတ်နိုင်ငံနှင့် အမေရိကန်နိုင်ငံတို့ကြား၌ တင်းမာမှုများ ရှိနေစဉ် နှစ်နိုင်ငံကြား ကုန်သွယ်ရေးဆွေးနွေးပွဲကို ဗြိတိန်နိုင်ငံရှိ လန်ဒန်မြို့၌ ဇွန်လ ၉ ရက်မွန်းလွဲပိုင်းတွင် ပြုလုပ်ကြောင်း သိရသည်။အဆိုပါဆွေးနွေးပွဲသို့ တရုတ်နိုင်ငံဘက်မှ ဒုတိယဝန်ကြီးချုပ် ဟီလိုင်ဖန်း ဦးဆောင်သော ကိုယ်စားလှယ်အဖွဲ့နှင့် အမေရိကန် နိုင်ငံဘက်မှ ဘဏ္ဍာရေးဝန်ကြီး စကော့ဘတ်ဆန့်၊ ကုန်သွယ်ရေးဝန်ကြီးဟောင်း ဝပ်လတ်နစ်တို့ ဦးဆောင်သော ကိုယ်စားလှယ်အဖွဲ့တို့ တက်ရောက်ခြင်း ဖြစ်သည်။ထိုဆွေးနွေးပွဲ ပြီးသည်နှင့်ချက်ချင်း အမေရိကန်ဘက်မှ ချမှတ်ထားသော ပို့ကုန်ထိန်းချုပ်မှုများ ဖြေလျှော့ပေးလာနိုင်ဖွယ် ရှိကြောင်း၊ ထပ်မံ၍အသေးစိတ် ဆွေးနွေးမှုများ လုပ်ဆောင်ရမည်ကို   မျှော်လင့်ထားကြောင်း      အိမ်ဖြူတော် မှ  အမျိုးသားစီးပွားရေးကောင်စီ   ညွှန်ကြားရေးမှူး ကီဗင်ဟတ်ဆတ်က  အင်တာဗျူးတစ်ခုတွင် ပြောသည်။ကမ္ဘာ့အင်အားကြီး နှစ်နိုင်ငံကြားတွင် စီးပွားရေးနှင့် နည်းပညာ ယှဉ်ပြိုင်မှုသည် ပြင်းထန်လျက်ရှိရာ အရေးပါသော သတ္တုတွင်းထွက်ပစ္စည်းများနှင့် အဆင့်မြင့်နည်းပညာများအပေါ် ထိန်းချုပ်ကန့်သတ်ချက်များကို  ဖြေလျှော့ပေးနိုင်မည်ဆိုပါကကြီးမားသော  အလှည့်အပြောင်းတစ်ခု ဖြစ်လာစေမည်ဖြစ်သည်။ယခုလုပ်ဆောင်သည့် ဆွေးနွေးမှုက ပြီးခဲ့သည့်သီတင်းပတ်တွင် နှစ်နိုင်ငံခေါင်းဆောင်များဖြစ်သည့် ရှီကျင့်ဖျင်နှင့်ထရမ့်တို့ကြား ဖုန်းဆက်ဆွေးနွေးပြီးနောက် ဆောင်ရွက်ခြင်းဖြစ်ကာ ယင်းသို့ဆွေးနွေးစဉ် နှစ်နိုင်ငံကြား တင်းမာမှုများကို ဖြေရှင်းနိုင်ရေးအတွက် ဆွေးနွေးမှုများလုပ်ရန် သဘောတူထားကြောင်း သိရသည်။MWD Web Portal
Tue, 10-Jun-2025
ရုရှား၏ ယူကရိန်းအပေါ် လက်တုံ့ပြန်မှုများသည် ပြီးဆုံးမည် မဟုတ်သေး ဟု အမေရိကန်ယုံကြည်နေ
ရုရှား၏ ယူကရိန်းအပေါ် လက်တုံ့ပြန်မှုများသည် ပြီးဆုံးမည် မဟုတ်သေး ဟု အမေရိကန်ယုံကြည်နေ
လွန်ခဲ့သည့် သီတင်းပတ်အတွင်းဖြစ်ပွားခဲ့သည့် ယူကရိန်း၏ ဒရုန်း တိုက်ခိုက်မှုများနှင့်ပတ်သက်၍ ရုရှားသမ္မတပူတင်၏ ခြိမ်းခြောက်လက်တုံ့ပြန်မှုသည် အပြင်းထန်ဆုံးမဖြစ်သေးကြောင်းနှင့် သိသာ ထင်ရှားသည့် ဘက်စုံတိုက်ခိုက်မှုတစ်ခု ဖြစ်လာနိုင်ဖွယ်ရှိနေသည်ဟု အမေရိကန်အစိုးရက ယုံကြည်နေကြောင်းလည်း သိရပါသည်။သို့သော် ရုရှားဘက်မှ လက်တုံ့ပြန်မှုများလုပ်ဆောင်မည့်အချိန်ကို လက်ရှိ အချိန်အထိ ရှင်းရှင်းလင်းလင်း မသိရှိရသေးကြောင်းနှင့် လာမည့် ရက်ပိုင်း အတွင်း လက်တုံ့ပြန်မှုများ ဖြစ်လာနိုင်ဖွယ်ရှိနေကြောင်း ယုံကြည်သည် ဟု သတင်းရင်းမြစ်တစ်ခုက ပြောကြားခဲ့ပါသည်။ ထို့အပြင် ရုရှား၏ လက်တုံ့ပြန်မှုများတွင် ဒုံးကျည်များနှင့် ဒရုန်းများ အပါအဝင် ကွဲပြားသည့် ဝေဟင်ပစ်စွမ်းရည်များ ပါဝင်လာနိုင်ဖွယ်ရှိနေကြောင်းလည်း အမေရိကန် အရာရှိတစ်ဦးက ပြောကြားခဲ့ပါသည်။သို့သော် ရုရှားဘက်မှ လက်တုံ့ပြန်မှုများလုပ်ဆောင်မည့် ပစ်မှတ်များ၊ ထောက်လှမ်းရေးကိစ္စများနှင့်ပတ်သက်၍ အသေးစိတ်အချက်အလက် များကို အမေရိကန်အရာရှိများက ထုတ်ဖော်ပြောဆိုခဲ့ခြင်း မရှိခဲ့ကြောင်း လည်း သိရပါသည်။ လွန်ခဲ့သောသီတင်းပတ်အတွင်းတွင် ယူကရိန်းစစ်တပ်သည် ရုရှား၏ လေတပ်အခြေစိုက်စခန်းအများအပြားကို ဒရုန်းတိုက်ခိုက်မှုများ လုပ်ဆောင် ခဲ့ပြီးနောက် ယခုကဲ့သို့ပြောဆိုချက်များ ထွက်ပေါ်လာခြင်းဖြစ်ပါသည်။ ထို့အပြင် ရုရှား၏ လက်တုံ့ပြန်မှုများသည် ပြင်းထန်ပြီး ရှောင်လွှဲ၍ ရမည်မဟုတ်ကြောင်းလည်း ရုရှားသမ္မတပူတင်က ခြိမ်းခြောက် ပြောဆို ခဲ့ပါသည်။ကိုးကား- NP News
Mon, 9-Jun-2025
ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေဟု အစိုးရအား ဗြိတိန်ပြည်သူ ထောင်ပေါင်းများစွာက ဆန္ဒပြ
ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေဟု အစိုးရအား ဗြိတိန်ပြည်သူ ထောင်ပေါင်းများစွာက ဆန္ဒပြ
ဗြိတိန်နိုင်ငံရှိ လေဘာအစိုးရသည် ပြည်သူများ၏ လူမှုဖူလုံရေး အသုံးစရိတ်များကို စစ်ရေးအတွက်အသုံးချနေသည်ဟု ယင်းနိုင်ငံပြည်သူ ထောင်ပေါင်းများစွာက လန်ဒန်မြို့လယ်သို့ ချီတက်ဆန္ဒပြခဲ့ကြောင်း သိရသည်။ဗြိတိန်ပြည်သူများသည် အဆိုပါချီတက် ဆန္ဒပြမှုကို ဇွန်လ ၇ ရက်တွင် လုပ်ဆောင်ခဲ့ခြင်းဖြစ်ပြီး ဆန္ဒပြသူများတွင် ကုန်သွယ်ရေး သမဂ္ဂအဖွဲ့များ၊ စည်းရုံးလှုံ့ဆော်သူများ၊ နိုင်ငံတစ်ဝန်းမှ တက်ကြွလှုပ်ရှားသူများ ပါဝင်သည်။အစိုးရအနေဖြင့် ကာကွယ်ရေးအသုံးစရိတ် တိုးမြှင့်နေစဉ် ကာလအတွင်း လူမှုဖူလုံရေး ဝန်ဆောင်မှုများအတွက် အသုံးစရိတ်ဖြတ်တောက်မှုများအား စွန့်လွှတ်ရန် ဆန္ဒပြသူများက အစိုးရအား တောင်းဆိုခဲ့သည်။ထို့ပြင် ဆန္ဒပြသူများက   ဝန်ကြီးချုပ် ကီယာစတားမား၏ မူဝါဒများကို ပြစ်တင်ရှုတ်ချခဲ့ပြီး  ၎င်း၏စစ်လိုလားသည့် ပြောဆိုမှုများနှင့် ခြိမ်းခြောက်မှုဟူသော ပြောဆိုမှုများသည် နိုင်ငံအတွင်းရှိ ပြည်သူများ၏ လူမှုဖူလုံရေး အသုံးစရိတ်လျှော့ချမှုအတွက် အကြောင်းပြချက်များသာဖြစ်ကြောင်း စွပ်စွဲခဲ့ကြောင်း သိရသည်။MWD Web Portal
Mon, 9-Jun-2025
အီလွန်မက်က လော့စ်အိန်ဂျလိစ်ဆန္ဒပြမှုများအပေါ် ထရမ့်၏ ကိုင်တွယ်ပုံ ကို ထောက်ခံ
အီလွန်မက်က လော့စ်အိန်ဂျလိစ်ဆန္ဒပြမှုများအပေါ် ထရမ့်၏ ကိုင်တွယ်ပုံ ကို ထောက်ခံ
ဘီလီယံနာ မက် က သမ္မတနှင့် ၎င်းတို့အကြား အချေအတင် ဖြစ်ခဲ့ သော်လည်း ထရမ့်အစိုးရ၏ လော့စ်အိန်ဂျလိစ် ဆန္ဒပြမှုများအပေါ် ကိုင်တွယ်ပုံကို ထောက်ခံခဲ့သည်။ ဇွန် ၈ ရက်တွင် အီလွန်မက် က လူမှုကွန်ရက် X တွင် သမ္မတ ဒေါ်နယ် ထရမ့်၏ ပို့စ်ကို ဖော်ပြကာ ကယ်လီဖိုးနီးယားအုပ်ချုပ်ရေးမှူး Gavin Newsom နှင့် လော့စ်အိန်ဂျလိစ်မြို့တော်ဝန် Karen Bass တို့အား ဆန္ဒပြမှုများ တိုးပွားလာခြင်း၊ ယာဉ်များ မီးရှို့ဖျက်ဆီးခံရခြင်းနှင့်ရုန်းရင်းဆန်ခတ်ဖြစ်ပွားမှုများကို ခွင့်ပြုခဲ့သည့်အတွက် လော့စ်အိန်ဂျလိစ် ပြည်သူများထံ တောင်းပန်ရန် တိုက်တွန်းခဲ့သည်။ “ဒါတွေက ဆန္ဒပြသူများ မဟုတ်ပါ။ ဒါတွေက အဓိကရုဏ်းသမားများနှင့် အဖျက်သမားများသာ ဖြစ်ပါသည်” ဟု ထရမ့်က ရေးသားခဲ့သည်။မက်က ဒုတိယသမ္မတ JD Vance ၏ “အိမ်ဖြူတော်ခေါင်းဆောင်က အဓိကရုဏ်းနှင့် အကြမ်းဖက်မှုတွေကို သည်းမခံနိုင်” ဟူသော ပို့စ်ကိုလည်း ပြန်လည်တင်ခဲ့ပြီး “ဒါက ခိုင်မာသည့် ခေါင်းဆောင်မှု လိုအပ်သော အချိန်” ဟု ဖြည့်စွက်ခဲ့သည်။အမေရိကန် ဘီလီယံနာ Elon Musk က မက္ကဆီကို အလံကိုင်ဆောင် ထားပြီး အင်္ကျီဗလာနှင့် မျက်နှာဖုံးစွပ်ထားသည့် ဆန္ဒပြသူတစ်ဦး ဖျက်ဆီး ခံရတဲ့ကားပေါ်မှာ ရပ်နေပုံကိုဖော်ပြကာ “ဒါက မှန်ကန်သည့် အရာ မဟုတ်ပါ” ဟု ရေးသားခဲ့ပါသည်။ကိုးကား-VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 9-Jun-2025
© Copyright 2024 SAC All Rights Reserved.