ရုရှား၏ ယူကရိန်းအပေါ် လက်တုံ့ပြန်မှုများသည် ပြီးဆုံးမည် မဟုတ်သေး ဟု အမေရိကန်ယုံကြည်နေ

sacadmin

News Image

  • ရုရှား၏ ယူကရိန်းအပေါ် လက်တုံ့ပြန်မှုများသည် ပြီးဆုံးမည် မဟုတ်သေး ဟု အမေရိကန်ယုံကြည်နေ

လွန်ခဲ့သည့် သီတင်းပတ်အတွင်းဖြစ်ပွားခဲ့သည့် ယူကရိန်း၏ ဒရုန်း တိုက်ခိုက်မှုများနှင့်ပတ်သက်၍ ရုရှားသမ္မတပူတင်၏ ခြိမ်းခြောက်လက်တုံ့ပြန်မှုသည် အပြင်းထန်ဆုံးမဖြစ်သေးကြောင်းနှင့် သိသာ ထင်ရှားသည့် ဘက်စုံတိုက်ခိုက်မှုတစ်ခု ဖြစ်လာနိုင်ဖွယ်ရှိနေသည်ဟု အမေရိကန်အစိုးရက ယုံကြည်နေကြောင်းလည်း သိရပါသည်။

သို့သော် ရုရှားဘက်မှ လက်တုံ့ပြန်မှုများလုပ်ဆောင်မည့်အချိန်ကို လက်ရှိ အချိန်အထိ ရှင်းရှင်းလင်းလင်း မသိရှိရသေးကြောင်းနှင့် လာမည့် ရက်ပိုင်း အတွင်း လက်တုံ့ပြန်မှုများ ဖြစ်လာနိုင်ဖွယ်ရှိနေကြောင်း ယုံကြည်သည် ဟု သတင်းရင်းမြစ်တစ်ခုက ပြောကြားခဲ့ပါသည်။ ထို့အပြင် ရုရှား၏ လက်တုံ့ပြန်မှုများတွင် ဒုံးကျည်များနှင့် ဒရုန်းများ အပါအဝင် ကွဲပြားသည့် ဝေဟင်ပစ်စွမ်းရည်များ ပါဝင်လာနိုင်ဖွယ်ရှိနေကြောင်းလည်း အမေရိကန် အရာရှိတစ်ဦးက ပြောကြားခဲ့ပါသည်။

သို့သော် ရုရှားဘက်မှ လက်တုံ့ပြန်မှုများလုပ်ဆောင်မည့် ပစ်မှတ်များ၊ ထောက်လှမ်းရေးကိစ္စများနှင့်ပတ်သက်၍ အသေးစိတ်အချက်အလက် များကို အမေရိကန်အရာရှိများက ထုတ်ဖော်ပြောဆိုခဲ့ခြင်း မရှိခဲ့ကြောင်း လည်း သိရပါသည်။ 

လွန်ခဲ့သောသီတင်းပတ်အတွင်းတွင် ယူကရိန်းစစ်တပ်သည် ရုရှား၏ လေတပ်အခြေစိုက်စခန်းအများအပြားကို ဒရုန်းတိုက်ခိုက်မှုများ လုပ်ဆောင် ခဲ့ပြီးနောက် ယခုကဲ့သို့ပြောဆိုချက်များ ထွက်ပေါ်လာခြင်းဖြစ်ပါသည်။ ထို့အပြင် ရုရှား၏ လက်တုံ့ပြန်မှုများသည် ပြင်းထန်ပြီး ရှောင်လွှဲ၍ ရမည်မဟုတ်ကြောင်းလည်း ရုရှားသမ္မတပူတင်က ခြိမ်းခြောက် ပြောဆို ခဲ့ပါသည်။

ကိုးကား- NP News

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

U.S. Defense Secretary Pete Hegseth during a House Appropriations Subcommittee on Defense hearing in Washington, D.C., U.S., on June 10, 2025. (Al Drago/Bloomberg via Getty Images
အမေရိကန်က ယူကရိန်းသို့ပေးအပ်လျက်ရှိသည့် ထောက်ပံ့မှုများကို ဖြတ်တောက်မည်
ဝါရှင်တန်၊ ထောက်ပံ့ရေးအမေရိကန်သမ္မတဒေါ်နယ်ထရမ့်၏ အစိုးရအဖွဲ့အနေဖြင့် ရုရှား-ယူကရိန်း ပဋိပက္ခကို ငြိမ်းချမ်းစွာအဖြေရှာနိုင်စေရေး အတွက် အမေရိကန်က ယူကရိန်းသို့ ပေးအပ်နေသော စစ်ရေးထောက်ပံ့မှုများကို ဖြတ်တောက်သွားမည်ဖြစ်ကြောင်း အမေရိကန်ကာကွယ်ရေးဝန်ကြီး ပိဟက်ဆက်ကပြောသည်။အစိုးရအဖွဲ့အနေဖြင့် ယူကရိန်းပဋိပက္ခ ကိုအခြားသောရှုထောင့်မှရှုမြင်ကြောင်း၊ ထို့ကြောင့် ဘဏ္ဍာရေးအသုံးစရိတ်တွင် ယူကရိန်းသို့ထောက်ပံ့မည့်အသုံးစရိတ် ကို လျှော့ချထားခြင်းဖြစ်ကြောင်း ပိဟက်ဆက်က ဇွန်လ ၁၀ ရက်တွင် လွှတ်တော်၌ ပြောထားခြင်းဖြစ်သည်။ညှိနှိုင်းဆွေးနွေးမှုဖြင့် ပဋိပက္ခကိုငြိမ်း ချမ်းစွာဖြေရှင်းရေးသည် ရုရှားနိုင်ငံနှင့် ယူကရိန်းနိုင်ငံတို့အတွက် အကောင်းဆုံး အကျိုးစီးပွားဖြစ်သည်သာမက အမေရိကန် နိုင်ငံ၏ အကျိုးစီးပွားလည်းဖြစ်သည်ဟု ဟက်ဆက်ကပြောသည်။ထရမ့်အစိုးရသည် “အမေရိကားကို ဦးစားပေး”မူဝါဒချမှတ်ထားရာ ယူကရိန်း သို့ထောက်ပံ့မှုများအပါအဝင် ပြည်ပသို့ ထောက်ပံ့မှုအများအပြားကိုလျှော့ချပြီး ပြည်တွင်းရေးတွင်ပိုမိုအသုံးပြုသွားမည် ဟု ပြောထားသည်။Ref: RTPhoto - The Kyiv Independent
Thu, 12-Jun-2025
ကယ်လီဖိုးနီးယားပြည်နယ်က ထရမ့်အစိုးရကိုတရားစွဲ
ကယ်လီဖိုးနီးယားပြည်နယ်က ထရမ့်အစိုးရကိုတရားစွဲ
ဆာခရာမန်တို၊ ပြည်တွင်းရေးအမေရိကန်ပြည်ထောင်စုရှိ ကယ်လီဖိုးနီးယားပြည်နယ်က သမ္မတ ဒေါ်နယ်ထရမ့်၏အစိုးရအဖွဲ့ကို ဇွန်လ ၉ ရက်တွင် တရားစွဲဆိုလိုက်ကြောင်းသိရသည်။ လော့ အိန်ဂျလိမြို့၌ဖြစ်ပွားနေသော ဆူပူဆန္ဒပြမှုများကိုထိန်းသိမ်းရန် ထရမ့်အစိုးရအဖွဲ့က အမျိုးသားအစောင့်တပ်ဖွဲ့ကိုစေလွှတ်မှုနှင့်ပတ်သက်၍ ကယ်လီဖိုးနီးယားပြည်နယ်က တရားစွဲဆိုခြင်းဖြစ်သည်။ထရမ့်အစိုးရအဖွဲ့က နိုင်ငံအတွင်းရှိတရားမဝင်နေထိုင်သူများကို ဖမ်းဆီးနှင်ထုတ်ရန်လုပ်ဆောင်နေစဉ်လော့အိန်ဂျလိမြို့၌ ဆန္ဒပြမှုများဖြစ်ပွားရာမှ ဆူပူမှုအထိရောက်ရှိလာသည့်အတွက် ထိုပဋိပက္ခကို ထိန်းသိမ်းရန် အမျိုးသားအစောင့်တပ်ဖွဲ့ကို စေလွှတ်လိုက်ခြင်းဖြစ်သည်။သို့သော် အမျိုးသားအစောင့်တပ်ဖွဲ့ကို စေလွှတ်ခြင်းသည် တရားမဝင်ကြောင်းနှင့် မလိုအပ်သည့်ဆောင်ရွက်ချက်ပင်ဖြစ်ကြောင်း၊ ယင်းကြောင့်မလိုလားအပ်သည့် ပဋိပက္ခအခြေအနေများကို ပိုမိုမြင့်တက်လာစေခြင်းဖြစ်ကြောင်း ကယ်လီဖိုးနီးယားပြည်နယ်အုပ်ချုပ်ရေးမှူးနှင့်ရှေ့နေချုပ်တို့ ကပြောထားသည်။အဆိုပါတရားစွဲဆိုမှုတွင် သမ္မတ ဒေါ် နယ်ထရမ့်၊ ကာကွယ်ရေးဝန်ကြီး ပိဟက်ဆက်နှင့် ကာကွယ်ရေးဝန်ကြီးဌာနတို့ကို ဖွဲ့စည်းပုံအခြေခံဥပဒေကိုချိုးဖောက်မှု၊ အခန်း(၁၀) တွင်ပါဝင်သော သမ္မတ၏ လုပ်ပိုင်ခွင့်ကို ကျော်လွန်လုပ်ဆောင်မှုတို့ ဖြင့် တရားစွဲဆိုထားခြင်းဖြစ်ကြောင်း သိရသည်။Ref: XinhuaPhoto - AP News
Wed, 11-Jun-2025
ကယ်လီဖိုးနီးယားပြည်နယ်အုပ်ချုပ်ရေးမှူးနှင့် Vance တို့ Los Angeles ဆန္ဒပြပွဲများနှင့်ပတ်သက်၍ အချေအတင်ဖြစ်နေ
ကယ်လီဖိုးနီးယားပြည်နယ်အုပ်ချုပ်ရေးမှူးနှင့် Vance တို့ Los Angeles ဆန္ဒပြပွဲများနှင့်ပတ်သက်၍ အချေအတင်ဖြစ်နေ
ကယ်လီဖိုးနီးယားပြည်နယ်အုပ်ချုပ်ရေးမှူး Gavin Newsom နှင့် ဒုတိယ သမ္မတ Vance တို့သည် Los Angeles ရှိ ဆန္ဒပြမှုများနှင့် ပတ်သက်၍ အစိုးရမှ National Guard စစ်သည်များတပ်ဖြန့်ခဲ့ပြီးနောက် အွန်လိုင်း တွင် စကားစစ်ထိုးနေကြသည်။အမေရိကန်သမ္မတ Donald Trump သည် ဇွန်လ ၉ ရက်နေ့တွင် ကယ်လီဖိုးနီးယားအုပ်ချုပ်ရေးမှူး Gavin Newsom အား ဖမ်းဆီးရန်အမေရိကန်နယ်စပ်ကာကွယ်ရေးတာဝန်ရှိသူ Tom Homan အားထောက်ခံကြောင်း ထုတ်ဖော်ပြောဆိုခဲ့သည်။ ထိုနေ့မွန်းလွဲပိုင်းတွင် California ခေါင်းဆောင်များက X (Twitter) တွင် တုံ့ပြန်ခဲ့ကြသည်။Newsom က “အမေရိကန်သမ္မတက လက်ရှိအုပ်ချုပ်နေသည့် ပြည်နယ် အုပ်ချုပ်ရေးမှူးတစ်ဦးကို ဖမ်းဆီးဖို့ တိုက်တွန်းလိုက်ပါပြီ၊ အမေရိကမှာ ဘယ်တော့မှ မဖြစ်စေချင်တဲ့ အခြေအနေပါ၊ သမ္မတက ဒီမိုကရက်လား၊ ရီပတ်ဘလီကန်လား ကျွန်တော်ဂရုမစိုက်ပါ၊ ဒါဟာ နိုင်ငံတစ်နိုင်ငံအနေဖြင့် မကျော်လွှားသင့်သည့် နယ်နိမိတ်ပါ၊ ဒါဟာ အာဏာရှင်စနစ် ဆီကို ရှေ့တစ်လှမ်းတိုးလိုက်တာပါ” ဟု ရေးသားခဲ့သည်။နှစ်နာရီအကြာတွင် ဒုတိယသမ္မတ Vance က Newsom ၏ ရေးသားချက်ကို တုံ့ပြန်ကာ “သင့်တာဝန်ကို ထမ်းဆောင်ပါ၊ ဒါပဲ ကျွန်တော်တို့ တောင်းဆိုတာပါ” ဟု ပြန်လည်ရေးသားခဲ့သည်။Newsom ကလည်း “သင့်တာဝန်ကို သင် ထမ်းဆောင်ပါ၊ Trump မကိုင်တွယ်ခင် အဆင်ပြေနေတာပါ၊ National Guard ရုပ်သိမ်းပြီးCalifornia ကို ထိန်းချုပ်ခွင့် ပြန်ပေးပါ” ဟု ညနေပိုင်းတွင် တုံ့ပြန် ခဲ့သည်။ဒုတိယသမ္မတ JD Vance ၏ ရုံးနှင့် အိမ်ဖြူတော်တို့သည် အဆိုပါ စကားစစ်ထိုးမှုနှင့်ပတ်သက်၍ မည်သည့်မှတ်ချက်မျှ မပြုသေးပေ။ဇွန်လ ၇ ရက်တွင် သမ္မတ Trump က Los Angeles၊ California ရှိ ရွှေ့ပြောင်းနေထိုင်သူများအား ဖမ်းဆီးမှုကို ဆန့်ကျင်သည့် ဆန္ဒပြမှု များကြောင့် ဖြစ်ပေါ်နေသော ဥပဒေမဲ့အခြေအနေကို ကိုင်တွယ်ရန် National Guard တပ်ဖွဲ့ဝင် ၂,၀၀၀ ကို စေလွှတ်ရန် အမိန့်စာချွန်လွှာ လက်မှတ်ရေးထိုးခဲ့သည်။ဇွန်လ ၉ ရက်တွင် Trump က National Guard တပ်ဖွဲ့ဝင် ၂,၀၀၀ ထပ်မံ စေလွှတ်ခဲ့သည်။ ပြည်နယ်အုပ်ချုပ်ရေးမှူး Newsom က အဆိုပါ ဆောင်ရွက်ချက်အား ပြင်းထန်စွာ ဝေဖန်ခဲ့သည်။ National Guard အပြင် အမေရိကန်စစ်တပ်ကလည်း ဖက်ဒရယ်ဝန်ထမ်းများနှင့် ပစ္စည်း များကို ကာကွယ်ရန် Los Angeles သို့ မရိန်းတပ်သား ၇၀၀ ကို စေလွှတ် ခဲ့သည်။ကယ်လီဖိုးနီးယား ပြည်နယ်အုပ်ချုပ်ရေးမှူး Newsom နှင့် ပြည်နယ် ရှေ့နေချုပ် Rob Bonta တို့က ဇွန်လ ၉ ရက်နေ့တွင် ဆန်ဖရန်စစ္စကိုရှိ ဖက်ဒရယ်တရားရုံးသို့ တရားစွဲဆိုခဲ့ပြီး၊ သမ္မတ Trump ၏ National Guard စေလွှတ်ရေး အမိန့်ကို တားမြစ်ပေးရန် တောင်းဆိုခဲ့သည်။၎င်းတို့က အဆိုပါအမိန့်သည် အမေရိကန်ဖွဲ့စည်းပုံအခြေခံဥပဒေ ဆယ်ကြိမ်မြောက်ပြင်ဆင်ချက် (10th Amendment) အရ ပြည်နယ်၏ အာဏာကို ချိုးဖောက်သည်ဟု ဆိုသည်။ထို့အပြင် ပြည်နယ်အုပ်ချုပ်ရေးမှူး Newsom က ပြည်နယ်နှင့် ဒေသ ဆိုင်ရာ ရဲတပ်ဖွဲ့ဝင် ၈၀၀ ကျော်အား “ပြည်သူများ၏ ဘေးကင်းရေးအတွက် စေလွှတ်မည်” ဟု ကြေညာခဲ့သည်။“Trump လိုချင်တာက ရှုပ်ထွေးမှုပါ ၊ အခု California က ဒီပြဿနာကို ရှင်းရမယ့်အချိန်ရောက်ပြီ” ဟု ပြည်နယ်အုပ်ချုပ်ရေးမှူး Newsom က ပြောကြားခဲ့သည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 10-Jun-2025
အစ္စရေးက Greta Thunberg ကို နိုင်ငံမှနှင်ထုတ်
အစ္စရေးက Greta Thunberg ကို နိုင်ငံမှနှင်ထုတ်
အစ္စရေးနိုင်ငံခြားရေးဝန်ကြီးဌာနက Greta Thunberg အပါအဝင် ပါလက်စတိုင်းထောက်ခံသူ တက်ကြွလှုပ်ရှားသူများကို တယ်လ်အဗစ် လေဆိပ်သို့ ခေါ်ဆောင်သွားပြီး နိုင်ငံမှ နှင်ထုတ်မည်ဖြစ်ကြောင်း ထုတ်ပြန်လိုက်ပါတယ်။“Virtual life sailboat မှ ခရီးသည်အချို့အား လာမည့် နာရီ အနည်းငယ်အတွင်း နိုင်ငံကနေ ထွက်ခွာစေမည်ဖြစ်ပါသည်။ နှင်ထုတ်ခံရသည့် စာရွက်စာတမ်းများကို လက်မှတ်ရေးထိုးရန် ငြင်းဆန်ပြီး အစ္စရေး နိုင်ငံတွင် ဆက်နေထိုင်မည်ဟု ပြောဆိုသူများကို တရားရုံးတင်ပြီးမှ နှင်ထုတ်မည် ဖြစ်သည်” ဟု အစ္စရေးနိုင်ငံခြားရေးဝန်ကြီးဌာနက ဇွန်လ ၁၀ရက် တွင် ပြောကြားခဲ့ပါသည်။ထိုသို့ပြောကြားရာတွင် အစ္စရေးရေတပ်က ယခင်က ဂါဇာကမ်းမြောင်ဒေသသို့ ရောက်ရှိရန် ကြိုးပမ်းနေသည့် Madleen ရွက်လှေပေါ်မှ တက်ကြွလှုပ်ရှားသူများကို ဝင်ရောက်တားဆီးခဲ့ကြောင်း ရည်ညွှန်း ဖော်ပြ ခဲ့ပါသည်။တက်ကြွလှုပ်ရှားသူများ၏ မိခင်နိုင်ငံများမှ ကောင်စစ်ဝန်များသည် လေဆိပ်တွင် ၎င်းတို့နှင့် တွေ့ဆုံခဲ့ကြပြီး “Greta Thunberg သည် ဆွီဒင် နိုင်ငံသို့ ပျံသန်းမည့် လေယာဉ်ဖြင့် အစ္စရေးနိုင်ငံမှ ထွက်ခွာသွားမည် ဖြစ်သည်” ဟု အစ္စရေးနိုင်ငံခြားရေးဝန်ကြီးဌာနက ဖြည့်စွက် ပြောကြား ခဲ့ပြီး လေယာဉ်ပေါ်တွင် ထိုင်နေသည့် တက်ကြွလှုပ်ရှားသူ၏ ဓာတ်ပုံ ကိုလည်း တင်ပြခဲ့ပါသည်။ပြင်သစ်နိုင်ငံခြားရေးဝန်ကြီး Jean-Noel Barrot က ရွက်လှေပေါ်ရှိ ပြင်သစ်နိုင်ငံသား တက်ကြွလှုပ်ရှားသူ ၅ ဦးသည် အစ္စရေးနိုင်ငံတွင် တရားစွဲဆိုခံရမည်ဖြစ်ကြောင်း ပြောကြားခဲ့သည်။ဇွန် ၉ ရက်နေ့တွင် အစ္စရေးစစ်တပ်က ဂါဇာကမ်းမြောင်ဒေသသို့ အထောက်အပံ့များ သယ်ဆောင်လာသည့် Madleen ရွက်လှေကို ရပ်တန့် စေခဲ့ပြီး Greta Thunberg အပါအဝင် တက်ကြွလှုပ်ရှားသူ ၁၁ ဦးကို ဖမ်းဆီးခဲ့သည်။Madleen ရွက်လှေကို လုပ်ဆောင်ပေးနေသည့် Freedom Flotilla Coalition (FFC) အဖွဲ့က အစ္စရေးစစ်တပ်အား “ရွက်လှေပေါ်သို့ တရားမဝင် တက်ရောက်ခြင်း၊ လက်နက်မဲ့ အရပ်သားလှေသားများကို ဖမ်းဆီး ခေါ်ဆောင်သွားခြင်းနှင့် အစားအစာ၊ ဆေးဝါးပစ္စည်းများနှင့် ကလေး နို့မှုန့်များ အပါအဝင် ကုန်ပစ္စည်းများကို သိမ်းဆည်းခြင်း” တို့ဖြင့် စွပ်စွဲ ခဲ့သည်။ဗြိတိသျှအလံတပ်ဆင်ထားသည့် ထိုရွက်လှေကို အစ္စရေးနိုင်ငံ Ashdod ဆိပ်ကမ်းသို့ ဆွဲခေါ်သွားခဲ့ပြီး တက်ကြွလှုပ်ရှားသူများကိုမူ တယ်လ်အဗစ် မြို့ရှိ Ben Gurion လေဆိပ်သို့ ညအချိန်တွင် လွှဲပြောင်းပေးခဲ့သည်။အသက် ၂၂ နှစ်ရှိပြီဖြစ်သော Greta Thunberg သည် ၂၀၁၈ ခုနှစ်က ဆွီဒင်လွှတ်တော်အပြင်ဘက်တွင် ရာသီဥတုအရေးအတွက် စာသင်ချိန်များ မတက်ရောက်ဘဲ ဆန္ဒပြခဲ့ပြီးနောက် ကမ္ဘာကျော်ခဲ့သည်။ မကြာသေးမီ နှစ်များအတွင်း သူမသည် ဆန္ဒပြမှုများတွင် မကြာခဏပါဝင်ခဲ့ပြီး ရဲများ က ဖမ်းဆီးခေါ်ဆောင်သွားခြင်းခံရကာ ငြင်းခုံမှုများစွာကို ဖြစ်ပေါ်စေ ခဲ့သည်။ သူမသည် ဇွန် ၁ ရက်တွင် အီတလီမှ FFC ၏ Madleen ရွက်လှေဖြင့် “ဂါဇာဒေသအတွက် လူသားချင်းစာနာထောက်ထားမှု အကူအညီများ ယူဆောင်ရန် နှင့် အစ္စရေး၏ ပိတ်ဆို့မှုကို ချိုးဖျက်ရန်” ရည်ရွယ်ချက်ဖြင့် ထွက်ခွာခဲ့သည်။ FFC အဖွဲ့က ထိုအကူအညီများသည် “သေးငယ်သော်လည်း အထိမ်းအမှတ်သဘောဆောင်ပြီး ဒေသတွင်ဖြစ်ပေါ်နေသော လူသားချင်းစာနာထောက်ထားမှု အကျပ်အတည်းအပေါ် နိုင်ငံတကာ အာရုံစိုက်မှုရရှိရန် ရည်ရွယ်ကြောင်း” ပြောကြားခဲ့သည်။အမေရိကန်သမ္မတ ဒေါ်နယ်ထရမ့် က သန်ဘတ်ခ်၏ “ပြန်ပေးဆွဲခံရသည်ဆိုသော” စွပ်စွဲချက်ကို ပယ်ချခဲ့သည်။ “ဂရီတာ သန်ဘတ်ခ်ကို ပြန်ပေးဆွဲဖို့ အစ္စရေးမှာ ပြဿနာတွေ အများကြီးရှိပြီးသားပါ။ သူမက အသက်ငယ်သေးတယ်၊ ဒေါသကြီးတယ်။ သူမအနေဖြင့် ဒေါသ ထိန်းချုပ်မှု သင်တန်းတက်သင့်တယ်” ဟု ၎င်းက ပြောကြားခဲ့သည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 10-Jun-2025
ဆန်ဖရန်စစ္စကိုတွင် ICE ဝင်ရောက်စီးနင်းမှုများကို ဆန့်ကျင်သည့် ဆန္ဒပြပွဲကြီး ကျင်းပ
ဆန်ဖရန်စစ္စကိုတွင် ICE ဝင်ရောက်စီးနင်းမှုများကို ဆန့်ကျင်သည့် ဆန္ဒပြပွဲကြီး ကျင်းပ
ဆန်ဖရန်စစ္စကိုရဲတပ်ဖွဲ့၏ ထုတ်ပြန်ချက်အရ၊ တနင်္လာနေ့ (ဇွန် ၁၀) ညပိုင်းတွင် ထောင်နှင့်ချီသောလူများသည် Civic Center နှင့် Mission ရပ်ကွက်များအနီး၌ အလွန်အေးချမ်းစွာ ဆန္ဒပြမှုများ ပြုလုပ်ခဲ့သည်။ CNN ၏ အဖွဲ့အစည်းဖြစ်သော KGO သတင်းဌာန၏ ဖော်ပြချက်အရ ဆန္ဒပြသူများသည် တစ်နိုင်ငံလုံးအတိုင်းအတာဖြင့် ICE (လူဝင်မှု ကြီးကြပ်ရေး) ၏ ဝင်ရောက်စီးနင်းမှုများကို ကန့်ကွက်ရန်နှင့် ရွှေ့ပြောင်း အခြေချနေထိုင်သူ အသိုင်းအဝိုင်းများ၏ စည်းလုံးညီညွတ်မှုကို ပြသခဲ့ ကြသည်။ဆန်ဖရန်စစ္စကိုရဲတပ်ဖွဲ့က “ညနေခင်းနှောင်းပိုင်းတွင် အုပ်စုငယ် နှစ်စု ကွဲထွက်ကာ ပစ္စည်းဖျက်ဆီးမှုနှင့် အခြားရာဇဝတ်မှုများ ကျူးလွန်ခဲ့သည်” ဟု ထုတ်ပြန်ခဲ့သည်။ ရဲများက အမိန့်နာခံရန် ငြင်းဆန်သူများကို ဖမ်းဆီး ထိန်းသိမ်းခဲ့ပြီး လက်ရှိတွင် ပြဿနာတစ်ခုကို ဖြေရှင်းနေဆဲဖြစ်ကြောင်း ပြောကြားခဲ့သည်။“MELT ICE” ဟူသော ဆိုင်းဘုတ်ကိုင်ဆောင်ထားသည့် Holly Minch က “လော့စ်အိန်ဂျယ်လ်စ်နှင့် တစ်နိုင်ငံလုံးမှာ ဖြစ်နေတာတွေကို ကျွန်မ အရမ်းစိုးရိမ်နေပါတယ်။ ကယ်လီဖိုးနီးယားဟာ မတူကွဲပြားမှုကြောင့် ပိုကောင်းတဲ့နေရာဖြစ်ပြီး၊ ကျောင်းဘွဲ့နှင်းသဘင်တွေကနေ မိသားစု တွေနဲ့ ခွဲခွာရတာ၊ ကလေးတွေနဲ့ ကွဲကွာရတာတွေဟာ မှားယွင်းပါတယ်။ ဒါကို လူတွေသိအောင် ကျွန်မတို့ ဒီမှာထွက်ပြီးပြောဖို့လိုပါသည်” ဟု KGO သို့ ပြောကြားခဲ့သည်။ဆန်ဖရန်စစ္စကို မြို့တော်ဝန် Daniel Lurie ၏ ဦးဆောင်မှုဖြင့် ရဲတပ်ဖွဲ့ သည် ပြည်သူ့လုံခြုံရေးအဖွဲ့အစည်းများနှင့် ညှိနှိုင်းကာ ထိခိုက်နိုင်သည့် ရပ်ကွက်များတွင် “ဖွဲ့စည်းပုံပြင်ဆင်ချက်ပထမအပိုဒ် (လွတ်လပ်စွာ ထုတ်ဖော်ပြောဆိုခွင့်) လုပ်ဆောင်ချက်များကို ကာကွယ်ရန်” ကြိုးပမ်း ခဲ့သည်။တနင်္ဂနွေနေ့က၊ အသက် ၁၈ နှစ်အောက် အချို့ပါဝင်သည့် လူ ၁၅၀ ခန့် ကို လူဝင်မှုကြီးကြပ်ရေးအဆောက်အဦအနီးတွင် ဖမ်းဆီးခဲ့သည်။ ဆန္ဒပြ သူများသည် ဖျက်သိမ်းရန် အမိန့်ကို လျစ်လျူရှုကာ အကြမ်းဖက်မှုနှင့် ပစ္စည်းဖျက်ဆီးမှုများ ပြုလုပ်ခဲ့သည်ဟု ရဲတပ်ဖွဲ့က ဆိုသည်။ICE ဆန့်ကျင်ရေး ဆန္ဒပြမှုများသည် နယူးယောက်၊ အတ္တလန်တာ၊ ဆီယက်တယ်၊ ဒါးလက်စ်နှင့် လူဝီဗီးလ်စ်မြို့များအပါအဝင် တစ်နိုင်ငံလုံးတွင် ပေါ်ပေါက်လျက်ရှိသည်။ကိုးကား- CNNPhoto: Los Angeles Timesဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 10-Jun-2025
မက္ကဆီကိုရှိ အမေရိကန်သံရုံး အပြင်ဘက်တွင် ဆန္ဒပြသူများက နယ်စပ်ဖြတ်ကျော် လူဝင်မှုကြီးကြပ်ရေး စစ်ဆင်ရေးများ ရပ်တန့်ရန် တောင်းဆို
မက္ကဆီကိုရှိ အမေရိကန်သံရုံး အပြင်ဘက်တွင် ဆန္ဒပြသူများက နယ်စပ်ဖြတ်ကျော် လူဝင်မှုကြီးကြပ်ရေး စစ်ဆင်ရေးများ ရပ်တန့်ရန် တောင်းဆို
မက္ကဆီကိုမြို့တော်ရှိ ဆန္ဒပြသူများသည် တနင်္လာနေ့ (ဇွန် ၁၀) တွင် အမေရိကန်သံရုံးအပြင်ဘက်၌ ဆန္ဒပြပွဲပြုလုပ်ကာ နယ်စပ်ဖြတ်ကျော် လူဝင်မှုကြီးကြပ်ရေး စစ်ဆင်ရေးများ ရပ်တန့်ရန် တောင်းဆိုခဲ့ကြသည်။Reuters ၏ ဗီဒီယိုတစ်ခုတွင် လူများသည် မက္ကဆီကိုနှင့် အမေရိကန် အလံများကို လွှင့်ထူပြီး အမေရိကန်သမ္မတ ဒေါ်နယ်ထရမ့်၏ ရုပ်တုတစ်ခုကို မီးရှို့နေသည်ကို တွေ့ရသည်။“Migrant Organization Aztlan” မှ လှုပ်ရှားသူ Alejandro Marinero က “ထရမ့်အစိုးရက အမေရိကရှိ မိမိတို့၏ လူမှုအသိုင်းအဝိုင်းများကို စစ်ဆင်နေသည့်လုပ်ရပ်များကို အရှိန်မြှင့်လာချိန်တွင် မိမိတို့ တိတ်ဆိတ်နေ၍ မရပါ” ဟု ပြောကြားခဲ့သည်။“လူဝင်မှုမူဝါဒသည် ပါတီရေးအရ ကိစ္စမဟုတ်၊ လူတန်းစားရေး ပဋိပက္ခသာဖြစ်သည်။ ထိုစနစ်သည် မိမိတို့အား သီးခြားကွဲပြားစေရန်၊ အလုပ်အကျွေးပြုစေရန်နှင့် လူသားချင်းစာနာမှုကို စွန့်လွှတ်ကာ ၎င်းတို့၏ အမြတ်ငွေများရရှိရေးအတွက် အမှောင်ထဲတွင် ပိတ်ဆို့ထားရန် အသုံးပြုသော လက်နက်တစ်ခုသာဖြစ်သည်” ဟု ၎င်းက Reuters သို့ ပြောကြားခဲ့သည်။ကိုးကား- CNNPhoto: Newsweekဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 10-Jun-2025
© Copyright 2024 SAC All Rights Reserved.