ဂါဇာကမ်းမြောင်ဒေသတွင် အပစ်အခတ်ရပ်စဲရေးနှင့် ဓားစာခံများလွှတ်ပေးရေး ဆွေးနွေးရန် အစ္စရေး လုံခြုံရေးကိုယ်စားလှယ်အဖွဲ့သည် ဇန်နဝါရီ ၁၂ ရက်နေ့ တွင် ကာတာနိုင်ငံသို့ ရောက်ရှိခဲ့ပါသည်။
အစ္စရေးဝန်ကြီးချုပ် Benjamin Netanyahu စေလွှတ်လိုက်သည့် အဆိုပါကိုယ်စားလှယ်အဖွဲ့တွင် မော့ဆက်ထောက်လှမ်းရေးအေဂျင်စီ အကြီးအကဲလည်း ပါဝင်ကြောင်း Reuters သတင်းဌာနနှင့်အခြား မီဒီယာ များက သတင်းဖော်ပြပါသည်။
ဂျပန်၊ အမေရိကန်နှင့် ဖိလစ်ပိုင်တို့သည် ရေကြောင်းလုံခြုံရေးနှင့်အခြားနယ်ပယ်များ၌ ပူးပေါင်းဆောင်ရွက်မှုကို ဆက်လက်လုပ်ဆောင်ရန် အွန်လိုင်း အစည်းအဝေးတွင် သဘောတူညီခဲ့ကြပါသည်။
ဂျပန်ဝန်ကြီးချုပ် Ishiba Shigeru သည် အမေရိကန် သမ္မတ Joe Biden၊ ဖိလစ်ပိုင်သမ္မတ Ferdinand Marcos Jr. တို့နှင့် မိနစ် ၃၀ ကြာ ဗွီဒီယို အစည်း အဝေးကို ဇန်နဝါရီ ၁၃ ရက်တွင် ပြုလုပ်ခဲ့ပါသည်။
သမ္မတ ဒေါ်နယ်ထရမ့်လက်အောက်တွင် အမေရိကန်အစိုးရသစ်မှ အစိုးရအဖွဲ့ စတင်ဖွဲ့စည်းတာဝန်ပေးအပ်ပြီးနောက် လာမည့်သီတင်းပတ်တွင် အမေရိကန်၊သြစတြေးလျ၊ အိန္ဒိယတို့နှင့် Quad နိုင်ငံခြားရေးဝန်ကြီးများ အစည်းအဝေးကျင်းပနိုင်ရန် ဂျပန်အစိုးရက စီစဉ်နေကြောင်း သိရှိရသည်။
ဂျပန်နိုင်ငံခြားရေးဝန်ကြီး Iwaya Takeshi က NHK ၏ ဆွေးနွေးပွဲ အစီအစဉ်တစ်ခုတွင် ၎င်းသည် ဇန်နဝါရီ ၂၀ ရက်တွင် ထရမ့်အစိုးရ၏ ကျမ်းသစ္စာကျိန်ဆိုပွဲ အခမ်းအနားသို့ တက်ရောက်မည်ဖြစ်ကြောင်း ထုတ်ဖော်ပြောဆိုခဲ့ပါသည်။
KNU အဖွဲ့၏ ဘိတ်-ထားဝယ်ခရိုင်၊ ကစယ်ဒိုမြို့နယ် (ထားဝယ်မြို့နယ် အရှေ့တောနယ်ဒေသ) မြို့နယ်တရားသူကြီး၏ သားဖြစ်သူကို KTLA အကြမ်းဖက် အဖွဲ့ဝင်များက ပစ်ခတ်ဖမ်းဆီးသတ်ဖြတ်မှု ကျူးလွန်ခဲ့ကြောင်း ခရိုင်အတွင်းရေးမှူး ပဒိုအယ်နားက KNU ၏ မီဒီယာကေအိုင်စီသို့ ပြောကြားထားသည်။