အမေရိကန်ပြည်ထောင်စု ကယ်လီဖိုးနီးယားပြည်နယ်တွင် တောမီးလောင်ကျွမ်းမှုကြောင့်   ပြည်နယ်အုပ်ချုပ်ရေးမှူးက အရေးပေါ်အခြေအနေ တစ်ရပ်ကို ထုတ်ပြန်ကြေညာခဲ့ရကြောင်း သိရသည်။

တောမီးလောင်ကျွမ်းမှုကြောင့် ပြည်သူ ၃၀၀၀၀ ခန့်မှာ နေအိမ်များကိုစွန့်ခွာ၍ ဘေးလွတ်ရာသို့ ပြောင်းရွှေ့ခဲ့ရပြီး ရာသီဥတုခြောက်သွေ့မှုကြောင့်  မီးလောင်ကျွမ်းမှု ဆက်လက်ဖြစ်ပွားမည့် အန္တရာယ်ကြောင့် ပြည်နယ်အုပ်ချုပ်ရေးမှူး ဂက်ဗင်နယူးဆန်က  ဇန်နဝါရီလ ၇  ရက်တွင် အရေးပေါ် အခြေအနေကို ထုတ်ပြန်ခဲ့ရခြင်းဖြစ်သည်။

"ယူကရိန်း၏ စစ်ရေးလိုအပ်ချက်များကို အမျိုးအစားခွဲခြားပြီး ယင်းအမျိုးအစားတစ်ခုစီအတွက် အကူအညီပေးမည့် နေတိုးအုပ်စုဝင်နိုင်ငံများကို သတ်မှတ်ပေးသွားမည်ဖြစ်ကြောင်း" အမေရိကန်၊ ပင်တဂွန်စစ်ဌာနချုပ်မှ အဆင့်မြင့်ကိုယ်စားလှယ်တစ်ဦးက ဇန်နဝါရီ ၇ ရက်နေ့က ပြောကြားခဲ့ပါသည်။

"ယူကရိန်းသို့ လက်နက်များပို့ဆောင်ပေးမည့် အုပ်စု ရှစ်စုကိုဖွဲ့စည်းခဲ့ကြောင်း၊ အုပ်စုတစ်စုစီသည် ယူကရိန်း၏ စစ်ရေးစွမ်းရည်တစ်ခုစီကို ကိုယ်စားပြုပြီး အုပ်စုတစ်စုတွင် အနည်းဆုံး နေတိုးအဖွဲ့ဝင်နှစ်နိုင်ငံ ပူးတွဲဆောင်ရွက်မည်ဖြစ်ကြောင်း" အဆိုပါ ကိုယ်စားလှယ်က ပြောကြားခဲ့သည်။ 

Su 35 S ဘက်စုံသုံး တိုက်လေယာဉ် လိုက်ပါခြံရံလျက် ရုရှားလေကြောင်း၏ Su-34 အမျိုးအစား ဘက်စုံသုံး အသံထက်မြန်သည့် စူပါဆိုးနစ်ဗုံးကြဲတိုက် လေယာဉ် တစ်စင်းသည် Kursk ဒေသရှိ ယူကရိန်းစစ်တပ်၏ အမာခံတပ်စခန်းချရာ ပစ်မှတ်များကို ဗုံးကြဲတိုက်ခိုက်လိုက်ရာ တပ်စခန်းများနှင့် ယူကရိန်းတပ်ဖွဲ့ဝင်များစွာ ထိမှန်ခဲ့ကြောင်း ရုရှားကာကွယ်ရေးဝန်ကြီးဌာနက သတင်းထုတ်ပြန်လိုက်ပါသည်။ 

ပြည်ထောင်စုနိုင်ငံအတွင်း ပူးပေါင်းဆောင်ရွက်မှု အမြင့်ဆုံးမြှင့်တင်လုပ်ဆောင်ကြရန် သမ္မတလောင်း ရီပတ်ဘလီကန်ပါတီခေါင်းဆောင်က မဲဆွယ်ပြောကြား ခဲ့သည်။