နေတိုးအဖွဲ့ဝင်နိုင်ငံများသည် ၎င်းတို့၏ ကာကွယ်ရေးအသုံးစရိတ်ကို နိုင်ငံအလိုက် GDP ၏ ၅ ရာခိုင်နှုန်းအထိတိုးမြှင့်သင့်ကြောင်း အမေရိကန် ရွေးကောက်ခံသမ္မတ ဒေါ်နယ်ထရမ့်က ပြောကြားခဲ့သည်။

ဇန်နဝါရီ ၇ ရက်နေ့က အမေရိကန်တောင်ပိုင်း ဖလော်ရီဒါပြည်နယ်တွင် ပြုလုပ်သည့် သတင်းစာရှင်းလင်းပွဲ၌ ထရမ့် က ယခုကဲ့သို့ မှတ်ချက်ပေးခဲ့ခြင်း ဖြစ်သည်။

နေတိုးအဖွဲ့ဝင်များ၏ ကာကွယ်ရေးအသုံးစရိတ်သည် GDP ၏ ၂ ရာခိုင်နှုန်းမဟုတ်ဘဲ ၅ ရာခိုင်နှုန်း ရှိသင့်ကြောင်း ၎င်းကဆိုသည်။

ဂျာမန်စီးပွားရေးဝန်ကြီး Robert Habeck က ရုရှား၏ စစ်ရေးအရ တိုက်ခိုက်လာခြင်းကို ကြိုတင်ကာကွယ် နိုင်ရန်အတွက် ကာကွယ်ရေးအသုံးစရိတ် တိုးမြှင့်ရန် လိုအပ်ကြောင်း တိုက်တွန်းခဲ့သည်။

ဂျာမနီဝန်ကြီးချုပ်က အဆိုပါအကြံပြုချက်သည် သင့်လျော်မှုမရှိကြောင်းနှင့် နိုင်ငံသားများအပါ် ဝန်ထုပ်ဝန်ပိုးတစ်ခု ဖြစ်လာစေမည်ဖြစ်ကြောင်း Scholz က ဝေဖန်လိုက်သည်။

လက်ရှိအမေရိကန်သမ္မတ ဂျိုးဘိုင်ဒင်၏ ရုရှားနှင့် ယူကရိန်းဆက်ဆံရေးတင်းမာခဲ့ခြင်းအပေါ် ကိုင်တွယ် ဖြေရှင်းမှုအားနည်းချက်ကြောင့် ရုရှား-ယူကရိန်း-နေတိုး ပဋိပက္ခကို ပိုမိုဆိုးရွားသွားစေခဲ့ကြောင်း ရွေးကောက်ခံ သမ္မတ ဒေါ်နယ်ထရမ့်က ဇန်နဝါရီ ၇ ရက်နေ့က ပြုလုပ် သည့် သတင်းစာရှင်းလင်းပွဲတစ်ခု၌ ပြောဆိုခဲ့သည်။

ယူကရိန်းကို အမေရိကန်ဦးဆောင်သော နေတိုးအဖွဲ့သို့ ဝင်ရောက်နိုင်ရေး ကမ်းလှမ်းခြင်းမပြုခဲ့ပါက ယခုကဲ့သို့သော စစ်ပွဲကိုရှောင်ရှားနိုင်ခဲ့လိမ့်မည်ဟု ထရမ့်က ယုံကြည် နေသည်။

ရုရှား၏ အကြီးစားရေငုပ်သင်္ဘော Project 06363 သည် ယခင်က ဆီးရီးယားနိုင်ငံရှိ Tartus စစ်အခြေစိုက် စခန်းတွင်ရှိနေခဲ့ရာမှ ယခုအခါ ရုရှားနိုင်ငံသို့ ဦးတည်ရာ လမ်းကြောင်းပေါ်ရှိ ပေါ်တူဂီရေပိုင်နက်အတွင်း ၎င်းသင်္ဘောကို တွေ့ရှိခဲ့ရကြောင်း သိရှိရပါသည်။

ကိုးကား - PRAVDA