ဥရောပသမဂ္ဂအဖွဲ့ဝင်နိုင်ငံများမှ နိုင်ငံခြားရေးဝန်ကြီးများသည် ဇန်နဝါရီ ၃၁ ရက်တွင် သက်တမ်းကုန်ဆုံးမည့် ရုရှားအပေါ် ပိတ်ဆို့အရေးယူမှုများကို နောက်ထပ် ၆ လ သက်တမ်းတိုးရန် သဘောတူညီခဲ့ ကြောင်း ဥရောပသမဂ္ဂအဖွဲ့ဝင် နိုင်ငံတစ်နိုင်ငံ၏ ကိုယ်စားလှယ်အဖွဲ့မှ TASS သို့ ပြောကြားခဲ့သည်။

ဥရောပသမဂ္ဂအဖွဲ့ဝင် နိုင်ငံခြားရေးဝန်ကြီးများအနေဖြင့် အဆိုပါပိတ်ဆို့အရေးယူမှုကို ထပ်မံသက်တမ်းတိုးလိုက်ကြပါကြောင်း နိုင်ငံခြားရေးဝန်ကြီးဌာန အဆင့်မြင့် ကိုယ်စားလှယ် Kaja Kallas က နောက်ပိုင်းတွင် ၎င်း၏ X လူမှုကွန်ရက်တွင် ရေးသားဖော်ပြထားပါသည်။

အမေရိကန်အိမ်ဖြူတော်ရှိ ဘတ်ဂျက်ဌာနသည် ပြည်ထောင်စုဘတ်ဂျက်ထောက်ပံ့ငွေနှင့် ချေးငွေများအားလုံးကို ရပ်ဆိုင်းထားသည့်အမိန့်  ထုတ်ပြန်လိုက်ပြီးဖြစ်ကြောင်း ဇန်နဝါရီ ၂၇ ရက်နေ့က ပေးပို့လာသည့် ဌာနတွင်းစာချွန်လွှာအရ သိရှိရပါသည်။

ထိုရပ်ဆိုင်းလိုက်သည့်ထောက်ပံ့ငွေများတွင် လူမှုဖူလုံရေးစရိတ်နှင့် ဆေးဝါးအကူအညီထောက်ပံ့ခြင်း၊ ပုဂ္ဂိုလ်တစ်ဦးချင်းအလိုက် ထောက်ပံ့ပေးသည့်စရိတ်၊ အကူအညီများ မပါရှိပါကြောင်း စာချွန်လွှာတွင် ဖော်ပြထားပါသည်။

နွေဦးရာသီပွဲတော် သို့မဟုတ် နှစ်သစ်ကူးပွဲတော်ကာလအတွင်း ခရီးသွားပြည်သူ ဘီလီယံနှင့်ချီ၍ ရက်ပေါင်း ၄၀ ကြာ ခရီးသွားလာကြမည်ဖြစ်ပြီး လက်ရှိတွင် တရုတ်နိုင်ငံသည် စီးပွားရေးကျဆင်းမှုအခြေအနေကို ရင်ဆိုင်နေရသဖြင့် ယခုလို ခရီးသွားရာသီ (Chunyun) အတွင်း တရုတ်နိုင်ငံစီးပွားရေးကို မြှင့်တင်ရန် မျှော်လင့်ထားသည်။ Chunyun သည် တရုတ်နှစ်သစ်ကူး ပထမ နေ့ မတိုင်မီ ၁၅ ရက်အလိုတွင် စတင်လေ့ရှိသည်။

ဖိလစ်ပိုင်၊ အမေရိကန်၊ ဗီယက်နမ်နှင့် အင်ဒိုနီးရှားတို့မှ ကမ်းခြေစောင့်တပ်နှင့် ပင်လယ်ငါးဖမ်းလုပ်ငန်း အရာရှိများသည် ရေကြောင်းတရားဥပဒေစိုးမိုးရေးဆိုင်ရာ ပူးတွဲလေ့ကျင့်မှုတစ်ခုပြုလုပ်ခဲ့ကြကြောင်း မနီလာရှိ အမေရိကန်သံရုံးထုတ်ပြန်ချက် အရသိရှိရပါသည်။