၂၀၁၂ ခုနှစ် လူမှုဖူလုံရေးဥပဒေအရ ဆောင်ရွက်ရမည့် အလုပ်ရှင်၏တာဝန်များမှာ-
(က)     လူမှုဖူလုံရေးအဖွဲ့နှင့် အကျုံးမဝင်မနေရ ပြဋ္ဌာန်းချက်များနှင့်သက်ဆိုင်သော အလုပ်ရှင်သည် လုပ်ငန်း စတင်လုပ်ကိုင်သည့်နေ့မှ ရက်ပေါင်း (၃၀) အတွင်း သက်ဆိုင်ရာ လူမှုဖူလုံရေးရုံးတွင် မိမိ၏ အလုပ်ဌာနအား မှတ်ပုံတင်ရန် တာဝန်ရှိပါသည်။ (နည်း ၄၀(ခ)) 
(ခ)     အလုပ်ရှင်သည် အလုပ်သမားအသစ်တစ်ဦးခန့်တိုင်း ခန့်အပ်ပြီး (၁၀)ရက် အတွင်း လူမှုဖူလုံရေးရုံးတွင် မှတ်ပုံတင်ရန် တာဝန်ရှိပါသည်။ (နည်း ၄၂(ဂ))

လူမှုဖူလုံရေးစီမံကိန်းသည် အာမခံအလုပ်သမားများ ပုံမှန်ဝင်ငွေရှိသည့်အချိန်တွင် ဥပဒေနှင့်အညီ အလုပ်ရှင်၊ အလုပ်သမား ထည့်ဝင်ကြေးများ ပေးသွင်းထားပြီး ၎င်းအလုပ် သမားများထဲမှ မကျန်းမာမှု၊ မီးဖွားမှု၊ အလုပ်တွင်ထိခိုက်မှု၊ သေဆုံးမှု၊ အသက်အရွယ် ကြီးရင့်မှုတို့ဖြစ်တဲ့အခါ ခံစားခွင့်ပေးတာဖြစ်လို့ ဥပဒေနှင့်အညီ ခံစားခွင့်ရတဲ့အချိန်မှာ ခွင့်ပြုသလို တစ်ချို့ အာမခံအလုပ်သမားတွေအနေနဲ့ ကာလတစ်လျှောက်လုံးမှာ မည်သည့် အကျိုးခံစားခွင့်မျှ ရယူထားခြင်းမရှိသော်လည်း ပင်စင်ယူသည့်အချိန်မှာ ထည့်ဝင်ကြေး လပေါင်း ၁၈၀ လ ပေးသွင်းပြီးပါက ဆေးကုသမှု ဆက်လက်ခံယူခွင့်ကိုရပါတယ်။

အကျိုးခံစားခွင့်နှစ်မျိုး တစ်ပြိုင်နက်တည်းပေးရမည့် ကိစ္စဖြစ်ပေါ်လာပါက အကျိုး ခံစားခွင့်များသည့်အကျိုး ခံစားခွင့်ကို ခံစားခွင့်ပေးရပါမည်။ လူမှုဖူလုံရေးဥပဒေ ပုဒ်မ ၆၃ အရ အောက်ပါအကျိုးခံစားခွင့်များအား တစ်ပြိုင်နက်တည်း ခံစားခွင့်မရှိပါ-
(က)    မကျန်းမာမှုနှင့်ဆိုင်သည့် အကျိုးခံစားခွင့်နှင့် မီးဖွားမှုနှင့်ဆိုင်သည့် အကျိုး ခံစားခွင့်၊ 
(ခ)    မကျန်းမာမှုနှင့်ဆိုင်သည့်အကျိုးခံစားခွင့်နှင့် ယာယီမသန်စွမ်းမှုနှင့်ဆိုင်သည့် အကျိုးခံစားခွင့်၊

လူမှုဖူလုံရေး ဥပဒေပုဒ်မ ၄၉ ပုဒ်မခွဲ (က) အရ ဥပဒေနှင့်အညီ မှတ်ပုံတင်ထားသူ အလုပ်ရှင်သည် မိမိတို့အလုပ်သမား အလုပ်တွင်ထိခိုက်မှုဖြစ်သည့်အခါ အလုပ်သမားလျော်ကြေး ဥပဒေပါ ပြဋ္ဌာန်းချက်များနှင့် ကင်းလွတ်ခွင့်ရှိပါသည်။ 

Source: https://www.mol.gov.mm

အောက်ဖော်ပြပါ link တွင် ပိုမိုဖတ်ရှုလေ့လာနိုင်ပါသည်။ 
https://www.mol.gov.mm/faq/