ရုရှားသမ္မတ ဗလာဒီမာပူတင်က နိုင်ငံ၏မြေရှားသတ္တုသိုက်များ ပူးတွဲရှာဖွေရေးအပြင် အမေရိကန် ပြည်တွင်း ဈေးကွက်သို့ အလူမီနီယံများ တင်သွင်းရေးဆိုင်ရာ အခွင့်အလမ်းနှင့်ပတ်သက်၍ အမေရိကန်အား ကမ်းလှမ်းခဲ့ပြီး နှစ်နိုင်ငံကြား အနာဂတ်စီးပွားရေးဆိုင်ရာ ပူးပေါင်းဆောင်ရွက်မည့် အစီအစဉ်များကို ဆွေးနွေးခဲ့ပါသည်။
NATO တွင် ယူကရိန်း ပါဝင်ခွင့်ရမည် သို့မဟုတ် ငြိမ်းချမ်းရေးဖော်ဆောင်နိုင်မည်ဆိုလျှင် ယူကရိန်း ပြည်သူလူထုကသာ ၎င်းအား ရာထူးမှ အမှန်တကယ် နုတ်ထွက်စေလိုပါက ရာထူးမှ ချက်ချင်းနုတ်ထွက်ပေးရန် ဆန္ဒရှိကြောင်း ယူကရိန်းသမ္မတ ဇီလန်စကီးက ဖေဖော်ဝါရီ ၂၃ ရက်တွင် ပြောကြားခဲ့ကြောင်း Interfax-Ukraine ၏ သတင်း များအရ သိရသည်။
ကမ္ဘာကျော်ဘီလျံနာ သူဌေးကြီးအီလွန်မက်အား ကနေဒါနိုင်ငံသား အဖြစ်မှရုပ်သိမ်းရန် ကနေဒါနိုင်ငံသား ၂၀၀,၀၀၀ ကျော်က လက်မှတ်ရေးထိုး၍ ကနေဒါပါလီမန်သို့ အသနားခံစာတင်ပြထားကြောင်း သိရပါသည်။
ထိုတင်ပြစာတွင် အီလွန်မက်နှင့် ဒေါ်နယ်ထရမ့်အကြား မိတ်ဆွေဖြစ်နေမှုကို အပြစ်တင်ထားပြီး ဒေါ်နယ်ထရမ့်၏ ဒုတိယသမ္မတ သက်တမ်းအတွင်း ကနေဒါကို အမေရိကန်၏ ၅၁ ကြိမ်မြောက် ပြည်နယ်အဖြစ် သိမ်းပိုက်ရန် အဓိပ္ပာယ်ပေါက်သော ခြိမ်းခြောက်မှုများ မကြာခဏ ပြောဆို ခဲ့ခြင်းကြောင့် မက်၏နိုင်ငံသားအခွင့်အရေးကို ဖယ်ရှားရန် ဖော်ပြ တောင်းဆို ထားကြပါသည်။
