၂၀၂၅ ခုနှစ် ဖေဖော်ဝါရီလပထမပိုင်းတွင် တရုတ်သို့ ဗီယက်နမ်၏ ဒူးရင်းသီးတင်ပို့မှု ၈၀% အထိ ကျဆင်းသွားကြောင်း စိုက်ပျိုးရေးနှင့် ကျေးလက်ဖွံ့ဖြိုးရေးဝန်ကြီးဌာန (MARD) မှ ထုတ်ပြန်ချက်အရသိရပြီး ထိုကာလအတွင်း ဒူးရင်းသီး ၃,၅၀၀ တန် သာတင်ပို့နိုင်ခဲ့သည်။
အမေရိကန်တာဝန်ရှိသူများက ယူကရိန်းသည် ၎င်း၏ သတ္တုရင်းမြစ်များကို အသုံးပြုခွင့်မပေးပါက Elon Musk ၏ Starlink အင်တာနက် စနစ်အသုံးပြုခွင့်ကို တားဆီးနိုင်ကြောင်း သတိပေးခဲ့သည်ဟု အမေရိကန် တာဝန်ရှိသူ ၃ ဦး၏ပြောကြားချက်ကို ကိုးကား၍ ရိုက်တာသတင်းဌာနက ဖေဖော်ဝါရီ ၂၂ ရက်တွင် ဖော်ပြခဲ့သည်။
အမေရိကန်သမ္မတ Donald Trump ၏ အဓိကမဟာမိတ်ဖြစ်သူ Musk သည် ၂၀၂၂ ခုနှစ်ကတည်းက အင်တာနက်စနစ် ၄၀,၀၀၀ ကျော် လှူဒါန်းခဲ့ပြီး ယင်းတို့ကို ယူကရိန်းတပ်များက စစ်မြေပြင်တွင် ကျယ်ကျယ် ပြန့်ပြန့် အသုံးပြုခဲ့သည်။
ရုရှားနှင့်ယူကရိန်းကြားဖြစ်ပွားနေသောစစ်ပွဲကို အဆုံးသတ်ရန်အတွက် လုပ်ဆောင်သော မည်သည့်ဆွေးနွေးပွဲများတွင်မဆို စေ့စပ်ညှိနှိုင်းရေး စားပွဲဝိုင်းတွင် ယူကရိန်းနိုင်ငံပါဝင်ရမည်ဟု ကနေဒါဝန်ကြီးချုပ် ထရူးဒူး နှင့်ယူကရိန်း သမ္မတဇီလန်စကီးတို့က ပြောကြားခဲ့ကြောင်းသိရသည်။
အမေရိကန်ပြည်ထောင်စုသည် ၂၀၂၅ ခုနှစ်အစောပိုင်းတွင် ဗီယက်နမ် ခရီးသွားလုပ်ငန်းအတွက် အများဆုံးလာရောက်လည်ပတ်သော နိုင်ငံ ၁၀ နိုင်ငံစာရင်း၌ ထိပ်ဆုံးမှရပ်တည်နေပြီး ၎င်းနောက်တွင် ဩစတြေးလျနှင့် အိန္ဒိယနိုင်ငံတို့က ရပ်တည်နေကြောင်း မကြာသေးမီက အစီရင်ခံစာ တစ်စောင်၌ ဖော်ပြသည်။
ဗီယက်နမ် အမျိုးသားခရီးသွားလာရေးအာဏာပိုင်အဖွဲ့က Google ၏ Destination Insights မှ ဒေတာများကို ကိုးကား၍ အခြား လာရောက် လည်ပတ်မှုအများဆုံးနိုင်ငံများမှာ ဂျပန်၊ တောင်ကိုရီးယား၊ စင်္ကာပူ၊ ဗြိတိန်၊ ကနေဒါ၊ ဂျာမနီနှင့် မလေးရှားနိုင်ငံတို့ ဖြစ်ကြောင်း ဖော်ပြခဲ့သည်။