ထိုင်းနိုင်ငံ ဘူရီရမ်ပြည်နယ်၊ စတွတ်ခရိုင် တမုတ်ဒွန်မွန်ကျောင်းမှ အသက် ၁၂ နှစ်အရွယ် မိန်းကလေးငယ်တစ်ဦးသည် ၂ နှစ်ကြာ Vape ကို စွဲသောက်ခဲ့ပြီးနောက် အဆုတ်ထိခိုက်မှု ပြင်းပြင်းထန်ထန် ခံစားနေ ရသည်ဟု သိရပါသည်။

ယူကရိန်းသမ္မတ ဇီလန်စကီးနှင့် အမေရိကန်အစိုးရအကြား အဆင်မပြေမှုများဖြစ်ပေါ်လာပြီးနောက်တွင် လတ်တလောပြုလုပ်နေသည့် အမေရိကန်- ရုရှား ငြိမ်းချမ်းရေးဆွေးနွေးပွဲကို အနှောင့်အယှက်မဖြစ်စေရန် ဇီလန်စကီး အနေဖြင့် ယူကရိန်းမှ ချက်ခြင်းထွက်ခွာပြီး ပြင်သစ်နိုင်ငံသို့ ပြောင်းရွှေ့ နေထိုင်သင့်သည်ဟု အမေရိကန်အစိုးရ အသိုင်းအဝိုင်းနှင့် နီးစပ်သူ တစ်ဦးက ဆိုလိုက်ပါသည်။ 

ဖေဖော်ဝါရီ ၂၀ ရက်နေ့တွင် ဟားမက်အဖွဲ့မှ လွှဲပြောင်းပေးခဲ့သည့် ဓားစာခံ ရုပ်အလောင်းများအနက် ရုပ်အလောင်းတစ်ခုသည် ဓားစာခံ မဟုတ်ကြောင်း အစ္စရေးက ပြောဆိုခဲ့ပြီးနောက် ဖြစ်နိုင်ခြေရှိသော အမှားအယွင်းနှင့်ပတ်သက်၍ စုံစမ်းစစ်ဆေးနေကြောင်း ဟားမက်အဖွဲ့ က ပြောသည်။

ဇန်နဝါရီ ၁၉ ရက်နေ့တွင် စတင်အသက်ဝင်ခဲ့သည့် သီတင်း ၆ ပတ်ကြာ အပစ်အခတ်ရပ်စဲရေး သဘောတူညီချက်၏ တစ်စိတ်တစ်ပိုင်းအနေဖြင့် ဟားမက်က လွှတ်ပေးရန်သဘောတူထားသည့် ဓားစာခံ ၃၃ ဦးအနက် ၁၉ ဦးကို လွှတ်ပေးခဲ့ပြီး ဖေဖော်ဝါရီ ၂၀ ရက်နေ့တွင် ဓားစာခံ ရုပ်အလောင်း ၄ ခုကိုလည်း လွှဲပြောင်းပေးအပ်ခဲ့သည်။

အမေရိကန်သမ္မတဒေါ်နယ်ထရမ့်သည် တရုတ်နိုင်ငံနှင့် နျူကလီးယား လက်နက်လုံခြုံရေးအပါအဝင် ကျယ်ပြန့်သော သဘောတူညီချက်တစ်ရပ်ကို အကောင်အထည်ဖော်ရန် ကြိုးပမ်းနေကြောင်း အမေရိကန် အစိုးရ အကြံပေးများ၏ ပြောဆိုချက်များကိုကိုးကားပြီး New York Times သတင်းစာက ရေးသားဖော်ပြခဲ့သည်။

အဆိုပါသဘောတူညီချက်သည် ကုန်သွယ်ရေး၊ များပြားသော တရုတ် ရင်းနှီးမြှုပ်နှံမှုများ ပေါင်းစပ်ခြင်းနှင့် အမေရိကန်ကုန်ပစ္စည်းများကို ဝယ်ယူရန် ကတိကဝတ်များထက် ကျော်လွန်ကြောင်း NYT ၏ ဖော်ပြချက်အရသိရသည်။