Elon Musk ၏ DOGE မှ USAID အသုံးစရိတ်များကို စစ်ဆေး ဖော်ထုတ်ချက်များအရ အမေရိကန်အခြေစိုက် ရွေးကောက်ပွဲနှင့်နိုင်ငံရေး လုပ်ငန်းစဉ် များ အားကောင်းရေးအဖွဲ့အစည်း (CEPPS) သို့ ပေးအပ်သည့် ငွေကြေးများတွင် တောင်အာရှနိုင်ငံများ၏ နိုင်ငံရေးဖြစ်စဉ် ပြောင်းလဲမှုများတွင် ပံ့ပိုးထောက်ပံ့ပေးခဲ့သည့် အချက်အလက်များကို တွေ့ရှိခဲ့ရကြောင်း ဖော်ပြထားသည်။

အနောက်နိုင်ငံများ၏ ပိတ်ဆို့အရေးယူမှုများသည် ရုရှား၏စီးပွားရေးနှင့် နည်းပညာကဏ္ဍများကို မထင်မှတ်ဘဲ အားကောင်းလာစေခဲ့ကြောင်း သမ္မတ ဗလာဒီမာပူတင်က မော်စကိုမြို့၌ ကျင်းပသည့် အနာဂတ် နည်းပညာ ဖိုရမ်တွင် ဖေဖော်ဝါရီ ၂၀ ရက်နေ့တွင် ပြောကြားခဲ့သည်။ ထို့အပြင် အနောက်နိုင်ငံများမှကုမ္ပဏီများ ပြန်လည်ဝင်ရောက်လာနိုင်သည့်အလားအလာကို ပြည်တွင်းကုမ္ပဏီများ ကာကွယ်နိုင်ရန်အတွက် သေချာစွာ စည်းမျဉ်းစည်းကမ်းသတ်မှတ်ရန် လိုအပ်ကြောင်း ၎င်းကဖြည့်စွက် ပြောကြား ခဲ့သည်။

၂၀၂၄ ခုနှစ် အမေရိကန်သမ္မတရွေးကောက်ပွဲတွင် ၎င်း၏အနိုင်ရရှိမှုသည် တတိယကမ္ဘာစစ်ကို တားဆီးရာတွင် အရေးပါခဲ့ကြောင်း အမေရိကန် သမ္မတဒေါ်နယ်ထရမ့်က ထုတ်ဖော်ပြောခဲ့သည်။ ထို့ပြင် အမေရိကန် ဒုသမ္မတဟောင်း ကမ်မလာဟားရစ်သာ အမေရိကန်သမ္မတ ရွေးကောက်ပွဲတွင် အနိုင်ရရှိခဲ့မည်ဆိုပါက အချိန်တစ်နှစ်အတွင်း ကမ္ဘာလုံးဆိုင်ရာ ပဋိပက္ခများ ပေါ်ပေါက်လာနိုင်ကြောင်း ဒေါ်နယ်ထရမ့်ကပြောခဲ့သည်။

အရှေ့အလယ်ပိုင်းဒေသနှင့် ယူကရိန်းတို့တွင်ဖြစ်ပွားနေသော ပဋိပက္ခများကို ဖြေရှင်းရေးသည် ၎င်း၏အဓိက နိုင်ငံခြားရေးမူဝါဒ ရည်မှန်းချက်များဖြစ်ကြောင်း ဒေါ်နယ်ထရမ့်က ပြောဆိုခဲ့သည်။

နေတိုးအဖွဲ့သည် ရုရှားနိုင်ငံ၏ ဆိပ်ကမ်းအခြေခံအဆောက်အအုံများကို ပစ်မှတ်ထားတိုက်ခိုက်မည့် အလားအလာရှိသော တိုက်ခိုက်ရေး စစ်ဆင်ရေးအတွက် အစီအစဉ်များရေးဆွဲနေသည်ဟု ရုရှားနိုင်ငံလုံခြုံရေး ကောင်စီ လက်ထောက်အတွင်းဝန် ဂရီဂိုရီမိုလ်ချန်နော့ဗ်က ပြောကြားခဲ့ ပါသည်။ အမေရိကန်ဦးဆောင်သော နေတိုးအဖွဲ့သည် ပင်လယ်ရေကြောင်း သယ်ယူပို့ဆောင်ရေး၊ရေနံချက်စက်ရုံကြီးများ၊ လောင်စာဆီပို့ဆောင်ရန် ရည်ရွယ်ထားသော ရထားလမ်းများနှင့် တံတားကြီးများကို ပစ်မှတ်ထားရန် အတွက် ၎င်းတို့၏စွမ်းရည်များကို မြှင့်တင်နေသည်ဟု ဂရီဂိုရီမိုလ် ချန်နော့ဗ်က ဆိုသည်။ ရုရှား၏ဆိပ်ကမ်း အခြေခံအဆောက်အအုံများ အတွက် ခြိမ်းခြောက်မှုများ