တရုတ်နိုင်ငံ၊ နိုင်ငံတော်ကောင်စီ ပြန်ကြားရေးရုံးက ဧပြီ ၉ ရက်တွင် “တရုတ်-အမေရိကန် စီးပွားရေးနှင့် ကုန်သွယ်မှု ဆက်ဆံရေးဆိုင်ရာကိစ္စရပ်အချို့နှင့်စပ်လျဉ်း၍ တရုတ်နိုင်ငံ၏ ရပ်တည်ချက်” စက္ကူဖြူစာတမ်း ကို ထုတ်ပြန်ခဲ့ပြီး တရုတ်-အမေရိကန် စီးပွားရေးနှင့် ကုန်သွယ်ရေး ဆက်ဆံရေးဖြစ်ရပ်မှန်အား ရှင်းလင်းတင်ပြခဲ့ကာ သက်ဆိုင်ရာ အရေး ကိစ္စများအပေါ် တရုတ်နိုင်ငံ၏ မူဝါဒဆိုင်ရာ ရပ်တည်ချက်များကို ရှင်းလင်း ပြောကြားထားပြီး ကုန်သွယ်ရေးစစ်ပွဲတွင် အနိုင်ရရှိသူဟူ၍ မရှိသလို ကိုယ်ကျိုးစီးပွား ကာကွယ်ရေးဝါဒသည် ထွက်လမ်းမရှိကြောင်း ဖော်ပြထားသည်။

ရုရှားစစ်တပ်အတွက် ယခုနှစ်တွင် စစ်မြေပြင်သုံးစက်ရုပ်များ သိသိသာသာ ပိုမိုရရှိလာမည်ဖြစ်ကြောင်း ကာကွယ်ရေးဝန်ကြီး Andrey Belousov က ပြောကြားလိုက်ပါသည်။ 

ဧပြီလ ၈ ရက်နေ့တွင် ရုရှားကာကွယ်ရေးဝန်ကြီးဌာနသည် အထူးစစ်ရေး လေ့ကျင့်မှုအတွေ့အကြုံကို ထည့်သွင်းတီထွင်ထားသော စစ်မြေပြင်သုံး စက်ရုပ်များအသုံးပြုနေမှုနှင့် ဖွံ့ဖြိုးတိုးတက်ရေးနှင့်စပ်လျဉ်း၍ သိပ္ပံနှင့် နည်းပညာဆိုင်ရာ ဆွေးနွေးပွဲတစ်ရပ်ကို ကျင်းပခဲ့သည်။ 

တရုတ်ကုန်ပစ္စည်းအပေါ် ဒေါ်နယ်ထရမ့်က အခွန် ၁၀၄ % အထိ စည်း ကြပ်မည့် အရေးယူမှုအပေါ် တရုတ်အစိုးရက ပြင်းပြင်းထန်ထန် တုံ့ပြန်သွားမည်ဖြစ်ကြောင်း တရုတ်နိုင်ငံခြားရေးပြောခွင့်ရှိသူ Lin Jian က ပြောကြားလိုက်ပါသည်။

“မိမိတို့၏ တရားဝင်အခွင့်အရေးနှင့် အကျိုးစီးပွားများကို ကာကွယ်ရန် ပြင်းထန်သည့် အရေးယူမှုများ ဆက်လက်ပြုလုပ်သွားမည်ဖြစ်ကြောင်း” Lin Jian က သတင်းစာရှင်းလင်းပွဲတွင် ထရမ့်၏ အခွန်မူဝါဒများအပေါ် မှတ်ချက်ပြု ပြောကြားလိုက်ပါသည်။

အမေရိကန်ပြည်ထောင်စုသည် တရုတ်နိုင်ငံမှ သွင်းကုန်များအပေါ် အကောက်ခွန် ၅၀ ရာခိုင်နှုန်းကို ၁၀၄ ရာခိုင်နှုန်းအထိ တိုးမြှင့်လိုက်ကြောင်း အိမ်ဖြူတော်သတင်းထုတ်ပြန်ရေးခေါင်းဆောင် ကာရိုလိုင်းလီဗစ်ကသတင်းစာရှင်းလင်းပွဲတွင် သတင်းထောက်များအား အတည်ပြု ပြောကြား လိုက်ပါသည်။ 

“ဧပြီ ၉ ရက် ညသန်းခေါင်ယံမှာ တရုတ်နိုင်ငံအပေါ် ၁၀၄% အခွန် စည်းကြပ်မှု အကျိုးသက်ရောက်မှု စတင်မည်ဖြစ်ပါသည်” ဟု လီဗစ်က ပြောကြားခဲ့သည်။ 

ကိုးကား- TASS/CNN