အမေရိကန်နိုင်ငံအနေဖြင့် ကွန်ပျူတာချစ်ပ်ပစ္စည်းများ တင်ပို့မှုဆိုင်ရာ ကန့်သတ်ပိတ်ပင်မှုတစ်ရပ်ကို ထုတ်ပြန်လိုက်ခြင်းမှာ တရုတ်နိုင်ငံအပေါ် "တစ်ဖက်သတ်အနိုင်ကျင့်မှု” ဖြစ်ကြောင်း မေလ ၂၁ ရက် (ဗုဒ္ဓဟူးနေ့) တွင် တရုတ်အစိုးရက ပြစ်တင်ရှုတ်ချခဲ့ပြီး တရုတ်နိုင်ငံ၏ အဆင့်မြင့် တစ်ပိုင်းလျှပ်ကူးပစ္စည်းကုန်ထုတ်လုပ်ရေးလုပ်ငန်းကို ဟန့်တားရန် ရည်ရွယ်သည့် အမေရိကန်၏ လုပ်ဆောင်ချက်များအား ကောင်းမွန်စွာ တုံ့ပြန်မည်ဟု သတိပေးလိုက်သည်။ 

မက္ကဆီကို၊ ချီလီနှင့် ဥရုဂွေးနိုင်ငံတို့သည် ဘရာဇီး၏ ကြက်သားနှင့် ကြက်ဥထုတ်ကုန်များ ဝယ်ယူမှုကို ပြီးခဲ့သည့် စနေနေ့ (မေ ၁၇) ကတည်း ယာယီရပ်ဆိုင်းလိုက်ပါသည်။ ယင်းဆုံးဖြတ်ချက်မှာ ဘရာဇီးနိုင်ငံ၊ ရီယိုဂရန်ဒီ ဒို ဆူးလ် ပြည်နယ်မြို့တော် ပို့တို အလီဂရီ မှ ကီလိုမီတာ ၆၀ အကွာ လူဦးရေ ၆၄,၀၀၀ နေထိုင်သော မွန်တီနီဂရိုးမြို့ ရှိ ကြက်မွေးမြူရေး ခြံတစ်ခုတွင် ငှက်တုပ်ကွေး (Avian Influenza) တွေ့ရှိရကြောင်း အတည်ပြုချက်ကြောင့် ဖြစ်ပါသည်။

ဒေသအတွင်းရှိ ငါးမွေးမြူရေးကန်များတွင် ငါးများသေဆုံးမှုမြင့်တက်လာခြင်းသည် စင်ကာပူနိုင်ငံ၏ မွေးမြူရေးကဏ္ဍကို ထိခိုက်စေလျက်ရှိပါသည်။ ထိုကိစ္စအားဖြေရှင်းရန် မွေးမြူရေးအဖွဲ့က ဇလားဗီးယား ငါးပေါက်များကို မွေးမြူထားသည့် ငါးမွေးမြူရေးစင်တာကို စတင် ဖွင့်လှစ်ခဲ့ပါသည်။

၂၀၂၆ ခုနှစ် အစောပိုင်းမှစ၍ အဆိုပါ ဇလားဗီးယားငါးများကို စတင်ဖြန့်ဖြူးရောင်းချသွားမည်ဖြစ်ကြောင်း စင်ကာပူအစားအသောက်အဖွဲ့၏ အလုပ် အမှုဆောင်အရာရှိ Mr. Ken Cheong က မေလ ၂၀ ရက်တွင် ပြောကြားခဲ့ပါသည်။