ဘရာဇီးနိုင်ငံ သမ္မတ Luiz Inacio Lula da Silv က လာမည့် ၂၀၂၆ ခုနှစ် သမ္မတရွေးကောက်ပွဲတွင် ထပ်မံဝင်ရောက်ယှဉ်ပြိုင်မည် ဟု မေလ ၂၁ ရက်တွင် ၎င်း၏ အလုပ်သမားပါတီ (PT)မှ အဖွဲ့ဝင်များနှင့်တွေ့ဆုံစဉ် ပြောကြားလိုက်ပါသည်။ 

Lula ၏ အဓိကပြိုင်ဘက်မှာ ဆော်ပေါ်လိုပြည်နယ်အုပ်ချုပ်ရေးမှူး Tarcisio Gomez de Freitas ဖြစ်လာနိုင်ကြောင်း၊ ၎င်းမှာ ယခင်သမ္မတ Jair Bolsonaro (၂၀၁၉-၂၀၂၂) လက်ထက်က အခြေခံအဆောက်အအုံဆိုင်ရာဝန်ကြီးအဖြစ် တာဝန်ထမ်းဆောင်ခဲ့သူဖြစ်ကြောင်း သိရပါသည်။

ဘရာဇီးသမ္မတ လူးဝစ် အီနာစီယို လူလာဒါဆီလဗာ၏ ပေကျင်းခရီးစဉ်အတွင်း တရုတ်ကုမ္ပဏီများက ဘရာဇီးရီယယ် ၂၇ ဘီလီယံ (အမေရိကန် ဒေါ်လာ ၅ ဘီလီယံ) ရင်းနှီးမြှုပ်နှံမည်ဟု ကြေညာခဲ့ပါသည်။

တရုတ်နိုင်ငံမှ Envision Energy ကုမ္ပဏီက ဘရာဇီးတွင် လေယာဉ်လောင်စာဆီထုတ်လုပ်ရန် ဘရာဇီးရီယယ် ၅ ဘီလီယံ (ဒေါ်လာ ၈၇၃ သန်း) ရင်းနှီးမြှုပ်နှံရန် မေလ ၁၂ ရက်တွင် ကြေညာခဲ့ပါသည်။ ထို့ပြင် CGN စွမ်းအင်ကုမ္ပဏီက Piauí ပြည်နယ်တွင် ဘရာဇီးရီယယ် ၃ ဘီလီယံ (ဒေါ်လာ ၅၃၅ သန်း) တန်ဖိုးရှိ   ပြန်လည်ပြည့်ဖြိုးမြဲ စွမ်းအင်စီမံကိန်းများအတွက် ရင်းနှီးမြှုပ်နှံမည်ဟု ဆိုထားပါသည်။

ကုလသမဂ္ဂ၏စီစဉ်မှုဖြင့် ထောက်ပံ့ရေး ပစ္စည်းများ တင်ဆောင်လာသည့် ကုန်တင်ယာဉ်အစီး ၉၀ သည် ဂါဇာနယ်စပ်၌ သုံးရက်ကြာ စောင့်ဆိုင်းနေရပြီးနောက် မေလ ၂၁ ရက်ညပိုင်းတွင် ဂါဇာဒေသသို့ စတင်ဝင်ရောက်ခွင့် ရရှိနေပြီဖြစ်ကြောင်းသိရသည်။

အဆိုပါ လူသားချင်းစာနာမှုဆိုင်ရာ ထောက်ပံ့ရေးပစ္စည်းများတွင် ဂျုံများ၊ ကလေးများအတွက် အစားအသောက်များ၊ ကျန်းမာရေးသုံးပစ္စည်းများ ပါဝင်ပြီး ယခုအခါထိုထောက်ပံ့ရေး ပစ္စည်းများသည် ဖြန့်ဖြူးရေး ဂိုဒေါင်များထဲသို့  ရောက်ရှိနေပြီဖြစ်ကြောင်း  တာဝန်ရှိသူများက ပြောသည်။

H5N1 အမျိုးအစား ကြက်ငှက်တုပ်ကွေးရောဂါပိုးသည် ကြောင်များတွင်ပါ ကူးစက်ပျံ့နှံ့လာလျက်ရှိပြီး ထိုမှတစ်ဆင့် လူသားများသို့ ရောဂါပိုးကူးစက်ပျံ့နှံ့လာ ကြောင်း၊ အဆိုပါ ကြက်ငှက်တုပ်ကွေးရောဂါပိုးသည် ကမ္ဘာ့ကပ်ရောဂါအဖြစ်သို့ ပင်ရောက်ရှိလာနိုင်ကြောင်း ရုရှားနိုင်ငံ၏ ထိပ်တန်းသုတေသနဌာနဖြစ်သည့် ဂါမယ် လီယာသုတေသနဌာနမှူး အလက်ဇန်းဒါး ဂျင့်စဘာ့က သတိပေးထားသည်။