အိန္ဒိယကွန်မန်ဒိုများသည် မေလ ၂၁ ရက်တွင် နိုင်ငံအလယ်ပိုင်း၌သောင်းကျန်း သူ ၃၀ ခန့်ကို ပစ်ခတ်ချေမှုန်းလိုက်နိုင် ကြောင်း ရဲတပ်ဖွဲ့ကထုတ်ပြန်ထားသည်။
အိ န္ဒိယအစိုးရတပ်ဖွဲ့များသည် နာရှာ လိုက်သောင်းကျန်းသူများအဖွဲ့အပေါ် လွန်ခဲ့သောနှစ်ပေါင်းများစွာကတည်းက ထိုးစစ်ဆင်တိုက်ခိုက်မှုများလုပ်ဆောင် လာခြင်းဖြစ်ပြီး ၁၉၆၇ ခုနှစ်နောက်ပိုင်း ဖြစ်ပွားသည့် တိုက်ခိုက်မှုများကြောင့် လူပေါင်း ၁၂၀၀၀ ကျော်သေဆုံးထား သည်။
မော်စကို၊ ဆက်ဆံရေး
ရုရှားအစိုးရက မော်စကိုမြို့၌ကျင်းပမည့် နိုင်ငံတကာလုံခြုံရေးဖိုရမ်သို့ အမေရိကန်နိုင်ငံကို ဖိတ်ခေါ်လိုက်ကြောင်း သိရသည်။ အဆိုပါလုံခြုံရေးဖိုရမ်ကို မေလ ၂၇ ရက်မှ ၂၉ ရက်အထိကျင်းပမည်ဖြစ်ပြီး ထိုဖိုရမ်သို့ အမေရိကန်အပါအဝင် ရုရှား၏ မိတ်ဆွေမဟုတ်သော နိုင်ငံများကိုပါ ဖိတ်ခေါ်ထားကြောင်းနှင့် ထိုနိုင်ငံများကလည်း ဖိုရမ်သို့တက်ရန်စိတ်ဝင်စားသည် ဟုတုံ့ပြန်ထားကြောင်း ရုရှားလုံခြုံရေးကောင်စီ ဒုတိယအတွင်းရေးမှူး အလက်ဇန်းဒါးဗီနီဒစ်တော့ကပြောသည်။
မန္တလေးမြို့တွင် မေလ (၂၁) ရက် ညပိုင်းက မိုးသည်းထန်စွာ ရွာသွန်းခဲ့မှုကြောင့် ငလျင်ဒဏ်သင့် အဆောက်အဦးတစ်လုံး ပြိုကျခဲ့ကြောင်း ဒေသတွင်း သတင်းရင်းမြစ်များထံမှ သိရသည်။
ယင်းအဆောက်အအုံသည် မဟာအောင်မြေမြို့နယ်၊ ပဲပုတ္တန်းရပ်၊ (၈၉)လမ်း၊ (၃၆) လမ်းနှင့် (၃၇) လမ်းကြားတွင် တည်ရှိသည့် အဆောက်အအုံဖြစ်ကြောင်း မြို့ခံပရဟိတအဖွဲ့တစ်ဖွဲ့ထံမှ သိရသည်။
အဆောက်အဦးပြိုကျခဲ့သော်လည်း လူအထိခိုက်မရှိဘဲ အနီးဝန်းကျင်ရှိ လူနေအိမ်များအနေဖြင့် အရေးပေါ်ပြောင်းရွှေ့ခဲ့ရကြောင်း သိရသည်။
မြန်မာနိုင်ငံ ဆန်စပါးအသင်းချုပ်အနေဖြင့် မြန်မာ့ပေါ်ဆန်းမွှေးကို ခေတ်မီထုတ်ပိုးမှု ပုံစံများဖြင့် နိုင်ငံတကာစျေးကွက်သို့ တင်ပို့ရောင်းချသွားရန် စီစဉ်ဆောင်ရွက်နေကြောင်း သိရသည်။