အမေရိကန်နှင့် အစ္စရေးတို့သည် အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA) ၏ အချက်အလက်များကို အသုံးပြု၍ အီရန်၏ နျူကလီးယားစက်ရုံများကို တိုက်ခိုက်ရန် အစီအစဉ်ရေးဆွဲခြင်းဖြင့် IAEA ၏ ယုံကြည်စိတ်ချရမှုကို ထိခိုက်စေခဲ့ကြောင်း ရုရှားနိုင်ငံခြားရေး ဝန်ကြီး ဌာန ပြောရေးဆိုခွင့်ရှိသူ Maria Zakharova က ပြောကြားခဲ့သည်။
NATO ၏ လတ်တလော စစ်ရေးအသုံးစရိတ် သိသိသာသာ တိုးမြှင့်ရန် ဆုံးဖြတ်ချက်သည် ရုရှား၏ လုံခြုံရေးကို အရေးပါသော သက်ရောက်မှု ရှိမည်မဟုတ်ကြောင်း နိုင်ငံခြားရေးဝန်ကြီး Sergey Lavrov က ပြောကြား ခဲ့သည်။
အနောက်နိုင်ငံများက ရုရှား၏အရန်ငွေကြေးများကို သိမ်းဆည်းရန် ကြိုးပမ်းမှုမှန်သမျှသည် ဒေသတွင်းငွေပေးချေမှုစနစ်များဆီသို့ ပြန်လည် ပြောင်းလဲ၍မရသော အပြောင်းအလဲကို ဖြစ်ပေါ်စေမည်ဖြစ်ပြီး နောက်ဆုံး တွင် ကမ္ဘာ့စီးပွားရေးအတွက် အကျိုးကျေးဇူးဖြစ်ထွန်းစေမည်ဟု သမ္မတ ဗလာဒီမာ ပူတင်က ပြောကြားခဲ့သည်။
စပိန်ဝန်ကြီးချုပ် Pedro Sanchez က EU ၏ စံနှစ်မျိုးရပ်တည်မှုကို ဝေဖန်လျက် ယူကရိန်းပဋိပက္ခနှင့်ပတ်သက်၍ ရုရှားအပေါ် ပိတ်ဆို့ အရေးယူမှုမျိုးစုံချမှတ်ထားသော်လည်း ဂါဇာစစ်ပွဲအတွက် အစ္စရေးကို အလားတူအရေးယူမှုမပြုခြင်းကို ထောက်ပြခဲ့သည်။
ကြာသပတေးနေ့ (ဇွန် ၂၆) တွင် သတင်းမီဒီယာများအား ပြောကြားရာ တွင် Sanchez က အစ္စရေးနှင့် EU ၏ ကုန်သွယ်ရေး သဘောတူညီ ချက်ကို ဆိုင်းငံ့ရန် အဆိုပြုမည်ဟု ပြောကြားခဲ့သည်။ ထိုသဘောတူညီချက် ၏ အပိုဒ် ၂ တွင် လူ့အခွင့်အရေးကို သဘောတူညီချက်၏ "အခြေခံ အကျဆုံးအချက်" အဖြစ် သတ်မှတ်ထားသည်။