ကိယက်ဗ် ဇွန် ၂၉
သုံးနှစ်ကျော်ကြာ ယူကရိန်း ပဋိပက္ခအတွင်း အပြင်းထန်ဆုံး လေကြောင်းထိုးစစ်ကို ဇွန် ၂ ၈ ရက် ညပိုင်းတွင် ပြုလုပ်ခဲ့ကြောင်း သိရသည်။
ဇွန် ၂၈ ရက်ညပိုင်း လေကြောင်း ထိုးစစ်အတွင်း ရုရှားတပ်မတော် သည် မောင်းသူမဲ့လေယာဉ် ၄၇၇ စင်းနှင့် ဒုံးကျည်အစင်း ၆၀ ထိအသုံးပြု၍ ယူကရိန်းပစ်မှတ်များ ကို တိုက်ခိုက်ခဲ့ကြသည်။
ရန်ကုန်မြို့ ကန်တော်ကြီးအတွင်း ကျူးကျော်နေထိုင်နေသည့် ကျူးတဲများကို ဇွန် ၂၈ ရက်တွင် ဖယ်ရှားရှင်းလင်းပြီးဖြစ်ကြောင်း စုံစမ်းသိရှိရသည်။
လူမှုကွန်ရက်စာမျက်နှာ၌ ကန်တော်ကြီးမျှော်စင်ကျွန်းဘက်ရှိ ချစ်သူကျွန်းနားနီးကျူးကျော်နေထိုင်သူများကို ဓာတ်ပုံနှင့်တကွ ဖော်ပြမှုများရှိခဲ့သည်။
ထိုကဲ့သို့ လူမှုကွန်ရက်စာမျက်နှာ၌ တက်လာပြီးနောက် မင်္ဂလာတောင်ညွန့်ရဲစခန်းမှ လာရောက်ရှင်းလင်းဖယ်ရှားခဲ့ကြောင်းသိရသည်။
နယူးယောက် ဇွန် ၂၉
အမေရိကန်စီးပွားရေးလုပ်ငန်းရှင် ဘီလျံနာသန်းကြွယ်သူဌေး ဝါရင်ဘက်ဖက်သည် ဘာ့ဂ်ရှိုင်းယား ဟေသာဝေး ကုမ္ပဏီအစုရှယ်ယာ အမေရိကန်ဒေါ်လာ ၁၂ ဒသမ ၃၆ သန်းကို ဇွန် ၂၇ ရက်တွင် ဂိတ်ဖောင်ဒေးရှင်းနှင့် အခြား နိုင်ငံတကာ ပရဟိတအဖွဲ့အစည်း များထံ လှူဒါန်းခဲ့ကြောင်းသိရသည်။
ဝါရင်ဘက်ဖက် ဇွန် ၂၇ ရက် တွင်လှူဒါန်းခဲ့သော ဘာ့ဂ်ရှိုင်းယား ဟေသာဝေးကုမ္ပဏီ အစုရှယ်ယာ များ၏ တန်ဖိုးမှာ အမေရိကန် ဒေါ်လာခြောက် ဘီလီယံထိ ရှိကြောင်း သိရသည်။
ပဲရစ် ဇွန် ၂၉
ကမ်းခြေများ၊ ပန်းခြံများ၊ ပြည်သူ့ဥယျာဉ်များနှင့်ဘတ်စကား မှတ်တိုင်များ၌ ဆေးလိပ်သောက် သုံးမှုကို ပြင်သစ်နိုင်ငံက ယနေ့မှ စ၍ ပိတ်ပင်မည်ဖြစ်သည်။ ပြင်သစ်အစိုးရ အနေဖြင့် စာကြည့်တိုက်များ ရေကူးကန် များနှင့် စာသင်ကျောင်းများပြင်ပ ၌ ဆေးလိပ်သောက်သုံးမှုကိုလည်း ဆက်လက်ပိတ်ပင်ရန် စီစဉ် ထားသည်။
ဆေးလိပ် မီးခိုးငွေ့များ တစ်ဆင့်ခံရှုရှိုက်နေရမှုမှ ကလေးများကို အကာအကွယ်ပေးနိုင်ရေး အတွက် အဆိုပါနေရာများ၌ ဆေးလိပ်သောက်သုံးခွင့် ဆက် လက်ပိတ်ပင်ရန် စီစဉ်ထားခြင်း ဖြစ်ကြောင်း ပြင်သစ်ကျန်းမာရေး ဝန်ကြီးဌာနက ထုတ်ပြန်သည့် အမိန့်ဒီကရီ၌ ဖော်ပြထားသည်။