ဝေလ မင်းသမီး ဒိုင်ယာနာ (၁၉၆၁-၁၉၉၇) ၏ ပိုးချည်ဖြင့် ရက်လုပ် ထားသည့် ပန်းပုံစံဝတ်စုံအား ဇွန်လ ၂၆ ရက်တွင် အမေရိကန်ဒေါ်လာ ၅၂၀,၀၀၀ ဖြင့် လေလံတင်ရောင်းချခဲ့ကြောင်း Julien's Auctions မှ ပြောကြားခဲ့သည်။ 

မင်းသမီးဒိုင်ယာနာသည် The Caring Dress ဟု အမည်တွင်သည့် အဆိုပါဝတ်စုံကို ဆေးရုံများရှိ လူနာများထံ သွားရောက်လည်ပတ်စဉ် မကြာခဏဝတ်ဆင်ခဲ့သည်ဟု ဒီဇိုင်နာ David Sassoon က ရှင်းပြခဲ့ပြီး ထိုဝတ်စုံအား ကြမ်းခင်းဈေး အမေရိကန်ဒေါ်လာ ၅၀,၀၀၀ ဖြင့် လေလံဖွင့်ခဲ့ခြင်းဖြစ်သည်။

ဇွန် ၂၆ ရက်နေ့တွင် ထိုင်းနိုင်ငံ၏ ဝန်ကြီးချုပ် ပေထုန်တန် ရှင်နာဝပ် ထရာနှင့် ကမ္ဘောဒီးယားဝန်ကြီးချုပ်ဟောင်း ဟွန်ဆန်တို့သည် နှစ်နိုင်ငံအကြား အငြင်းပွားမှုဖြစ်ပွားရာ နယ်စပ်ဒေသများသို့ သွားရောက်ခဲ့ကြသည်။ ထိုသို့သွားရောက်ရခြင်းမှာ နယ်မြေအငြင်းပွားမှုနှင့်စပ်လျဉ်း၍ နှစ်နိုင်ငံအကြား တင်းမာမှုအခြေအနေများနှင့် လက်ရှိတွင် ထိုင်းအစိုးရ သည်လည်း ပြိုကွဲမည့်အခြေအနေနှင့် ရင်ဆိုင်နေရသောကြောင့် ဖြစ်သည်။ 

မင့်စ်၊ ဇွန် ၂၆ 

ဘယ်လာရုစ်နိုင်ငံ မင့်မြို့တော်၌ ကျင်းပလျက်ရှိသည့် ယူရေးရှား စီးပွားရေး ဖိုရမ်သို့ ရုရှားသမ္မတဗလာဒီမာပူတင် တက်ရောက်၍ မိန့်ခွန်း ပြောကြားခဲ့ပါသည်။

လာမည့်အပတ်တွင် ကုန်သွယ်ရေးဆိုင်ရာဆွေးနွေးမှုများ ပြုလုပ်ရန်အတွက် အမေရိကန်သို့ သွားရောက်မည်ဟု ထိုင်းနိုင်ငံဘဏ္ဍာရေးဝန်ကြီး Pichai Chunhavajira က ဇွန် ၂၇ ရက်တွင် ပြောကြားခဲ့သည်။ 

ထိုင်းနိုင်ငံ၏ ပို့ကုန်များအပေါ်တွင် အကောက်ခွန်နှုန်း တိုးမြှင့်ကောက်ခံမှု အား ဇူလိုင်လ ကုန်အထိ ခေတ္တဆိုင်းငံ့ထားပြီး အဆိုပါ ဆိုင်းငံ့ကာလ အတွင်း အမေရိကန်အနေဖြင့် ထိုင်းနိုင်ငံအပါအဝင် နိုင်ငံအများစု အတွက် အကောက်ခွန် ၁၀ ရာခိုင်နှုန်းသာ သတ်မှတ်ထားသည်။