တရုတ်အစိုးရက မြန်မာငလျင်ဘေးနဲ့ပတ်သက်ပြီး တရုတ်နိုင်ငံသုံး ယွမ် ၁ ဘီလျံကူညီထောက်ပံ့ပေးမည်ဖြစ်ကြောင်း သိရသည်။ မြန်မာနိုင်ငံတွင် အင်အားပြင်း ငလျင်လှုပ်ခတ်ခဲ့ပြီးနောက် လူပေါင်း အနည်းဆုံး ၃၆၄၅ ဦးသေဆုံးခဲ့သလို အဆောက်အဦးပေါင်းများစွာ ပျက်စီးခဲ့ကြောင်းသိရ သည်။ဧပြီလ ၁၀ ရက်နေ့တွင် တရုတ်နိုင်ငံတကာဖွံ့ဖြိုးရေးပူးပေါင်း ဆောင်ရွက်မှုအေဂျင်စီ (CIDCA) ၏ ပြောရေးဆိုခွင့်ရှိသူ Mr. Li Ming ကယခုအခါ မြန်မာနိုင်ငံ၏ ကယ်ဆယ်ရေးလုပ်ငန်းများသည် ကပ်ရောဂါ ကာကွယ်ထိန်းချုပ်ရေးနှင့် ပြန်လည်ထူထောင်ရေးအဆင့်သို့ ရောက်ရှိ နေပြီဖြစ်ကြောင်း ထုတ်ပြန်ကြေညာခဲ့သည်။မြန်မာနိုင်ငံအစိုးရ၏ တောင်းဆို ချက်အရ တရုတ်အစိုးရသည် ယွမ်ငွေ ၁ ဘီလီယံ အရေးပေါ် လူသားချင်း စာနာထောက်ထားမှုဆိုင်ရာကယ်ဆယ်ရေးအကူအညီကို ထပ်မံပံ့ပိုးပေး မည်ဖြစ်ပြီး၊ အဆိုပါငွေဖြင့် လောင်စာဆီ၊ Plank House၊ ခွဲစိတ်ခန်း၊ ဆေးဝါးနှင့် ကာကွယ်ဆေးများစသည့် အရေးတကြီး လိုအပ်သော ပစ္စည်းများပါဝင်ပြီး ကျန်းမာရေးနှင့်ရောဂါကာကွယ်ရေးဆိုင်ရာ ကျွမ်းကျင်အဖွဲ့ များကို ကုသရေးနှင့် ပိုးသတ်ရေးလုပ်ငန်းများဆောင်ရွက်ရန် စေလွှတ် မည်ဖြစ်ကာ ဘေးအန္တရာယ် အကဲဖြတ်ရေးအဖွဲ့ စေလွှတ်၍ ငလျင်ဒဏ် ခံစားရဒေသများသို့ ကွင်းဆင်းစစ်ဆေးပြီး မြန်မာနိုင်ငံ ဘေးဒဏ်ပြီးနောက် ပြန်လည်ထူထောင်ရေးနှင့် ဘေးအန္တရာယ် ကာကွယ်လျှော့ချရေး လုပ်ငန်းစဉ်များ ရေးဆွဲရာတွင် ပံ့ပိုးကူညီသွားမည်ဖြစ်သည်။ ထို့အပြင် ယဉ်ကျေးမှုအမွေအနှစ်နှင့် အဆောက်အဦဆိုင်ရာ စစ်ဆေးရေးအဖွဲ့များ စေလွှတ်ကာ ပျက်စီးနေသော ရှေးဟောင်း ယဉ်ကျေးမှုအမွေအနှစ် ပစ္စည်းများ၊ အဆောက်အဦများကို စစ်ဆေးအကဲဖြတ်ခြင်း၊ ခိုင်ခံ့မှု စမ်းသပ် ခြင်းနှင့် ပြုပြင်မွမ်းမံခြင်းလုပ်ငန်းများ ဆောင်ရွက်ပေးသွားမည်ဖြစ်သည်။ မြန်မာနိုင်ငံ၏ မတ်လ ၂၈ ရက်နေ့ လှုပ်ခတ်သော ပြင်းထန်ငလျင်ကြီး (မန္တလေးငလျင်ကြီး) ဖြစ်ပွားချိန်မှစ၍ တရုတ်အစိုးရသည် ပထမဆုံးသော နိုင်ငံအဖြစ် ယွမ်ငွေ သန်း ၁၀၀ တန်ဖိုးရှိ အရေးပေါ်လူသားချင်း စာနာထောက်ထားမှုဆိုင်ရာ ငလျင်ကယ်ဆယ်ရေးအကူအညီများ ပေးအပ်ရန် ကြေညာခဲ့သည်။ အရေးပေါ်ကယ်ဆယ်ရေးအဖွဲ့များကို အမြန်ဆုံးစေလွှတ်ကာ ကယ်ဆယ်ရေး ပစ္စည်းများပို့ဆောင်ပေးခဲ့ပြီး မြန်မာနိုင်ငံ၏ ငလျင်ကယ်ဆယ်ရေးလုပ်ငန်းများတွင် အပြည့်အဝ ပူးပေါင်းကူညီ၍ လူ့အသက်များကို ကယ်တင်ပေးခဲ့သည်။ တရုတ်နိုင်ငံ သည် ပထမဆုံး အကူအညီပေးရန်ကြေညာသော၊ ပထမဆုံးကယ်ဆယ်ရေး အဖွဲ့စေလွှတ်သော၊ ပထမဆုံး ငလျင်ဘေးဒဏ်သင့် အသက်ရှင်ကျန်ရစ် သူများကိုကယ်တင်နိုင်သော နိုင်ငံဖြစ်သည့်အပြင် ကယ်ဆယ်ရေးအဖွဲ့ နှင့်လူအင်အား အများဆုံးစေလွှတ်သော နိုင်ငံလည်းဖြစ်သည်။ လက်ရှိတွင် မြန်မာနိုင်ငံ၌ ကယ်ဆယ်ရေးလုပ်ငန်းများတွင် ပါဝင်ခဲ့သော တရုတ်နိုင်ငံ ကယ်ဆယ်ရေးအဖွဲ့၊တရုတ်နိုင်ငံတကာကယ်ဆယ်ရေးအဖွဲ့၊ တရုတ်နိုင်ငံ ဟောင်ကောင် အထူးအုပ်ချုပ်ရေးဒေသ ကယ်ဆယ်ရေးအဖွဲ့တို့သည် ၎င်းတို့၏ တာဝန်များကို အောင်မြင်စွာ ပြီးမြောက်အောင် ဆောင်ရွက်နိုင် ခဲ့ပြီး ဧပြီလ ၉ ရက်နေ့တွင် မိမိနိုင်ငံသို့ ပြန်လည်ထွက်ခွာခဲ့ကြသည်။ မြန်မာနိုင်ငံတွင် ရောက်ရှိစဉ်ကာလအတွင်း တရုတ်နိုင်ငံ၏ ကယ်ဆယ်ရေး အဖွဲ့များသည် စည်းလုံးညီညွတ်စွာ ပူးပေါင်းဆောင်ရွက်ခဲ့ကြပြီး ကိုယ်ဝန် ဆောင်အမျိုးသမီး ၁ ဦး အပါအဝင် အသက်ရှင်သူ ၉ ဦးကို အောင်မြင်စွာ ကယ်တင်နိုင်ခဲ့ကာ သေဆုံးသူ ၅၉ ဦး၏ သက်မဲ့ခန္ဓာများကို ရှာဖွေတွေ့ ရှိခဲ့သည်။ထို့အပြင် အိမ်ခြေနှင့် အရေးပါသော အခြေခံအဆောက် အအုံများ ၂၈၇၀၀၀ စတုရန်းမီတာ ဧရိယာကို စစ်ဆေးခဲ့၍ ဘေးဒဏ်သင့် ပြည်သူပေါင်း ၂၀၀၀ ကျော်အား ကျန်းမာရေးစစ်ဆေးကုသမှုများ ဆောင်ရွက်ပေးခဲ့သည်။ထို့အပြင် တရုတ်နိုင်ငံသည် မြန်မာနိုင်ငံရှိ ဘေးဒဏ်သင့် ပြည်သူများ၏ အရေးပေါ်လိုအပ်ချက်များကို ဖြည့်ဆည်းရန် တရုတ်နိုင်ငံ အတွင်းမှ ရွက်ဖျင်တဲ အလုံး ၄၀၀၀၊ စောင် အထည် ၁၀၀၀၀၊ အရေးပေါ် ဆေးအိတ်များ ၅၅၀၀၀ ကျော်၊ ခြင်ထောင် အလုံး ၄၀၀၀၀၊ တာပေါ်လင်စ အချပ် ၁၈၀၀၀၊ အိပ်အိတ် အလုံး ၄၀၀၀၊ နေရောင်ခြည်စွမ်းအင်သုံး မီးအိမ် အလုံး ၁၀၀၀၀၊ ချက်ပြုတ်ရေးပစ္စည်းများ ၂၀၀၀ စုံ၊ ကျန်းမာရေး ဆေးအိတ်များ ၃၈၈၀၀ ကျော်၊ ခေါက်ဆွဲခြောက် အဖာ ၂၀၀၀ စသည့် ပစ္စည်းများကို အမြန်ဆုံးဝယ်ယူပြီး အထူးလေယာဉ်ဖြင့် မြန်မာနိုင်ငံသို့ အရေးပေါ်ပို့ဆောင်ပေးခဲ့သည်။ ဘေးဒုက္ခရောက်မှ မိတ်ဆွေစစ်ကိုတွေ့ရှိနိုင်ပြီးမေတ္တာအစစ်အမှန်သည် နယ်နိမိတ်အပိုင်းအခြားမရှိပေ။ တရုတ်နိုင်ငံသည် ချစ်ခင်ရင်းနှီးခြင်း၊ရိုးသားစွာဆက်ဆံခြင်း၊အပြန်အလှန် အကျိုးဖြစ်ထွန်းခြင်း၊ အားလုံးပါဝင်ခြင်းစသည့် အိမ်နီးချင်းနိုင်ငံများကြားထားရှိသည့် သံတမန် ဆက်ဆံရေးအယူအဆကို ကိုင်စွဲကာ တရုတ်-မြန်မာ ဆွေမျိုးပေါက်ဖော် ချစ်ကြည်ရေးကို မြှင့်တင်ပြီး လက်တွေ့ကျသောဆောင်ရွက်မှုဖြင့် တရုတ်- မြန်မာ အေးအတူပူအမျှအသိုက်အဝန်းကို အတူတကွ တည်ဆောက် သွားမည်ဖြစ်သည်။
ကိုးကား-NP News
