တပ်မတော်သားများနှင့် ရုရှားကူညီကယ်ဆယ်ရေးအဖွဲ့များ ပူးပေါင်း ဆောင်ရွက်ခဲ့သည့် မှတ်တမ်း

ယနေ့မြန်မာစံတော်ချိန် ည ၆ နာရီခွဲ အချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ လေနွေးများနှင့် တရုတ်ပြည်မကြီးပေါ်ရှိ    လေဖိအားကြီးရပ်ဝန်းဒေသမှ ရွေ့လျားလာသော လေအေးများတွေ့ဆုံမှုကြောင့် လည်းကောင်း၊   ယနေ့ညမှ ဧပြီလ၁၁ ရက်နေ့အထိ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ပဲခူးတိုင်းဒေသကြီး၊ မကွေးတိုင်းဒေသကြီး၊ဧရာဝတီတိုင်းဒေသကြီး၊ ကယားပြည်နယ်၊ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲမှနေရာစိပ်စိပ်နှင့် စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်နှင့် ချင်းပြည်နယ်တို့တွင် နေရာကွက်ကျား မိုးထစ်ချုန်းရွာနိုင်သည်။   

ဧပြီလ  ၁၂ ရက်မှ ၁၄ ရက်အတွင်း  နေပြည်တော်၊ ရန်ကုန်တိုင်းဒေသကြီး၊  မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ကရင်ပြည်နယ်၊ ချင်းပြည်နယ်၊ မွန်ပြည်နယ်၊ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာနိုင်သည်။

အကြံပြုချက်

သို့ဖြစ်ပါ၍    ပြည်သူများအနေဖြင့် အချိန်အခါမဟုတ် မိုးရွာခြင်းနှင့်အတူ လေပြင်းများတိုက်ခတ်ခြင်း၊ မိုးထစ်ချုန်းခြင်း၊  မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့်မြေပြိုခြင်း စသည့်မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။       

(မိုး/ဇလ)

Source : Myawady Webportal 

မကြာသေးမီက မြန်မာနိုင်ငံ၌ လှုပ်ခတ်ခဲ့သော ငလျင်ကြောင့် ထိခိုက် ဒဏ်ရာရရှိသူ ၆၁ ဦးကို ရုရှားနိုင်ငံ အရေးပေါ်အခြေအနေဝန်ကြီးဌာန၏ ရွေ့လျားဆေးရုံမှ ဆေးဘက်ဆိုင်ရာကျွမ်းကျင်ပညာရှင်များက ဆေး ကုသမှု ပြုလုပ်ပေးခဲ့ပြီး ၂၄ နာရီအတွင်း ခွဲစိတ်ကုသမှု ၂၄ ကြိမ်တိုင် လုပ်ဆောင်ပေးခဲ့ကြောင်း အဆိုပါဝန်ကြီးဌာနက သတင်းထုတ်ပြန်ထား ပါသည်။

ထိုဝန်ကြီးဌာန၏ ရွေ့လျားမြေပြင်ဆေးရုံမှ ဆေးဘက်ဆိုင်ရာ ပညာရှင် များနှင့် စိတ်ကျန်းမာရေးပညာရှင်များက ပြီးခဲ့သည့် ၂၄ နာရီအတွင်း ကလေး ၉ ဦးအပါအဝင် ဒဏ်ရာရရှိသူ ၆၁ ဦးကို ကုသပေးခဲ့ကြကြောင်း၊ အဆိုပါအဖွဲ့အနေဖြင့် လုပ်ငန်းများ စတင်ချိန်မှစ၍ ယနေ့အထိ ဒဏ်ရာ ရရှိသူစုစုပေါင်း ၁၃၇ ဦး (ကလေး ၁၄ ဦးအပါ) တို့ကို ကုသပေးပြီး ခွဲစိတ်ကုသမှု ၄၃ ကြိမ် လုပ်ဆောင်ပေးခဲ့ကြောင်း သတင်းထုတ်ပြန်ချက် တွင် ဖော်ပြထားပါသည်။

ထို့ပြင် ပြီးခဲ့သည့် ၂၄ နာရီအတွင်း ရုရှားအရေးပေါ်တုံ့ပြန်ရေးအဖွဲ့ များက ပျက်စီးကျိုးပဲ့နေသည့် နေရာ ၁၀ နေရာတွင် လူများ ပိနေခြင်း၊ ပိတ်မိနေခြင်း ရှိ၊ မရှိ စတုရန်းမီတာ ၁၂,၁၀၀ ကျော် ဧရိယာ စစ်ဆေးမှု များ ပြုလုပ်ခဲ့ကြောင်း ထိုထုတ်ပြန်ချက်တွင် ဖော်ပြထားပါသည်။ 

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃

မြန်မာနိုင်ငံတွင် ပြီးခဲ့သည့် မတ်လ ၂၈ ရက်က လှုပ်ခတ်သော ငလျင် ကြောင့် ယခုအခါ သေဆုံးသူ ၃၄၅၅ ဦးအထိ ရှိလာပြီဖြစ်ပြီး လူပေါင်း ၄၈၄၀ ဦး ဒဏ်ရာရရှိထားကာ ၂၁၄ ဦး ပျောက်ဆုံးဆဲဖြစ်ကြောင်း ဆင်ဟွာ သတင်းဌာနဖော်ပြထားပါသည်။

အဆိုပါငလျင်အား ထိုင်းနိုင်ငံ၊ မိုးလေဝသဌာနက ပြင်းအား ၈.၂ မဂ္ဂနီကျူ အထိ ရှိကြောင်း ခန့်မှန်းထားကြပါသည်။ ထိုငလျင်သည် ထိုင်းနိုင်ငံ အပြင် တရုတ်နှင့်ဗီယက်နမ်တို့ကိုပါ လှုပ်ခတ်ခဲ့ပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၁)၊ ပြည်ထောင်စုဝန်ကြီး ဗိုလ်ချုပ်ကြီးမိုးအောင်သည် ငလျင်ဒဏ်သင့်ဝန်ထမ်းမိသားစုများနှင့် ပြည်သူများအားတွေ့ဆုံအားပေးစကားပြောကြားပြီး စားသောက်ဖွယ်ရာများပေးအပ်ခဲ့သည်။

ကိုးကား- MWD

ငလျင်သည် ယနေ့အထိ ခန့်မှန်း၍ မရသော သဘာဝဘေးအန္တရာယ် ဖြစ်ပါသည်။ ငလျင်ကြောင့် လူသားများ၏ အသက်အိုးအိမ်စည်းစိမ်များ ပျက်စီးကြရပါသည်။ အမေရိကန်ဘူမိဗေဒဆိုင်ရာတိုင်းတာရေးဌာန၏မှတ်တမ်းများအရ ၁၉၀၀ ပြည့်နှစ်နောက်ပိုင်း ကမ္ဘာ့အပြင်းထန်ဆုံး ငလျင်မှာ ၁၉၆၀ ပြည့်နှစ်၊ မေ ၂၂ ရက်တွင် ချီလီနိုင်ငံ၌ လှုပ်ခတ်ခဲ့သော Valdivian ငလျင်ဖြစ်ပါသည်။

Valdivian  ငလျင်မှာ ၉.၅ မဂ္ဂနီကျူ ရှိသဖြင့် သမိုင်းမှတ်တမ်းထားမှု နောက်ပိုင်း ကမ္ဘာပေါ်တွင် အကြီးမားဆုံးနှင့် အပြင်းထန်ဆုံးငလျင် ဖြစ် ပါသည်။ ချီလီကမ်းရိုးတန်း၏ Valdivian နှင့် Montto ဧရိယာကို ဗဟိုပြု လှုပ်ခတ်ခဲ့ပါသည်။ ငလျင်ကြောင့် ချီလီကမ်းရိုးတန်းတစ်လျှောက် ဆူနာမီ ရေလှိုင်းလုံးကြီးများ ဖြစ်ပေါ်ခဲ့ပါသည်။ Valdivian ကြောင့် ချီလီနိုင်ငံ အပြင် ဟာဝိုင်အီ၊ အမေရိကန်ကမ်းရိုးတန်း၊ ဖိလစ်ပိုင် တို့အထိပါ အကြီး အကျယ် ထိခိုက်ဆုံးရှုံးခဲ့ရပါသည်။ Valdivian ငလျင်ကြောင့် ချီလီနိုင်ငံတွင် လူအနည်းဆုံး ၁၆၅၅ ဦး၊ ဟာဝိုင်အီတွင် ၁၃၈ ဦးနှင့် ဖိလစ်ပိုင်နိုင်ငံ တို့တွင် ၃၂ ဦးသေဆုံးခဲ့ရပါသည်။ 

ဒုတိယအပြင်းထန်ဆုံးငလျင်မှာ အမေရိကန်ပြည်ထောင်စု၌ ၂၈-၃-၁၉၆၄ က လှုပ်ခတ်ခဲ့သော Great Alaska ငလျင်ဖြစ်ပြီး ၉.၂ မဂ္ဂနီကျူရှိပါသည်။ တတိယအပြင်းထန်ဆုံးမှာ ၂၆-၁၂-၂၀၀၄ က Sumatra-Andaman ကျွန်းစု များ၌ လှုပ်ခတ်ခဲ့သည့်ငလျင်ဖြစ်ပြီး ၉.၁ မဂ္ဂနီကျူရှိပါသည်။

စတုတ္တအပြင်းထန်ဆုံးငလျင်မှာ ဂျပန်နိုင်ငံတွင် ၁၁-၃-၂၀၁၁ က လှုပ်ခတ် ခဲ့သော Japan ငလျင်ဖြစ်ပြီး ၉.၁ မဂ္ဂနီကျူရှိပါသည်။ ပဉ္စမ အပြင်းထန်ဆုံး ငလျင်မှာ ရုရှားတွင် ၄-၁၁-၁၉၅၂ က လှုပ်ခတ်ခဲ့သော Kamchatka ငလျင် ဖြစ်ပြီး ၉.၀ မဂ္ဂနီကျူရှိပါသည်။

ကိုးကား- USATODAY

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃

အစီရင်ခံစာအကျဉ်း

ဤအစီရင်ခံစာသည် ၂၈ မတ် ၂၀၂၅ ရက်နေ့က မြန်မာနိုင်ငံတွင် လှုပ်ခတ်ခဲ့သော Richter 7.7 ပြင်းအားရှိ ငလျင်၏ တစ်ပတ်တာအခြေအနေနှင့် နောက်ဆက်တွင် သက်ရောက်မှုများကို ဆန်းစစ်ထားပါသည်။ DFS အဖွဲ့မှ ထုတ်ဝေသော အခြားသတင်းအချက်အလက်များနှင့် အတူပူးတွဲအသုံးပြုရန် ရည်ရွယ်ပါသည်။

ဆက်စပ်သတင်းအရင်းအမြစ်များ

• အကဲဖြတ်ရေးနှင့် ဆန်းစစ်ရေး (A&A) ဆဲလ်မှ နေ့စဉ်အပ်ဒိတ်များ

• အရေးပေါ်အခြေအနေဟပ်၏ နေ့စဉ်အစီရင်ခံစာများ

• Situation Hub မှတစ်ဆင့် ထုတ်ပြန်သော အပတ်စဉ်အခြေအနေများ

• ငလျင်ဖြစ်ပွားပြီး နာရီပိုင်းအတွင်း ထုတ်ဝေခဲ့သော ဒေသဆိုင်ရာအချက်အလက်များ

အဓိကရည်ရွယ်ချက်

ဤအစီရင်ခံစာသည် ငလျင်၏နောက်ဆက်တွင် သက်ရောက်မှုများနှင့် ကြီးမားသောအကျိုးဆက်များကို ဆန်းစစ်ကာ၊
✔လူသားချင်းစာနာမှုဆိုင်ရာတုံ့ပြန်ဆောင်ရွက်သူများအား အချိန်နှင့်တစ်ပြေးညီသတင်းအချက်အလက်များ ပေးရန်
✔ စီစဉ်မှု၊ ညှိနှိုင်းမှုနှင့် အစောပိုင်းပြန်လည်ထူထောင်ရေး လုပ်ငန်းများအတွက် အထောက်အကူဖြစ်စေရန်

အချက်အလက်ရယူခြင်းနှင့် အတည်ပြုခြင်း

DFS ဆန်းစစ်ရေးအဖွဲ့သည် GANNET Virtual Assistant (AI အခြေပြုကိရိယာ) ကို အသုံးပြုထားပါသည်။ ၎င်းသည်—

• ယုံကြည်စိတ်ချရသော သတင်းအရင်းအမြစ်များမှ အချက်အလက်များကို စုစည်းခြင်း

• အရေးပေါ်အခြေအနေဆိုင်ရာ အဓိကသတင်းများကို အကျဉ်းချုပ်ခြင်း

• လက်ရှိသတင်းများကို စောင့်ကြည့်ခြင်း

• လူသားချင်းစာနာမှုဆိုင်ရာ အချက်အလက်များနှင့် ပေါင်းစပ်ခြင်း

DFS ဆန်းစစ်ပညာရှင်များက AI မှထုတ်ပေးသော အချက်အလက်များကို ပြန်လည်စိစစ်အတည်ပြုပါသည်။

အရေးပေါ်အခြေအနေ အကျဉ်းချုပ်

ငလျင်အခြေခံအချက်များ

• ပြင်းအား : 7.7 Mw (မြန်မာနိုင်ငံတွင် လွန်ခဲ့သော ၁၀၀ နှစ်အတွင်း အပြင်းထန်ဆုံး)

• ဗဟိုချက် : စစ်ကိုင်းမြို့၏ မြောက်ဘက် ၁၆ ကီလိုမီတာအကွာ (မန္တလေးနှင့် နီးကပ်စွာ)

• ထိခိုက်ဒဏ်ရာရဒေသများ :

  • စစ်ကိုင်း၊ မန္တလေး၊ မကွေး၊ ပဲခူး၊ ရှမ်း၊ နေပြည်တော်

  • လူဦးရေ ၂၈ သန်း (ကလေး ၆.၇ သန်း အပါအဝင်) ထိခိုက်မှုရှိ

  • စာသင်ကျောင်း ၅၀၀+၊ ဆေးရုံ ၂၀+ ပြိုကျပျက်စီး

  • လမ်းများ၊ တံတားများ ပြတ်တောက်မှုကြောင့် ဝေးလံဒေသများသို့ အကူအညီရောက်ရှိရန် အဟန့်အတား

  • စိုက်ပျိုးရေးနှင့် စားနပ်ရိက္ခာဖူလုံရေးကို ခြိမ်းခြောက်နေ

  • ရွှေ့ပြောင်းနေထိုင်သူ ၁၅၀,၀၀၀+ (ယာယီစခန်းများတွင်နေထိုင်)

  • ရေကူးကပ်ရောဂါနှင့် အသက်ရှူလမ်းကြောင်းဆိုင်ရာရောဂါများ ဖြစ်ပွားနိုင်ခြေမြင့်မား

  •  

လူသားဆိုင်ရာအပျက်အစီးများ (၃ ဧပြီ ၂၀၂၅ အထိ)

USGS ၏ ခန့်မှန်းချက် : ဝေးလံခေါင်ဖျားဒေသများတွင် ရှာဖွေကယ်ဆယ်ရေးလုပ်ငန်းများ ဆက်လက် လုပ်ဆောင်နေစဥ် သေဆုံးသူအရေအတွက် ၁၀,၀၀၀ ကျော်သွားနိုင်သည်။

နောက်ဆက်တွဲ သက်ရောက်မှုများ

၁။       အဆောက်အဦးနှင့် အခြေခံအဆောက်အအုံများ 

၂။       လူမှုစီးပွားအပေါ်သက်ရောက်မှု 

၃။       ကျန်းမာရေးစိုးရိမ်မှုများ 

အကြံပြုချက်များ

• အရေးပေါ်အကူအညီ : ဝေးလံဒေသများသို့ ဆေးဝါး၊ ရေ၊ အစားအစာနှင့် ကယ်ဆယ်ရေးပစ္စည်းများ အမြန်ပို့ဆောင်ရန်

• ဒေတာစုဆောင်းခြင်း : ပျောက်ဆုံးသူများနှင့် ပျက်စီးမှုအခြေအနေများကို စနစ်တကျမှတ်တမ်းတင်ရန်

• နိုင်ငံတကာအဖွဲ့များ : ငွေကြေး၊ နည်းပညာနှင့် လူသားချင်းစာနာမှုဆိုင်ရာ အထောက်အပံ့များ တိုးမြှင့်ပေးရန်

မေတ္တာရပ်ခံချက် : ဘေးဒုက္ခကျရောက်သူများအတွက် စိတ်ရောကိုယ်ပါ ပူးပေါင်းကူညီကြပါစို့။

ပြီးခဲ့သည့် မြန်မာ့ငလျင်နှင့်အတူ ထိုင်းနိုင်ငံ၌ပါ လှုပ်ခတ်ခဲ့သည့် ငလျင် အတွင်း ထိခိုက်ဒဏ်ရာရရှိခဲ့သဖြင့် ဆေးရုံတက်ရောက်၍ ဆေးဝါး ကုသမှု ခံယူနေရသည့် ထိုင်းရောက် မြန်မာနိုင်ငံသားများထံသို့ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၁) ၊ ပြည်ထောင်စုဝန်ကြီး ဗိုလ်ချုပ်ကြီးမိုးအောင် သွားရောက်ကြည့်ရှုအားပေးခဲ့ပါသည်။

ထိုင်းနိုင်ငံသို့ ရောက်ရှိနေသည့် နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌရုံးဝန်ကြီးဌာန (၁) ၊ ပြည်ထောင်စုဝန်ကြီး ဗိုလ်ချုပ်ကြီးမိုးအောင် သည် တာဝန်ရှိသူများလိုက်ပါလျက် ဧပြီလ (၄) ရက်နေ့၊ ဒေသစံတော်ချိန် မွန်းလွဲပိုင်းအချိန်က Phyathai Phaholyothin Hospital သို့ သွားရောက် ကြည့်ရှုအားပေးခဲ့ခြင်းဖြစ်သည်။

ပြည်ထောင်စုဝန်ကြီးက ဆေးဝါးကုသမှုခံယူနေကြသည့် မြန်မာနိုင်ငံသား တစ်ဦးချင်းစီကို ရင်းရင်းနှီးနှီးလိုက်လံနှုတ်ဆက်အားပေးကာ ထောက်ပံ့ငွေ များနှင့် စားသောက်ဖွယ်ရာများ ပေးအပ်ခဲ့ပါသည်။

ကိုးကား-နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၁)

မကြာသေးမီက လှုပ်ခတ်ခဲ့သော မြန်မာ့ငလျင်ကြောင့် ဒဏ်ရာရရှိသူများအနက် လူပေါင်း ၃၀၀ ကျော်ကို ရုရှားနိုင်ငံအရေးပေါ်ဆိုင်ရာဝန်ကြီးဌာန၏ ရွေ့လျားဆေးရုံအဖွဲ့က ကုသပေးခဲ့ကြောင်း ထိုဝန်ကြီးဌာနက သတင်းထုတ်ပြန်ထားပါသည်။

အကြီးစား ခွဲစိတ်ကုသမှု ၄ ခုအပါအဝင် ခွဲစိတ်မှုပေါင်း ၆၃ ခု ပြုလုပ်ခဲ့ပြီး လူပေါင်း ၃၀၀ ကျော်ကို ဆေးကုသပေးခဲ့ကြောင်း၊ ပြိုကျပျက်စီးနေသော အဆောက်အအုံ ၈၂ လုံး၏ ၁၂၆,၀၀၀ စတုရန်းမီတာကျော်ကို ရှာဖွေ ကယ်ဆယ်ခဲ့ကြောင်း၊ ကယ်ဆယ်ရေးသမားများက ဒရုန်းများ၊ လေ့ကျင့်ထားသော ခွေးများ အသုံးပြုခဲ့ကြကြောင်း ထုတ်ပြန်ချက်တွင် ဖော်ပြထား ပါသည်။

မတ် ၂၈ ရက်က မြန်မာနိုင်ငံ၌ လှုပ်ခတ်သည့်ငလျင်ကို ထိုင်း မိုးလေဝသ ဌာနက အင်အား ၈.၂ ရစ်ချက်စကေးအဆင့် ရှိကြောင်း ဖော်ပြထားကြ ပါသည်။ ထိုငလျင်ကြောင့် လက်ရှိအချိန်ထိ သေဆုံးသူဦးရေမှာ လူပေါင်း ၃၆၀၀ ကျော်လာ ပြီဖြစ်ကြောင်း ဖော်ပြထားပါသည်။

မတ် ၂၈ ရက်က လှုပ်ခတ်ခဲ့သော ငလျင်ကြောင့် ရုရှားသမ္မတဗလာဒီမာ ပူတင်က မြန်မာနိုင်ငံ ဝန်ကြီးချုပ်အတွက် ဝမ်းနည်းကြောင်း ဖော်ပြခဲ့ ပြီးနောက် ရုရှားအရေးပေါ်ဆိုင်ရာဝန်ကြီးဌာနမှ ကယ်ဆယ်သမားများ၊ ကျွမ်းကျင်သူများနှင့် ဆေးဘက်ဆိုင်ရာဝန်ထမ်းများကို မြန်မာနိုင်ငံသို့ စေလွှတ်ပေးခဲ့ပါသည်။ 

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃