မြန်မာနိုင်ငံတွင် လူအသေအပျောက်များစေသည့် ငလျင်ကြီးက ကမ္ဘာ့ ဘေးအန္တရာယ်တုံ့ပြန်ရေးတွင် အမေရိကန်၏ ပျောက်ဆုံးနေသောကဏ္ဍ ကို ထင်ဟပ်စေခဲ့သည်
News Image
မြန်မာနိုင်ငံတွင် မကြာသေးမီက ဖြစ်ပွားခဲ့သည့် အပြင်းထန်ဆုံး ငလျင် တစ်ခုသည် နိုင်ငံတကာ ဘေးအန္တရာယ် တုံ့ပြန်ရေးလုပ်ငန်းများတွင် အမေရိကန်ပြည်ထောင်စု၏ လိုအပ်နေသော ဦးဆောင်မှုကို ထင်ဟပ် စေခဲ့သည်။ ယခင်က ထိုကဲ့သို့သော သဘာဝဘေးအန္တရာယ်များတွင်အမေရိကန်သည် အဓိက အရေးပေါ်အကူအညီများနှင့် နည်းပညာဆိုင်ရာပံ့ပိုးမှုများကို ဦးဆောင်ပေးလေ့ရှိသော်လည်း၊ ယခုအခါတွင် ထိုကဲ့သို့သော နိုင်ငံတကာ တုံ့ပြန်မှုများ၌ ၎င်း၏အခန်းကဏ္ဍ သိသိသာသာ လျော့နည်း လာသည်ကို တွေ့ရသည်။
မြန်မာနိုင်ငံ၏ ငလျင်ဘေးသင့်ဒေသများတွင် အကူအညီများ လျင်မြန်စွာ ရောက်ရှိရေးနှင့် ပြန်လည်ထူထောင်ရေးလုပ်ငန်းများ အားနည်းနေခြင်း သည် ကမ္ဘာ့အဆင့်ဘေးအန္တရာယ် စီမံခန့်ခွဲမှုစနစ်တွင် အရေးကြီးသော ကွက်လပ်တစ်ခုကို ဖော်ပြနေသည်။ အထူးသဖြင့် နိုင်ငံရေး အခြေအနေ များ ရှုပ်ထွေးနေသောနိုင်ငံများတွင် လူသားချင်း စာနာထောက်ထားမှု ဆိုင်ရာ အကူအညီများ ပိုမိုလိုအပ်နေပါသည်။
မတ်လ ၂၈ ရက်က လှုပ်ခတ်ခဲ့သည့် ရီချက်စတာစကေး ၇.၇ အားရှိသော ငလျင်ကြီးသည် လူထောင်ချီသေဆုံးခဲ့ရပြီး အမေရိကန်၏ အဓိက လူသားချင်းစာနာမှုအကူအညီအဖွဲ့ USAID ၏ ဘတ်ဂျက်ဘီလီယံချီ ဖြတ်တောက်ခံရမှုများနောက်ပိုင်း မြန်မာကြုံတွေ့ရသည့် ပထမဆုံးသော ကြီးမားသည့် သဘာဝဘေးအန္တရာယ်ဖြစ်သည်။
ပြည်တွင်းစစ်ဒဏ်ခံနေရသည့် မြန်မာနိုင်ငံသည် ငလျင်ဘေးဆိုးကြောင့် နာလန်ထူရခက်ခဲစဉ် အမေရိကန်၏ ကမ္ဘာ့ဦးဆောင်မှု လစ်ဟာမှုကို ဝေဖန်မှုများ မြင့်တက်နေသည်။
အဆိုပါဖြစ်ရပ်သည် အမေရိကန်၏ ကမ္ဘာ့ဘေးအန္တရာယ်တုံ့ပြန်ရေးတွင် ဦးဆောင်မှုလျော့နည်းလာပြီး ၎င်း၏ပြိုင်ဘက်နိုင်ငံများအား နေရာလွတ် ပေးလိုက်သည့် အခြေအနေကို ထင်ဟပ်စေသည်။ မြန်မာကဲ့သို့ ပဋိပက္ခ ဒဏ်ခံနိုင်ငံများတွင် အရေးပေါ်အကူအညီများ လိုအပ်နေချိန်တွင် ထို ကဲ့သို့သော နိုင်ငံတကာ ပူးပေါင်းဆောင်ရွက်မှု အားနည်းခြင်းသည် ပိုမို ကြီးမားသော လူမှုရေးနှင့် နိုင်ငံရေး အကျပ်အတည်းများကို ဖြစ်ပေါ်စေ နိုင်သည်။
မြန်မာနိုင်ငံသားများ၏ အသက်အိုးအိမ်စည်းစိမ်များ ကာကွယ်ရန်နှင့် ပြန်လည်ထူထောင်ရေးလုပ်ငန်းများ အရှိန်အဟုန်ဖြင့် ဆောင်ရွက်နိုင်ရန် နိုင်ငံတကာအသိုင်းအဝိုင်း၏ ပိုမိုထိရောက်သော ပူးပေါင်းပါဝင်မှုများ အရေးတကြီးလိုအပ်နေပါသည်။
အဆိုပါဖြစ်ရပ်သည် နိုင်ငံတကာအသိုင်းအဝိုင်းအနေဖြင့် သဘာဝဘေး အန္တရာယ်များနှင့် လူမှုအကျပ်အတည်းများကို တုံ့ပြန်ရာတွင် ပိုမို ပူးပေါင်း ဆောင်ရွက်ရန်၊ အထူးသဖြင့် အမေရိကန်ကဲ့သို့သော အင်အားကြီး နိုင်ငံ များ၏ ဦးဆောင်မှုကို ပြန်လည်အသက်သွင်းရန် အရေးတကြီး လိုအပ် ကြောင်း သတိပေးနေပါသည်။ မြန်မာနိုင်ငံသားများ၏ အသက်အိုးအိမ် စည်းစိမ်များ ကာကွယ်ရန်အတွက် နိုင်ငံတကာ အဖွဲ့အစည်းများ၏ ပိုမို ထိရောက်သော ပူးပေါင်းပါဝင်မှုများ လိုအပ်နေပါသည်။
ကိုးကား-CNN
ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
