တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၁၈ ရက် နံနက် ၇ နာရီတွင် မကွေးတိုင်းဒေသကြီး၊ စေတုတ္တရာမြို့နယ်၊ မြေနီကုန်းကျေးရွာ၌ သေနတ်ဖြင့် ပစ်ခတ်ခံရ၍ အမျိုးသား သုံးဦး သေဆုံးသွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါကျေးရွာနေ ကျေးရွာအုပ်ချုပ်ရေးမှူး ဦးဝင်းသောင်း(၆၂)နှစ်၊ ရာအိမ်မှူး ဦးမြသောင်း(၆၈)နှစ်နှင့် ဆယ်အိမ်မှူး ဦးအောင်မြင့်ကြည်(၅၇)နှစ်တို့သည် ၎င်းတို့၏နေအိမ်အသီးသီး၌ ရှိနေစဉ် PDF အမည်ခံ အကြမ်းဖက်အဖွဲ့ အင်အား ၃၀ ဦးခန့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတို့ သုံးဦးတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ခြင်းဖြစ်ကြောင်း သိရသည်။
ထိုသို့ အုပ်ချုပ်ရေးပိုင်းဆိုင်ရာ တာဝန်ရှိသူများအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ အကြောင်းမဲ့ ပစ်ခတ်သတ်ဖြတ်မှု ကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း သတင်းရရှိသည်။

Source: www.moha.gov.mm

လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၁၈ ရက် နံနက် ၁၁ နာရီ ၂၅ မိနစ်တွင် မကွေးတိုင်းဒေသကြီး၊ မြိုင်မြို့နယ်၊ တွင်းမကျေးရွာသို့ PDF အမည်ခံ အကြမ်းဖက်အဖွဲ့က Drone ဖြင့် Drop Bomb များ ပစ်ချတိုက်ခိုက်ခဲ့ရာ ကျေးရွာအတွင်း Drop Bomb များ ကျရောက်ပေါက်ကွဲခဲ့မှုကြောင့် အဆိုပါကျေးရွာနေသူများဖြစ်ကြသည့် ဦးတင်မောင်(၉၀)နှစ်နှင့် ဒေါ်ပေါ(၈၃)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့၍ ကျေးရွာ၌ ဆေးကုသပေးလျက်ရှိကြောင်း သိရသည်။

ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော မြို့၊ ရပ်ကွက်၊ ကျေးရွာအတွင်းသို့ အကြမ်းဖက်သမားများမှ တိုက်ပွဲများဖော်ဆောင်ခြင်းနှင့် လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများ လုပ်ဆောင်မှုကြောင့် အပြစ်မဲ့ အရပ်သားပြည်သူများ ထိခိုက်ဒဏ်ရာရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့် ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိသည်။

Source: www.moha.gov.mm

လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၁၈ ရက် မွန်းလွဲ ၁ နာရီ ၁၀ မိနစ်တွင် တနင်္သာရီတိုင်းဒေသကြီး၊ ထားဝယ်မြို့နယ်ပြည်သူ့ဆေးရုံသို့ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသား နှစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ရေဖြူမြို့နယ်၊ ဇီးကျကျေးရွာသို့ PDF အမည်ခံ အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ စိန်ပြောင်းများဖြင့် ပစ်ခတ်တိုက်ခိုက်ခဲ့ရာ ဇီးကျကျေးရွာရှိ တိုးဂိတ်အနီး ရော်ဘာခြံအတွင်းသို့ စိန်ပြောင်းဗုံးသီး တစ်လုံး ကျရောက်ပေါက်ကွဲခဲ့မှုကြောင့် ရော်ဘာခြံ၌ အလုပ်လုပ်ကိုင်နေသူများဖြစ်ကြသည့် ဇီးကျကျေးရွာနေ ဦးသိန်းဇော်(၄၄)နှစ်နှင့် ကိုသက်တင်ဦး(၂၂)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော မြို့၊ ရပ်ကွက်၊ ကျေးရွာအတွင်းသို့ အကြမ်းဖက်သမားများမှ တိုက်ပွဲများဖော်ဆောင်ခြင်းနှင့် လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများ လုပ်ဆောင်မှုကြောင့် အပြစ်မဲ့ အရပ်သားပြည်သူများ ထိခိုက်ဒဏ်ရာရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့် ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိသည်။

Source: www.moha.gov.mm

အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၁၇ ရက် မွန်းတည့် ၁၂ နာရီတွင် ချင်းပြည်နယ်၊ ဟားခါးမြို့နယ်ပြည်သူ့ဆေးရုံသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ဟားခါးမြို့နယ်၊ ဈေးသစ်ရပ်ကွက်နေ ဦးဇိန်ထောင်း(၇၀)နှစ်သည် အဆိုပါရပ်ကွက်ရှိ ကျောဘုတ်ဘုန်းကြီးကျောင်းအနီး၌ ရေပိုက်ပြုပြင်နေစဉ် CDF အမည်ခံ အကြမ်းဖက်အဖွဲ့က ထောင်ထားသည့် မိုင်း တစ်လုံးအား နင်းမိပေါက်ကွဲခဲ့သဖြင့် ၎င်းတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။

အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။

Source: www.moha.gov.mm

၂၀၂၅ ခုနှစ်၊ မတ် ၁၈ ရက်က ပဲခူးတိုင်းဒေသကြီး၊ ရွှေတောင်မြို့နယ်၌ အကြမ်းဖက်ဖောက်ခွဲရေးပြုလုပ်ရန် လက်လုပ်မိုင်းသယ်ဆောင်လာစဉ် ပေါက်ကွဲမှုဖြစ်ပွား၍ အကြမ်းဖက်သမား အမျိုးသား တစ်ဦးအား ထိခိုက်ဒဏ်ရာများဖြင့် ဖမ်းဆီးရမိခဲ့သည်။ 
ဖြစ်စဉ်မှာ ၂၀၂၅ ခုနှစ်၊ မတ် ၁၈ ရက် ည ၈ နာရီ ၅၀ မိနစ်တွင် ပဲခူးတိုင်းဒေသကြီး၊ ရွှေတောင်မြို့နယ်၊ ကြာနီကန်ရပ်ကွက်၌ ပေါက်ကွဲမှုဖြစ်ပွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ရွှေတောင်မြို့နယ်၊ ယွန်းတန်းရပ်ကွက်နေ သန်းထိုက်(၅၂)နှစ်သည် အကြမ်းဖက်ဖောက်ခွဲမှုပြုလုပ်ရန် ဘေးတွဲဆိုင်ကယ်ဖြင့် လက်လုပ်မိုင်းများအား တင်ဆောင်မောင်းနှင်လာစဉ် ကြာနီကန်ရပ်ကွက်၊ တည်ကုန်းရွာသစ်လမ်းပေါ်အရောက် ပေါက်ကွဲမှုဖြစ်ပွားခဲ့ပြီး သန်းထိုက်တွင် မိုင်းပေါက်ကွဲစ ထိမှန်ဒဏ်ရာများရရှိကာ ၎င်းနေရာအနီးမှ မပေါက်ကွဲသေးသည့် လက်လုပ်မိုင်း တစ်လုံးအား တွေ့ရှိရသဖြင့် ဒဏ်ရာရရှိသူ တရားခံ သန်းထိုက်အား ဆေးကုသနိုင်ရေး ရွှေတောင်မြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။
အထက်ပါဖြစ်စဉ်မှ အကြမ်းဖက်ဖောက်ခွဲရေးပြုလုပ်ရန် လက်လုပ်မိုင်းသယ်ဆောင်သူ တရားခံ သန်းထိုက်အား ဥပဒေနှင့်အညီ ထိရောက်စွာအရေးယူနိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များအနေဖြင့် လိုအပ်သည့် လုံခြုံရေးလုပ်ငန်းများ ဆက်လက်ဆောင်ရွက်လျက်ရှိကြောင်း သတင်းရရှိသည်။

Source: www.moha.gov.mm

၂၀၂၅ ခုနှစ်၊ မတ် ၆ ရက် ည ၇ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ (၁၄၄)ရပ်ကွက်၊ ဆင်ဖြူရှင်လမ်း၊ အမှတ်(၅၄၆/၅၄၇)ရှိ ဂိုဒေါင်အား သတင်းအရ ဝင်ရောက်ရှာဖွေရာ သန်းလွင်၊ ဝေယျာအောင်(ခ)သားကြီး၊ သန့်ကောင်းဆက်(ခ)ပေါင်ချိန်၊ ရဲရင့်နိုင်၊ လှသန်းဦး(ခ)ရာကွတ်တို့ ငါးဦးအား အိုက်စ်(မက်သ်အဖက်တမင်း) ၁ ဒသမ ၂ တန်၊ TOYOTA HILUX မော်တော်ယာဉ် တစ်စီး၊ TOYOTA LAND CRUISER မော်တော်ယာဉ် တစ်စီးနှင့် MERCEDES BENZ မော်တော်ယာဉ် တစ်စီးတို့နှင့်အတူ ဖမ်းဆီးရမိခဲ့ကြောင်း စစ်ဆေးဖော်ထုတ်ချက်အရ သိမ်းဆည်းရမိ အိုက်စ်(မက်သ်အဖက်တမင်း) များအား “ဝ” ကိုယ်ပိုင်အုပ်ချုပ်ခွင့်ရဒေသ၊ ပန်ဆန်းမြို့တွင်နေထိုင်သူ တင်မောင်ဝင်း၏အစီအမံဖြင့် သန်းလွင်မှ တာဝန်ခံ သယ်ဆောင်ရောင်းဝယ်ခြင်းဖြစ်ပြီး သန်းလွင်ထံမှ အိုက်စ်(မက်သ်အဖက်တမင်း) များအား ရန်ကုန်မြို့တွင် တစ်ဆင့်ပြန်လည်ရောင်းချသူ ဟိန်းစည်သူ(ခ)ဇော်ဇော်အောင်(ခ)အောင်ကိုကို (ခ)ထင်လင်းပြည့်အား သာကေတမြို့နယ်၊ ရှုခင်းသာလမ်းတွင်လည်းကောင်း၊ စိတ်ပြောင်းဆေးဝါးများအား တစ်ဆင့်ပြန်လည်ရောင်းချရန် ချိတ်ဆက်ပေးသူ တင်လှ(ခ)စသစ်အား ဒဂုံမြို့သစ်(တောင်ပိုင်း) မြို့နယ်၊ (၁၀၄)ရပ်ကွက်တွင်လည်းကောင်း ဖမ်းဆီးရမိခဲ့ကြောင်း သိရှိရပါသည်။ 
သတင်းကွင်းဆက်အရ ည ၉ နာရီ ၃၀ မိနစ်တွင် မြောက်ဥက္ကလာပမြို့နယ်၊ (ဌ)ရပ်ကွက်၊ သုဓမ္မာလမ်းမကြီးတွင် ကျော်ကျော်သိန်း(ခ)ကျော်ကျော်(ခ)အသေးလေး မောင်းနှင်လာသည့် HYUNDAI BOX ယာဉ်ကိုရှာဖွေရာ ယာဉ်ပေါ်မှ အိုက်စ်(မက်သ်အဖက်တမင်း) ၁ ဒသမ ၂၆၅ တန်နှင့် ကက်တမင်း ၂၀၀ ကီလို ဖမ်းဆီးရမိခဲ့ကြောင်း၊  စစ်ဆေးဖော်ထုတ်ချက်အရ အဆိုပါစိတ်ပြောင်းဆေးဝါးများကို မလေးရှားပင်လယ်ရေပြင်သို့ ချိတ်ဆက်ပို့ဆောင်ရောင်းချရန် စီမံခန့်ခွဲသူမှာ AA စီးပွားရေးတာဝန်ခံ ရဲဝင်း(ခ)ကျော်စိုးလင်းနှင့် ၎င်း၏ဇနီး ရွှေကောင်းသာစက်လှေပိုင်ရှင် မသီတာမြင့်တို့ဖြစ်ကြောင်း၊ ရန်ကုန်မြို့တွင် မူးယစ်ဆေးဝါးများလက်ခံ၍ ရွှေကောင်းသာစက်လှေဖြင့် မလေးရှားပင်လယ်ပြင်သို့ တာဝန်ခံပို့ဆောင်သူ မင်းမင်းစိုးအား ရှမ်းပြည်နယ်(တောင်ပိုင်း)၊ လွိုင်လင်မြို့တွင် ဖမ်းဆီးရမိခဲ့ကြောင်း၊ ၎င်းသည် ၂၀၂၃ ခုနှစ်၊ ဖေဖော်ဝါရီတွင် မူးယစ်ဆေးဝါးများအား မလေးရှားပင်လယ်ပြင်သို့ ရွှေကောင်းသာစက်လှေဖြင့် တင်ပို့ခဲ့ကြောင်းနှင့် မလေးရှားသို့ မူးယစ်ဆေးဝါးများ ပို့ဆောင်ရာတွင် ဦးစီးလုပ်ကိုင်သူ မျိုးမင်းစိုး(ခ)ကိုမျိုးအား မြောက်ဉက္ကလာပမြို့နယ်၊ သုဓမ္မာလမ်းမကြီးတွင် CELSIOR ယာဉ်နှင့်အတူ ဖမ်းဆီးရမိခဲ့ပြီး ၎င်းနေထိုင်သည့် ဒဂုံမြို့သစ်(မြောက်ပိုင်း)မြို့နယ်၊ (၄၉)ရပ်ကွက်ရှိ နေအိမ်မှ အိုက်စ်(မက်သ်အဖက်တမင်း) ၁ တန် ထပ်မံသိမ်းဆည်းရမိခဲ့ပြီး စိတ်ပြောင်းဆေးဝါးများအား မလေးရှားပင်လယ်ပြင်သို့ ရွှေကောင်းသာစက်လှေဖြင့် သယ်ဆောင်ရာတွင် ပူးပေါင်းပါဝင်သည့် ကျော်ဝေထွန်း၊ သိန်းထွန်း(ခ)သန့်ဇင်၊ ရန်ရှင်းအောင်နှင့် ဇော်ဇော်အောင်တို့အား ဆိပ်ကြီးခနောင်တို မြို့နယ်၊ ဆမားဒူးဝါအပိုင်း(၄)ရပ်ကွက်၌ ရွှေကောင်းသာစက်လှေနှင့်အတူ ဖမ်းဆီးရမိခဲ့သဖြင့် စုစုပေါင်း ဒေသကာလတန်ဖိုး ငွေကျပ် ၉၆ ဒသမ ၆၂၅ ဘီလီယံတန်ဖိုးရှိ အိုက်စ်(မက်သ်အဖက်တမင်း) ၃ ဒသမ ၄၆၅ တန်နှင့် ကက်တမင်း ၂၀၀ ကီလိုတို့ကို ဖမ်းဆီးရမိခဲ့ကြောင်း။ 
AA စီးပွားရေးတာဝန်ခံ ရဲဝင်း(ခ)ကျော်စိုးလင်းနှင့် ၎င်း၏ဇနီး မသီတာမြင့်တို့သည် တန့်ယန်း၊ တောင်ကြီး၊ မန္တလေးနှင့် ရန်ကုန်မြို့တို့တွင် မော်တော်ယာဉ်ဂိတ်များဖွင့်လှစ်၍ ၎င်းတို့ပိုင် ခရီးသည်တင်မှန်လုံယာဉ် ၁၆ စီးဖြင့် သယ်ယူပို့ဆောင်ရေးလုပ်ငန်းများ လုပ်ကိုင်လျက်ရှိကြောင်း သိရှိရသဖြင့် ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားရှိပြီး မူးယစ်ဆေးဝါးသယ်ဆောင်ရောင်းဝယ်ရာမှရရှိသည့် ငွေကြေးအကျိုးအမြတ်များ၊ ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှုတိုက်ဖျက်ရေးဥပဒေဖြင့် ဆက်လက်အရေးယူနိုင်ရေး ဆောင်ရွက်လျက်ရှိကြောင်း သတင်းရရှိသည်။

Source: www.moha.gov.mm

တောင်ကိုရီးယား နိုင်ငံခြားရေးဝန်ကြီး Cho Tae-yul သည် ယူကရိန်း နိုင်ငံခြားရေးဝန်ကြီး Andrii Sybiha နှင့် ဖုန်းခေါ်ဆိုစဉ်အချိန်အတွင်း မြောက်ကိုရီးယားစစ်သုံ့ပန်းများကို ကိုင်တွယ်မှုနှင့်ပတ်သက်၍ ယူကရိန်း၏ ပူးပေါင်းဆောင်ရွက်မှုများကို တောင်းဆိုခဲ့သည်ဟု တောင်ကိုရီးယား နိုင်ငံခြားရေးဝန်ကြီးဌာနက ပြောကြားခဲ့ပါသည်။

မြောက်ကိုရီးယားအစိုးရသည် ရုရှားနှင့်ယူကရိန်းအကြား ဖြစ်ပွားနေသည့် စစ်ပွဲတွင် ရုရှားဘက်မှ ပါဝင်တိုက်ခိုက်ပေးရန်အတွက် ၎င်း၏တပ်ဖွဲ့ဝင် ထောင်နှင့်ချီ၍ စေလွှတ်ဖြန့်ကြက်ချထားခဲ့သည်ဟု အမေရိကန်၊ တောင်ကိုရီးယားနှင့် ယူကရိန်းတို့က စွပ်စွဲပြောဆိုခဲ့ခြင်းလည်း ဖြစ်ပါ သည်။

သို့သော်လည်း အမေရိကန်၊ တောင်ကိုရီးယားနှင့် ယူကရိန်းတို့၏ စွပ်စွဲပြောဆိုချက်များကို ရုရှားနှင့် မြောက်ကိုရီးယားအစိုးရတို့က ငြင်းဆန်ပယ်ချခဲ့ကြောင်းလည်း သိရပါသည်။ ထို့အပြင် ယူကရိန်းပြည်သူများကို ထောက်ခံရန်အတွက် တောင်ကိုရီးယား၏ ကြိုးပမ်းမှုများကို Cho Tae-yul က ထပ်မံအတည်ပြုပြောဆိုခဲ့ပြီး ယူကရိန်း၌ ဖမ်းဆီးခံထားရသည့် မြောက်ကိုရီးယားစစ်သားအားလုံးအနေဖြင့် တောင်ကိုရီးယားသို့ လာရောက်ရန် ဆန္ဒရှိပါက လက်ခံသွားမည်ဟုလည်း တောင်ကိုရီးယား နိုင်ငံခြားရေးဝန်ကြီးဌာနကပြောကြားခဲ့ပါသည်။

၂၀၂၅ ခုနှစ်၊ ဇန်နဝါရီလအစောပိုင်းမှစတင်ပြီး ရုရှားနှင့် ဖြစ်ပွားနေသည့် စစ်ပွဲအတွင်း မြောက်ကိုရီးယားစစ်သား ၃၀၀၀ ကျော် သေဆုံး/ ထိခိုက် ဒဏ်ရာရရှိခဲ့သည်ဟု ယူကရိန်းအစိုးရကပြောကြားခဲ့ပါသည်။

ကိုးကား-NP News

Kursk ဒေသမှ စွန့်ခွာထွက်ပြေးသွားကြသည့် ယူကရိန်း စစ်တပ်၏ နေတိုးစစ်လက်နက်ပစ္စည်းများနှင့် စစ်ပွဲသုံးကားများကို ရုရှားစစ်သည် များက လိုက်လံ သိမ်းဆည်းလျက်ရှိပါသည်။

ရုရှားအစိုးရ၏ လက်နက်မချလျင် အသက်ရှင်လျက် ရုရှားပိုင်နက်က ထွက်နိုင်မည်မဟုတ်ဟူသော ရာဇသံပေးပြီးနောက် ယူကရိန်းစစ်သည်များ ထွက်ပြေးနေကြပြီး သံချပ်ကာယာဉ်များ၊ တင့်ကားများနှင့် အမြောက်လက်နက် အမြောက်အမြား ကျန်ရစ်ခဲ့သည်ဟု သတင်းရရှိပါသည်။

ကိုးကား- ကရင်မလင်

Photo: NBC News

ရုရှားပိုင် Kursk ဒေသအတွင်းရှိ ဝိုင်းဝန်းပိတ်ဆို့ခံထားရသော ယူကရိန်း စစ်သားများအား မည်သည့်အရေးယူမှုမျှ မပြုလုပ်ရန် ပူတင်အား စည်းရုံးမည်ကြောင်း Trump က ပြောကြားခဲ့သည်။

“မတ်လ ၁၈ ရက်နေ့တွင် ရုရှားတပ်တွေ ဝိုင်းရံထားသည့် ယူကရိန်း စစ်သားများကို ကယ်တင်နိုင်ရန်အတွက် ရုရှားသမ္မတ ပူတင်နှင့် စကားပြောမည်ဖြစ်ကြောင်း၊ သတင်းစာရှင်းလင်းပွဲတစ်ခုမှာ မိမိအနေဖြင့် အချက်အလက်အများကြီးပေးမည်ဖြစ်ကြောင်း၊ သို့သော် အဆိုပါ ကိစ္စသည် အမှန်တကယ့်ကို အရေးကြီးသည့် ကိစ္စဖြစ်ကြောင်း၊ ယူကရိန်း စစ်သည်များကို ဝိုင်းထားကြသည့်အတွက် မိမိတို့အနေဖြင့် ကယ်တင်မပေးပါက ၎င်းတို့၏ ကံကြမ္မာက ဝမ်းနည်းစရာဖြစ်မည်ဆိုသည်မှာ သေချာပါကြောင်း၊ လောလောဆယ်အနေဖြင့် ၎င်းတို့ကို မည်သည့်အရေးယူမှုမျှ မပြုလုပ်ရန် စည်းရုံးနိုင်ခဲ့ကြောင်း” ထရမ့်က ပြောကြားခဲ့ပါသည်။

ကိုးကား-The White House

အီးယူသည် အမေရိကန်လုပ်လက်နက်များအပေါ် မှီခိုအားထားမှုကို ဖြတ်တောက်ပြီး အခြားရွေးချယ်စရာများကို ဦးစားပေးလုပ်ဆောင်သင့်ကြောင်း ပြင်သစ်သမ္မတ Emmanuel Macron က ပြောကြားခဲ့ ပါသည်။ မတ်လ ၁၅ ရက်နေ့က ပြင်သစ်မီဒီယာနှင့်အင်တာဗျူးတွင် Macron က အီးယူ၏ လက်နက်တပ်ဆင်ရေး ကြိုးပမ်းမှုများတွင် အဖွဲ့ဝင် နိုင်ငံများသည် “အမေရိကန်မှ စစ်လက်နက်ပစ္စည်းများ ဝယ်ယူခြင်း” ကို ရပ်တန့်ပြီး ဥရောပကာကွယ်ရေးပစ္စည်း ထုတ်လုပ်သူများထံမှဝယ်ပါက ပိုမိုထိရောက်မှုရှိမည်ဟု ပြောဆိုလိုက်ပါသည်။ 

အဆိုပါမှတ်ချက်များသည် ဥရောပကော်မရှင်ဥက္ကဋ္ဌ Ursula von der Leyen ၏ မကြာသေးမီက အဆိုပြုခဲ့သည့် အီးယူ၏ စုပေါင်းကာကွယ်ရေးကို အားကောင်းစေရန် ယူရို ၈၀၀ ဘီလီယံ (ဒေါ်လာ ၈၇၅ ဘီလီယံ) အထိ ရရှိရန်လုပ်ဆောင်ကြရမည်ဟု ပြောဆိုခဲ့မှုအပြီး ထွက်ပေါ်လာခြင်း ဖြစ်သည်။ရုရှား၏ ခြိမ်းခြောက်မှုများကို ပြန်လည်တုန့်ပြန်ရန်ဟူသော ရည်ရွယ်ချက်ဖြင့်   ReArm အစီအစဉ်ကို ဘရပ်ဆဲလ်က လုပ်ဆောင်မည် ဟု ဆိုသည်။ သို့သော် ရုရှားက အဆိုပါစွပ်စွဲပြောဆိုမှုများကို အခြေအမြစ် မရှိကြောင်းတုန့်ပြန်ခဲ့သည်။ Macron သည် မကြာသေးမီက ပြင်သစ် ကာကွယ်ရေးပစ္စည်းထုတ်လုပ်မှုလုပ်ငန်းရှင်များနှင့် တွေ့ဆုံခဲ့ပြီး ၎င်းတို့အား အမေရိကန်အစား အခြားရွေးချယ်စရာများအဖြစ် ရပ်တည်ရန် အားပေး ခဲ့ကြောင်း ပြောကြားခဲ့ပါသည်။ “အီးယူ၏ အကောင်းဆုံး ထုတ်ကုန်များ အတွက် နည်းစနစ်များရှိထားပြီးဖြစ်၍ အမေရိကန်မှ လက်နက်ဝယ်ယူလေ့ ရှိသော ဥရောပနိုင်ငံများထံ ချဉ်းကပ်ကာ လက်နက်များ ထုတ်လုပ် ရောင်းချ နိုင်ရေး ထုတ်လုပ်သူများအား အကြံပြုခဲ့ကြောင်းနှင့် အမေရိကန်ထုတ် လက်နက်များနှင့် ဒုံးကျည်ကာကွယ်ရေး စနစ်များ၏ အရည်အသွေးနှင့် တန်းတူထုတ်လုပ်နိုင်ရန်လိုအပ်ပြီး ပစ္စည်းနမူနာများရယူကာ အရည်အသွေး ပြည့်မီစွာထုတ်လုပ်ရန် ပြောထားပါသည်” ဟု Macron ကဆိုသည်။

အီးယူကုန်ပစ္စည်းများအပေါ် အခွန်စည်းကြပ်ရန် မကြာသေးမီက အမေရိကန်သမ္မတ ဒေါ်နယ်ထရမ့်၏ ခြိမ်းခြောက်မှုများအား တုန့်ပြန်သည့် အနေဖြင့်အမေရိကန်ထုတ်လက်နက်များအစား ၎င်းတို့၏ ကိုယ်တိုင်ထုတ် လက်နက်များကိုသာအသုံးပြုကြရန် စည်းရုံးမှုထွက်ပေါ်လာခြင်း ဖြစ်သည်။ “အင်အားကြီးနိုင်ငံများ၏ ရပ်တည်ချက်ပြောင်းလဲမှုများနှင့် ရင်ဆိုင် ရသည့်အခါ အီးယူနိုင်ငံများအနေဖြင့် ၎င်းတို့အပေါ် မှီခိုမှုနည်းရန် လိုအပ်ပြီး ကိုယ်ပိုင်ထုတ်လုပ်မှုနှင့် နည်းဗျူဟာများကို ဖွံ့ဖြိုးတိုးတက် စေခြင်းဖြင့် ကာကွယ်ရေးနှင့် နည်းပညာဆိုင်ရာကိစ္စရပ်များတွင် ပိုမို လွတ်လပ်စွာရပ်တည်နိုင်ရန် အီးယူ၏ အချုပ်အခြာအာဏာပိုင်မူဝါဒကို အရှိန်မြှင့်တင်ရန် လိုအပ်ပါသည်” ဟု Macron က ပြောကြားခဲ့သည်။

ကိုးကား-RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂