ဂျပန်မော်တော်ကား ဆူဇူကီး Suzuki ကော်ပိုရေးရှင်း အကြီးအကဲ Osamu Suzuki သည် ဒီဇင်ဘာ ၂၇ ရက်နေ့က အသက် ၉၄ အရွယ်တွင် ကွယ်လွန်သွားပြီ ဖြစ်ကြောင်း အဆိုပါကုမ္ပဏီက ပြောကြားလိုက် ပါသည်။
ခရီးသည် ၁၇၅ ဦးနှင့် လေယာဉ်မှူးဝန်ထမ်း ၆ ဦး လိုက်ပါလာသော တောင်ကိုရီးယား ဂျေဂျုး လေကြောင်း လိုင်း၏ ခရီးသည်တင်လေယာဉ်ဘိုရင်း 737-800 သည် ဒီဇင်ဘာ ၂၉ ရက်နေ့ ဒေသစံတော်ချိန် ၉:၀၀ နာရီတွင် Muan ကောင်တီ လေဆိပ်သို့ ဆင်းသက်ချိန်တွင် ပျက်ကျ၍ အနည်းဆုံး ၁၇၉ ဦး သေဆုံးသွားကြောင်း ၊ လေယာဉ်တစ်စီးလုံး လုံးဝပျက်စီးသွားကြောင်း ဒေသ ဆိုင်ရာမီးသတ်ဌာနက CNN ကို ပြောကြားလိုက်ပါ သည်။
ထိုလေယာဉ်သည် ထိုင်းနိုင်ငံ ဘန်ကောက်မှ ထွက်ခွာ လာခြင်းဖြစ်ပြီး သေဆုံးသူဦးရေ ထပ်မံတိုးမြင့်လာဖွယ် ရှိကြောင်း ဆက်လက်ပြောကြားထားပါသည်။
ဝါရှင်တန်နှင့် လန်ဒန်တို့က ဆီးရီးယားရှိ ရုရှားစစ် အခြေစိုက်စခန်းများကို တိုက်ခိုက်မှုများလုပ်ဆောင်ရာတွင် အိုင်အက်စ်တိုက်ခိုက်ရေးသမားများကို အသုံးပြုရန် ရည်ရွယ်ထားကြောင်း ရုရှားနိုင်ငံခြားရေး ထောက်လှမ်း ရေးဌာန (SVR) က သတိပေးခဲ့သည်။
ဆီးရီးယားသမ္မတ Bashar Assad အစိုးရ ပြုတ်ကျ သွားပြီးနောက်ပိုင်းတွင် ဝါရှင်တန်နှင့် လန်ဒန်တို့သည် ဒေသတွင်း၌ ရေရှည်လွှမ်းမိုးမှုရရှိရန် အရှေ့အလယ်ပိုင်း တွင် မငြိမ်မသက်မှုကို ဖော်ဆောင်ရန် ရည်မှန်းချက် ထားရှိကြောင်း အေဂျင်စီက ဒီဇင်ဘာ ၂၈ ရက်နေ့တွင် ထုတ်ပြန်ခဲ့သည်။
ဂျာမနီ၏ လေကြောင်းရန် ကာကွယ်ရေးစနစ်များသည် ရုရှား၏ အသံထက်မြန်သော Oreshnik ဒုံးကျည် များအား ထိရောက်စွာ ကာကွယ်နိုင်စွမ်းမရှိဟု ဂျာမန် နိုင်ငံခြားရေးဝန်ကြီးဌာန၏ ပြောကြားချက်ကို ကိုးကား၍ Bild က ဖော်ပြသည်။