အမေရိကန်နိုင်ငံတွင် ပင်လယ်ရေမျက်နှာပြင် မြင့်တက်လာသည်နှင့်အမျှ ဒီရေတောများ ပိုမိုပျက်စီးလာ

saceditor

News Image

  • အမေရိကန်နိုင်ငံတွင် ပင်လယ်ရေမျက်နှာပြင် မြင့်တက်လာသည်နှင့်အမျှ ဒီရေတောများ ပိုမိုပျက်စီးလာ

ဝါရှင်တန်    ဧပြီ ၂၁

အမေရိကန်နိုင်ငံတွင် ပင်လယ်ရေမျက်နှာပြင်မြင့်တက်လာသည်နှင့်အမျှ ဒီရေတောများ ပိုမိုပျက်စီးလာကြောင်း ယနေ့သတင်းများအရ သိရသည်။

ကမ်းရိုးတန်းတစ်လျှောက်တွင် သဘာဝအတိုင်းပေါက်ရောက်နေသော ဒီရေတောများသည် ပင်လယ်ရေမျက်နှာပြင်မြင့်တက်လာသည်နှင့်အမျှ ရေငန်များ ဝင်ရောက်မှုများပြားကာ ဒီရေတောအတွင်း ပေါက်ရောက်နေသော သစ်ပင်များ ခြောက်သွေ့ကာ စိမ့်မြေများ ပျက်စီးသွားကြောင်း သိရသည်။

“ပင်လယ်ရေမျက်နှာပြင် မြင့်တက်လာတော့ မြေဆီလွှာအပေါ်ပိုင်းမှာ ရေငန်‌တွေ ပိုမိုများလာပါတယ်။ ဒီရေတောတွေပျက်စီးတော့ မုန်တိုင်းနဲ့ ဒီရေလှိုင်းဒဏ်ကို ခံနိုင်ရည် ကျဆင်းလာပါတယ်။ အချိန်မီထိန်းသိမ်းမှုတွေ မလုပ်ဘူးဆိုရင် အဏ္ဏဝါဂေဟစနစ်ကို ကမောက်ကမ ဖြစ်စေမှာဖြစ်ပါတယ်” ဟု ဝါရှင်တန်ဒီစီရှိ ဂျော့ချ်ဝါရှင်တန်တက္ကသိုလ်မှ ကမ်းရိုးတန်းဂေဟဗေဒပညာရှင် ဂီဒန်က ပြောကြားခဲ့သည်။

အမေရိကန်နိုင်ငံ အတ္တလန္တိတ် အလယ်ပိုင်းကမ်းခြေရှိ ပင်လယ်အော်တစ်လျှောက်တွင် ပေါက်ရောက်နေသော ဒီရေတောများသည် ယခုအခါ တဖြည်းဖြည်း ခြောက်သွေ့ကာ ပျက်စီးနေပြီး အဆိုပါ ဒီရေတောများသည် အဏ္ဏဝါဂေဟစနစ်အတွက် အလွန်အရေးပါပြီး ကမ်းရိုးတန်းဒေသများကို မုန်တိုင်းဒဏ်ကို ခံနိုင်ရည်ရှိစေကာ ရာသီဥတုဖောက်ပြန်မှုကို ဖြစ်စေသော ကာဗွန်ကို သိုလှောင်ပေးနိုင်ကြောင်း သိရသည်။

Source: ရတနာပုံသတင်းစာ

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဧပြီ ၂၈ ရက်မှ မေ ၃ ရက်အတွင်း နေရာကွက်၍ မိုးကြီးနိုင်
ဧပြီ ၂၈ ရက်မှ မေ ၃ ရက်အတွင်း နေရာကွက်၍ မိုးကြီးနိုင်
နေပြည်တော် ဧပြီ ၂၇ယနေ့ညနေ ၅ နာရီခွဲအချိန် တိုင်းထွာချက်များအရ အနောက်ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ ကပ္ပလီပင်လယ်ပြင်နှင့်ဘင်္ဂလားပင်လယ်အော်တို့မှ လေနွေးများနှင့် တရုတ်ပြည်မကြီးပေါ်ရှိ လေဖိအားကြီးရပ်ဝန်းဒေသမှ ရွေ့လျားလာသော လေအေးများတွေ့ဆုံမှုကြောင့်လည်းကောင်း ဧပြီ ၂၈ ရက်မှ မေ ၃ ရက်အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာပြီး အချို့ဒေသများတွင် နေရာကွက်၍ မိုးကြီးနိုင်သည်။သို့ဖြစ်ပါ၍ ပြည်သူများ အနေဖြင့် အချိန်အခါမဟုတ် မိုးရွာခြင်းနှင့်အတူ လေပြင်းများတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် မြေပြိုခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။မိုး/ဇလ
Mon, 28-Apr-2025
တရုတ်နိုင်ငံက နျူကလီးယားစွမ်းအင်အသုံးပြုမှုတွင် ကမ္ဘာ့ထိပ်တန်းအဆင့်သို့ရောက်ရှိလာ
တရုတ်နိုင်ငံက နျူကလီးယားစွမ်းအင်အသုံးပြုမှုတွင် ကမ္ဘာ့ထိပ်တန်းအဆင့်သို့ရောက်ရှိလာ
တရုတ်နိုင်ငံသည်   နျူကလီးယားစွမ်းအင်အသုံးပြုမှုတွင်  ကမ္ဘာ့ထိပ်တန်းအဆင့်သို့   ရောက်ရှိလာပြီဖြစ်ကြောင်း တရုတ်အစိုးရ၏  နျူကလီးယားစွမ်းအင်အာဏာပိုင်အဖွဲ့ (CNEA) က ဧပြီလ ၂၇ ရက်တွင်ထုတ်ပြန်သည်။“လက်ရှိအချိန်မှာ   တရုတ်နိုင်ငံကပိုင်ဆိုင်ထားပြီး လုပ်ငန်းလည်ပတ်နေဆဲ၊ တည်ဆောက်နေဆဲနှင့် တည်ဆောက်ရန် ခွင့်ပြုထားတဲ့  နျူကလီးယားစွမ်းအင်သုံး ဓာတ်အားပေးစက်ရုံပေါင်း ၁၀၂ လုံးရှိပြီး လည်ပတ်စက်စွမ်းအားက ကီလိုဝပ် ၁၁၃ သန်းရှိပါတယ်။ ဒါကြောင့် နျူကလီးယား စွမ်းအင် အသုံးပြုနိုင်မှုပမာဏမှာဆိုရင် တရုတ်နိုင်ငံက ကမ္ဘာ့ထိပ်တန်းအဆင့်ကို ပထမဆုံးအကြိမ်ရောက်ရှိလာပြီလို့ပြော လို့ရပါတယ်”ဟု ထုတ်ပြန်ချက်တွင် ဖော်ပြထားခြင်းဖြစ်သည်။တရုတ်နိုင်ငံအနေဖြင့် လက်ရှိတည် ဆောက်လျက်ရှိသော  နျူကလီးယားစွမ်းအင်သုံး ဓာတ်အားပေးစက်ရုံအလုံးပေါင်း ၂၈ လုံးအထိရှိပြီး ထိုစက်ရုံများမှထွက်ရှိလာမည့်လျှပ်စစ်ဓာတ်အားပမာဏသည် ကီလိုဝပ် ၃၃ ဒသမ ၆၅ သန်းအထိရှိမည်ဖြစ်သည်။ထို့ပြင် လက်ရှိလည်ပတ်အသုံးပြုနေ သော နျူကလီးယားစွမ်းအင်သုံးဓာတ်အားပေးစက်ရုံပေါင်း ၅၈ လုံးရှိပြီး စုစုပေါင်း လျှပ်စစ်ဓာတ်အား ကီလိုဝပ် ၆၀ ဒသမ ၉၆ သန်းကို ထုတ်လုပ်ဖြန့်ဖြူးပေးလျက်ရှိသည်။ ပြီးခဲ့သည့်နှစ်တွင် နိုင်ငံ၏စွမ်းအင်သုံးစွဲမှုပမာဏစုစုပေါင်းအနက် ၄ ဒသမ ၇၂ ရာခိုင်နှုန်းကို နျူကလီးယားစွမ်းအင်သုံး  ဓာတ်အားပေးစက်ရုံများမှ ရရှိခြင်းဖြစ် ကြောင်းသိရသည်။           Ref: SputnikSource: https://myawady.net.mm/
Mon, 28-Apr-2025
ငလျင်ဒဏ်သင့် Golden City Hotel အား ရှင်းလင်းရာမှ အမျိုးသမီး ရုပ်အလောင်း(၁)လောင်းနှင့် ရွှေငွေများ တွေ့ရှိ
ငလျင်ဒဏ်သင့် Golden City Hotel အား ရှင်းလင်းရာမှ အမျိုးသမီး ရုပ်အလောင်း(၁)လောင်းနှင့် ရွှေငွေများ တွေ့ရှိ
ငလျင်ဒဏ်ကြောင့် ပြိုကျပျက်စီးခဲ့သည့် မန္တလေးမြို့ရှိ Golden City Hotel အဆောက်အအုံအား ရှင်းလင်းရေးလုပ်ငန်းများ လုပ်ဆောင်ရာမှ အမျိုးသမီးရုပ်အလောင်း(၁)လောင်းကို ထုတ်ယူနိုင်ခဲ့ပြီး သေဆုံးသူနှင့်အတူပါရှိသည့် ရွှေနှင့် ငွေသားများအား သက်ဆိုင်ရာ တာဝန်ရှိသူများထံ လွှဲပြောင်းပေးအပ်ခဲ့ကြောင်း မီးသတ်တပ်ဖွဲ့ထံမှ သိရသည်။မန္တလေးတိုင်းဒေသကြီး၊ ချမ်းအေးသာစံမြို့နယ်၊ လမ်း ၃၀၊ ၇၀ x ၇၁ လမ်းကြားရှိ Golden City Hotel အဆောက်အအုံအား မြန်မာနိုင်ငံမီးသတ်တပ်ဖွဲ့မှ ယန္တရားများနှင့်အတူ ရှင်းလင်းရေးလုပ်ငန်းများနှင့် ရုပ်အလောင်းထုတ်ယူရေးလုပ်ငန်းများ ဆောင်ရွက်လျက်ရှိကြောင်း သိရသည်။ထိုသို့ ဆောင်ရွက်လျက်ရှိရာမှ ယနေ့ ဧပြီ (၂၇) ရက်၊ နံနက် (၁၀)နာရီ (၅)မိနစ်အချိန်တွင် အမျိုးသမီး(၁)ဦး၏ ရုပ်အလောင်းအား ထုတ်ယူနိုင်ခဲ့ပြီး သေဆုံးသူနှင့်အတူပါရှိသည့် ရွှေနားဆွဲ(၁)ရံ၊ ရွှေဆွဲကြိုး(၁)ကုံးနှင့် ငွေသား (၂၂၁၃၀၀၀) ကျပ်အား သက်ဆိုင်ရာ တာဝန်ရှိသူများထံ လွှဲပြောင်းပေးအပ်ခဲ့ကြောင်း သိရသည်။မတ်လ (၂၈)ရက်က လှုပ်ခတ်ခဲ့သည့် အင်အားပြင်းငလျင်ဒဏ်ကြောင့် နေပြည်တော်ကောင်စီနယ်မြေ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ် အရှေ့မြောက်ဒေသ၊ ပဲခူးတိုင်းဒေသကြီးတို့တွင် အဆောက်အဦ ထိခိုက်ပျက်စီး လူထိခိုက်သေဆုံးမှု အများဆုံးကြုံတွေ့ခဲ့ရပြီး လက်ရှိ ငလျင်ဘေးသင့်ဒေသအသီးသီး၌ ရှင်းလင်းရေးလုပ်ငန်းများ လုပ်ဆောင်လျက်ရှိကြောင်း သိရသည်။Source: Popular Myanmar
Mon, 28-Apr-2025
ဉာဏ်ရည်တုနည်းပညာဖြင့် အခြားနိုင်ငံများထက် အသာစီးရစေရန် ကြိုးပမ်းလာသည့် ရုရှား
ဉာဏ်ရည်တုနည်းပညာဖြင့် အခြားနိုင်ငံများထက် အသာစီးရစေရန် ကြိုးပမ်းလာသည့် ရုရှား
ရုရှားနိုင်ငံသည် လက်ရှိကာလနှင့် လာမည့်အနာဂတ်ကာလတို့တွင် ကာကွယ်ရေးနှင့် သက်ဆိုင်သည့် အရေးကိစ္စရပ်များတွင်   ဉာဏ်ရည်တုနည်းပညာကို အသုံးချခြင်းဖြင့် အသာစီးရယူနိုင်ရန် ရုရှားသမ္မတ ဗလာဒီမာပူတင်က တိုက်တွန်းလိုက်သည်ကို တွေ့ရသည်။ဉာဏ်ရည်တုနည်းပညာကို ကာကွယ်ရေးကဏ္ဍနှင့် အသုံးပြုနိုင်ခြင်းသည် အလွန်အရေးပါသည့် ဆောင်ရွက်မှုဖြစ်ပြီး မည်သည့်နိုင်ငံ၊   မည်သည့်အဖွဲ့အစည်းကဖြစ်စေ အဆိုပါနည်းပညာကို ကျွမ်းကျင်စွာအသုံးပြုနိုင်ရေး၊ အထူးသဖြင့် ကာကွယ်ရေးကဏ္ဍ၌ အသုံးပြုနိုင်ရန်အတွက် အလျင်အမြန်ကြိုးပမ်းလုပ်ဆောင်နိုင်ခြင်းသည် စစ်မြေပြင်၌ ပြိုင်ဘက်ရန်သူများအပေါ် အသာစီးရရှိနိုင်မည်ဖြစ်ကြောင်း သမ္မတပူတင်က ယခုရက်သတ္တပတ်အတွင်းက ကျင်းပခဲ့သည့် ကာကွယ်ရေးကော်မရှင်အစည်းအဝေးပွဲတစ်ခု၌ တိုက်တွန်းပြောကြားခြင်းဖြစ်သည်။ထို့ပြင် ရုရှားနိုင်ငံအနေဖြင့် အထူးစစ်ဆင်ရေးဆင်နွှဲနေသည့် နယ်မြေအတွင်းရှိ တပ်ဖွဲ့ဝင်များအတွက် လက်နက်ခဲယမ်းထောက်ပံ့ပေးနိုင်ရေးအတွက် ဦးစားပေးလုပ်ဆောင်ရန် လိုအပ်ကြောင်း ၎င်းကဆက်လက်ပြောကြားသည်။တစ်ချိန်တည်းမှာပင် ရုရှားနိုင်ငံအနေဖြင့်   ကမ္ဘာပတ်လမ်းအတွင်း၌ ထောက်လှမ်းရေးစနစ်တစ်ခု ဖွဲ့စည်းတည်ထောင်ရေးကိုလည်း အချိန်မီအပြီးသတ်လုပ်ဆောင်ရန်  အဆိုပါအစည်းအဝေး၌ ညွှန်ကြားခဲ့သည်။ အဆိုပါထောက်လှမ်းရေးစနစ်သည် ရန်သူတပ်များ၏ လုပ်ဆောင်မှု အားလုံးကို ထောက်လှမ်းနိုင်မည်ဖြစ်သည်။ကမ္ဘာပတ်လမ်းအတွင်း၌ ထောက်လှမ်းရေးစနစ်တစ်ခု ဖွဲ့စည်းတည်ထောင်ရေးကို အပြီးသတ် လုပ်ဆောင်နိုင်ပြီဆိုပါက ဘက်စုံအသုံးပြုနိုင်သည့် အာကာသယာဉ်များပါဝင်သည့် ထောက်လှမ်းရေး စနစ်ကို အသုံးပြု၍ ရုရှားတပ်ဖွဲ့ဝင်များ သွားလာရာတွင် အခက်အခဲနှင့် တွေ့ကြုံနိုင်သည့် နေရာဒေသများတွင် စုံစမ်းထောက်လှမ်းမှုများကို လုပ်ဆောင်နိုင်ရန် ရုရှားနိုင်ငံက ရည်မှန်းထားခြင်းဖြစ်သည်။တစ်နည်းအားဖြင့်ဆိုရပါမူ ရုရှားနိုင်ငံသည် ဉာဏ်ရည်တုနည်းပညာကို အသုံးပြု၍  ပြိုင်ဘက်နိုင်ငံများနှင့် ရန်လိုသည့်နိုင်ငံများအပေါ် အသာစီးရရှိနိုင်ရေးအတွက် ကြိုးပမ်းနေခြင်းလည်း ဖြစ်သည် ဟုဆိုနိုင်သည်။အဘယ့်ကြောင့်ဆိုသော် ဉာဏ်ရည်တုနည်းပညာကို  ကာကွယ်ရေးကဏ္ဍ၌ ထိရောက်စွာ အသုံးပြုနိုင်ရေးနှင့် အဆိုပါနည်းပညာတွင် အခြားနိုင်ငံများထက် သာလွန်နိုင်စေရန်အတွက် အင်အားကြီးနိုင်ငံများက သူ့ထက်ငါအပြိုင်ယှဉ်ပြိုင်ကြိုးပမ်းနေခြင်းကြောင့်ဖြစ်သည်။ထို့ပြင် လက်ရှိ ရုရှားနိုင်ငံက ဆင်နွှဲနေသည့် အထူးစစ်ဆင်ရေးမှ ရရှိသည့်အတွေ့အကြုံများကို ကမ္ဘာ့နိုင်ငံအများအပြားမှ တပ်မတော်များက နည်းဗျူဟာနှင့် စစ်လက်နက်ပစ္စည်းဆိုင်ရာ နည်းပညာရှုထောင့်မှစောင့်ကြည့်နေခြင်းကြောင့် ရုရှားအနေဖြင့် နည်းပညာပိုင်းတွင် အသာစီး ရရှိနိုင်ရေးအတွက် ကြိုးပမ်းနေခြင်းဖြစ်သည်။ရုရှားနိုင်ငံသည် ယူကရိန်းတွင် လက်ရှိဆင်နွှဲနေသည့် အထူးစစ်ဆင်ရေးအတွက် လိုအပ်သည့် နည်းပညာမြင့် ဒရုန်းများကို ၂၀၂၄ ခုနှစ် တစ်နှစ်တည်းမှာပင် အစင်းပေါင်း ၁ ဒသမ ၅ သန်းထုတ်လုပ်ပေးပို့ခဲ့ပြီးဖြစ်သည်။ ထို့ပြင် ရုရှားတပ်ဖွဲ့ဝင်များသည် သံချပ်ကာယာဉ် အစင်းပေါင်း ၄၀၀၀  ကျော်၊ တိုက်လေယာဉ်နှင့် ရဟတ်ယာဉ်အစင်းပေါင်း ၁၈၀ ကိုလည်း ပေးပို့ထားပြီးဖြစ်သည်။သို့သော် လက်ရှိအချိန်တွင် လိုအပ်ချက်များရှိနေသေးခြင်းကြောင့် ရုရှားအစိုးရအနေဖြင့် သက်ဆိုင်ရာ လေ့လာမှုများကို လုပ်ဆောင်လျက်ရှိပြီး တပ်ဖွဲ့ဝင်များ၏နေ့စဉ်လိုအပ်ချက်များကို ဖြည့်ဆည်းပေးနိုင်ရန် ကြိုးပမ်းလျက်ရှိသည်။ ရုရှားနိုင်ငံအနေဖြင့် အဆင့်မြင့်နည်းပညာသုံး ဒရုန်းများအပါအဝင် လက်နက်ဆန်းများကို ထုတ်လုပ်ရန်အတွက်လည်း    ပူတင်က ညွှန်ကြားထားပြီးဖြစ်သည်။လက်ရှိတွင် ရုရှားနိုင်ငံ၏ အီလက်ထရွန်နစ်စစ်ဆင်ရေးသုံး လက်နက်များနှင့် ဆက်သွယ်ရေး စနစ်များအား ထုတ်လုပ်နိုင်မှုသည် ပြီးခဲ့သည့် ၂၀၂၄ခုနှစ်က ထုတ်လုပ်သည့် ပမာဏနှင့် နှိုင်းယှဉ်ပါက နှစ်ဆ မြင့်တက်လာခဲ့ သည်ကိုတွေ့ရသည်။ရုရှားနိုင်ငံသည်   ကာကွယ်ရေးနည်းပညာတိုးတက်မှုကို ဦးစားပေးလုပ်ဆောင်ခဲ့ခြင်းကြောင့် ယခုအခါ အနောက်နိုင်ငံများမှ ထုတ်လုပ်ထားသည့် ဒရုန်းများကို ယှဉ်ပြိုင်ချေမှုန်းနိုင်သည့် Supercam S350 ဒရုန်းကို ထုတ်လုပ်နိုင်ခဲ့ပြီဖြစ်သည်။ အဆိုပါဒရုန်းကို     ထုတ်လုပ်ရာတွင် အဆင့်မြင့်နည်းပညာများကို အသုံးပြုထားပြီး ရုပ်ထွက်ကြည်လင်မှုရှိသည့် ဗီဒီယိုနှင့် ကင်မရာများကို တပ်ဆင်ထားခြင်းကြောင့် အကွာအဝေး ၁၂၀၀ မီတာရှိ ရန်သူ၏ ပစ်မှတ်များကို ရန်သူတပ်ဖွဲ့ဝင်များက သတိထားခြင်းမရှိဘဲ ပစ်ခတ်ချေမှုန်းနိုင်စွမ်းရှိသည်။Supercam S350 ဒရုန်းသည် အစ္စရေးနှင့် အမေရိကန်တို့က ထုတ်လုပ်ထားသည့် ဒရုန်းများနှင့်မတူသည့်အချက်မှာ ထုတ်လုပ်ရာတွင် ကုန်ကျစရိတ်နည်းပါးခြင်းဖြစ်သည်။ထို့ကြောင့် လာမည့် အနာဂတ်ကာလတွင် အခြားနိုင်ငံများမှ တပ်မတော်များအနေဖြင့် အဆိုပါဒရုန်းကို  ပိုမိုအသုံးပြုလာမည့် အလားအလာရှိသည်။ အဆိုပါဒရုန်းကို လျှပ်စစ်မော်တာဖြင့် ထိန်းချုပ်မောင်းနှင်ခြင်းဖြစ်သောကြောင့် တိတ်တဆိတ်လုပ်ဆောင်ရသည့် လျှို့ဝှက်စစ်ဆင်ရေးများအတွက် အထူးပင်သင့်လျော်မှု ရှိသည်။ ၎င်းဒရုန်း၏ ကိုယ်ပျောက်စွမ်းရည် (ရေဒါရှောင်ရှားနိုင်မှု) သည် ရန်သူ၏ တည်နေရာနှင့်ထောက်လှမ်းရေးသတင်းများကို ရယူစုဆောင်းရာတွင်လည်း များစွာသင့်တော်မှုရှိသည်ဟုဆိုသည်။ရုရှားနိုင်ငံသည် ၎င်းတို့၏အဆင့်မြင့်နည်းပညာသုံး Supercam S350 ဒရုန်းကို အာရပ်စော်ဘွားများ ပြည်ထောင်စု (ယူအေအီး) တွင် ပြီးခဲ့သည့်နှစ်အတွင်းက ကျင်းပခဲ့သည့် လေကြောင်းပြပွဲ၌ လူသိရှင်ကြား ထုတ်ဖော်ပြသခဲ့သည်။ထို့ကြောင့် ရုရှားနိုင်ငံ၏ နည်းပညာတိုးတက်မှုနှင့်အတူ စစ်မြေပြင်တွင်လက်ရှိ လိုအပ်နေသည့် လိုအပ်ချက်များကို ထိရောက်စွာဖြည့်ဆည်းနိုင်ရေးအတွက် ဉာဏ်ရည်တုနည်းပညာ တိုးတက်ရေးအတွက်  ဆက်လက်၍ ဦးစားပေးလုပ်ဆောင်နေခြင်းကြောင့် ကာကွယ်ရေးကဏ္ဍတွင် ရုရှားနိုင်ငံသည်ထိပ်တန်းနိုင်ငံတစ်နိုင်ငံအဖြစ် ဆက်လက်ရပ်တည်နေမည်ဖြစ်သည်။                           Ref;SputnikSource: https://myawady.net.mm/ 
Sun, 27-Apr-2025
ပုပ်ရဟန်းမင်းကြီး ဖရန်စစ်၏ ဈာပနအခမ်းအနားကို ရောမမြို့၌ကျင်းပ
ပုပ်ရဟန်းမင်းကြီး ဖရန်စစ်၏ ဈာပနအခမ်းအနားကို ရောမမြို့၌ကျင်းပ
ပုပ်ရဟန်းမင်းကြီး ဖရန်စစ်၏ ဈာပန အခမ်းအနားကို ရောမမြို့တော်ရှိ ဆန်တာမာရီယာ မက်ဂီရော်၌  ဧပြီလ ၂၆ ရက်တွင် ကျင်းပခဲ့ကြောင်းသိရသည်။ဈာပနအခမ်းအနားကို ဒေသစံတော်ချိန်  မွန်းလွဲ ၁ နာရီတွင် ကျင်းပခဲ့ခြင်းဖြစ်ပြီး ပုပ်ရဟန်းမင်းကြီး၏  ရုပ်အလောင်းဂူသွင်းသင်္ဂြိုဟ်ခြင်းကို  မွန်းလွဲ   ၁   နာရီခွဲတွင် အပြီးကျင်းပခဲ့ခြင်းဖြစ်သည်။    ဈာပနအခမ်းအနားကို ကာဒီနယ် ချိန်ဘာလန်ဂို၏ ဦးဆောင်မှုဖြင့် ကျင်းပခဲ့ခြင်းဖြစ်ပြီး ရိုမန်ကက်သလစ်ဘာသာဝင်တို့၏ ထုံးတမ်းဓလေ့နှင့်အညီ   လုပ်ဆောင်ခဲ့ခြင်းဖြစ်ကြောင်း သိရသည်။ပုပ်ရဟန်းမင်းကြီး၏ နောက်ဆုံးနှုတ်ဆက်ပွဲဈာပနအခမ်းအနားကို ဗာတီကန်စီးတီး၌လည်း ကျင်းပခဲ့ပြီး အဆိုပါအခမ်းအနားသို့  အမေရိကန်သမ္မတ ဒေါ်နယ်ထရမ့် အပါအဝင် နိုင်ငံ့အကြီးအကဲ   ၅၀   ခန့်တက်ရောက်ခဲ့သည်။ အဆိုပါအခမ်းအနားသို့ ရုရှားယဉ်ကျေးမှုဝန်ကြီး အိုလ်ဂါ လူဘီမိုဗာ တက်ရောက်ခဲ့ကြောင်းသိရသည်။ပုပ်ရဟန်းမင်းကြီးသည် သက်တော် ၈၉ နှစ်အရွယ် ဧပြီလ ၂၁ရက်တွင် ကွယ်လွန်ခဲ့ခြင်းဖြစ်ပြီး ၎င်း၏ဈာပနအခမ်းအနားသို့ လူပေါင်းသိန်းချီ၍    လိုက်လံပို့ဆောင်ခဲ့ကြောင်းသိရသည်။                                                         Ref: Ivt
Sun, 27-Apr-2025
နှစ်ပေါင်း ၅၀၀၀ ခန့်မှ မျိုးရိုးမြင့်မြတ်သူအမျိုးသမီး၏ရုပ်ကြွင်းကိုတွေ့ရှိ
နှစ်ပေါင်း ၅၀၀၀ ခန့်မှ မျိုးရိုးမြင့်မြတ်သူအမျိုးသမီး၏ရုပ်ကြွင်းကိုတွေ့ရှိ
ပီရူးနိုင်ငံရှိ အထွတ်အမြတ်ထားရာ မြို့တစ်မြို့ဖြစ်သည့် ကာရယ်မြို့တွင် နှစ်ပေါင်း ၅၀၀၀ ခန့်မှ မျိုးရိုးမြင့်မြတ်သူ အမျိုးသမီး တစ်ဦး၏ရုပ်ကြွင်းကို တူးဖော်တွေ့ရှိရကြောင်း ရှေးဟောင်း သုတေသနပညာရှင် များကပြောသည်။ယခုကဲ့သို့ အမျိုးသမီး၏ရုပ်ကြွင်းကို တွေ့ရှိရခြင်းသည် အမေရိကဒေသ၌ သက်တမ်းအရင့်ဆုံးသော လူနေမှုစနစ်ဗဟိုချက်တွင် အမျိုးသမီးများ၏အရေးပါသည့် အခန်းကဏ္ဍကို   ဖော်ထုတ်နိုင်စေမည် ဖြစ်သည်ဟု ပညာရှင်များကပြောသည်။အဆိုပါရုပ်ကြွင်းကို  ကာရယ်မြို့ရှိရှေးဟောင်းသုတေသနနယ်မြေဖြစ်သော အက်စပဲရိုး၌ တူးဖော်တွေ့ရှိခြင်း ဖြစ်ကြောင်း၊ ထိုရုပ်ကြွင်းကို  မံမီအဖြစ်စီရင်ထားသည့်အတွက် အရေပြား၊ လက်သည်းခွံများနှင့် ဆံပင်များရှိနေသေးကြောင်းနှင့် ကော့ယင်ငှက်နှုတ်သီးလည်း ပါဝင်ကြောင်း သုတေသနပညာရှင် ပါလိုမီနိုကပြောသည်။ပဏာမစစ်ဆေးမှုရလဒ်များအရ ထို အမျိုးသမီးသည် အသက် ၂၀ မှ ၃၅ ဝန်းကျင်ရှိကြောင်း၊ ၎င်း၏အဆင့်အတန်းကို ဖော်ပြသည့်ခေါင်းဆောင်းကို ဆောင်းထားကြောင်း တွေ့ရှိရသည်။       Ref: BPSource: https://myawady.net.mm/
Sat, 26-Apr-2025
© Copyright 2024 SAC All Rights Reserved.