ဂျပန်နိုင်ငံအပါအဝင် အမေရိကန်၏ အဓိကကုန်သွယ်ဖက်နိုင်ငံများသည် အမေရိကန် နိုင်ငံနှင့် ကုန်သွယ်မှုဆိုင်ရာ ညှိနှိုင်းဆွေးနွေးမှုများပြုလုပ်နေပြီး ယခုသီတင်းပတ်အတွင်း သဘောတူညီမှုများ ပြုလုပ်ရန် မျှော်လင့် ထားကြောင်း အမေရိကန်ဘဏ္ဍာရေးဝန်ကြီး Scott Bessent က မေလ ၆ ရက်နေ့တွင် ပြောကြားခဲ့သည်။
ယူကရိန်းအစိုးရသည် လက်ရှိတိုက်ပွဲမျဉ်းတလျှောက် ပဋိပက္ခ ကင်းမဲ့မည့် ကီလိုမီတာ ၃၀ ရှိ စစ်မဲ့ဇုန်တစ်ခု ထူထောင်ရန် ဆန္ဒရှိနေကြောင်းအမေရိကန်သမ္မတ၏ ယူကရိန်းကိုယ်စားလှယ် Keith Kellogg က ပြောကြားလိုက်ပါသည်။
Fox News နှင့် တွေ့ဆုံခန်းတွင် Kellogg က ယူကရိန်းဘက်က လက်ရှိ တည်နေရာတွင် ပဋိပက္ခကင်းမဲ့ရန် (ယာယီအပစ်အခတ်ရပ်စဲမှု)နှင့် စစ်မဲ့ဇုန်ထူထောင်ရန် ဆန္ဒရှိနေသည် ဟု ရှင်းပြခဲ့ပါသည်။
ရုရှားသမ္မတဗလာဒီမာပူတင်၏ V-Day အထိမ်းအမှတ် ၃ ရက် (၇၂ နာရီ) ယာယီအပစ်အခတ်ရပ်စဲရေး ကမ်းလှမ်းချက်ကို ယူကရိန်းဘက်မှ အထူး တလည် တုံ့ပြန်မှု မရှိသေးကြောင်း ကရင်မလင် ပြောခွင့်ရပုဂ္ဂိုလ် ဒီမီထရီ ပက်စကော့ဗ်က ပြောကြားလိုက်ပါသည်။
မော်စကိုစံတော်ချိန် မေ ၈ ရက် ညသန်းခေါင်မှ မေ ၁၁ ရက် ညသန်းခေါင်အထိ (မြန်မာစံတော်ချိန် မေ ၇ ရက် ည ၉:၀၀ မှ မေ ၁၀ ရက် ည ၉:၀၀ အထိ) ရုရှားဘက်မှ စစ်ဆင်ရေးအားလုံးကို ယာယီရပ်နားမည် ဟု ရုရှားသမ္မတက ကြေညာထားပါသည်။
“ယီမင်ရှိ ဟူသီများအနေဖြင့် မိမိတို့ကို နောက်ထပ် မတိုက်ခိုက်လိုတော့ကြောင်း ကြေညာခဲ့ပါပြီ၊ ၎င်းတို့အနေဖြင့် တိုက်ခိုက်ချင်စိတ်မရှိတော့ပါ၊ မိမိတို့လည်း ထိုအချက်ကိုလေးစားပြီး အမေရိကန်က ဗုံးကြဲမှုများကို ချက်ချင်းရပ်ဆိုင်းလိုက်ပါပြီ၊ ၎င်းတို့က အညံ့ခံလိုက်ပါပြီ” ဟု အမေရိကန် သမ္မတဒေါ်နယ်ထရမ့်က ကနေဒါဝန်ကြီးချုပ် မာ့ခ်ကာနီနှင့် တွေ့ဆုံစဉ် က ယင်းသို့ ပြောကြားလိုက်ပါသည်။
သူပုန်များက ပင်လယ်နီနှင့် Bab el-Mandeb ရေလက်ကြားရှိ သင်္ဘောများကို နောက်ထပ်မတိုက်ခိုက်ရန် ကတိပြုထားသည်ဟု ထရမ့်က ဖြည့်စွက် ပြောကြားခဲ့ပါသည်။