အမေရိကန်မီဒီယာများ၏ အတည်မပြုရသေးသော သတင်းနှင့်စပ်လျဉ်း၍ အမေရိကန် အိမ်ဖြူတော် ပြန်ကြားရေးတာဝန်ခံ ကာရိုလိုင်း လီဗစ်ထ်က ဧပြီ ၂၉ ရက်တွင် အစောဆုံး သဘောထား ထုတ်ပြန်ပြောကြားခဲ့ရာ အဆိုပါသတင်းတွင် အမေရိကန်၏ အွန်လိုင်း လက်လီရောင်းချရေး ထိပ်တန်းကုမ္ပဏီ အမေဇုံ (Amazon) က ကုန်ပစ္စည်းအရောင်း ဈေးနှုန်းတွင် ထပ်တိုးကောက်ခံသည့် စည်းကြပ်ခွန်စရိတ်အား ဖော်ပြရန် စီစဉ်ထားသောလုပ်ရပ်သည် “ရန်လိုပြီး နိုင်ငံရေးအသွင်ဖော်ဆောင်သည့် လုပ်ရပ်” ဖြစ်သည်ဟု ဝေဖန်ပြောကြားခဲ့သည်။

မတ်လ ၂၈ရက်က လှုပ်ခတ်ခဲ့သော ငလျင်ကြီးကြောင့် ထိခိုက်ပျက်စီးသွားသောအဆောက်အအုံများကို နည်းလမ်းသုံးမျိုးဖြင့် ဆောင်ရွက်သွားမည် ဖြစ်ကြောင်း အဆောက်အဦများ ပြန်လည်အသုံးပြုရေးနှင့် အသစ်တည်ဆောက်ရေးကြီးကြပ်မှုကော်မတီဥက္ကဋ္ဌ နိုင်ငံတော်စီမံအုပ်ချုပ်ရေး ကောင်စီအဖွဲ့ဝင် ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဗိုလ်ချုပ်ကြီး မောင်မောင်အေးက ပြောကြားခဲ့သည်။

ပါကစ္စတန်အစိုးရ၏ အကြီးတန်းအရာရှိတစ်ဦးက “အိန္ဒိယသည် လာမည့် ၂၄ နာရီ မှ ၃၆ နာရီအတွင်း ပါကစ္စတန်ကို စစ်ဆင်ရေးစတင်မည်”ဟူသော ယုံကြည်စိတ်ချရသည့် ထောက်လှမ်းရေးအချက်အလက်ရှိကြောင်း ဗုဒ္ဓဟူးနေ့ (ဧပြီ ၃၀) နံနက်စောစောတွင် ထုတ်ဖော်ပြောကြားခဲ့သည်။ အဆိုပါကြေညာချက်သည် နှစ်နိုင်ငံကြား တင်းမာမှုကို ပိုမိုမြင့်တက်စေခဲ့ပြီး အမေရိကန်နှင့် တရုတ်တို့က စိတ်ရှည်သည်းခံမှု ရှိရန် တိုက်တွန်းခဲ့သည်။

ရုရှားနိုင်ငံခြားရေးဝန်ကြီး ဆာဂေးလာဗရော့က သမ္မတ ဗလာဒီမာပူတင် ၏ မေလ ၉ ရက်နေ့ (ရုရှား၏ အောင်ပွဲနေ့) အခမ်းအနား အထိမ်းအမှတ်အဖြစ် စစ်ရပ်စဲရေးအဆိုပြုချက်သည် ယူကရိန်းနှင့် တိုက်ရိုက် အပစ်အခတ်ရပ်စဲရေးနှင့် ငြိမ်းချမ်းရေးဆွေးနွေးမှုများ စတင်နိုင်ရန် အခွင့်အလမ်းတစ်ရပ် ဖြစ်ကြောင်း ပြောကြားခဲ့သည်။