ဒေါ်နယ်ထရမ့်သည် အိမ်ဖြူတော်သို့ ပြန်လည်ရောက်ရှိပြီးနောက် ယူကရိန်းသို့ တိုက်ရိုက်စီးပွားဖြစ် လက်နက်ရောင်းချမှုအတွက် ပထမဆုံး ခွင့်ပြုချက်ဖြစ်ကြောင်း အဆိုပါ သတင်းစာက ရေးသားထားပါသည်။ ယူကရိန်းသည် အမေရိကန်မှ လေကြောင်းရန်ကာကွယ်ရေးစနစ်များနှင့် လက်နက်များကို အမေရိကန်ဒေါ်လာ ဘီလီယံ ၃၀ မှ ၅၀ အထိ စုစုပေါင်း ဝယ်ယူရန် ရည်ရွယ်ထားပါသည်။

ကိုးကား - kyiv post

ယူကရိန်းနိုင်ငံသည် အမေရိကန်နှင့် သတ္တုတူးဖော်ရေး သဘောတူညီချက်ကို ဧပြီ ၃၀ ရက် ဗုဒ္ဓဟူးနေ့မှာပင် လက်မှတ်ရေးထိုးရန် အဆင်သင့်ဖြစ်နေပြီဖြစ်ကြောင်း၊ သဘောတူညီချက်တွင် နိုင်ငံနှစ်ခုသည် ယူကရိန်း၏ သတ္တုတူးဖော်ရေးလုပ်ငန်း၊ စွမ်းအင်ကဏ္ဍနှင့် နည်းပညာဆိုင်ရာ ရင်းနှီးမြှုပ်နှံမှုများ တိုးမြှင့်ရန် အခြေအနေများဖန်တီးရန် ပူးပေါင်း ဆောင်ရွက်မည်ဖြစ်ကြောင်း Bloomberg က ဖော်ပြထားပါသည်။ 

ဧပြီ ၃၀ ရက်သည် ဗီယက်နမ်စစ်ပွဲပြီးဆုံးခြင်း နှစ် (၅၀) ပြည့်သည့်နေ့ ဖြစ်ပါသည်။ ယခုအခါ ဗီယက်နမ်စစ်ပွဲ ပြီးဆုံးခြင်း နှစ် (၅၀) ပြည့် အခမ်းအနားကို ဗီယက်နမ်နိုင်ငံ၌ စည်ကားသိုက်မြိုက်စွာ ကျင်းပနေပါသည်။ ဗီယက်နမ်နိုင်ငံ၏ ကွန်မြူနစ်ပါတီခေါင်းဆောင်က အဆိုပါအောင်ပွဲသည်ဖိနှိပ်မှုအပေါ် တရားမျှတမှု၏အောင်ပွဲ ဟု ဂုဏ်ပြုပြောကြားလိုက်ပါသည်။

တရုတ်အာကာသယာဉ်မှူးများ လိုက်ပါလာသည့် ရှန်ကျိုး-၁၉ အာကာသယာဉ်သည် တရုတ်၏ ပတ်လမ်းဆိုင်ရာ အာကာသစခန်းတွင် ခြောက်လကြာလုပ်ငန်းတာဝန်ထမ်းဆောင်ပြီးနောက် ကမ္ဘာမြေသို့ ဘေးကင်းစွာ ပြန်လည်ဆိုက်ရောက်လာကြောင်း CCTV က သတင်းထုတ်ပြန်သည်။

တရုတ်အာကာသယာဉ်မှူးများဖြစ်သည့် Cai Xuzhe၊ Song Lingdong နှင့် Wang Haoze တို့ကို လိုက်ပါလာသည့် ရှန်ကျိုး-၁၉ အာကာသယာဉ်သည် တရုတ်နိုင်ငံမြောက်ပိုင်း မွန်ဂိုလီးယားကိုယ်ပိုင်အုပ်ချုပ်ခွင့်ရဒေသ ရှိ ဒေါင်ဖျင် ဆင်းသက်ရာနေရာသို့ အောင်မြင်စွာ ဆင်းသက်နိုင်ခဲ့ပါသည်။