ယူကရိန်း၏ သတ္တုအရင်းအမြစ်များကို အမေရိကန်က ဝင်ရောက်အသုံးပြုနိုင်မည့် သဘောတူညီချက်ကို အမေရိကန်နှင့် ယူကရိန်းတို့ လက်မှတ်ရေးထိုးလိုက်ကြကြောင်း Bloomberg သတင်းစာက ဖော်ပြထားပါသည်။
အဆိုပါသဘောတူညီချက်အရ အမေရိကန်သည် အလူမီနီယမ်၊ ဂရက်ဖိုက်၊ ရေနံနှင့် သဘာဝဓာတ်ငွေ့ထုတ်လုပ်မှုဆိုင်ရာ ရင်းနှီးမြှုပ်နှံမှုစီမံကိန်း အသစ်များတွင် ဦးစားပေးဝင်ရောက်လုပ်ကိုင်ခွင့် ရရှိမည်ဖြစ်သည်။
ကြီးမြတ်သော မိမိနိုင်ငံအတွက် စစ်ပွဲ (Great Patriotic War) ၏ အောင်ပွဲသည် ဆိုဗီယက်နှင့် ရုရှားလူမျိုးတို့၏ အောင်ပွဲဖြစ်သည် ဟု ရုရှားသမ္မတ ဗလာဒီမာ ပူတင်က မေလ ၁ရက်နေ့တွင် ပြုလုပ်သည့် ပညာရေးညီလာခံတစ်ခုတွင် ပြောကြားလိုက်ပါသည်။
ယူကရိန်းအစိုးရ၏ စစ်ရပ်စဲရေးတောင်းဆိုမှုများကို ရုရှားယုံကြည်မှု မရှိဟု ရုရှားနိုင်ငံခြားရေးဝန်ကြီး Sergey Lavrov က ဘရာဇီးနိုင်ငံ၌ ကျင်းပသော BRICS နိုင်ငံခြားရေးဝန်ကြီးများ အစည်းအဝေးတွင် ပြောကြား လိုက်သည်။
အမေရိကန်သမ္မတ Donald Trump ၏ အဆိုပြုချက်ဖြစ်သည့် စွမ်းအင်အခြေခံအဆောက်အအုံများကို ပစ်မှတ်ထား တိုက်ခိုက်မှုယာယီရပ်စဲရေး ရက် ၃၀ ကို ရုရှားဘက်မှ အပြည့်အဝလိုက်နာခဲ့သော်လည်း၊ ယူကရိန်းအစိုးရ၏ ရန်လိုသောလုပ်ရပ်များကို ထိန်းချုပ်နိုင်ခြင်းမရှိခဲ့ဟု ယူကရိန်းအစိုးရ၏ ချိုးဖောက်မှုများကို ထောက်ပြခဲ့ပါသည်။
BRICS နိုင်ငံများမှ နိုင်ငံခြားရေးဝန်ကြီးများသည် ဧပြီ ၂၉ ရက်တွင် ရီယို ဒီဂျနေးရိုးမြို့တွင် အစည်းအဝေးပြုလုပ်ပြီးနောက် ကြေညာချက်ထုတ်ပြန် လိုက်ကြပါသည်။