အိန္ဒိယ-ပါကစ္စတန် တင်းမာမှု ပိုမိုမြင့်တက်လာပြီး ၃၆ နာရီအတွင်း အိန္ဒိယ စစ်ဆင်ရေးစတင်လာနိုင်သည်ဟု ပါကစ္စတန်ဆို

saceditor

News Image

  • အိန္ဒိယ-ပါကစ္စတန် တင်းမာမှု ပိုမိုမြင့်တက်လာပြီး ၃၆ နာရီအတွင်း အိန္ဒိယ စစ်ဆင်ရေးစတင်လာနိုင်သည်ဟု ပါကစ္စတန်ဆို

ပါကစ္စတန်အစိုးရ၏ အကြီးတန်းအရာရှိတစ်ဦးက “အိန္ဒိယသည် လာမည့် ၂၄ နာရီ မှ ၃၆ နာရီအတွင်း ပါကစ္စတန်ကို စစ်ဆင်ရေးစတင်မည်”ဟူသော ယုံကြည်စိတ်ချရသည့် ထောက်လှမ်းရေးအချက်အလက်ရှိကြောင်း ဗုဒ္ဓဟူးနေ့ (ဧပြီ ၃၀) နံနက်စောစောတွင် ထုတ်ဖော်ပြောကြားခဲ့သည်။ အဆိုပါကြေညာချက်သည် နှစ်နိုင်ငံကြား တင်းမာမှုကို ပိုမိုမြင့်တက်စေခဲ့ပြီး အမေရိကန်နှင့် တရုတ်တို့က စိတ်ရှည်သည်းခံမှု ရှိရန် တိုက်တွန်းခဲ့သည်။

ပါကစ္စတန် ပြန်ကြားရေးဝန်ကြီး အတာယူလာရှ် တာရာက X (Twitter) တွင် ညသန်းခေါင်အချိန် ပို့စ်တင်ကာ “အိန္ဒိယ၏ စစ်ရေးအရေးယူမှုအတွက် ခိုင်လုံသော အချက်အလက်များ ရှိပါသည်” ဟု ဆိုခဲ့သည်။ သို့သော် မည်သည့်သက်သေအထောက်အထားကို အခြေခံထားကြောင်း ရှင်းလင်းချက် မပေးခဲ့ပေ။

အမေရိကန်နှင့် တရုတ် နှစ်နိုင်ငံစလုံးက တင်းမာမှုလျှော့ချရန် နှစ်ဖက်လုံး အား တောင်းဆိုခဲ့သည်။ CNN က အိန္ဒိယကာကွယ်ရေးဝန်ကြီးဌာနထံ တာရာ၏ စွပ်စွဲချက်နှင့်ပတ်သက်၍ တုံ့ပြန်ချက်တောင်းခံရန် ဆက်သွယ် ခဲ့သော်လည်း အဖြေမရရှိသေးပါ။

ယခုအချိန်ကာလသည် အိန္ဒိယ-ပါကစ္စတန် ဆက်ဆံရေး အထူးတင်းမာ နေချိန်ဖြစ်သည်။

လွန်ခဲ့သော သီတင်းပတ်က အိန္ဒိယထိန်းချုပ်ရာ ကက်ရှ်မီးယား၏ ပါဟယ်ဂမ်မြို့တွင် အကြမ်းဖက်သမားများက ခရီးသွား ၂၆ ဦးကို သတ်ဖြတ်မှု ဖြစ်ပွားခဲ့ပြီး အိန္ဒိယက ပါကစ္စတန်က အဆိုပါတိုက်ခိုက်မှုတွင် ပါဝင် ပတ်သက်နေသည်ဟု စွပ်စွဲခဲ့သည်။

ပါကစ္စတန်က ထိုစွပ်စွဲချက်ကို ငြင်းဆိုခဲ့ပြီး ကြားနာစုံစမ်းရေးကော်မရှင် ဖွဲ့ရန် အဆိုပြုခဲ့သည်။

ကိုးကား-CNN

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အိန္ဒိယ-ပါကစ္စတန် တင်းမာမှု ပိုမိုမြင့်တက်လာပြီး ၃၆ နာရီအတွင်း အိန္ဒိယ စစ်ဆင်ရေးစတင်လာနိုင်သည်ဟု ပါကစ္စတန်ဆို
အိန္ဒိယ-ပါကစ္စတန် တင်းမာမှု ပိုမိုမြင့်တက်လာပြီး ၃၆ နာရီအတွင်း အိန္ဒိယ စစ်ဆင်ရေးစတင်လာနိုင်သည်ဟု ပါကစ္စတန်ဆို
ပါကစ္စတန်အစိုးရ၏ အကြီးတန်းအရာရှိတစ်ဦးက “အိန္ဒိယသည် လာမည့် ၂၄ နာရီ မှ ၃၆ နာရီအတွင်း ပါကစ္စတန်ကို စစ်ဆင်ရေးစတင်မည်”ဟူသော ယုံကြည်စိတ်ချရသည့် ထောက်လှမ်းရေးအချက်အလက်ရှိကြောင်း ဗုဒ္ဓဟူးနေ့ (ဧပြီ ၃၀) နံနက်စောစောတွင် ထုတ်ဖော်ပြောကြားခဲ့သည်။ အဆိုပါကြေညာချက်သည် နှစ်နိုင်ငံကြား တင်းမာမှုကို ပိုမိုမြင့်တက်စေခဲ့ပြီး အမေရိကန်နှင့် တရုတ်တို့က စိတ်ရှည်သည်းခံမှု ရှိရန် တိုက်တွန်းခဲ့သည်။ပါကစ္စတန် ပြန်ကြားရေးဝန်ကြီး အတာယူလာရှ် တာရာက X (Twitter) တွင် ညသန်းခေါင်အချိန် ပို့စ်တင်ကာ “အိန္ဒိယ၏ စစ်ရေးအရေးယူမှုအတွက် ခိုင်လုံသော အချက်အလက်များ ရှိပါသည်” ဟု ဆိုခဲ့သည်။ သို့သော် မည်သည့်သက်သေအထောက်အထားကို အခြေခံထားကြောင်း ရှင်းလင်းချက် မပေးခဲ့ပေ။အမေရိကန်နှင့် တရုတ် နှစ်နိုင်ငံစလုံးက တင်းမာမှုလျှော့ချရန် နှစ်ဖက်လုံး အား တောင်းဆိုခဲ့သည်။ CNN က အိန္ဒိယကာကွယ်ရေးဝန်ကြီးဌာနထံ တာရာ၏ စွပ်စွဲချက်နှင့်ပတ်သက်၍ တုံ့ပြန်ချက်တောင်းခံရန် ဆက်သွယ် ခဲ့သော်လည်း အဖြေမရရှိသေးပါ။ယခုအချိန်ကာလသည် အိန္ဒိယ-ပါကစ္စတန် ဆက်ဆံရေး အထူးတင်းမာ နေချိန်ဖြစ်သည်။လွန်ခဲ့သော သီတင်းပတ်က အိန္ဒိယထိန်းချုပ်ရာ ကက်ရှ်မီးယား၏ ပါဟယ်ဂမ်မြို့တွင် အကြမ်းဖက်သမားများက ခရီးသွား ၂၆ ဦးကို သတ်ဖြတ်မှု ဖြစ်ပွားခဲ့ပြီး အိန္ဒိယက ပါကစ္စတန်က အဆိုပါတိုက်ခိုက်မှုတွင် ပါဝင် ပတ်သက်နေသည်ဟု စွပ်စွဲခဲ့သည်။ပါကစ္စတန်က ထိုစွပ်စွဲချက်ကို ငြင်းဆိုခဲ့ပြီး ကြားနာစုံစမ်းရေးကော်မရှင် ဖွဲ့ရန် အဆိုပြုခဲ့သည်။ကိုးကား-CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Apr-2025
အမေရိကန်ပြည်ထောင်စုက ဥရောပ၏ ကာကွယ်ရေးအပေါ် အာရုံစိုက်မှုကို လျှော့ချတော့မည်
အမေရိကန်ပြည်ထောင်စုက ဥရောပ၏ ကာကွယ်ရေးအပေါ် အာရုံစိုက်မှုကို လျှော့ချတော့မည်
အမေရိကန်ပြည်ထောင်စု၏ လုံခြုံရေးပံ့ပိုးမှုများ တဖြည်းဖြည်း ရုတ်သိမ်းလာသည်နှင့်အမျှ ဥရောပသမဂ္ဂအနေဖြင့် ၎င်း၏ကိုယ်ပိုင်ကာကွယ်ရေး တာဝန်များကို လုပ်ဆောင်ရန် အဆင်သင့်ဖြစ်ထားရမည်ဟု ဥရောပ ကော်မရှင်ဥက္ကဋ္ဌ Ursula von der Leyen က ပြောကြားခဲ့သည်။သူမ၏ထုတ်ဖော်ပြောဆိုချက်များသည် ဥရောပသမဂ္ဂအနေဖြင့် အမေရိကန် သမ္မတ Donald Trump ၏ သံတမန်ရေးရာ တင်းမာလာမှုများကြားတွင် စစ်ရေးစွမ်းရည်များ မြှင့်တင်ရန် လိုအပ်ကြောင်း ညွှန်းဆိုနေသည်။“ရုရှား၏ ခြိမ်းခြောက်မှုသည် ပျောက်ကွယ်သွားမည်မဟုတ်ပါ။ ထို့အပြင် အမေရိကန်၏ အာရုံစိုက်မှုသည် အခြားဒေသများဆီသို့ တဖြည်းဖြည်း ရွေ့လျားလာမည်ဆိုသည်ကို ကျွန်မတို့သိထားပါသည်။ ထို့ကြောင့် ဥရောပ တိုက်အတွင်း ငြိမ်းချမ်းရေးတည်ဆောက်ရန် ကျွန်မတို့အနေဖြင့် ကိုယ်ပိုင် ကာကွယ်ရေးတာဝန်ကို ပိုမိုထမ်းဆောင်ရမည်မှာ အမှန်ပင်ဖြစ်သည်” ဟု ဗွန်ဒါလိုင်းယန်က စပိန်နိုင်ငံ ဗယ်လင်စီယာမြို့တွင် ကျင်းပသည့် ဥရောပ ပြည်သူ့ပါတီညီလာခံ၌ မိန့်ခွန်းပြောကြားခဲ့သည်။အချို့သော အဖွဲ့ဝင်နိုင်ငံများက အမေရိကန်ဦးဆောင်သည့် လုံခြုံရေး အစီအစဉ်များအပေါ် မှီခိုမှုလျှော့ချရန် နည်းလမ်းရှာဖွေနေစဉ် ဗွန်ဒါလိုင်းယန် က မတ်လတွင် ဥရောပသမဂ္ဂ၏ စစ်ရေးအရင်းအနှီးများ ပြန်လည်တည်ဆောက်ရန် ယူရို ၈၀၀ ဘီလီယံ (ဒေါ်လာ ၉၁၀ ဘီလီယံ) ရှာဖွေရေးအစီအစဉ်ကို ကြေညာခဲ့သည်။ဂျာမနီ၏ ဝန်ကြီးချုပ်လောင်း Friedrich Merzက ဖေဖော်ဝါရီလတွင် “အမေရိကန်အပေါ် မှီခိုမှုမှ တဖြည်းဖြည်းလွတ်မြောက်ရန် လိုအပ်သည်” ဟု ပြောကြားခဲ့သည်။ ပြင်သစ်သမ္မတ Emmanuel Macron ကလည်း ဥရောပသမဂ္ဂအနေဖြင့် ၎င်း၏ကာကွယ်ရေးတာဝန်ကို ဝါရှင်တန်အပေါ် မှီခိုအားထားရန် မဖြစ်နိုင်တော့ကြောင်း အကြိမ်ကြိမ်ထောက်ပြခဲ့ပြီး၊ ဂျာမနီနှင့် အခြားဥရောပသမဂ္ဂအဖွဲ့ဝင်နိုင်ငံများကို ပြင်သစ်၏ နျူကလီးယားအကာအကွယ် အောက်သို့ လွှဲပြောင်းတာဝန်ယူပေးရန် ဖွင့်ဟထားသည်။ထရမ့်က ဥရောပရှိ NATO အဖွဲ့ဝင်နိုင်ငံများအား ပူးပေါင်း ကာကွယ်ရေးအတွက် “မျှတသော အခန်းကဏ္ဍ” မှ ပါဝင်ရန် တိုက်တွန်းခဲ့သည်။ ထို့အပြင် ယူကရိန်းအား လုံခြုံရေးအာမခံချက်ပေးရန် ငြင်းဆိုခဲ့ပြီး အမေရိကန် စစ်သားများကို ငြိမ်းချမ်းရေးထိန်းသိမ်းမှု မစ်ရှင်တွင် ပါဝင် စေရန် ကတိမပြုခဲ့ပေ။မော်စကိုက ဥရောပသမဂ္ဂ၏ စစ်ရေးတိုးချဲ့မှုသည် တင်းမာမှုများကို ပိုမို ဆိုးရွားစေမည်ဟု သတိပေးခဲ့သည်။ Vladimir Putin ၏ လုံခြုံရေး အကြံပေး Nikolay Patrushev က “အနောက်နိုင်ငံများသည် ၎င်းတို့၏ စစ်လက်နက်ယန္တရားများကို ရုရှားနှင့်တိုက်ခိုက်ရန် တပ်ဆင်နေပြီး နျူကလီးယားအရေးနှင့်ပတ်သက်သည့် ကြောက်မက်ဖွယ် အခြေအနေများကို စိတ်ကူးယဉ်အိပ်မက်မက်နေကြသည်” ဟု TASS သတင်းဌာနနှင့် အင်တာဗျူးတွင် စွပ်စွဲပြောဆိုခဲ့သည်။ရုရှားနိုင်ငံခြားရေးဝန်ကြီး Sergey Lavrov ကလည်း မတ်လတွင် “ဥရောပသမဂ္ဂသည် ရုရှားကို “အနိုင်ယူရန်” ဆိုသည့် စိတ်ကူးယဉ်ရည်မှန်းချက်အတွက် ၎င်း၏ စီးပွားရေးကိုစတေးရန် အဆင်သင့် ဖြစ်နေသည်” ဟု ဝေဖန်ခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Apr-2025
ရခိုင်မှာ ဘင်္ဂါလီလူမျိုးများအတွက် နယ်မြေတောင်းမှု အနောက်အုပ်စု စေခိုင်းခြင်းဖြစ်နိုင်
ရခိုင်မှာ ဘင်္ဂါလီလူမျိုးများအတွက် နယ်မြေတောင်းမှု အနောက်အုပ်စု စေခိုင်းခြင်းဖြစ်နိုင်
မြန်မာနိုင်ငံ၊ ရခိုင်ပြည်နယ်အတွင်း ဘင်္ဂါလီလူမျိုးများအတွက် သီးခြားလွတ်လပ်သော ကိုယ်ပိုင်ပြည်နယ် ဖြစ်ပေါ်လာရေး ‌ ဘင်္ဂလားဒေ့ရှ်နိုင်ငံမှ အတိုက် အခံ အင်အားကြီးပါတီ ဂျာမတ် အီ အစ္စလမ်မစ် (Jamaat-e-Islami) ပါတီက တောင်းဆိုမှုသည် အနောက်နိုင်ငံ၏ စေခိုင်းမှုဖြစ်နိုင်ကြောင်း ရခိုင် နိုင်ငံရေးသမားများနှင့် နိုင်ငံရေးလေ့လာသူများက CNI သတင်းဌာနသို့ ပြောသည်။ထိုကိစ္စနှင့်ပတ်သက်၍ ဧပြီ ၂၇ ရက်က ဘင်္ဂလားဒေ့ရှ်နိုင်ငံကို ရောက်ရှိနေသည့် တရုတ်ကွန်မြူနစ်ပါတီ (CPC) မှ ထိပ်တန်းကိုယ်စားလှယ်အဖွဲ့ နှင့် တွေ့ဆုံစဉ်တွင် ဆွေးနွေးညှိနှိုင်းမှုများ ပြုလုပ်ခဲ့ကြကြောင်း ဘင်္ဂလားဒေ့ရှ် အခြေစိုက် သတင်းဌာနများမှ ဖော်ပြခဲ့ကြသည်။ကိုးကား- CNI News
Wed, 30-Apr-2025
အိန္ဒိယစစ်တပ်သည် အကြမ်းဖက်တိုက်ခိုက်မှုအား တုံ့ပြန်ရာတွင် နည်းလမ်း၊ ပစ်မှတ်နှင့် ရက်စွဲများကို လွတ်လပ်စွာ ရွေးချယ်ခွင့်ရှိသည် ဟု ဝန်ကြီးချုပ် မိုဒီ ပြောကြား
အိန္ဒိယစစ်တပ်သည် အကြမ်းဖက်တိုက်ခိုက်မှုအား တုံ့ပြန်ရာတွင် နည်းလမ်း၊ ပစ်မှတ်နှင့် ရက်စွဲများကို လွတ်လပ်စွာ ရွေးချယ်ခွင့်ရှိသည် ဟု ဝန်ကြီးချုပ် မိုဒီ ပြောကြား
အကြမ်းဖက်တိုက်ခိုက်မှုအား တုံ့ပြန်အရေးယူမှုများတွင် အိန္ဒိယစစ်တပ်သည် နည်းလမ်း၊ ပစ်မှတ်နှင့် ရက်စွဲများကို ရွေးချယ်ရာ၌ အပြည့်အဝ လုပ်ဆောင်ပိုင်ခွင့်ရှိသည် ဟု မိုဒီ၏ ပြောကြားချက်ကို ကိုးကား၍ PTI သတင်းဌာနက ဖော်ပြထားပါသည်။ အကြမ်းဖက်ဝါဒအား အပြီးအတိုင် တိုက်ဖျက်ရန်မှာ မိမိတို့၏ အမျိုးသား ရည်မှန်းချက်ဖြစ်သည်ဟု မိုဒီက ထည့်သွင်းပြောကြားခဲ့သည်။ မိုဒီသည် အိန္ဒိယစစ်တပ်၏ ကျွမ်းကျင်မှုနှင့် စည်းကမ်းပြည့်ဝမှုကို အပြည့်အဝ ယုံကြည်ကြောင်း ဖော်ပြခဲ့ပြီး အကြမ်းဖက်သမားများအား လိုက်လံ ဖမ်းဆီးကာ အပြင်းအထန်အရေးယူမည်ဟု ကတိပြုခဲ့သည်။ ဧပြီ ၂၂ ရက်တွင် အိန္ဒိယနိုင်ငံမြောက်ပိုင်း ပါဟယ်ဂမ်မြို့၌ ခရီးသွားများကို လက်နက်ကိုင်တိုက်ခိုက်မှုဖြစ်ပွားခဲ့ပြီး အိန္ဒိယနိုင်ငံသား ၂၅ ဦးနှင့် နီပေါနိုင်ငံသား ခရီးသွား ၁ ဦး သေဆုံးခဲ့သည်။ အဆိုပါတိုက်ခိုက်မှုကို ပါကစ္စတန်အခြေစိုက် လက်ရှာရီ-အဲ-တိုင်ဘာ အကြမ်းဖက်အဖွဲ့၏ လက်ခွဲ ဖြစ်သော “Resistance Front” က ဆောင်ရွက်ခဲ့ခြင်းဖြစ်သည်ဟု အိန္ဒိယ မီဒီယာများ၏ ဖော်ပြထားပါသည်။တိုက်ခိုက်မှုအပြီးတွင် အိန္ဒိယသည် အစ္စလာမာဘတ်ရှိ သံရုံးဝန်ထမ်းများကို တစ်ဝက်အထိ လျှော့ချခဲ့ပြီး ပါကစ္စတန်သံရုံး၏ စစ်အကြံပေးများအား မလိုလားအပ်သူများအဖြစ် ကြေညာခဲ့သည်။ ထို့အပြင် ပါကစ္စတန်နှင့် နယ်စပ်ရှိ အရေးပါသော Attari စစ်ဆေးရေးဂိတ်ကို ပိတ်ခဲ့သည်။ အိန္ဒိယအာဏာပိုင်များသည် အင်ဒပ်စ်မြစ်ရေစာချုပ်ကို ယာယီရပ်စဲခဲ့ပြီး ပါကစ္စတန်နိုင်ငံသားများအတွက် ဗီဇာထုတ်ပေးမှုကိုလည်း ရပ်ဆိုင်းလိုက်ပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Tue, 29-Apr-2025
အမေရိကန်-အီရန် စတုတ္တအကြိမ် ဆွေးနွေးပွဲ မေ ၃ တွင် ရောမ၌ ပြုလုပ်မည်
အမေရိကန်-အီရန် စတုတ္တအကြိမ် ဆွေးနွေးပွဲ မေ ၃ တွင် ရောမ၌ ပြုလုပ်မည်
အမေရိကန်နှင့် အီရန်တို့၏ စတုတ္တအကြိမ် ဆွေးနွေးပွဲကို မေလ ၃ ရက် တွင် အီတလီနိုင်ငံ ရောမမြို့၌ ပြုလုပ်မည်ဖြစ်သည်ဟု Axios သတင်းဌာနက ပြောကြားထားပါသည်။ ထိုတွေ့ဆုံပွဲမတိုင်မီ မေလ ၂ ရက်တွင် အီရန်သည် နျူကလီးယား သဘောတူစာချုပ်ကိစ္စ ဆွေးနွေးရန် ဂျာမနီ၊ ဗြိတိန်နှင့် ပြင်သစ်တို့နှင့် တွေ့ဆုံလိုကြောင်း အဆိုပြုထားသော်လည်း အဆိုပါဥရောပနိုင်ငံများ ဘက်က ပြန်ကြားလာခြင်း မရှိသေးကြောင်း ရိုက်တာသတင်းဌာနက ဖော်ပြထားပါသည်။နျူကလီးယားကိစ္စနှင့်စပ်လျဉ်း၍ အမေရိကန်နှင့် အီရန်တို့၏ ပထမအကြိမ် ဆွေးနွေးပွဲကို ဧပြီ ၁၂ ရက်တွင် အိုမန်ရှိ Muscat ၌လည်းကောင်း၊ ဒုတိယအကြိမ်ဆွေးနွေးပွဲကို ဧပြီ ၁၉ ရက်တွင် ရောမမြို့၌လည်းကောင်း၊ တတိယအကြိမ်ဆွေးနွေးပွဲကို ဧပြီ ၂၆ ရက်တွင် အိုမန်၌ လည်းကောင်း ဆွေးနွေးခဲ့ကြပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Tue, 29-Apr-2025
Victory Day အထိမ်းအမှတ် မေ ၈ ရက်မှ ၁၁ ရက်အထိ စစ်ပွဲ ယာယီရပ်နားမည်
Victory Day အထိမ်းအမှတ် မေ ၈ ရက်မှ ၁၁ ရက်အထိ စစ်ပွဲ ယာယီရပ်နားမည်
ရုရှားသမ္မတဗလာဒီမာပူတင်၏ ဆုံးဖြတ်ချက်အရ ၂၀၂၅ ခုနှစ် မေလ ၈ ရက် ၊ နံနက် ၁၂ နာရီမှ မေလ ၁၁ ရက်၊ နံနက် ၁၂ နာရီအထိ လူသားချင်း စာနာထောက်ထားမှုအနေဖြင့် ရုရှားတပ်မတော်သည် စစ်ဆင်နွှဲမှုများ ရပ်နားထားမည်ဖြစ်ကြောင်း ကရင်မလင်က သတင်းထုတ်ပြန်ထား ပါသည်။ ဒုတိယကမ္ဘာစစ်အောင်ပွဲနေ့ နှစ် (၈၀) ပြည့် အထိမ်းအမှတ် အပစ်အခတ် ရပ်စဲရေးအဖြစ် အဆိုပါသတ်မှတ်ချက်ကို ရုရှားတပ်များကိုသာမက ယူကရိန်းဘက်ကလည်း အလားတူ လိုက်နာရန် မျှော်လင့်ကြောင်း ထုတ်ပြန်ချက်တွင် ဖော်ပြထားပါသည်။မော်စကိုက ယူကရိန်းနှင့် ကြိုတင်သတ်မှတ်ချက်မရှိဘဲ ငြိမ်းချမ်းရေး ဆွေးနွေးရန် အဆင်သင့်ရှိသော်လည်း ပဋိပက္ခ၏ အရင်းခံ အကြောင်းအရင်း များ ဖြေရှင်းရမည်ဟု ပြောကြားထားပါသည်။ အကယ်၍ ယူကရိန်းက အပစ်အခတ်ရပ်နားမှုကို ချိုးဖောက်ပါက ရုရှားဘက်က ထိရောက်သော တုံ့ပြန်မှုပြုလိမ့်မည် ဟု သတိပေးထားပါသည်။ မော်စကိုသည် ပြီးခဲ့သည့် အီစတာပွဲတော်ကာလက နာရီ ၃၀ ကြာ အပစ် အခတ်ရပ်စဲခဲ့ပါသည်။ သို့ရာတွင် ယင်းကာလအတွင်း ယူကရိန်းတပ် များသည် ပစ်ခတ်မှု ၄,၉၀၀ ကြိမ်ကျော်ပြုလုပ်ခဲ့ပြီး အထူးစစ်ဆင်ရေး ဇုံအပြင်ဘက် ၈ ကြိမ်အပါအဝင် ဒရုန်းဖြင့် တိုက်ခိုက်မှုအကြိမ် ၉၀ ကျော် လုပ်ဆောင်ခဲ့ကြောင်း ရုရှားကာကွယ်ရေးဝန်ကြီးဌာနက ပြောကြားထားပါသည်။ကိုးကား- ကရင်မလင်ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Tue, 29-Apr-2025
© Copyright 2024 SAC All Rights Reserved.