၂၀၂၅ ခုနှစ် ပထမသုံးလပတ်အတွင်း ထိုင်းနိုင်ငံရှိ ကွန်ဒိုများကို ဝယ်ယူမှု မြန်မာနိုင်ငံသားများ ဒုတိယနေရာတွင် ရပ်တည်နေကြောင်း The Nation သတင်းတွင် ဖော်ပြထားသည်။

အိမ်ခြံမြေသတင်းအချက်အလက်စင်တာ (REIC) ၏ အချက်အလက်များအရ ယခုနှစ်ပထမသုံးလပတ်တွင် ကွန်ဒိုအရောင်းအဝယ်များ အနည်းငယ်နှေးကွေးခဲ့သော်လည်း တရုတ်ဝယ်လက်များက ဦးဆောင် နေဆဲဖြစ်ကြောင်း၊ ယင်းတို့၏ နောက်တွင် မြန်မာနိုင်ငံသားများမှာ ဒုတိယနေရာတွင် ရပ်တည်ကာ တတိယနေရာတွင် ရုရှားနိုင်ငံသားများဖြစ်ကြောင်း သတင်းတွင် ဖော်ပြထားသည်။

မလေးရှားနိုင်ငံ ကွာလာလမ်ပူမြို့တော်တွင် မေ ၂၆ ရက်က အာဆီယံ ခေါင်းဆောင်များ အစည်းအဝေးကို ပြုလုပ်လျက်ရှိကြောင်း သိရသည်။ အမေရိကန်သမ္မတဒေါ်နယ်ထရမ့်၏ ကုန်သွယ်ခွန် တိုးမြှင့်ကောက်ခံမှုများကြေညာခဲ့ပြီးနောက် ယခုအစည်းအဝေးသည် ပထမဆုံးအကြိမ် အာဆီယံ ခေါင်းဆောင်များ အစည်းအဝေးဖြစ်သည်။

ထိုင်းနိုင်ငံတွင် မေလ ၁၈ ရက်နေ့မှ ၂၄ ရက်နေ့အထိ တစ်ပတ်တာ ကာလအတွင်း Covid-19 ရောဂါကူးစက်မှု ၅၃,၅ဝဝ ကျော်ရှိခဲ့ပြီး ဘန်ကောက်မြို့တွင် အများဆုံးတွေ့ရှိရကြောင်း ထိုင်းအခြေစိုက် သတင်းများ၏ ဖော်ပြမှုအရ သိရသည်။

နိုင်ငံတကာငွေကြေးရန်ပုံငွေအဖွဲ့ IMF ၏ မှတ်တမ်းများအရ အိန္ဒိယနိုင်ငံ သည် ကမ္ဘာ့စီးပွားရေး အဆောက်အအုံ အကြီးဆုံးနိုင်ငံများထဲ၌ စတုတ္ထ အဆင့်ကို ရောက်ရှိလာကြောင်း သိရပါသည်။ အမေရိကန်၊ တရုတ်နှင့် ဂျာမနီ ပြီးလျှင် အိန္ဒိယသည် နံပါတ် ၄ နေရာသို့ ရောက်ရှိလာခဲ့ခြင်း ဖြစ်ပါသည်။