အီရန်အား ယူရေနီယမ်ထပ်တိုးသန့်စင်ခြင်းကို ဆက်လက်ခွင့်ပြုမည် မဟုတ်ကြောင်း သတိပေးလိုက်ပြီး အကြောင်းရင်းမှာ ထိုမှတစ်ဆင့် နျူကလီးယားလက်နက်ပြုလုပ်ရန် ဦးတည်နိုင်သောကြောင့်ဖြစ်သည်ဟု အမေရိကန်သမ္မတ၏ အထူးကိုယ်စားလှယ် Witkoff က ပြောကြား လိုက်ပါသည်။
ဘင်္ဂလားဒေ့ရှ်အပေါ် အိန္ဒိယ၏ ကုန်သွယ်ရေးကန့်သတ်မှုဆိုင်ရာ တရားဝင် အကြောင်းကြားစာ မရရှိသေးကြောင်း ၊ အိန္ဒိယ၏ လုပ်ဆောင်ချက်များနှင့်ပတ်သက်၍ တရားဝင်အချက်အလက်များ မိမိတို့ မသိရှိသေး ရကြောင်း၊ တရားဝင်အကြောင်းကြားစာရပါက အရေးယူ ဆောင်ရွက် နိုင်မည်ဖြစ်ပြီး အခက်အခဲများပေါ်ပေါက်ပါက နှစ်နိုင်ငံဆွေးနွေးကာ ဖြေရှင်းကြမည် ဟု ဘင်္ဂလားဒေ့ရှ် စီးပွားရေးအကြံပေး ရှိတ်ဘာရှီရုဒ်ဒင်း က ပြောကြားလိုက်ပါသည်။
ရုရှားနိုင်ငံသည် နိုင်ငံတကာလေကြောင်းခရီးစဉ်များ ပြန်လည်စတင်ရန် နိုင်ငံအများအပြားနှင့် ဆွေးနွေးလျက်ရှိကြောင်း ရုရှား၏ လေကြောင်းသယ်ယူပို့ဆောင်ရေး ဖက်ဒရယ်အေဂျင်စီ ဥက္ကဋ္ဌ ဒီမီထရီ ယာဒရော့ဗ် က သတင်းထောက်များအား ပြောကြားလိုက်ပါသည်။
အာဂျင်တီးနားသမ္မတ Javier Milei သည် မဲပေးရုံးမှ ထွက်ခွာလာနေစဉ် C5N ရုပ်သံလိုင်း၏ သတင်းထောက်တစ်ဦးက ၎င်း၏မျက်နှာကို မိုက်ခရို ဖုန်းဖြင့် တမင်ရည်ရွယ်ချက်ရှိရှိ ထိခိုက်အောင်လုပ်လိုက်သည်ဟု စွပ်စွဲ ပြောကြားလိုက်ပါသည်။